Affordable house: 105 ਰੁਪਏ 'ਚ ਮਿਲ ਰਿਹਾ ਆਲੀਸ਼ਾਨ ਘਰ, ਖਰੀਦਣ 'ਤੇ ਮਾਲਕ ਦੇਵੇਗਾ 7 ਲੱਖ ਰੁਪਏ

Affordable house in England: ਇੰਗਲੈਂਡ ਵਿੱਚ ਸਥਿਤ ਇੱਕ ਆਲੀਸ਼ਾਨ ਘਰ ਬਹੁਕ ਹੀ ਸਸਤੀ ਕੀਮਤ 'ਤੇ ਮਿਲ ਰਿਹਾ ਹੈ। ਕੀਮਤ ਸੁਣ ਕੇ ਤੁਹਾਡੇ ਵੀ ਹੋਸ਼ ਉੱਡ ਜਾਣਗੇ।

Affordable house

ਜੀ ਹਾਂ, ਇੰਗਲੈਂਡ ਦੇ ਨਿਊਕੈਸਲ ਵਿੱਚ ਇੱਕ 4BHK ਘਰ ਬਿਕਾਊ ਹੈ, ਜਿਸ ਦੀ ਕੀਮਤ ਜਾਣ ਕੇ ਤੁਹਾਡੇ ਹੋਸ਼ ਉੱਡ ਜਾਣਗੇ। ਇਸ ਘਰ ਦੀ ਕੀਮਤ ਸਿਰਫ 105 ਰੁਪਏ ਰੱਖੀ ਗਈ ਹੈ। ਜੀ ਹਾਂ, ਤੁਸੀਂ ਹੈਰਾਨ ਹੋਵੋਗੇ ਇੰਨਾ ਹੀ ਨਹੀਂ ਇਸ ਘਰ ਨੂੰ ਖਰੀਦਣ 'ਤੇ ਤੁਹਾਨੂੰ 7 ਲੱਖ ਰੁਪਏ ਦਾ ਬੋਨਸ ਵੀ ਮਿਲੇਗਾ।

ਦੱਸਿਆ ਜਾ ਰਿਹਾ ਹੈ ਕਿ ਇਸ ਘਰ ਵਿੱਚ ਚਾਰ ਬੈੱਡਰੂਮ, ਦੋ ਬਾਥਰੂਮ, ਇੱਕ ਲਾਉਂਜ ਅਤੇ ਇੱਕ ਰਸੋਈ ਹੈ, ਇਸ ਘਰ ਵਿੱਚ ਬੱਚਿਆਂ ਦੇ ਖੇਡਣ ਲਈ ਇੱਕ ਗਾਰਡਨ ਵੀ ਹੈ। ਇਹ ਘਰ ਪੈਟਿਨਸਨ ਅਸਟੇਟ ਏਜੰਸੀ ਦੁਆਰਾ ਵਿਕਰੀ ਲਈ ਸੂਚੀਬੱਧ ਕੀਤਾ ਗਿਆ ਹੈ।

ਹੁਣ ਤੁਹਾਡੇ ਦਿਮਾਗ ਵਿੱਚ ਇਹ ਸਵਾਲ ਆ ਰਿਹਾ ਹੋਵੇਗਾ ਕਿ ਇਹ ਘਰ ਇੰਨਾ ਸਸਤਾ ਕਿਵੇਂ ਹੈ। ਦਰਅਸਲ, ਇਹ ਘਰ ਇੰਨਾ ਗੰਦਾ ਹੈ ਕਿ ਜਿੰਨਾ ਪੈਸਾ ਇਸ ਦੀ ਸਾਫ-ਸਫਾਈ ਵਿੱਚ ਲੱਗੇਗਾ, ਉੰਨਾ ਇਸ ਨੂੰ ਖਰੀਦਣ ਵਿੱਚ ਨਹੀਂ ਲੱਗੇਗਾ।

ਪੈਟਿਨਸਨ ਅਸਟੇਟ ਏਜੰਸੀ ਦੇ ਬੁਲਾਰੇ ਦੇ ਅਨੁਸਾਰ, ਇਸ ਘਰ ਵਿੱਚ ਮੌਜੂਦ ਗ੍ਰੈਂਡ ਪਿਆਨੋ ਦੀ ਕੀਮਤ ਲਗਭਗ 7000 ਪੌਂਡ ਹੈ, ਇਸ ਘਰ ਤੋਂ ਸਿਰਫ 5 ਮਿੰਟ ਦੀ ਦੂਰੀ 'ਤੇ ਸਾਰੀਆਂ ਚੰਗੀਆਂ ਸਹੂਲਤਾਂ ਹਨ। ਏਜੰਸੀ ਨੇ ਕਿਹਾ ਕਿ ਜਾਇਦਾਦ ਪੂਰੀ ਤਰ੍ਹਾਂ ਖੰਡਰ ਬਣ ਚੁੱਕੀ ਹੈ, ਇਸ ਲਈ ਇਸ ਦੀ ਕੀਮਤ ਦਾ ਅੰਦਾਜ਼ਾ ਲਗਾਉਣਾ ਮੁਸ਼ਕਲ ਸੀ।

ਤਾਂ ਜੋ ਕੋਈ ਵੀ ਘਰ ਖਰੀਦ ਸਕੇ, ਘਰ ਦੇ ਮਾਲਕ ਨੇ ਘਰ ਦੀ ਕੀਮਤ ਸਿਰਫ 1 ਪੌਂਡ ਰੱਖੀ ਹੈ ਅਤੇ ਖਰੀਦਦਾਰ ਨੂੰ ਬੋਨਸ ਵਜੋਂ 7 ਲੱਖ ਰੁਪਏ ਵੀ ਦਿੱਤੇ ਜਾਣਗੇ।