![ABP Premium](https://cdn.abplive.com/imagebank/Premium-ad-Icon.png)
Wimbledon Final 2024: ਸਪੇਨ ਦੇ 21 ਸਾਲਾਂ Carlos Alcaraz ਨੇ ਰਚਿਆ ਇਤਿਹਾਸ, ਨੋਵਾਕ ਜੋਕੋਵਿਚ ਨੂੰ ਹਰਾ ਕੇ ਜਿੱਤਿਆ ਵਿੰਬਲਡਨ ਖਿਤਾਬ
Carlos Alcaraz: 21 ਸਾਲਾ ਅਲਕਾਰਜ਼ ਨੇ ਇਤਿਹਾਸ ਰਚ ਵਿੰਬਲਡਨ ਖਿਤਾਬ ਜਿੱਤ ਲਿਆ ਹੈ। ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ ਉੱਤੇ ਵਧਾਈ ਦੇਣ ਵਾਲੇ ਮੈਸੇਜਾਂ ਦਾ ਤਾਂਤਾ ਲੱਗ ਗਿਆ ਹੈ।
![Wimbledon Final 2024: ਸਪੇਨ ਦੇ 21 ਸਾਲਾਂ Carlos Alcaraz ਨੇ ਰਚਿਆ ਇਤਿਹਾਸ, ਨੋਵਾਕ ਜੋਕੋਵਿਚ ਨੂੰ ਹਰਾ ਕੇ ਜਿੱਤਿਆ ਵਿੰਬਲਡਨ ਖਿਤਾਬ carlos alcaraz wins wimbledon mens singlesfinal beats serbian legend novak djokovic tending news Wimbledon Final 2024: ਸਪੇਨ ਦੇ 21 ਸਾਲਾਂ Carlos Alcaraz ਨੇ ਰਚਿਆ ਇਤਿਹਾਸ, ਨੋਵਾਕ ਜੋਕੋਵਿਚ ਨੂੰ ਹਰਾ ਕੇ ਜਿੱਤਿਆ ਵਿੰਬਲਡਨ ਖਿਤਾਬ](https://feeds.abplive.com/onecms/images/uploaded-images/2024/07/14/207e0569069ddad9eabe13aafe8ddc501720973432228700_original.jpg?impolicy=abp_cdn&imwidth=1200&height=675)
Carlos Alcaraz beats Novak Djokovic: ਸਪੇਨ ਦੇ ਕਾਰਲੋਸ ਅਲਕਾਰਜ਼ ਨੇ ਵਿੰਬਲਡਨ 2024 ਦੇ ਫਾਈਨਲ ਵਿੱਚ ਲੈਜੇਂਡ ਨੋਵਾਕ ਜੋਕੋਵਿਚ ਨੂੰ ਹਰਾ ਕੇ ਦੂਜੀ ਵਾਰ ਵਿੰਬਲਡਨ ਖਿਤਾਬ ਜਿੱਤਿਆ ਹੈ। ਅਲਕਾਰਜ਼ ਨੇ ਜੋਕੋਵਿਚ ਨੂੰ ਸਿੱਧੇ ਸੈੱਟਾਂ ਵਿੱਚ 6-2, 6-2, 7-6 ਨਾਲ ਹਰਾ ਕੇ ਲਗਾਤਾਰ ਦੂਜੀ ਵਾਰ ਇਹ ਖ਼ਿਤਾਬ ਜਿੱਤਿਆ ਹੈ।
ਅਲਕਾਰਜ਼ ਨੇ ਜੋਕੋਵਿਚ ਨੂੰ ਸਿੱਧੇ ਸੈੱਟਾਂ ਵਿੱਚ 6-2, 6-2, 7-6 ਨਾਲ ਹਰਾ ਕੇ ਲਗਾਤਾਰ ਦੂਜੀ ਵਾਰ ਇਹ ਖ਼ਿਤਾਬ ਜਿੱਤਿਆ ਹੈ। 24 ਵਾਰ ਦੇ ਗ੍ਰੈਂਡ ਸਲੈਮ ਜੇਤੂ ਜੋਕੋਵਿਚ ਨੂੰ ਵੀ ਪਿਛਲੇ ਸਾਲ ਵਿੰਬਲਡਨ ਦੇ ਫਾਈਨਲ ਵਿੱਚ ਅਲਕਾਰਾਜ਼ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਕਾਰਲੋਸ ਅਲਕਾਰਜ਼ ਨੇ 2024 ਦੇ ਫਾਈਨਲ ਵਿੱਚ ਜੋਕੋਵਿਚ ਖ਼ਿਲਾਫ਼ ਪਹਿਲੇ 2 ਸੈੱਟ ਆਸਾਨੀ ਨਾਲ ਜਿੱਤ ਲਏ ਸਨ। ਉਸ ਨੇ ਪਹਿਲੇ ਦੋ ਸੈੱਟ 6-2, 6-2 ਨਾਲ ਜਿੱਤੇ ਪਰ ਤੀਜੇ ਸੈੱਟ ਲਈ ਉਸ ਨੂੰ ਕਾਫੀ ਸੰਘਰਸ਼ ਕਰਨਾ ਪਿਆ।
