ਜਿਸਮਫਰੋਸ਼ੀ ਦੇ ਧੰਦੇ ਦਾ ਸਭ ਤੋਂ ਵੱਡਾ ਨਾਂਅ 'ਸੋਨੂੰ ਪੰਜਾਬਣ'

ਮੰਨਿਆ ਜਾਂਦਾ ਹੈ ਕਿ ਸੋਨੂੰ ਪੰਜਾਬਣ ਦਾ ਜੀਵਨ ਹਮੇਸ਼ਾ ਚਕਾਚੌਂਧ ਭਰਿਆ ਰਿਹਾ। ਉਹ ਅਦਾਲਤ ਵਿੱਚ ਪੇਸ਼ੀ ਲਈ ਵੀ ਜਾਂਦੀ ਸੀ ਤਾਂ ਬਾਕੀ ਕੁੜੀਆਂ ਚਿਹਰਾ ਲੁਕਾਉਂਦੀਆਂ ਪਰ ਉਹ ਅਜਿਹਾ ਨਹੀਂ ਕਰਦੀ ਸੀ। ਟੀਵੀ ਤੇ ਅਖਬਾਰਾਂ ਵਿੱਚ ਉਹ ਖੁਦ ਨੂੰ ਦੇਖ ਕੇ ਖੁਸ਼ ਹੁੰਦੀ ਸੀ। ਕਿਹਾ ਜਾਂਦਾ ਹੈ ਕਿ ਫਿਲਮ ‘ਫੁਕਰੇ’ ਵਿੱਚ ਭੋਲੀ ਪੰਜਾਬਣ ਦਾ ਕਿਰਦਾਰ ਓਸੇ ਨਾਲ ਹੀ ਮਿਲਦਾ-ਜੁਲਦਾ ਹੈ।

ਸੋਨੂੰ ਨੇ ਹੌਲੀ-ਹੌਲੀ ਦਿੱਲੀ ਦੇ ਸਾਰੇ ਦਲਾਲਾਂ ਨੂੰ ਆਪਣੇ ਨਾਲ ਮਿਲਾ ਲਿਆ। ਜਿਸ ਨੇ ਇਨਕਾਰ ਕੀਤਾ, ਉਸ ਨੂੰ ਕਿਨਾਰੇ ਲਾ ਦਿੱਤਾ ਗਿਆ। ਰੈਕੇਟ ਨੂੰ ਕਾਰਪੋਰੇਟ ਵਿੱਚ ਬਦਲ ਦਿੱਤਾ। ਕੁੜੀਆਂ ਨੂੰ ਫਿਕਸ ਸੈਲਰੀ ‘ਤੇ ਰੱਖਿਆ। ਉਹ ਗਾਹਕ ਦੇ ਪੈਸਿਆਂ ਵਿੱਚੋਂ ਕੁੜੀਆਂ ਨੂੰ ਪੈਸੇ ਨਹੀਂ ਦਿੰਦੀ ਸੀ। ਉਸ ਨੇ ਕਈ ਮੁੰਡਿਆਂ ਨੂੰ ਵੀ ਨੌਕਰੀ ‘ਤੇ ਰੱਖਿਆ। ਕੋਈ ਡਰਾਈਵਰੀ ਦਾ ਕੰਮ ਕਰਦਾ ਸੀ ਤੇ ਕੋਈ ਕੁੜੀਆਂ ਦੇ ਨਾਲ ਸੁਰੱਖਿਆ ਲਈ ਜਾਂਦਾ ਸੀ।