IS ਦੇ ਨੇੜੇ ਪਹੁੰਚੀ ਇਰਾਕੀ ਸੈਨਾ ਤੇ ਅਮਰੀਕਾ

ਮਸੂਲ ਉੱਤੇ ਹਮਲੇ ਲਈ ਅਮਰੀਕਾ ਅਤੇ ਇਰਾਕੀ ਸੈਨਾ ਪਿਛਲੇ ਇੱਕ ਸਾਲ ਤੋਂ ਯੋਜਨਾ ਬਣਾ ਰਹੀ ਸੀ, ਜਿਸ ਨੂੰ ਹੁਣ ਅਮਲ ਵਿੱਚ ਲਿਆਂਦਾ ਜਾ ਰਿਹਾ ਹੈ। ਇਸ ਸ਼ਹਿਰ ਵਿੱਚ ਆਈ ਐਸ ਦੇ ਸੱਤ ਹਜ਼ਾਰ ਤੋ ਜ਼ਿਆਦਾ ਦਹਿਸ਼ਤਗਰਦ ਮੌਜੂਦ ਹਨ।

ਮੌਸੂਲ ਇਰਾਕ ਦਾ ਸਭ ਤੋਂ ਵੱਡਾ ਸ਼ਹਿਰ ਹੈ ਅਤੇ ਪਿਛਲੇ ਕਾਫ਼ੀ ਸਮੇਂ ਤੋਂ ਇਹ ਆਈ ਐਸ ਦੇ ਕਬਜ਼ੇ ਵਿੱਚ ਹੈ। ਜੇਕਰ ਮੌਸੂਲ ਉੱਤੇ ਇਰਾਕੀ ਸੈਨਾ ਕਬਜ਼ਾ ਕਰ ਲੈਂਦੀ ਹੈ ਤਾਂ ਆਈ ਐਸ ਦਾ ਇਰਾਕ ਉੱਤੇ 10 ਫੀਸਦੀ ਪ੍ਰਭਾਵ ਰਹਿ ਜਾਵੇਗਾ।

ਮੌਸੂਲ ਵਿੱਚ 13 ਸਾਲ ਤੋਂ ਇਹ ਸਭ ਤੋਂ ਵੱਡੀ ਸੈਨਿਕ ਕਾਰਵਾਈ ਹੈ। ਇਸ ਤੋਂ ਪਹਿਲਾਂ 2003 ਵਿੱਚ ਅਮਰੀਕੀ ਸੈਨਾ ਨੇ ਸੱਦਾਮ ਹੁਸੈਨ ਨੂੰ ਹਟਾਉਣ ਦੇ ਲਈ ਜੰਗ ਛੇੜੀ ਸੀ।

ਮੌਸੂਲ ਦੇ 20 ਪਿੰਡਾਂ ਨੂੰ ਇਰਾਕੀ ਸੈਨਾ ਨੇ ਦਹਿਸ਼ਤਗਰਦਾਂ ਤੋਂ ਮੁਕਤ ਕਰਵਾ ਵੀ ਲਿਆ ਹੈ। ਇਰਾਕੀ ਸੈਨਾ ਦੇ ਨਾਲ-ਨਾਲ ਸ਼ੀਆ ,ਕੁਰਦਿਸ਼ ਲੜਾਕੇ, ਨਾਟੋ ਗਰੁੱਪ ਵੀ ਆਈ ਐਸ ਦੇ ਖ਼ਿਲਾਫ਼ ਮੁਹਿੰਮ ਵਿੱਚ ਸ਼ਾਮਲ ਹਨ।

ਇਰਾਕ ਦੀ ਸੈਨਾ ਨੇ ਆਈ ਐਸ ਦੀ ਕਬਜ਼ੇ ਤੋਂ ਮੌਸੂਲ ਸ਼ਹਿਰ ਨੂੰ ਮੁਕਤ ਕਰਵਾਉਣ ਲਈ ਜੰਗ ਛੇੜ ਦਿੱਤੀ ਹੈ। ਇਰਾਕੀ ਸੈਨਾ ਦੇ ਕਰੀਬ 40 ਹਜ਼ਾਰ ਸੈਨਿਕਾਂ ਨੇ ਸ਼ਹਿਰ ਉੱਤੇ ਹਮਲਾ ਬੋਲ ਦਿੱਤਾ ਹੈ।