ਫ਼ਤਹਿਵੀਰ ਦੀ ਅੰਤਿਮ ਅਰਦਾਸ, ਸਮਾਜ ਸੇਵੀਆਂ ਫ਼ਤਹਿ ਦੇ ਨਾਂ 'ਤੇ ਵੰਡੇ ਬੂਟੇ

ਯਾਦ ਰਹੇ ਪਿੰਡ ਭਗਵਾਨਪੁਰਾ ਦਾ ਦੋ ਸਾਲਾ ਫ਼ਤਿਹਵੀਰ ਸਿੰਘ ਖੇਡਦਾ ਹੋਇਆ 150 ਫੁੱਟ ਡੂੰਘੇ ਬੋਰਵੈੱਲ ਵਿੱਚ ਡਿੱਗ ਗਿਆ ਸੀ ਜਿਸ ਕਰਕੇ ਉਸ ਦੀ ਮੌਤ ਹੋ ਗਈ ਸੀ। ਉਸ ਨੂੰ ਬੋਰਵੈੱਲ ਵਿੱਚੋਂ ਬਾਹਰ ਕੱਢਣ ਲਈ ਲਗਾਤਾਰ 5 ਦਿਨ ਬਚਾਅ ਕਾਰਜ ਚੱਲੇ ਪਰ ਛੇਵੇਂ ਦਿਨ ਬੋਰਵੈੱਲ ਵਿੱਚੋਂ ਫ਼ਤਹਿਵੀਰ ਦੀ ਲਾਸ਼ ਨੂੰ ਬਾਹਰ ਕੱਢਿਆ ਗਿਆ। ਇਸ ਤੋਂ ਬਾਅਦ ਸਰਕਾਰ ਤੇ ਪ੍ਰਸ਼ਾਸਨ 'ਤੇ ਲਗਾਤਾਰ ਸਵਾਲ ਚੁੱਕੇ ਜਾ ਰਹੇ ਸਨ।

ਇਸ ਮੌਕੇ ਬੂਟੇ ਵੰਡਣ ਆਏ ਲਾਲੀ ਧਨੌਲਾ ਨੇ ਕਿਹਾ ਕਿ ਉਨ੍ਹਾਂ ਦਾ ਮਕਸਦ ਫ਼ਤਹਿਵੀਰ ਨੂੰ ਅਮਰ ਰੱਖਣਾ ਹੈ। ਜੋ ਬੂਟਾ ਫ਼ਤਹਿ ਦੇ ਨਾਂ 'ਤੇ ਲਾਇਆ ਜਾਏਗਾ, ਉਹ ਕਈ ਸਾਲਾਂ ਤਕ ਅਮਰ ਰਹੇਗਾ ਤੇ ਲੋਕਾਂ ਨੂੰ ਸ਼ੁੱਧ ਹਵਾ ਦਏਗਾ।