IND vs ZIM: ਇਨ੍ਹਾਂ ਕਾਰਨਾਂ ਕਰਕੇ ਟੀਮ ਇੰਡੀਆ ਨੂੰ ਹਾਰ ਦਾ ਕਰਨਾ ਪਿਆ ਸਾਹਮਣਾ, ਗਾਇਕਵਾੜ ਸਣੇ ਆਹ ਵੱਡੇ ਖਿਡਾਰੀ ਹੋਏ ਫੇਲ
IND vs ZIM: ਜ਼ਿੰਬਾਬਵੇ ਨੇ ਪਹਿਲੇ ਟੀ-20 ਮੈਚ 'ਚ ਭਾਰਤ ਨੂੰ 13 ਦੌੜਾਂ ਨਾਲ ਹਰਾ ਦਿੱਤਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕਿਹੜੇ ਕਾਰਨਾਂ ਕਰਕੇ ਭਾਰਤ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ।
IND vs ZIM: ਜ਼ਿੰਬਾਬਵੇ ਨੇ ਟੀ-20 ਸੀਰੀਜ਼ ਦੇ ਪਹਿਲੇ ਮੈਚ 'ਚ ਭਾਰਤ ਨੂੰ 13 ਦੌੜਾਂ ਨਾਲ ਹਰਾ ਦਿੱਤਾ ਹੈ। ਪਹਿਲਾਂ ਖੇਡਦਿਆਂ ਜ਼ਿੰਬਾਬਵੇ ਦੀ ਟੀਮ ਨਿਰਧਾਰਤ 20 ਓਵਰਾਂ ਵਿੱਚ ਸਿਰਫ਼ 115 ਦੌੜਾਂ ਹੀ ਬਣਾ ਸਕੀ। ਇਹ ਇੱਕ ਛੋਟਾ ਸਕੋਰ ਲੱਗਦਾ ਹੈ, ਪਰ ਭਾਰਤੀ ਟੀਮ ਨੇ ਉਸ ਦੇ ਸਾਹਮਣੇ ਹਾਰ ਮੰਨ ਲਈ ਸੀ। ਭਾਰਤ ਦੀ ਹਾਲਤ ਇੰਨੀ ਖਰਾਬ ਸੀ ਕਿ ਟੀਮ ਦੇ 8 ਬੱਲੇਬਾਜ਼ ਦੌੜਾਂ ਦੇ ਮਾਮਲੇ 'ਚ ਦੋਹਰੇ ਅੰਕੜੇ ਨੂੰ ਵੀ ਨਹੀਂ ਛੂਹ ਸਕੇ। ਭਾਰਤੀ ਪ੍ਰਸ਼ੰਸਕਾਂ ਨੂੰ ਰੁਤੂਰਾਜ ਗਾਇਕਵਾੜ ਅਤੇ ਰਿੰਕੂ ਸਿੰਘ ਵਰਗੇ ਖਿਡਾਰੀਆਂ ਤੋਂ ਬਹੁਤ ਉਮੀਦਾਂ ਸਨ, ਪਰ ਉਹ ਉਮੀਦਾਂ ਤੇ ਖਰੇ ਨਹੀਂ ਉਤਰੇ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ 3 ਕਾਰਨਾਂ ਬਾਰੇ ਜਿਨ੍ਹਾਂ ਕਾਰਨ ਭਾਰਤ ਨੂੰ ਜ਼ਿੰਬਾਬਵੇ ਦੇ ਖਿਲਾਫ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਜ਼ਿੰਬਾਬਵੇ ਨੂੰ 100 ਦੌੜਾਂ ਦੇ ਅੰਦਰ ਵੀ ਆਲਆਊਟ ਨਹੀਂ ਕਰ ਸਕੇ
ਭਾਰਤ ਨੇ ਟਾਸ ਜਿੱਤ ਕੇ ਜ਼ਿੰਬਾਬਵੇ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਦਿੱਤਾ ਸੀ। ਰਵੀ ਬਿਸ਼ਨੋਈ ਅਤੇ ਵਾਸ਼ਿੰਗਟਨ ਸੁੰਦਰ ਦੀ ਸਪਿਨ ਨੇ ਜ਼ਿੰਬਾਬਵੇ ਦੀ ਬੱਲੇਬਾਜ਼ੀ ਦਾ ਬੂਰਾ ਹਾਲ ਕਰ ਦਿੱਤ ਸੀ। ਇਕ ਸਮੇਂ ਮੇਜ਼ਬਾਨ ਟੀਮ ਦਾ ਸਕੋਰ 9 ਵਿਕਟਾਂ 'ਤੇ 90 ਦੌੜਾਂ ਸੀ ਪਰ ਇੱਥੋਂ ਕਲਾਈਵ ਮਡਾਂਡੇ ਨੇ 25 ਗੇਂਦਾਂ 'ਤੇ 29 ਦੌੜਾਂ ਦੀ ਅਜੇਤੂ ਪਾਰੀ ਖੇਡ ਕੇ ਟੀਮ ਦਾ ਸਕੋਰ 115 ਤੱਕ ਪਹੁੰਚਾਇਆ। ਇਹ ਕਹਿਣਾ ਸ਼ਾਇਦ ਗਲਤ ਨਹੀਂ ਹੋਵੇਗਾ ਕਿ ਮਡਾਂਡੇ ਦੀ 29 ਦੌੜਾਂ ਦੀ ਪਾਰੀ ਨੇ ਆਖਰਕਾਰ ਭਾਰਤ ਦੀ ਬੱਲੇਬਾਜ਼ੀ ਨੂੰ ਢਾਹ ਦਿੱਤਾ। ਜੇਕਰ ਜ਼ਿੰਬਾਬਵੇ ਨੂੰ 100 ਦੌੜਾਂ ਤੋਂ ਘੱਟ ਤੱਕ ਰੋਕਿਆ ਹੁੰਦਾ ਤਾਂ ਟੀਮ ਇੰਡੀਆ ਲਈ ਜਿੱਤ ਮਾਨਸਿਕ ਤੌਰ 'ਤੇ ਆਸਾਨ ਹੋ ਸਕਦੀ ਸੀ।
