Sports Breaking: ਪਹਿਲਾਂ ਘਰ ਨੂੰ ਲਗਾਈ ਅੱਗ, ਹੁਣ ਇਸ ਕ੍ਰਿਕਟਰ 'ਤੇ ਹਿੰਸਾ ਭੜਕਾਉਣ ਦੇ ਲੱਗੇ ਗੰਭੀਰ ਦੋਸ਼
FIR Against Mashrafe Murtaza: ਬੰਗਲਾਦੇਸ਼ 'ਚ ਚੱਲ ਰਹੇ ਵਿਰੋਧ ਪ੍ਰਦਰਸ਼ਨ ਵਿਚਾਲੇ ਕ੍ਰਿਕਟਰ ਸ਼ਾਕਿਬ ਅਲ ਹਸਨ 'ਤੇ ਹੱਤਿਆ ਦਾ ਦੋਸ਼ ਲਗਾਇਆ ਗਿਆ ਸੀ। ਹੁਣ ਸ਼ਾਕਿਬ ਦੇ ਨਾਲ ਇਸ ਲਿਸਟ 'ਚ ਬੰਗਲਾਦੇਸ਼ ਕ੍ਰਿਕਟ ਟੀਮ ਦੇ
FIR Against Mashrafe Murtaza: ਬੰਗਲਾਦੇਸ਼ 'ਚ ਚੱਲ ਰਹੇ ਵਿਰੋਧ ਪ੍ਰਦਰਸ਼ਨ ਵਿਚਾਲੇ ਕ੍ਰਿਕਟਰ ਸ਼ਾਕਿਬ ਅਲ ਹਸਨ 'ਤੇ ਹੱਤਿਆ ਦਾ ਦੋਸ਼ ਲਗਾਇਆ ਗਿਆ ਸੀ। ਹੁਣ ਸ਼ਾਕਿਬ ਦੇ ਨਾਲ ਇਸ ਲਿਸਟ 'ਚ ਬੰਗਲਾਦੇਸ਼ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਮਸ਼ਰਫੇ ਮੁਰਤਜ਼ਾ ਦਾ ਨਾਂ ਵੀ ਜੁੜ ਗਿਆ ਹੈ। ਕੁਝ ਦਿਨ ਪਹਿਲਾਂ ਦੇਸ਼ ਦੀ ਰਾਜਧਾਨੀ ਢਾਕਾ 'ਚ ਪ੍ਰਦਰਸ਼ਨ ਕਰ ਰਹੇ ਵਿਦਿਆਰਥੀਆਂ 'ਤੇ ਹਮਲਾ ਕਰਨ ਦੇ ਦੋਸ਼ 'ਚ ਮੁਰਤਜ਼ਾ ਖਿਲਾਫ ਨਰਿਲ ਸਰਦਾਰ ਪੁਲਿਸ ਸਟੇਸ਼ਨ 'ਚ ਮਾਮਲਾ ਦਰਜ ਕੀਤਾ ਗਿਆ ਸੀ। ਇੰਨਾ ਹੀ ਨਹੀਂ ਮੁਰਤਜ਼ਾ ਦੇ ਪਿਤਾ ਖਿਲਾਫ ਵੀ ਐੱਫ.ਆਈ.ਆਰ. ਵੀ ਦਰਜ ਕਰਵਾਈ ਗਈ ਹੈ।
ਇਹ ਐਫਆਈਆਰ 10 ਸਤੰਬਰ ਨੂੰ ਸ਼ੇਖ ਮੁਸਤਫਾ ਨਾਮ ਦੇ ਵਿਅਕਤੀ ਨੇ ਦਰਜ ਕਰਵਾਈ ਸੀ। ਉਸ ਨੇ ਵਿਦਿਆਰਥੀਆਂ 'ਤੇ ਹਮਲਾ ਕਰਕੇ ਦੇਸ਼ 'ਚ ਅਸ਼ਾਂਤੀ ਫੈਲਾਉਣ ਲਈ ਮਸ਼ਰਫੇ ਮੁਰਤਜ਼ਾ ਅਤੇ ਉਸ ਦੇ ਪਿਤਾ ਸਮੇਤ ਕੁੱਲ 90 ਲੋਕਾਂ ਦੇ ਨਾਂ ਸਾਹਮਣੇ ਰੱਖੇ ਹਨ। ਇਸ ਤੋਂ ਪਹਿਲਾਂ ਜਦੋਂ ਸ਼ਾਕਿਬ ਅਲ ਹਸਨ 'ਤੇ ਹੱਤਿਆ ਦਾ ਇਲਜ਼ਾਮ ਲੱਗਾ ਸੀ ਤਾਂ ਪਾਕਿਸਤਾਨ ਦੇ ਖਿਲਾਫ ਟੈਸਟ ਸੀਰੀਜ਼ ਖਤਮ ਹੋਣ ਤੋਂ ਬਾਅਦ ਉਹ ਆਪਣੇ ਦੇਸ਼ ਵਾਪਸ ਨਹੀਂ ਗਿਆ ਸੀ ਸਗੋਂ ਕਾਊਂਟੀ ਕ੍ਰਿਕਟ ਖੇਡਣ ਲਈ ਇੰਗਲੈਂਡ ਗਿਆ ਸੀ।
ਮਸ਼ਰਫੇ ਮੁਰਤਜ਼ਾ ਖਿਲਾਫ ਦਰਜ ਕੀਤੇ ਗਏ ਕੇਸ ਦੇ ਸਬੰਧ 'ਚ ਇਹ ਬਿਆਨ ਜਾਰੀ ਕੀਤਾ ਗਿਆ ਹੈ ਕਿ ਐਤਵਾਰ 4 ਅਗਸਤ ਨੂੰ ਹੋਈ ਰੈਲੀ 'ਚ ਮਸ਼ਰਫੇ ਮੁਰਤਜ਼ਾ ਅਤੇ ਉਸ ਦੇ ਪਿਤਾ ਗੁਲਾਮ ਮੁਰਤਜ਼ਾ ਵੀ ਸ਼ਾਮਲ ਸਨ। ਇਸ ਦੌਰਾਨ ਸਰਕਾਰ ਦਾ ਤਖਤਾ ਪਲਟ ਜਾਂਦਾ ਹੈ, ਜਿਸ ਕਾਰਨ ਸ਼ੇਖ ਹਸੀਨਾ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇ ਕੇ ਭਾਰਤ ਆ ਜਾਂਦੀ ਹੈ। ਕੁਝ ਦਿਨਾਂ ਬਾਅਦ ਖਬਰ ਆਈ ਕਿ ਪ੍ਰਦਰਸ਼ਨ ਦੌਰਾਨ ਮਸ਼ਰਫੀ ਦੇ ਘਰ ਨੂੰ ਅੱਗ ਲਗਾ ਦਿੱਤੀ ਗਈ ਸੀ। ਘਰ 'ਚ ਲੱਗੀ ਅੱਗ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈਆਂ ਸੀ।
ਇਹ ਵੀ ਧਿਆਨ ਦੇਣ ਯੋਗ ਹੈ ਕਿ ਮਸ਼ਰਫੇ ਮੁਰਤਜ਼ਾ ਜਲਦ ਹੀ ਕ੍ਰਿਕਟ 'ਚ ਵਾਪਸੀ ਕਰਨ ਜਾ ਰਹੇ ਹਨ। ਉਹ ਬਹੁਤ ਜਲਦੀ ਯੂਐਸ ਟੀ 10 ਲੀਗ ਵਿੱਚ ਡੇਟ੍ਰੋਇਟ ਫਾਲਕਨਜ਼ ਲਈ ਖੇਡਦੇ ਹੋਏ ਨਜ਼ਰ ਆਉਣਗੇ। ਭਾਰਤ ਦੇ ਸੁਰੇਸ਼ ਰੈਨਾ, ਮੁਨਾਫ ਪਟੇਲ ਅਤੇ ਪਾਰਥਿਵ ਪਟੇਲ ਤੋਂ ਲੈ ਕੇ ਪਾਕਿਸਤਾਨੀ ਦਿੱਗਜ ਮੁਹੰਮਦ ਹਫੀਜ਼ ਅਤੇ ਮਿਸਬਾਹ-ਉਲ-ਹੱਕ ਵੀ ਇਸ ਲੀਗ 'ਚ ਖੇਡਦੇ ਨਜ਼ਰ ਆਉਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