ਤੀਜਾ ਸੈੱਟ ਟਾਈ-ਬ੍ਰੇਕਰ ਤੱਕ ਗਿਆ, ਜਿਸ ਵਿੱਚ 21 ਸਾਲਾ ਕਾਰਲੋਸ ਨੇ ਆਪਣੇ ਕਰੀਅਰ ਦਾ ਚੌਥਾ ਗ੍ਰੈਂਡ ਸਲੈਮ ਖਿਤਾਬ ਜਿੱਤਿਆ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਕਲੈਸ਼ ਨੂੰ ਦੇਖਣ ਲਈ ਵੇਲਜ਼ ਦੀ ਰਾਜਕੁਮਾਰੀ ਕੇਟ ਵੀ ਪਹੁੰਚੀ ਸੀ, ਜੋ ਹਾਲ ਹੀ ਵਿੱਚ ਕੈਂਸਰ ਤੋਂ ਪੀੜਤ ਹੋਣ ਦੀ ਖਬਰ ਆਈ ਸੀ।
ਕਾਰਲੋਸ ਨੇ ਰੋਜਰ ਫੈਡਰਰ ਦੀ ਬਰਾਬਰੀ ਕੀਤੀ
ਕਾਰਲੋਸ ਅਲਕਾਰਜ਼ ਨੇ ਆਪਣਾ ਚੌਥਾ ਗ੍ਰੈਂਡ ਸਲੈਮ ਖਿਤਾਬ ਜਿੱਤ ਕੇ ਮਹਾਨ ਟੈਨਿਸ ਖਿਡਾਰੀ ਰੋਜਰ ਫੈਡਰਰ ਦੀ ਬਰਾਬਰੀ ਕਰ ਲਈ ਹੈ। ਫੈਡਰਰ ਤੋਂ ਬਾਅਦ ਕਾਰਲੋਸ ਅਲਕਾਰਜ਼ ਪਹਿਲੇ ਟੈਨਿਸ ਖਿਡਾਰੀ ਬਣ ਗਏ ਹਨ ਜਿਨ੍ਹਾਂ ਨੇ ਆਪਣੇ ਕਰੀਅਰ ਦੇ ਪਹਿਲੇ ਚਾਰ ਗ੍ਰੈਂਡ ਸਲੈਮ ਫਾਈਨਲ ਮੈਚ ਜਿੱਤੇ ਹਨ। ਕਾਰਲੋਸ ਹੁਣ ਤੱਕ ਦੋ ਵਾਰ ਵਿੰਬਲਡਨ, ਇੱਕ ਵਾਰ ਫਰੈਂਚ ਓਪਨ ਅਤੇ ਇੱਕ ਵਾਰ ਯੂਐਸ ਓਪਨ ਦੇ ਫਾਈਨਲ ਵਿੱਚ ਪਹੁੰਚ ਚੁੱਕਾ ਹੈ ਅਤੇ ਚਾਰੋਂ ਵਾਰ ਜਿੱਤ ਚੁੱਕਾ ਹੈ।
ਜੋਕੋਵਿਚ ਇਤਿਹਾਸ ਰਚਣ ਤੋਂ ਖੁੰਝ ਗਏ
ਸਰਬੀਆ ਦੇ ਨੋਵਾਕ ਜੋਕੋਵਿਚ ਨੇ ਆਪਣੇ ਇਤਿਹਾਸਕ ਕਰੀਅਰ ਵਿੱਚ 24 ਵਾਰ ਗਰੈਂਡ ਸਲੈਮ ਖਿਤਾਬ ਜਿੱਤਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜੋਕੋਵਿਚ ਆਪਣੇ ਕਰੀਅਰ ਦਾ 10ਵਾਂ ਵਿੰਬਲਡਨ ਫਾਈਨਲ ਖੇਡ ਰਹੇ ਸਨ ਅਤੇ ਇਸ ਤੋਂ ਪਹਿਲਾਂ ਉਹ 7 ਵਾਰ ਇਹ ਖਿਤਾਬ ਜਿੱਤ ਚੁੱਕੇ ਹਨ।
ਜੇਕਰ ਉਹ ਸਪੇਨ ਦੇ ਕਾਰਲੋਸ ਅਲਕਾਰਾਜ਼ ਨੂੰ ਹਰਾਉਣ 'ਚ ਸਫਲ ਰਹਿੰਦਾ ਤਾਂ ਉਹ ਸਭ ਤੋਂ ਵੱਧ ਵਾਰ ਵਿੰਬਲਡਨ ਖਿਤਾਬ ਜਿੱਤਣ ਦੇ ਮਾਮਲੇ 'ਚ ਰੋਜਰ ਫੈਡਰਰ ਦੀ ਬਰਾਬਰੀ ਕਰ ਲੈਂਦਾ। ਫੈਡਰਰ ਕੁੱਲ ਅੱਠ ਵਾਰ ਵਿੰਬਲਡਨ ਗ੍ਰੈਂਡ ਸਲੈਮ ਜਿੱਤਣ ਵਿੱਚ ਸਫਲ ਰਿਹਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)