MS ਧੋਨੀ ਨੇ ਰਚਿਆ ਇਤਿਹਾਸ, IPL 'ਚ ਇਸ ਅੰਕੜੇ ਨੂੰ ਛੂਹਣ ਵਾਲੇ ਬਣੇ ਪਹਿਲੇ ਖਿਡਾਰੀ, ਰੋਹਿਤ-ਕੋਹਲੀ ਕੋਸਾਂ ਦੂਰ
MS Dhoni Historic Record In IPL: ਐਮਐਸ ਧੋਨੀ ਆਈਪੀਐਲ 2024 ਵਿੱਚ ਚੇਨਈ ਸੁਪਰ ਕਿੰਗਜ਼ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਵਿਚਾਲੇ ਖੇਡੇ ਗਏ ਮੁਕਾਬਲੇ ਵਿੱਚ ਬੱਲੇਬਾਜ਼ੀ ਕਰਨ ਲਈ ਉਤਰੇ ਸੀ।
MS Dhoni Historic Record In IPL: ਐਮਐਸ ਧੋਨੀ ਆਈਪੀਐਲ 2024 ਵਿੱਚ ਚੇਨਈ ਸੁਪਰ ਕਿੰਗਜ਼ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਵਿਚਾਲੇ ਖੇਡੇ ਗਏ ਮੁਕਾਬਲੇ ਵਿੱਚ ਬੱਲੇਬਾਜ਼ੀ ਕਰਨ ਲਈ ਉਤਰੇ ਸੀ। ਧੋਨੀ ਨੇ 2 ਗੇਂਦਾਂ 'ਚ ਅਜੇਤੂ ਰਹਿੰਦੇ ਹੋਏ 5 ਦੌੜਾਂ ਬਣਾਈਆਂ। ਧੋਨੀ ਨੂੰ ਮੈਦਾਨ 'ਤੇ ਆਉਂਦੇ ਦੇਖ ਪ੍ਰਸ਼ੰਸਕਾਂ ਨੂੰ ਲੱਗਾ ਕਿ ਉਨ੍ਹਾਂ ਦੇ ਪੈਸੇ ਵਸੂਲ ਹੋ ਗਏ ਸੀ। ਹੁਣ ਹੈਦਰਾਬਾਦ ਦੇ ਖਿਲਾਫ ਮੈਚ ਦੇ ਜ਼ਰੀਏ ਧੋਨੀ ਨੇ ਇੱਕ ਵੱਡੀ ਉਪਲਬਧੀ ਹਾਸਲ ਕਰ ਲਈ ਹੈ। ਉਨ੍ਹਾਂ ਨੇ ਇਤਿਹਾਸ ਰਚਦੇ ਹੋਏ IPL ਦਾ ਉਹ ਰਿਕਾਰਡ ਆਪਣੇ ਨਾਂ ਕਰ ਲਿਆ ਹੈ, ਜਿੱਥੇ ਹੁਣ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਵੀ ਨਹੀਂ ਪਹੁੰਚ ਸਕੇ ਹਨ।
ਦਰਅਸਲ, ਧੋਨੀ ਆਈਪੀਐਲ ਦੇ ਇਤਿਹਾਸ ਵਿੱਚ 150 ਜਿੱਤਾਂ ਦਾ ਹਿੱਸਾ ਬਣਨ ਵਾਲੇ ਪਹਿਲੇ ਖਿਡਾਰੀ ਬਣ ਗਏ ਹਨ। ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਵਰਗੇ ਦਿੱਗਜ ਖਿਡਾਰੀ ਵੀ ਹੁਣ ਤੱਕ ਇਸ ਅੰਕੜੇ ਨੂੰ ਛੂਹ ਨਹੀਂ ਸਕੇ ਹਨ। ਹੈਦਰਾਬਾਦ ਦੇ ਖਿਲਾਫ ਮੈਚ ਵਿੱਚ ਧੋਨੀ ਇੱਕ ਖਿਡਾਰੀ ਦੇ ਰੂਪ ਵਿੱਚ 150ਵੀਂ ਆਈਪੀਐਲ ਜਿੱਤ ਦਾ ਹਿੱਸਾ ਬਣੇ। ਇਸ ਸਮੇਂ ਦੌਰਾਨ ਧੋਨੀ ਨੇ ਚੇਨਈ ਸੁਪਰ ਕਿੰਗਜ਼ ਲਈ 135 ਜਿੱਤਾਂ ਅਤੇ ਰਾਈਜ਼ਿੰਗ ਪੁਣੇ ਸੁਪਰ ਜਾਇੰਟਸ ਲਈ 15 ਜਿੱਤਾਂ ਦਾ ਹਿੱਸਾ ਸੀ। ਚੇਨਈ ਦੀ ਟੀਮ 'ਤੇ 2016 ਅਤੇ 2017 ਦੌਰਾਨ ਪਾਬੰਦੀ ਲਗਾਈ ਗਈ ਸੀ, ਜਿਸ ਕਾਰਨ ਧੋਨੀ ਸਾਈਜ਼ਿੰਗ ਪੁਣੇ ਸੁਪਰ ਜਾਇੰਟ ਦਾ ਹਿੱਸਾ ਬਣ ਗਏ ਸਨ।
ਸਭ ਤੋਂ ਵੱਧ IPL ਮੈਚ ਜਿੱਤਣ ਵਾਲੇ ਖਿਡਾਰੀ
ਐਮਐਸ ਧੋਨੀ - 150 ਜਿੱਤਾਂ
ਰਵਿੰਦਰ ਜਡੇਜਾ- 133 ਜਿੱਤੇ
ਰੋਹਿਤ ਸ਼ਰਮਾ- 133 ਜਿੱਤੇ
ਦਿਨੇਸ਼ ਕਾਰਤਿਕ- 125 ਜਿੱਤੇ
ਸੁਰੇਸ਼ ਰੈਨਾ- 125 ਜਿੱਤੇ
IPL 2024 'ਚ ਹੁਣ ਤੱਕ ਅਜੇਤੂ ਹਨ ਧੋਨੀ
ਦੱਸ ਦੇਈਏ ਕਿ ਆਈਪੀਐਲ 2024 ਵਿੱਚ ਐਮਐਸ ਧੋਨੀ ਹੁਣ ਤੱਕ ਅਜੇਤੂ ਹਨ। ਕੋਈ ਵੀ ਗੇਂਦਬਾਜ਼ ਉਸ ਦੀ ਵਿਕਟ ਨਹੀਂ ਲੈ ਸਕਿਆ। ਮਾਹੀ ਨੇ ਹੁਣ ਤੱਕ ਸੱਤ ਪਾਰੀਆਂ 'ਚ ਬੱਲੇਬਾਜ਼ੀ ਕੀਤੀ ਹੈ, ਜਿਸ 'ਚ ਉਸ ਨੇ 259.46 ਦੀ ਸਟ੍ਰਾਈਕ ਰੇਟ ਨਾਲ 96 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਸਦੀ ਔਸਤ ਬੇਅੰਤ ਰਹੀ ਕਿਉਂਕਿ ਉਹ ਇੱਕ ਵਾਰ ਵੀ ਆਊਟ ਨਹੀਂ ਹੋਇਆ ਹੈ। ਧੋਨੀ ਦਾ ਉੱਚ ਸਕੋਰ 16 ਗੇਂਦਾਂ ਵਿੱਚ 36* ਦੌੜਾਂ ਸੀ, ਜੋ ਉਸਨੇ ਇਸ ਸੀਜ਼ਨ ਵਿੱਚ ਪਹਿਲੀ ਵਾਰ ਬੱਲੇਬਾਜ਼ੀ ਕਰਦੇ ਹੋਏ ਦਿੱਲੀ ਕੈਪੀਟਲਸ ਦੇ ਖਿਲਾਫ ਬਣਾਇਆ ਸੀ। ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਕੋਈ ਉਸ ਨੂੰ ਬਾਕੀ ਮੈਚਾਂ 'ਚ ਆਊਟ ਕਰ ਸਕਦਾ ਹੈ ਜਾਂ ਕੀ ਉਹ ਪੂਰੇ ਸੀਜ਼ਨ 'ਚ ਅਜੇਤੂ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
