CSK vs LSG Live : ਚੇਨਈ ਨੇ ਲਖਨਊ ਨੂੰ ਦਿੱਤਾ 218 ਦੌੜਾਂ ਦਾ ਟੀਚਾ, ਧੋਨੀ ਨੇ ਆਖਰੀ ਓਵਰ ਵਿੱਚ ਲਗਾਏ ਦੋ ਛੱਕੇ

CSK vs LSG, IPL 2023 Live : ਇੰਡੀਅਨ ਪ੍ਰੀਮੀਅਰ ਲੀਗ (IPL) 2023 ਦਾ ਛੇਵਾਂ ਮੈਚ ਸੋਮਵਾਰ ਨੂੰ ਖੇਡਿਆ ਜਾਵੇਗਾ, ਜਿਸ ਵਿੱਚ ਚੇਨਈ ਸੁਪਰ ਕਿੰਗਜ਼ (CSK) ਅਤੇ ਲਖਨਊ ਸੁਪਰ ਜਾਇੰਟਸ (LSG) ਦੀਆਂ ਟੀਮਾਂ

Background

CSK vs LSG, IPL 2023 Live : ਇੰਡੀਅਨ ਪ੍ਰੀਮੀਅਰ ਲੀਗ (IPL) 2023 ਦਾ ਛੇਵਾਂ ਮੈਚ ਸੋਮਵਾਰ ਨੂੰ ਖੇਡਿਆ ਜਾਵੇਗਾ, ਜਿਸ ਵਿੱਚ ਚੇਨਈ ਸੁਪਰ ਕਿੰਗਜ਼ (CSK) ਅਤੇ ਲਖਨਊ ਸੁਪਰ ਜਾਇੰਟਸ (LSG) ਦੀਆਂ ਟੀਮਾਂ ਆਹਮੋ -ਸਾਹਮਣੇ ਹੋਣਗੀਆਂ। ਦੋਵੇਂ ਟੀਮਾਂ ਸ਼ਾਮ 7.30 ਵਜੇ ਚੇਨਈ ਦੇ ਐਮਏ ਚਿਦੰਬਰਮ ਸਟੇਡੀਅਮ ਵਿੱਚ ਭਿੜਨਗੀਆਂ।ਟਾਸ 7 ਵਜੇ ਹੋਵੇਗਾ। 16ਵੇਂ ਸੀਜ਼ਨ 'ਚ ਦੋਵਾਂ ਟੀਮਾਂ ਦਾ ਇਹ ਦੂਜਾ ਮੈਚ ਹੈ। 

 

ਚਾਰ ਸਾਲ ਬਾਅਦ ਚੇਨਈ ਦੀ ਟੀਮ ਆਪਣੇ ਹੀ ਮੈਦਾਨ 'ਤੇ ਖੇਡੇਗੀ। ਪਿਛਲੇ ਮੈਚ 'ਚ ਗੁਜਰਾਤ ਟਾਈਟਨਸ ਤੋਂ ਮਿਲੀ ਹਾਰ ਤੋਂ ਬਾਅਦ ਚੇਨਈ ਦੀ ਟੀਮ ਇਸ ਮੈਚ 'ਚ ਜਵਾਬੀ ਹਮਲਾ ਕਰਨ 'ਤੇ ਉਤਰੇਗੀ। ਸੀਐਸਕੇ ਨੂੰ ਆਪਣੇ ਪਹਿਲੇ ਮੈਚ ਵਿੱਚ ਗੁਜਰਾਤ ਟਾਈਟਨਸ (ਜੀਟੀ) ਦੇ ਹੱਥੋਂ 5 ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। 

 

ਦੂਜੇ ਪਾਸੇ ਲਖਨਊ ਦੀ ਟੀਮ ਆਪਣੀ ਜਿੱਤ ਦਾ ਸਿਲਸਿਲਾ ਬਰਕਰਾਰ ਰੱਖਣਾ ਚਾਹੇਗੀ। ਲਖਨਊ ਨੇ ਆਪਣੇ ਪਹਿਲੇ ਮੈਚ ਵਿੱਚ ਦਿੱਲੀ ਕੈਪੀਟਲਜ਼ ਨੂੰ 50 ਦੌੜਾਂ ਨਾਲ ਹਰਾਇਆ ਸੀ। ਕੁੱਲ ਮਿਲਾ ਕੇ ਸੀਐਸਕੇ ਅਤੇ ਲਖਨਊ ਵਿਚਾਲੇ ਇਸ ਮੈਚ ਵਿੱਚ ਰੋਮਾਂਚਕ ਲੜਾਈ ਦੇਖਣ ਨੂੰ ਮਿਲੇਗੀ।

