Asia Cup 2023: ਟੀਮ ਇੰਡੀਆ ਦਾ ਖੇਡ ਦੇ ਮੈਦਾਨ 'ਚ ਜਲਵਾ ਦੇਖ ਪਾਕਿਸਤਾਨੀ ਕ੍ਰਿਕਟਰ ਵੀ ਹੋਏ ਗਦਗਦ, ਇੰਝ ਜਤਾਈ ਖੁਸ਼ੀ
Pakistan cricketer's Reaction On Asia Cup 2023 Winner: ਐਤਵਾਰ ਦਾ ਦਿਨ ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਬਹੁਤ ਹੀ ਖਾਸ ਰਿਹਾ। ਟੀਮ ਇੰਡੀਆ ਨੇ ਏਸ਼ੀਆ ਕੱਪ ਦੇ ਫਾਈਨਲ 'ਚ ਸ਼੍ਰੀਲੰਕਾ ਨੂੰ ਹਰਾ
Pakistan cricketer's Reaction On Asia Cup 2023 Winner: ਐਤਵਾਰ ਦਾ ਦਿਨ ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਬਹੁਤ ਹੀ ਖਾਸ ਰਿਹਾ। ਟੀਮ ਇੰਡੀਆ ਨੇ ਏਸ਼ੀਆ ਕੱਪ ਦੇ ਫਾਈਨਲ 'ਚ ਸ਼੍ਰੀਲੰਕਾ ਨੂੰ ਹਰਾ ਕੇ 8ਵਾਂ ਖਿਤਾਬ ਆਪਣੇ ਨਾਂਅ ਕੀਤਾ। ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਾਲੀ ਟੀਮ ਇੰਡੀਆ ਨੇ ਫਾਈਨਲ 'ਚ ਸ਼੍ਰੀਲੰਕਾ ਨੂੰ 10 ਵਿਕਟਾਂ ਨਾਲ ਹਰਾਇਆ। ਖ਼ਿਤਾਬੀ ਮੈਚ ਵਿੱਚ ਸਟਾਰ ਤੇਜ਼ ਗੇਂਦਬਾਜ਼ ਸਿਰਾਜ ਨੇ ਭਾਰਤ ਲਈ 6 ਵਿਕਟਾਂ ਲੈ ਕੇ ਕਾਫੀ ਸੁਰਖੀਆਂ ਬਟੋਰੀਆਂ। ਕਈ ਪਾਕਿਸਤਾਨੀ ਖਿਡਾਰੀਆਂ ਨੇ ਵੀ ਭਾਰਤ ਦੀ ਜਿੱਤ ਅਤੇ ਸਿਰਾਜ ਦੇ ਸ਼ਾਨਦਾਰ ਪ੍ਰਦਰਸ਼ਨ 'ਤੇ ਪ੍ਰਤੀਕਿਰਿਆ ਦਿੱਤੀ।
ਪਾਕਿਸਤਾਨ ਦੇ ਸਾਬਕਾ ਬੱਲੇਬਾਜ਼ ਮੁਹੰਮਦ ਹਫੀਜ਼ ਨੇ ਭਾਰਤੀ ਟੀਮ ਨੂੰ ਏਸ਼ੀਆ ਕੱਪ ਜਿੱਤਣ 'ਤੇ ਵਧਾਈ ਦਿੱਤੀ ਅਤੇ ਸਿਰਾਜ ਦੀ ਤਾਰੀਫ ਕੀਤੀ। ਹਫੀਜ਼ ਨੇ ਐਕਸ (ਪਹਿਲਾਂ ਟਵਿੱਟਰ) 'ਤੇ ਲਿਖਿਆ, ''ਬੀਸੀਸੀਆਈ (ਭਾਰਤੀ ਟੀਮ) ਨੂੰ ਏਸ਼ੀਆ ਕੱਪ 2023 ਜਿੱਤਣ 'ਤੇ ਵਧਾਈ। ਇਸ ਦਾ ਸਿਹਰਾ ਸਿਰਾਜ ਨੂੰ ਜਾਂਦਾ ਹੈ ਜਿਸ ਨੇ ਫਾਈਨਲ 'ਚ ਸ਼ਾਨਦਾਰ ਸਪੈੱਲ ਨਾਲ 6 ਵਿਕਟਾਂ ਲਈਆਂ।
ਇਸ ਤੋਂ ਇਲਾਵਾ ਪਾਕਿਸਤਾਨ ਦੇ ਸਾਬਕਾ ਵਿਕਟਕੀਪਰ ਬੱਲੇਬਾਜ਼ ਕਾਮਰਾਨ ਅਕਮਲ ਨੇ ਐਕਸ 'ਤੇ ਲਿਖਿਆ, 'ਏਸ਼ੀਆ ਚੈਂਪੀਅਨ ਬਣਨ 'ਤੇ ਟੀਮ ਇੰਡੀਆ ਨੂੰ ਵਧਾਈ। ਸ਼ਾਨਦਾਰ ਪ੍ਰਦਰਸ਼ਨ।
