ਹੱਜ ਯਾਤਰਾ ਕਰਨਾ ਹੋਵੇਗਾ ਹੋਰ ਵੀ ਮਹਿੰਗਾ! ਬਦਲ ਗਏ ਨਿਯਮ, ਜਾਣੋ ਜੇਬ੍ਹ ‘ਤੇ ਕਿੰਨਾ ਪਵੇਗਾ ਅਸਰ
Hajj Yatra Policy: ਆਰਐਫਪੀ ਦੇ ਅਨੁਸਾਰ ਜਿਹੜੇ ਵੀ ਬੋਲੀਦਾਤਾ ਹੋਣਗੇ, ਉਨ੍ਹਾਂ ਨੂੰ ਇਨ੍ਹਾਂ ਸੇਵਾਵਾਂ ਦੇ ਆਧਾਰ 'ਤੇ ਇੱਕ ਨਿਸ਼ਚਿਤ ਰਕਮ ਦੀ ਬੋਲੀ ਲਗਾਉਣੀ ਪਵੇਗੀ।
Hajj Yatra 2025: ਹੱਜ ਕਰਨ ਲਈ ਖਾੜੀ ਦੇਸ਼ਾਂ ਦੀ ਯਾਤਰਾ ਕਰਨ ਵਾਲਿਆਂ ਨੂੰ ਵਾਧੂ ਖਰਚੇ ਭਰਨੇ ਪੈਣਗੇ। ਭਾਰਤ ਸਰਕਾਰ ਦੇ ਵਿਦੇਸ਼ ਮੰਤਰਾਲੇ (MEA) ਨੇ ਪਿਛਲੇ ਮਹੀਨੇ 23 ਭਾਰਤੀ ਮਿਸ਼ਨਾਂ/ਪੋਸਟਾਂ ਲਈ ਪਾਸਪੋਰਟ, ਵੀਜ਼ਾ ਅਤੇ ਕੌਂਸਲਰ (CPV) ਸੇਵਾਵਾਂ ਦੀ ਆਊਟਸੋਰਸਿੰਗ ਲਈ ਇੱਕ ਨਵਾਂ ਟੈਂਡਰ ਜਾਰੀ ਕੀਤਾ ਸੀ।
ਨਵੇਂ ਟੈਂਡਰ ਵਿੱਚ ਤੈਅ ਕੀਤੀ ਗਈ ਬੇਨਤੀ ਪ੍ਰਸਤਾਵ (RFP) ਸੇਵਾ ਫੀਸ ਭਾਰਤ ਤੋਂ ਇਨ੍ਹਾਂ ਦੇਸ਼ਾਂ ਦੀ ਯਾਤਰਾ ਕਰਨ ਵਾਲਿਆਂ ਲਈ ਮਹਿੰਗੀ ਹੋਣ ਵਾਲੀ ਹੈ। ਨਵੇਂ ਨਿਯਮਾਂ ਅਨੁਸਾਰ ਇਹ ਲਾਗਤ 15 ਤੋਂ 20 ਗੁਣਾ ਵੱਧ ਸਕਦੀ ਹੈ। ਇਸ ਕਦਮ ਨੇ ਭਾਰਤੀ ਨਾਗਰਿਕਾਂ ਅਤੇ ਵਿਦੇਸ਼ੀ ਕਾਮਿਆਂ, ਖਾਸ ਕਰਕੇ ਬਲੂ-ਕਾਲਰ ਕਾਮਿਆਂ ਲਈ ਚਿੰਤਾਵਾਂ ਵਧਾ ਦਿੱਤੀਆਂ ਹਨ।
23 ਭਾਰਤੀ ਪੋਸਟਾਂ ਨੂੰ ਜਾਰੀ ਕੀਤਾ ਗਿਆ RFP