ਧੋਨੀ ਬ੍ਰਿਗੇਡ ਚਾਰ ਸਾਲ ਬਾਅਦ ਆਪਣੇ ਘਰੇਲੂ ਮੈਦਾਨ 'ਤੇ ਮੈਚ ਖੇਡੇਗੀ। ਅਜਿਹੇ 'ਚ ਉਸ ਦੀ ਨਜ਼ਰ ਚੇਪਾਕ 'ਚ ਆਪਣੇ ਪ੍ਰਸ਼ੰਸਕਾਂ ਨੂੰ ਜਿੱਤ ਦਾ ਤੋਹਫਾ ਦੇਣ 'ਤੇ ਹੋਵੇਗੀ। ਇਸ ਦੇ ਨਾਲ ਹੀ ਸੀਐਸਕੇ ਪਿਛਲੇ ਸੀਜ਼ਨ ਵਿੱਚ ਲਖਨਊ ਖ਼ਿਲਾਫ਼ ਮਿਲੀ ਹਾਰ ਦਾ ਹਿਸਾਬ-ਕਿਤਾਬ ਵੀ ਨਿਪਟਾਉਣ ਦੀ ਕੋਸ਼ਿਸ਼ ਕਰੇਗੀ। ਐਲਐਸਜੀ ਨੇ 15ਵੇਂ ਸੀਜ਼ਨ ਵਿੱਚ ਚੇਨਈ ਨੂੰ 6 ਵਿਕਟਾਂ ਨਾਲ ਹਰਾਇਆ। 

23:17 PM (IST)  •  03 Apr 2023

CSK vs LSG Live : ਚੇਨਈ ਦੀ ਮੁੱਠੀ 'ਚ ਮੈਚ

 CSK vs LSG Live : ਇਹ ਮੈਚ ਹੁਣ ਚੇਨਈ ਸੁਪਰ ਕਿੰਗਜ਼ ਦੇ ਹੱਥ ਆ ਗਿਆ ਹੈ। ਲਖਨਊ ਨੇ 16 ਓਵਰਾਂ 'ਚ 156 ਦੇ ਸਕੋਰ 'ਤੇ ਆਪਣਾ ਛੇਵਾਂ ਵਿਕਟ ਗੁਆ ਦਿੱਤਾ ਹੈ। ਨਿਕੋਲਸ ਪੂਰਨ 18 ਗੇਂਦਾਂ ਵਿੱਚ 32 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਲਖਨਊ ਨੂੰ ਹੁਣ ਜਿੱਤ ਲਈ 24 ਗੇਂਦਾਂ ਵਿੱਚ 62 ਦੌੜਾਂ ਬਣਾਉਣੀਆਂ ਹਨ। ਆਯੂਸ਼ ਬਡੋਨੀ ਅਤੇ ਕੇ ਗੌਤਮ ਕ੍ਰੀਜ਼ 'ਤੇ ਹਨ।

22:57 PM (IST)  •  03 Apr 2023

CSK vs LSG Live : 14ਵੇਂ ਓਵਰ ਵਿੱਚ ਗਵਾਇਆ ਪੰਜਵਾਂ ਵਿਕਟ

CSK vs LSG Live : ਚੇਨਈ ਵੱਲੋਂ ਦਿੱਤੇ 218 ਦੌੜਾਂ ਦੇ ਵੱਡੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਲਖਨਊ ਦੀ ਟੀਮ ਨੇ 14ਵੇਂ ਓਵਰ ਵਿੱਚ 130 ਦੇ ਸਕੋਰ ’ਤੇ ਪੰਜਵੀਂ ਵਿਕਟ ਗੁਆ ਦਿੱਤੀ। ਮਾਰਕਸ ਸਟੋਇਨਿਸ 18 ਗੇਂਦਾਂ ਵਿੱਚ 21 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਆਯੂਸ਼ ਬਡੋਨੀ ਅਤੇ ਨਿਕੋਲਸ ਪੂਰਨ ਹੁਣ ਕ੍ਰੀਜ਼ 'ਤੇ ਹਨ।

