ਕੰਧ ਤੋਂ ਲੈਕੇ ਸੋਨੇ ਦੇ ਦਰਵਾਜੇ ਤੱਕ! ਇਦਾਂ ਹੈ ਦੁਨੀਆ ਦਾ ਪਹਿਲਾ 10 ਸਟਾਰ ਹੋਟਲ

Viral News: ਇਹ ਹੋਟਲ ਖਾਸ ਤੌਰ 'ਤੇ ਅਮੀਰ ਲੋਕਾਂ ਲਈ ਬਣਾਇਆ ਗਿਆ ਹੈ। ਗੈਰ-ਅਮੀਰ ਲੋਕਾਂ ਲਈ, ਇਹ ਇੱਕ ਸੁਪਨੇ ਵਾਂਗ ਹੈ ਜਿਸਨੂੰ ਲੋਕ ਸਿਰਫ਼ ਰੀਲ ਵਿੱਚ ਹੀ ਦੇਖ ਸਕਦੇ ਹਨ।

Burj-Al-Arab

ਬੁਰਜ ਅਲ ਅਰਬ ਦੁਬਈ ਸੰਯੁਕਤ ਅਰਬ ਅਮੀਰਾਤ ਵਿੱਚ ਸਥਿਤ ਦੁਨੀਆ ਦੇ ਸਭ ਤੋਂ ਆਲੀਸ਼ਾਨ ਅਤੇ ਮਸ਼ਹੂਰ ਹੋਟਲਾਂ ਵਿੱਚੋਂ ਇੱਕ ਹੈ। ਇਸ ਦੀ ਖਾਸੀਅਤ ਇਹ ਹੈ ਕਿ ਇੱਥੇ ਜ਼ਿਆਦਾਤਰ ਚੀਜ਼ਾਂ ਜਿਵੇਂ ਕਿ ਕੰਧਾਂ, ਦਰਵਾਜ਼ੇ ਅਤੇ ਝੂਮਰ ਸੋਨੇ ਦੀਆਂ ਬਣੀਆਂ ਹੋਈਆਂ ਹਨ। ਇਸ ਹੋਟਲ ਵਿੱਚ ਇੱਕ ਰਾਤ ਰੁਕਣ ਦਾ ਕਿਰਾਇਆ 1 ਲੱਖ ਰੁਪਏ ਤੋਂ 20 ਲੱਖ ਰੁਪਏ ਤੱਕ ਹੈ, ਜੋ ਇਸ ਨੂੰ ਦੁਨੀਆ ਦੇ ਸਭ ਤੋਂ ਮਹਿੰਗੇ ਹੋਟਲਾਂ ਵਿੱਚੋਂ ਇੱਕ ਬਣਾਉਂਦਾ ਹੈ। ਇਸ ਦੀ ਖਾਸ ਗੱਲ ਇਹ ਹੈ ਕਿ ਇਹ ਹੋਟਲ ਸਮੁੰਦਰ ਦੇ ਵਿਚਕਾਰ ਸਥਿਤ ਹੈ।

ਇਸ ਦੇ ਰਾਇਲ ਸੂਟ ਦੀ ਗੱਲ ਕਰੀਏ ਤਾਂ ਇਸ ਦਾ ਕਿਰਾਇਆ $30,000 ਤੋਂ ਵੱਧ ਹੋ ਸਕਦਾ ਹੈ ਜੋ ਕਿ 26 ਲੱਖ ਭਾਰਤੀ ਰੁਪਏ ਦੇ ਬਰਾਬਰ ਹੈ। ਲੋਕ ਇਸ ਨੂੰ ਦੁਨੀਆ ਦਾ ਪਹਿਲਾ 10 ਸਟਾਰ ਹੋਟਲ ਵੀ ਕਹਿੰਦੇ ਹਨ।

ਇਸ ਹੋਟਲ ਦਾ ਨਾਮ ਬੁਰਜ ਅਲ ਅਰਬ ਹੈ। ਇਹ ਹੋਟਲ ਦੁਬਈ ਦੇ ਜੁਮੇਰਾਹ ਬੀਚ 'ਤੇ ਸਥਿਤ ਹੈ। ਚਾਰੇ ਪਾਸਿਓਂ ਨੀਲੇ, ਸਾਫ਼ ਸਮੁੰਦਰ ਦੇ ਪਾਣੀ ਨਾਲ ਘਿਰਿਆ ਹੋਇਆ, ਇਹ ਆਪਣੇ ਆਪ ਵਿੱਚ ਇੱਕ ਅਜੂਬਾ ਦੀ ਤਰ੍ਹਾਂ ਲੱਗਦਾ ਹੈ।

ਇਹ ਹੋਟਲ ਖਾਸ ਤੌਰ 'ਤੇ ਅਮੀਰ ਲੋਕਾਂ ਲਈ ਬਣਾਇਆ ਗਿਆ ਹੈ। ਗੈਰ-ਅਮੀਰ ਲੋਕਾਂ ਲਈ ਇਹ ਇੱਕ ਸੁਪਨੇ ਵਾਂਗ ਹੈ ਜਿਸ ਨੂੰ ਲੋਕ ਸਿਰਫ਼ ਟਕਟਕੀ ਲਾ ਕੇ ਦੇਖ ਸਕਦੇ ਹਨ।

ਬੁਰਜ ਅਲ ਅਰਬ ਇੱਕ ਨਕਲੀ ਟਾਪੂ (Artificial Island) 'ਤੇ ਬਣਾਇਆ ਗਿਆ ਹੈ, ਜੋ ਕਿ ਸਮੁੰਦਰ ਦੇ ਅੰਦਰ 280 ਮੀਟਰ ਦੀ ਦੂਰੀ 'ਤੇ ਸਥਿਤ ਹੈ ਅਤੇ ਇੱਕ ਪੁਲ ਰਾਹੀਂ ਜੁੜਿਆ ਹੋਇਆ ਹੈ।

ਬੁਰਜ ਅਲ ਅਰਬ ਦੇ ਉੱਪਰੀ ਹਿੱਸੇ 'ਤੇ ਇੱਕ ਹੈਲੀਪੈਡ ਹੈ, ਜਿੱਥੇ VIP ਮਹਿਮਾਨ ਹੈਲੀਕਾਪਟਰ ਰਾਹੀਂ ਆ ਅਤੇ ਜਾ ਸਕਦੇ ਹਨ। ਖਾਸ ਗੱਲ ਇਹ ਹੈ ਕਿ ਇਸ ਹੈਲੀਪੈਡ 'ਤੇ ਟੈਨਿਸ ਖਿਡਾਰੀ ਰੋਜਰ ਫੈਡਰਰ ਅਤੇ ਆਂਦਰੇ ਅਗਾਸੀ ਨੇ ਵੀ ਟੈਨਿਸ ਮੈਚ ਖੇਡਿਆ ਸੀ।