ਤੁਹਾਨੂੰ ਦੱਸ ਦਈਏ ਕਿ ਇਹ ਆਰਐਫਪੀ 23 ਭਾਰਤੀ ਮਿਸ਼ਨਾਂ/ਪੋਸਟਾਂ ਲਈ ਦੇ ਲਈ ਜਾਰੀ ਕੀਤਾ ਗਿਆ ਹੈ, ਜਿਸ ਵਿੱਚ ਅਬੂ ਧਾਬੀ (ਯੂਏਈ), ਰਿਆਦ (ਸਾਊਦੀ ਅਰਬ), ਕੁਵੈਤ, ਦੋਹਾ (ਕਤਰ), ਮਸਕਟ (ਓਮਾਨ), ਰੋਮ (ਇਟਲੀ), ਪੈਰਿਸ (ਫਰਾਂਸ), ਦ ਹੇਗ (ਨੀਦਰਲੈਂਡ), ਬੈਂਕਾਕ (ਥਾਈਲੈਂਡ), ਤਹਿਰਾਨ (ਈਰਾਨ), ਮਾਸਕੋ (ਰੂਸ), ਬਰਨ (ਸਵਿਟਜ਼ਰਲੈਂਡ), ਸਿਓਲ (ਦੱਖਣੀ ਕੋਰੀਆ), ਵਾਰਸਾ (ਪੋਲੈਂਡ), ਬਹਿਰੀਨ ਰਾਜ ਦੇ ਨਾਲ-ਨਾਲ ਲੰਡਨ (ਯੂਕੇ), ਕੈਨਬਰਾ (ਆਸਟ੍ਰੇਲੀਆ), ਕੋਲੰਬੋ (ਸ਼੍ਰੀਲੰਕਾ), ਸਿੰਗਾਪੁਰ, ਵੈਲਿੰਗਟਨ (ਨਿਊਜ਼ੀਲੈਂਡ), ਕੁਆਲਾਲੰਪੁਰ (ਮਲੇਸ਼ੀਆ), ਪ੍ਰੀਟੋਰੀਆ (ਦੱਖਣੀ ਅਫਰੀਕਾ) ਅਤੇ ਹਾਂਗ ਕਾਂਗ ਵਿੱਚ ਭਾਰਤ ਦੇ ਕੌਂਸਲੇਟ ਜਨਰਲ ਸ਼ਾਮਲ ਹਨ।
ਭਾਰਤੀ ਯਾਤਰੀਆਂ ਤੋਂ ਵਸੂਲੀ ਜਾਵੇਗੀ ਟੈਂਡਰ ਦੀ ਰਕਮ
ਜਨਵਰੀ 2022 ਅਤੇ ਦਸੰਬਰ 2024 ਦੇ ਵਿਚਕਾਰ ਇਨ੍ਹਾਂ ਮਿਸ਼ਨਾਂ ਨੇ ਲਗਭਗ 6.45 ਮਿਲੀਅਨ ਯਾਤਰੀਆਂ ਨੂੰ ਸੰਭਾਲਿਆ ਸੀ। 29 ਜਨਵਰੀ, 2025 ਨੂੰ ਜਾਰੀ ਕੀਤਾ ਗਿਆ ਨਵਾਂ RFP ਹਰੇਕ ਅਰਜ਼ੀ ਲਈ ਸੇਵਾ ਪ੍ਰਦਾਤਾ ਨੂੰ ਅਦਾ ਕੀਤੀ ਜਾਣ ਵਾਲੀ ਸੇਵਾ ਫੀਸ ਦੀ ਰੂਪਰੇਖਾ ਦਰਸਾਉਂਦਾ ਹੈ। ਜਿਸ ਵਿੱਚ ਕਾਗਜ਼ਾਂ ਦਾ ਡਿਜੀਟਾਈਜ਼ੇਸ਼ਨ, ਫਿੰਗਰਪ੍ਰਿੰਟ ਅਤੇ ਚਿਹਰੇ ਦੇ ਬਾਇਓਮੈਟ੍ਰਿਕ ਕੈਪਚਰ ਵਰਗੀਆਂ ਸੇਵਾਵਾਂ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਫੋਟੋਕਾਪੀ, ਫੋਟੋਗ੍ਰਾਫੀ, ਫਾਰਮ ਭਰਨਾ ਅਤੇ ਕੋਰੀਅਰ ਸੇਵਾਵਾਂ ਵੀ ਸ਼ਾਮਲ ਕੀਤੀਆਂ ਗਈਆਂ ਹਨ।
