FIFA WC 2022 : ਸੜਕਾਂ 'ਤੇ ਪੁਰਤਗਾਲ ਖਿਲਾਫ਼ ਮੋਰੱਕੋ ਦੀ ਇਤਿਹਾਸਕ ਜਿੱਤ ਦਾ ਜਸ਼ਨ, ਸ਼ਕੀਰਾ ਤੇ ਇਮਰਾਨ ਖਾਨ ਦਾ Reaction ਹੋਇਆ ਵਾਇਰਲ
FIFA WC 2022: ਫੀਫਾ ਵਿਸ਼ਵ ਕੱਪ 2022 ਦੇ ਕੁਆਰਟਰ ਫਾਈਨਲ ਮੈਚ ਵਿੱਚ ਮੋਰੱਕੋ ਨੇ ਪੁਰਤਗਾਲ ਖ਼ਿਲਾਫ਼ ਇਤਿਹਾਸਕ ਜਿੱਤ ਦਰਜ ਕਰਕੇ ਸੈਮੀਫਾਈਨਲ ਵਿੱਚ ਆਪਣੀ ਥਾਂ ਪੱਕੀ ਕਰ ਲਈ ਹੈ।
FIFA WC 2022: ਫੀਫਾ ਵਿਸ਼ਵ ਕੱਪ 2022 ਦੇ ਕੁਆਰਟਰ ਫਾਈਨਲ ਮੈਚ ਵਿੱਚ ਮੋਰੱਕੋ ਨੇ ਪੁਰਤਗਾਲ ਖ਼ਿਲਾਫ਼ ਇਤਿਹਾਸਕ ਜਿੱਤ ਦਰਜ ਕੀਤੀ ਹੈ। ਇਸ ਜਿੱਤ ਨਾਲ ਮੋਰੋਕੋ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰਨ ਵਾਲੀ ਪਹਿਲੀ ਅਫਰੀਕੀ ਟੀਮ ਬਣ ਗਈ ਹੈ। ਇਹ ਪ੍ਰਾਪਤੀ ਜਿੰਨੀ ਵੱਡੀ ਹੈ, ਇਸ ਦਾ ਜਸ਼ਨ ਵੀ ਓਨਾ ਹੀ ਵੱਡਾ ਹੈ। ਮੋਰੱਕੋ ਦੇ ਪ੍ਰਸ਼ੰਸਕਾਂ ਨੇ ਸੜਕਾਂ 'ਤੇ ਆ ਕੇ ਆਪਣੇ ਦੇਸ਼ ਦੀ ਇਤਿਹਾਸਕ ਜਿੱਤ ਦਾ ਜਸ਼ਨ ਮਨਾਇਆ। ਮਸ਼ਹੂਰ ਗਾਇਕਾ ਸ਼ਕੀਰਾ ਨੇ ਵੀ ਮੋਰੋਕੋ ਦੀ ਜਿੱਤ 'ਤੇ ਇਕ ਟਵੀਟ ਕੀਤਾ ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਸ਼ਕੀਰਾ ਵੱਲੋਂ ਕੀਤਾ ਗਿਆ ਟਵੀਟ ਹੋਇਆ ਕਾਫੀ ਵਾਇਰਲ
ਜਿਵੇਂ ਹੀ ਪੁਰਤਗਾਲ ਖਿਲਾਫ ਮੋਰੱਕੋ ਦੀ ਜਿੱਤ ਹੋਈ, ਤੁਰੰਤ ਹੀ ਲੋਕਾਂ ਨੇ ਜਸ਼ਨ ਮਨਾਉਣਾ ਸ਼ੁਰੂ ਕਰ ਦਿੱਤਾ। ਕਤਰ ਨਾ ਜਾ ਸਕਣ ਵਾਲੇ ਸਾਰੇ ਪ੍ਰਸ਼ੰਸਕਾਂ ਨੇ ਘਰੋਂ ਬਾਹਰ ਆ ਕੇ ਸੜਕਾਂ 'ਤੇ ਜਸ਼ਨ ਮਨਾਉਣ ਦਾ ਫੈਸਲਾ ਕੀਤਾ। ਸਥਾਨਕ ਮੀਡੀਆ ਮੁਤਾਬਕ ਹਜ਼ਾਰਾਂ ਪ੍ਰਸ਼ੰਸਕ ਸੜਕਾਂ 'ਤੇ ਪਹੁੰਚ ਗਏ ਸਨ ਅਤੇ ਸਾਰਿਆਂ ਨੇ ਨੱਚ-ਗਾ ਕੇ ਦੇਸ਼ ਦੀ ਜਿੱਤ ਦਾ ਜਸ਼ਨ ਮਨਾਇਆ। ਇਸ ਦੌਰਾਨ ਸ਼ਕੀਰਾ ਵੱਲੋਂ ਕੀਤਾ ਗਿਆ ਟਵੀਟ ਵੀ ਕਾਫੀ ਵਾਇਰਲ ਹੋਇਆ ਹੈ। ਸ਼ਕੀਰਾ ਨੇ ਆਪਣੇ ਟਵੀਟ 'ਚ 'ਦਿਸ ਟਾਈਮ ਫਾਰ ਅਫਰੀਕਾ' ਲਿਖਿਆ ਅਤੇ ਬਸ ਇਹ ਲਿਖ ਕੇ ਉਨ੍ਹਾਂ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਦਰਅਸਲ, 2010 ਵਿਸ਼ਵ ਕੱਪ ਲਈ ਥੀਮ ਗੀਤ ਦੇ ਬੋਲ ਵੀ ਇਹੀ ਸਨ ਅਤੇ ਸ਼ਕੀਰਾ ਦੁਆਰਾ ਗਾਇਆ ਗਿਆ ਸੀ।