ਕਿਸੇ ਨੇ ਨਹੀਂ ਦਿੱਤਾ ਸ਼ਭਮਨ ਗਿੱਲ ਦਾ ਸਾਥ
ਭਾਰਤੀ ਟੀਮ 116 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਮੈਦਾਨ 'ਚ ਉਤਰੀ ਸੀ। ਅਭਿਸ਼ੇਕ ਸ਼ਰਮਾ ਪਹਿਲੇ ਹੀ ਓਵਰ 'ਚ ਜ਼ੀਰੋ ਦੇ ਸਕੋਰ 'ਤੇ ਆਊਟ ਹੋ ਗਏ। ਦੂਜੇ ਪਾਸੇ ਰਿਤੂਰਾਜ ਗਾਇਕਵਾੜ ਅਤੇ ਰਿੰਕੂ ਸਿੰਘ ਵੀ ਕੁਝ ਖਾਸ ਨਹੀਂ ਕਰ ਸਕੇ। ਅਭਿਸ਼ੇਕ ਸ਼ਰਮਾ ਤੋਂ ਇਲਾਵਾ ਰਿਆਨ ਪਰਾਗ ਅਤੇ ਧਰੁਵ ਜੁਰੇਲ ਨੇ ਇਸੇ ਮੈਚ 'ਚ ਭਾਰਤ ਲਈ ਟੀ-20 ਡੈਬਿਊ ਕੀਤਾ ਸੀ ਪਰ ਇਹ ਤਿੰਨੇ ਵੱਡੀ ਪਾਰੀ ਖੇਡਦੇ ਹੋਏ ਦੋਹਰਾ ਅੰਕੜਾ ਵੀ ਪਾਰ ਨਹੀਂ ਕਰ ਸਕੇ। ਇਸ ਦੌਰਾਨ ਸ਼ੁਭਮਨ ਗਿੱਲ ਇੱਕ ਸਿਰੇ ਤੋਂ ਮਜ਼ਬੂਤੀ ਨਾਲ ਖੜ੍ਹੇ ਰਹੇ, ਜਿਨ੍ਹਾਂ ਨੇ 29 ਗੇਂਦਾਂ ਵਿੱਚ 31 ਦੌੜਾਂ ਬਣਾਈਆਂ ਪਰ ਦੂਜੇ ਸਿਰੇ ਤੋਂ ਸਮਰਥਨ ਨਾ ਮਿਲਣ ਕਾਰਨ ਕਪਤਾਨ ਗਿੱਲ ਵੀ ਆਪਣੀ ਵਿਕਟ ਗੁਆ ਬੈਠਾ।
ਖਰਾਬ ਫਿਲਡਿੰਗ
ਜੇਕਰ ਤੁਸੀਂ ਭਾਰਤ ਬਨਾਮ ਜ਼ਿੰਬਾਬਵੇ ਮੈਚ ਲਾਈਵ ਦੇਖਿਆ ਹੈ, ਤਾਂ ਤੁਹਾਨੂੰ ਪਤਾ ਹੋਵੇਗਾ ਕਿ ਦੋਵਾਂ ਟੀਮਾਂ ਦੀ ਫੀਲਡਿੰਗ ਵਿੱਚ ਬਹੁਤ ਅੰਤਰ ਸੀ। ਜਦੋਂ ਭਾਰਤ ਪਹਿਲਾਂ ਫੀਲਡਿੰਗ ਕਰ ਰਿਹਾ ਸੀ ਤਾਂ ਅਵੇਸ਼ ਖਾਨ, ਮੁਕੇਸ਼ ਕੁਮਾਰ ਅਤੇ ਵਾਸ਼ਿੰਗਟਨ ਸੁੰਦਰ ਸਮੇਤ ਕਈ ਖਿਡਾਰੀਆਂ ਨੇ ਖਰਾਬ ਫੀਲਡਿੰਗ ਕਾਰਨ ਵਾਧੂ ਦੌੜਾਂ ਦਿੱਤੀਆਂ। ਇੱਥੋਂ ਤੱਕ ਕਿ ਅਵੇਸ਼ ਖਾਨ ਨੇ ਖਲੀਲ ਅਹਿਮਦ ਦੀ ਗੇਂਦ 'ਤੇ ਬ੍ਰਾਇਨ ਬੇਨੇਟ ਦਾ ਆਸਾਨ ਕੈਚ ਛੱਡ ਦਿੱਤਾ। ਇਹ ਕੈਚ ਖੁੰਝ ਜਾਣ ਕਰਕੇ ਚੌਕਾ ਲੱਗ ਗਿਆ। ਦੂਜੇ ਪਾਸੇ ਡੈੱਥ ਓਵਰਾਂ ਵਿੱਚ ਜ਼ਿੰਬਾਬਵੇ ਵੱਲੋਂ ਸ਼ਾਨਦਾਰ ਫੀਲਡਿੰਗ ਰਹੀ ਅਤੇ ਆਖਰੀ ਓਵਰਾਂ ਵਿੱਚ ਫੀਲਡਰਾਂ ਨੇ ਵਾਸ਼ਿੰਗਟਨ ਸੁੰਦਰ ਦੇ 2 ਸ਼ਾਟ ਚੌਕੇ ਤੱਕ ਪਹੁੰਚਣ ਤੋਂ ਰੋਕ ਦਿੱਤੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