22:33 PM (IST)  •  03 Apr 2023

CSK vs LSG Live : ਕੇਐਲ ਰਾਹੁਲ 20 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤੇ , ਲਖਨਊ ਦੀ ਟੀਮ ਨੂੰ 82 ਦੇ ਸਕੋਰ 'ਤੇ ਲੱਗਾ ਤੀਜਾ ਝਟਕਾ

CSK vs LSG Live :  218 ਦੌੜਾਂ ਦੇ ਸਕੋਰ ਦਾ ਪਿੱਛਾ ਕਰਨ ਉਤਰੀ ਲਖਨਊ ਦੀ ਟੀਮ ਨੂੰ 82 ਦੇ ਸਕੋਰ 'ਤੇ ਤੀਜਾ ਵੱਡਾ ਝਟਕਾ ਕਪਤਾਨ ਕੇਐੱਲ ਰਾਹੁਲ ਦੇ ਰੂਪ 'ਚ ਲੱਗਾ, ਜੋ 20 ਦੇ ਨਿੱਜੀ ਸਕੋਰ 'ਤੇ ਪੈਵੇਲੀਅਨ ਪਰਤ ਗਏ। ਇਸ ਤੋਂ ਪਹਿਲਾਂ ਮੇਅਰਜ਼ 53 ਅਤੇ ਹੁੱਡਾ 2 ਦੌੜਾਂ ਬਣਾ ਕੇ ਵਾਪਸੀ ਕਰ ਚੁੱਕੇ ਹਨ।

 

22:32 PM (IST)  •  03 Apr 2023

CSK vs LSG Live : ਲਖਨਊ ਦੀ ਤੂਫਾਨੀ ਸ਼ੁਰੂਆਤ

CSK vs LSG Live :  3 ਓਵਰਾਂ ਤੋਂ ਬਾਅਦ ਲਖਨਊ ਸੁਪਰ ਜਾਇੰਟਸ ਦਾ ਸਕੋਰ ਬਿਨਾਂ ਕਿਸੇ ਵਿਕਟ ਦੇ 38 ਦੌੜਾਂ ਹੈ। ਕਾਇਲ ਮੇਅਰਜ਼ 11 ਗੇਂਦਾਂ ਵਿੱਚ 27 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਇਸ ਦੌਰਾਨ ਉਸ ਦੇ ਬੱਲੇ 'ਚੋਂ 5 ਚੌਕੇ ਤੇ ਇਕ ਛੱਕਾ ਨਿਕਲਿਆ। ਉਹ 245 ਦੀ ਸਟ੍ਰਾਈਕ ਰੇਟ ਨਾਲ ਦੌੜਾਂ ਬਣਾ ਰਿਹਾ ਹੈ। ਇਸ ਦੇ ਨਾਲ ਹੀ ਕੇਐੱਲ ਰਾਹੁਲ ਛੇ ਗੇਂਦਾਂ 'ਤੇ 9 ਦੌੜਾਂ ਬਣਾ ਕੇ ਖੇਡ ਰਹੇ ਹਨ।

21:55 PM (IST)  •  03 Apr 2023

CSK vs LSG Live : ਗੇਂਦਬਾਜ਼ੀ ਕਰਦੇ ਨਜ਼ਰ ਆਏ ਬੇਨ ਸਟੋਕਸ

CSK vs LSG Live : ਚੇਨਈ ਵੱਲੋਂ ਦਿੱਤੇ 218 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਲਖਨਊ ਦੀ ਟੀਮ ਪਹਿਲੇ ਓਵਰ ਵਿੱਚ ਸੱਤ ਦੌੜਾਂ ਬਣਾ ਸਕੀ। ਦਿਲਚਸਪ ਗੱਲ ਇਹ ਹੈ ਕਿ ਦੂਜੇ ਓਵਰ 'ਚ ਬੇਨ ਸਟੋਕਸ ਗੇਂਦਬਾਜ਼ੀ ਕਰਦੇ ਨਜ਼ਰ ਆਏ। ਲਖਨਊ ਲਈ ਕੇਐੱਲ ਰਾਹੁਲ ਅਤੇ ਕਾਇਲ ਮੇਅਰਜ਼ ਓਪਨਿੰਗ ਕਰਨ ਆਏ ਹਨ। ਦੋਵੇਂ ਚੰਗੀ ਲੈਅ 'ਚ ਨਜ਼ਰ ਆ ਰਹੇ ਹਨ।