ਵਿੱਕੀ ਗੌਂਡਰ ਦੀਆਂ ਅੰਤਮ ਰਸਮਾਂ 'ਤੇ ਪੁਲਿਸ ਦਾ ਪਹਿਰਾ

ਵਿੱਕੀ ਗੌਂਡਰ ਦੇ ਸਸਕਾਰ ਮੌਕੇ ਚੱਪੇ-ਚੱਪੇ 'ਤੇ ਪੁਲਿਸ ਦਾ ਪਹਿਰਾ ਹੈ। ਥੋੜ੍ਹੀ ਦੇਰ ਵਿੱਚ ਵਿੱਕੀ ਗੌਂਡਰ ਦਾ ਦਾਹ ਸੰਸਕਾਰ ਕੀਤਾ ਜਾਵੇਗਾ।

ਬੇਸ਼ੱਕ ਵਿੱਕੀ ਗੌਂਡਰ ਦਾ ਪਰਿਵਾਰ ਗ਼ਲਤ ਰਾਹ 'ਤੇ ਚੱਲਣ ਕਾਰਨ ਉਸ ਨੂੰ ਬੇਦਖ਼ਲ ਕਰ ਚੁੱਕਾ ਸੀ, ਪਰ ਉਸ ਦੀ ਮੌਤ ਨਾਲ ਉਨ੍ਹਾਂ ਨੂੰ ਕਾਫੀ ਧੱਕਾ ਲੱਗਾ।

ਗੌਂਡਰ ਦੀ ਮਾਂ ਤੇ ਭੈਣਾਂ ਦਾ ਰੋ-ਰੋ ਬੁਰਾ ਹਾਲ ਹੈ। ਗੌਂਡਰ ਦੇ ਸਸਕਾਰ 'ਤੇ ਵੱਡੀ ਗਿਣਤੀ ਵਿੱਚ ਲੋਕ ਹਾਜ਼ਰ ਹਨ।

ਵਿੱਕੀ ਦਾ ਅਸਲ ਨਾਂਅ ਹਰਜਿੰਦਰ ਸਿੰਘ ਭੁੱਲਰ ਸੀ।

ਬੀਤੀ ਸ਼ਾਮ ਜ਼ਿਲ੍ਹਾ ਮੁਕਤਸਰ ਸਾਹਿਬ 'ਚ ਗੌਂਡਰ ਦੇ ਜੱਦੀ ਪਿੰਡ ਸਰਾਵਾਂ ਬੋਦਲਾ 'ਚ ਉਸ ਦੀ ਲਾਸ਼ ਪਹੁੰਚਾ ਦਿੱਤੀ ਗਈ ਸੀ।

ਪੰਜਾਬ ਦੇ ਨਾਮੀ ਗੈਂਗਸਟਰ ਵਿੱਕੀ ਗੌਂਡਰ ਦਾ ਅੱਜ ਅੰਤਿਮ ਸਸਕਾਰ ਕੀਤਾ ਜਾਵੇਗਾ।