This time for Africa!! 👏🇲🇦 #WorldCup
— Shakira (@shakira) December 10, 2022
ਇਮਰਾਨ ਖਾਨ ਨੇ ਵੀ ਮੋਰੱਕੋ ਦੀ ਜਿੱਤ 'ਤੇ ਕੀਤਾ ਟਵੀਟ
ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਵੀ ਮੋਰੱਕੋ ਦੀ ਜਿੱਤ 'ਤੇ ਟਵੀਟ ਕੀਤਾ। ਇਮਰਾਨ ਖਾਨ ਨੇ ਟਵੀਟ 'ਚ ਲਿਖਿਆ ਕਿ ਪੁਰਤਗਾਲ ਨੂੰ ਹਰਾ ਕੇ ਫੁੱਟਬਾਲ ਵਿਸ਼ਵ ਕੱਪ ਦੇ ਸੈਮੀਫਾਈਨਲ 'ਚ ਪ੍ਰਵੇਸ਼ ਕਰਨ ਲਈ ਮੋਰੱਕੋ ਨੂੰ ਵਧਾਈ। ਪਹਿਲੀ ਵਾਰ ਕਿਸੇ ਅਰਬ, ਅਫਰੀਕੀ ਅਤੇ ਮੁਸਲਿਮ ਦੇਸ਼ ਦੀ ਟੀਮ ਵਿਸ਼ਵ ਕੱਪ ਦੇ ਸੈਮੀਫਾਈਨਲ 'ਚ ਪਹੁੰਚੀ ਹੈ। ਉਸ ਨੂੰ ਇਸ ਲਈ ਅਤੇ ਆਉਣ ਵਾਲੇ ਮੈਚਾਂ ਲਈ ਵਧਾਈ
Congratulations to Morocco on their victory over Portugal to reach the Football World Cup semi finals. First time an Arab, African & a Muslim team has reached a FIFA World Cup semi final. Wishing them success in the semi final & beyond.
— Imran Khan (@ImranKhanPTI) December 11, 2022
ਮੋਰੋਕੋ ਦਾ ਫਰਾਂਸ ਨਾਲ ਹੋਵੇਗਾ ਮੁਕਾਬਲਾ
ਸੈਮੀਫਾਈਨਲ 'ਚ ਮੋਰੱਕੋ ਦਾ ਸਾਹਮਣਾ ਫਰਾਂਸ ਨਾਲ ਹੋਵੇਗਾ, ਜਿਸ ਨੇ ਲਗਾਤਾਰ ਸ਼ਾਨਦਾਰ ਖੇਡ ਦਿਖਾਈ ਹੈ। ਮੋਰੋਕੋ ਨੇ ਵੀ ਲਗਾਤਾਰ ਦਿਖਾਇਆ ਹੈ ਕਿ ਉਹ ਕਿਸੇ ਵੀ ਮਜ਼ਬੂਤ ਟੀਮ ਨੂੰ ਹਰਾਉਣ ਦੀ ਤਾਕਤ ਰੱਖਦਾ ਹੈ। ਹੁਣ ਤੱਕ ਮੋਰੱਕੋ ਨੇ ਬੈਲਜੀਅਮ, ਸਪੇਨ ਅਤੇ ਪੁਰਤਗਾਲ ਵਰਗੀਆਂ ਤਿੰਨ ਵੱਡੀਆਂ ਟੀਮਾਂ ਨੂੰ ਹਰਾਇਆ ਹੈ। ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਹੁਣ ਤੱਕ ਕੋਈ ਵੀ ਟੀਮ ਮੋਰੱਕੋ ਖਿਲਾਫ ਗੋਲ ਨਹੀਂ ਕਰ ਸਕੀ ਹੈ। ਫਰਾਂਸ ਦੀ ਟੀਮ ਆਲ-ਅਟੈਕ ਫੁਟਬਾਲ ਖੇਡਦੀ ਹੈ, ਇਸ ਲਈ ਇਹ ਦੇਖਣਾ ਬਹੁਤ ਵਧੀਆ ਹੋਵੇਗਾ ਕਿ ਮੋਰੱਕੋ ਦੀ ਡਿਫੈਂਸ ਉਨ੍ਹਾਂ ਨੂੰ ਰੋਕਣ ਲਈ ਕੀ ਕਰੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