ਆਰਐਫਪੀ ਦੇ ਅਨੁਸਾਰ, ਕਿਸੇ ਵੀ ਬੋਲੀਕਾਰ ਨੂੰ ਇਨ੍ਹਾਂ ਸੇਵਾਵਾਂ ਦੇ ਆਧਾਰ 'ਤੇ ਇੱਕ ਨਿਸ਼ਚਿਤ ਰਕਮ ਦੀ ਬੋਲੀ ਲਗਾਉਣੀ ਪਵੇਗੀ। ਟੈਂਡਰ ਵਿੱਚ ਕੰਪਨੀਆਂ ਜੋ ਵੀ ਰਕਮ ਟੈਂਡਰ ਵਿੱਚ ਤੈਅ ਕਰਕੇ ਕੋਟ ਕਰਨਗੀਆਂ, ਉਹ ਭਾਰਤੀ ਯਾਤਰੀਆਂ ਤੋਂ ਵਸੂਲ ਕੀਤੀ ਜਾਵੇਗੀ।
ਮੰਨਿਆ ਜਾ ਰਿਹਾ ਹੈ ਕਿ ਨਵੇਂ ਫੀਸ ਢਾਂਚੇ ਨਾਲ ਸੇਵਾਵਾਂ ਦੀ ਲਾਗਤ ਦਸ ਗੁਣਾ ਵਧਣ ਦੀ ਉਮੀਦ ਹੈ। ਪਹਿਲਾਂ, ਔਨਲਾਈਨ ਅਰਜ਼ੀਆਂ ਲਈ ਫੋਟੋਕਾਪੀ, ਫੋਟੋਗ੍ਰਾਫੀ, ਫਾਰਮ ਭਰਨ ਅਤੇ ਦਸਤਾਵੇਜ਼ ਅਪਲੋਡ ਵਰਗੀਆਂ ਵਿਅਕਤੀਗਤ ਸੇਵਾਵਾਂ ਲਈ ਵੱਖਰੇ ਸੇਵਾ ਖਰਚੇ ਲਏ ਜਾਂਦੇ ਸਨ। ਇਸ ਕਾਰਨ ਜੇਕਰ ਕੋਈ ਵਿਅਕਤੀ ਕੋਈ ਕਾਗਜ਼ ਖੁਦ ਲਿਆਉਂਦਾ ਹੈ, ਤਾਂ ਉਸ ਨੂੰ ਇਸ ਦਾ ਭੁਗਤਾਨ ਨਹੀਂ ਕਰਨਾ ਪੈਂਦਾ ਸੀ, ਪਰ ਹੁਣ ਸਾਰੇ ਯਾਤਰੀਆਂ ਨੂੰ ਸਾਰੀਆਂ ਸਹੂਲਤਾਂ ਲਈ ਇੱਕ ਨਿਸ਼ਚਿਤ ਰਕਮ ਇਕੱਠੀ ਦੇਣੀ ਪਵੇਗੀ।
ਇਸ ਨਾਲ ਜ਼ਿਆਦਾਤਰ ਉਨ੍ਹਾਂ ਯਾਤਰਾ ਕੰਪਨੀਆਂ ਨੂੰ ਫਾਇਦਾ ਹੋਵੇਗਾ ਜੋ ਇਨ੍ਹਾਂ ਦੇਸ਼ਾਂ ਲਈ ਨਵੇਂ RFP ਦੇ ਆਧਾਰ 'ਤੇ ਟੈਂਡਰ ਪ੍ਰਾਪਤ ਕਰਨਗੀਆਂ। ਖਾਸ ਤੌਰ 'ਤੇ VFS ਗਲੋਬਲ, IVS ਗਲੋਬਲ, BLS ਇੰਟਰਨੈਸ਼ਨਲ, DU ਡਿਜੀਟਲ ਅਤੇ ਅਲੰਕਿਤ ਵਰਗੀਆਂ ਕੁਝ ਚੁਣੀਆਂ ਹੋਈਆਂ ਕੰਪਨੀਆਂ ਹਨ, ਜਿਨ੍ਹਾਂ ਨੇ ਹੁਣ ਤੱਕ ਇਸ ਖੇਤਰ ਵਿੱਚ ਦਬਦਬਾ ਬਣਾਇਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