You was amazing in finals 👏 @mdsirajofficial and congratulations team India @BCCI #AsiaCup #INDvSL pic.twitter.com/3DbnA2Kruj
— Umar Akmal (@Umar96Akmal) September 17, 2023
”
ਟੀਮ ਦੇ ਇੱਕ ਹੋਰ ਵਿਕਟਕੀਪਰ ਉਮਰ ਅਕਮਲ ਨੇ ਏਸ਼ੀਆ ਕੱਪ ਵਿੱਚ ਭਾਰਤ ਦੀ ਜਿੱਤ ਅਤੇ ਸਿਰਾਜ ਦੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ X ਉੱਤੇ ਲਿਖਿਆ, “ਮੁਹੰਮਦ ਸਿਰਾਜ, ਤੁਸੀਂ ਫਾਈਨਲ ਵਿੱਚ ਸ਼ਾਨਦਾਰ ਸੀ ਅਤੇ ਭਾਰਤੀ ਟੀਮ ਨੂੰ ਵਧਾਈ। ਟੀਮ ਦੇ ਤੇਜ਼ ਗੇਂਦਬਾਜ਼ ਹਸਨ ਅਲੀ ਨੇ ਵੀ ਸਿਰਾਜ ਦੀ ਤਾਰੀਫ ਕੀਤੀ।
Congratulations @BCCI on winning #AsiaCupFinal2023 shout out for @mdsirajofficial for a magnificent spell of fast bowling 6 wickets in the final 👏🏼👏🏼👍🏼. pic.twitter.com/FN2hb1NiWQ
— Mohammad Hafeez (@MHafeez22) September 17, 2023
ਫਾਈਨਲ 'ਚ ਸਿਰਾਜ ਨੇ ਮਚਾਈ ਤਬਾਹੀ
ਦੱਸ ਦੇਈਏ ਕਿ ਮੁਹੰਮਦ ਸਿਰਾਜ ਸ਼੍ਰੀਲੰਕਾ ਦੇ ਖਿਲਾਫ ਏਸ਼ੀਆ ਕੱਪ 2023 ਦੇ ਫਾਈਨਲ ਵਿੱਚ ਇੱਕ ਵੱਖਰੀ ਲੈਅ ਵਿੱਚ ਨਜ਼ਰ ਆਏ ਸਨ। ਉਸ ਨੇ 7 ਓਵਰਾਂ 'ਚ ਸਿਰਫ 21 ਦੌੜਾਂ ਦੇ ਕੇ 6 ਵਿਕਟਾਂ ਲਈਆਂ। ਸਿਰਾਜ ਨੇ ਸਿਰਫ਼ ਇੱਕ ਓਵਰ (ਪਾਰੀ ਦੇ ਚੌਥੇ ਓਵਰ ਵਿੱਚ) ਵਿੱਚ 4 ਵਿਕਟਾਂ ਲਈਆਂ ਸਨ। ਉਸ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੀ ਬਦੌਲਤ ਭਾਰਤ ਨੇ ਸ਼੍ਰੀਲੰਕਾ ਨੂੰ 15.2 ਓਵਰਾਂ 'ਚ ਸਿਰਫ 50 ਦੌੜਾਂ 'ਤੇ ਆਲ ਆਊਟ ਕਰ ਦਿੱਤਾ। ਭਾਰਤ ਨੇ 6.1 ਓਵਰਾਂ ਵਿੱਚ ਟੀਚਾ ਹਾਸਲ ਕਰ ਲਿਆ ਅਤੇ ਜਿੱਤ ਦਰਜ ਕੀਤੀ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
