Indian Railways: ਇਸ ਕੋਟੇ ‘ਚ ਟਿਕਟ ਹਮੇਸ਼ਾ ਹੁੰਦੀ ਕਨਫਰਮ, ਜਾਣੋ ਤੁਸੀਂ ਕਿਵੇਂ ਕਰ ਸਕਦੇ ਵਰਤੋਂ

Indian Railways: ਭਾਰਤ ਚ ਕਨਫਰਮ ਰੇਲ ਟਿਕਟ ਮਿਲਣਾ ਬਹੁਤ ਵੱਡੀ ਗੱਲ ਹੁੰਦੀ ਹੈ, ਖਾਸ ਕਰਕੇ ਜਦੋਂ ਤਿਉਹਾਰਾਂ ਦਾ ਸੀਜ਼ਨ ਹੋਵੇ। ਉੱਥੇ ਹੀ ਤਿਉਹਾਰੀ ਸੀਜ਼ਨ ਦੌਰਾਨ ਜੇਕਰ ਰੇਲ ਦੀ ਟਿਕਟ ਵੇਟਿੰਗ ਵਿੱਚ ਹੈ ਤਾਂ ਉਸ ਦਾ ਕਨਫਰਮ ਹੋਣਾ ਲਗਭਗ ਅਸੰਭਵ ਹੈ।

Indian Railway

ਲੋਕ ਆਪਣੀਆਂ ਰੇਲ ਦੀਆਂ ਟਿਕਟਾਂ ਕਨਫਰਮ ਕਰਵਾਉਣ ਲਈ ਕਈ ਤਰ੍ਹਾਂ ਦੇ ਤਰੀਕੇ ਅਪਣਾਉਂਦੇ ਹਨ। ਹਾਲਾਂਕਿ ਕਈ ਵਾਰ ਜੁਗਾੜ ਲਾ ਕੇ ਵੀ ਟਿਕਟ ਕਨਫਰਮ ਨਹੀਂ ਹੁੰਦੀ।

ਪਰ ਜੇਕਰ ਤੁਹਾਡੇ ਕੋਲ ਇਹ ਕੋਟਾ ਹੈ ਜਾਂ ਤੁਹਾਡੀ ਟਿਕਟ ਇਸ ਕੋਟੇ ਤੋਂ ਬੁੱਕ ਹੋਈ ਹੈ ਤਾਂ ਤੁਹਾਡੀ ਟਿਕਟ ਕਨਫਰਮ ਹੈ। ਹਾਲਾਂਕਿ, ਬਹੁਤ ਘੱਟ ਲੋਕ ਇਸ ਕੋਟੇ ਦੀ ਵਰਤੋਂ ਕਰਨ ਦੇ ਯੋਗ ਹਨ।

ਅਸੀਂ ਜਿਸ ਕੋਟੇ ਦੀ ਗੱਲ ਕਰ ਰਹੇ ਹਾਂ ਉਸ ਨੂੰ HO ਕੋਟਾ ਕਿਹਾ ਜਾਂਦਾ ਹੈ। HO ਕੋਟਾ ਦਾ ਅਰਥ ਹੈ ਹੈੱਡ ਕੁਆਰਟਰ ਜਾਂ ਹਾਈ ਆਫੀਸ਼ੀਅਲ ਕੋਟਾ। ਇਹ ਕੋਟਾ ਐਮਰਜੈਂਸੀ ਵਿੱਚ ਸਫ਼ਰ ਕਰਨ ਵਾਲੇ ਲੋਕਾਂ ਅਤੇ ਵੀਆਈਪੀ ਲੋਕਾਂ ਲਈ ਹੈ।

ਤੁਹਾਨੂੰ ਦੱਸ ਦਈਏ ਕਿ ਟਿਕਟ ਬੁਕਿੰਗ ਦੇ ਸਮੇਂ ਇਸ ਕੋਟੇ ਦੀ ਵਰਤੋਂ ਨਹੀਂ ਕੀਤੀ ਜਾਂਦੀ ਹੈ। ਇਸ ਵਿੱਚ ਪਹਿਲਾਂ ਇੱਕ ਜਨਰਲ ਵੇਟਿੰਗ ਲਿਸਟ ਟਿਕਟ ਖਰੀਦਣੀ ਪੈਂਦੀ ਹੈ ਅਤੇ ਫਿਰ ਹੈੱਡ ਕੁਆਰਟਰ ਰਾਹੀਂ ਟਿਕਟ ਕਨਫਰਮ ਹੁੰਦੀ ਹੈ।

ਦਰਅਸਲ, ਇਹ ਕੋਟਾ ਸਿਰਫ਼ ਰੇਲਵੇ ਦੇ ਉੱਚ ਅਧਿਕਾਰੀਆਂ, ਸਰਕਾਰੀ ਮਹਿਮਾਨਾਂ, ਵੀਆਈਪੀਜ਼, ਮੰਤਰਾਲੇ ਦੇ ਮਹਿਮਾਨਾਂ ਆਦਿ ਲਈ ਵਰਤਿਆ ਜਾਂਦਾ ਹੈ। ਤੁਹਾਨੂੰ ਦੱਸ ਦਈਏ, ਇਸ ਵਿੱਚ ਵੇਟਿੰਗ ਟਿਕਟ ਕਨਫਰਮ ਹੋ ਜਾਂਦੀ ਹੈ ਅਤੇ ਇਸਦੀ ਪ੍ਰਕਿਰਿਆ ਵੀ ਚਾਰਟ ਤਿਆਰ ਕਰਨ ਤੋਂ ਇੱਕ ਦਿਨ ਪਹਿਲਾਂ ਸ਼ੁਰੂ ਹੋ ਜਾਂਦੀ ਹੈ।

ਹੁਣ ਦੱਸਦੇ ਹਾਂ ਕਿ ਆਮ ਆਦਮੀ ਇਸ ਕੋਟੇ ਦੀ ਵਰਤੋਂ ਕਿਵੇਂ ਕਰ ਸਕਦਾ ਹੈ। ਦਰਅਸਲ, ਜੇਕਰ ਕੋਈ ਆਮ ਵਿਅਕਤੀ ਇਸ ਕੋਟੇ ਦਾ ਲਾਭ ਲੈਣਾ ਚਾਹੁੰਦਾ ਹੈ, ਤਾਂ ਉਸ ਨੂੰ ਯਾਤਰਾ ਦੀ ਮਿਤੀ ਤੋਂ ਇੱਕ ਦਿਨ ਪਹਿਲਾਂ ਇਸ ਲਈ ਅਰਜ਼ੀ ਦੇਣੀ ਹੋਵੇਗੀ। ਅਜਿਹੀ ਸਥਿਤੀ ਵਿੱਚ, ਤੁਹਾਨੂੰ ਸਾਬਤ ਕਰਨਾ ਹੋਵੇਗਾ ਕਿ ਤੁਹਾਨੂੰ ਐਮਰਜੈਂਸੀ ਵਿੱਚ ਕਿਤੇ ਜਾਣਾ ਹੈ ਅਤੇ ਕੰਮ ਬਹੁਤ ਜ਼ਰੂਰੀ ਹੈ।

ਤੁਹਾਨੂੰ ਆਪਣੀ ਐਮਰਜੈਂਸੀ ਸਾਬਤ ਕਰਨ ਵਾਲੇ ਸਾਰੇ ਦਸਤਾਵੇਜ਼ ਚੀਫ ਰਿਜ਼ਰਵੇਸ਼ਨ ਸੁਪਰਵਾਈਜ਼ਰ ਨੂੰ ਦੇਣੇ ਹੋਣਗੇ ਅਤੇ ਇੱਕ ਫਾਰਮ ਭਰਨਾ ਹੋਵੇਗਾ। ਫਿਰ ਇਸ ਫਾਰਮ 'ਤੇ ਕਿਸੇ ਗਜ਼ਟਿਡ ਅਧਿਕਾਰੀ ਵਲੋਂ ਦਸਤਖਤ ਕਰਵਾਉਣੇ ਪੈਂਦੇ ਹਨ ਅਤੇ ਫਿਰ ਸੀਟ ਕਨਫਰਮ ਹੁੰਦੀ ਹੈ।