IND vs AUS: ਰਵਿੰਦਰ ਜਡੇਜਾ ਦੀਆਂ ਗਲਤੀਆਂ ਪੈ ਰਹੀਆਂ ਭਾਰਤ ‘ਤੇ ਭਾਰੀ, ਮਾਰਨਸ਼ ਲਾਬੁਸ਼ੇਨ ਨੇ ਵਧਾਈਆਂ ਮੁਸ਼ਕਿਲਾਂ
India vs Australia: ਇੰਦੌਰ ਟੈਸਟ ਮੈਚ 'ਚ ਰਵਿੰਦਰ ਜਡੇਜਾ ਨੇ ਮਾਰਨਸ ਲਾਬੁਸ਼ੇਨ ਨੂੰ ਜ਼ੀਰੋ ਦੇ ਨਿੱਜੀ ਸਕੋਰ 'ਤੇ ਬੋਲਡ ਕਰ ਦਿੱਤਾ ਸੀ ਪਰ ਗੇਂਦ ਨੋ-ਬਾਲ ਹੋਣ ਕਾਰਨ ਲਾਬੁਸ਼ੇਨ ਬਚ ਗਏ।
Border-Gavaskar Trophy: ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਖੇਡੀ ਜਾ ਰਹੀ ਬਾਰਡਰ-ਗਾਵਸਕਰ ਟਰਾਫੀ 2023 ਦਾ ਤੀਜਾ ਟੈਸਟ ਮੈਚ ਫਿਲਹਾਲ ਇੰਦੌਰ ਦੇ ਹੋਲਕਰ ਸਟੇਡੀਅਮ 'ਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ 'ਚ ਜਿੱਥੇ ਭਾਰਤੀ ਟੀਮ ਪਹਿਲੇ ਦਿਨ ਹੀ 109 ਦੌੜਾਂ 'ਤੇ ਸਿਮਟ ਗਈ ਸੀ। ਇਸੇ ਗੇਂਦਬਾਜ਼ੀ ਦੌਰਾਨ ਰਵਿੰਦਰ ਜਡੇਜਾ ਵੱਲੋਂ ਮਾਰਨਸ ਲਾਬੁਸ਼ੇਨ ਨੂੰ ਲੈ ਕੇ ਕੀਤੀਆਂ ਗਈਆਂ ਗਲਤੀਆਂ ਹੁਣ ਟੀਮ 'ਤੇ ਭਾਰੀ ਪੈਂਦੀਆਂ ਨਜ਼ਰ ਆ ਰਹੀਆਂ ਹਨ।
ਤੀਜੇ ਟੈਸਟ ਮੈਚ ਵਿੱਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਤੋਂ ਬਾਅਦ 27 ਦੇ ਸਕੋਰ 'ਤੇ ਟੀਮ ਇੰਡੀਆ ਨੂੰ ਪਹਿਲਾ ਝਟਕਾ ਕਪਤਾਨ ਰੋਹਿਤ ਦੇ ਰੂਪ 'ਚ ਲੱਗਾ। ਇੱਥੋਂ ਆਸਟਰੇਲੀਆ ਦੇ ਸਪਿਨ ਗੇਂਦਬਾਜ਼ਾਂ ਨੇ ਗੇਂਦ ਨੂੰ ਇਸ ਤਰ੍ਹਾਂ ਘੁਮਾਇਆ ਕਿ ਭਾਰਤੀ ਬੱਲੇਬਾਜ਼ਾਂ ਕੋਲ ਇਸ ਦਾ ਕੋਈ ਜਵਾਬ ਨਹੀਂ ਸੀ।
ਜਦੋਂ ਭਾਰਤੀ ਟੀਮ ਦੀ ਪਹਿਲੀ ਪਾਰੀ 109 ਦੇ ਸਕੋਰ 'ਤੇ ਸਿਮਟ ਗਈ ਤਾਂ ਸਾਰਿਆਂ ਨੂੰ ਉਮੀਦ ਸੀ ਕਿ ਟੀਮ ਇੰਡੀਆ ਦੇ ਸਪਿਨ ਗੇਂਦਬਾਜ਼ ਵੀ ਅਜਿਹਾ ਹੀ ਪ੍ਰਦਰਸ਼ਨ ਦਿਖਾਉਣ 'ਚ ਕਾਮਯਾਬ ਹੋਣਗੇ। 12 ਦੇ ਸਕੋਰ 'ਤੇ ਕੰਗਾਰੂ ਟੀਮ ਨੇ ਵੀ ਆਪਣਾ ਪਹਿਲਾ ਵਿਕਟ ਟ੍ਰੈਵਿਸ ਹੈੱਡ ਦੇ ਰੂਪ 'ਚ ਗੁਆ ਦਿੱਤਾ। ਇਸ ਤੋਂ ਬਾਅਦ ਜਡੇਜਾ ਨੇ ਵੀ ਮਾਰਨਸ ਲਾਬੁਸ਼ੇਨ ਨੂੰ ਜ਼ੀਰੋ ਦੇ ਸਕੋਰ 'ਤੇ ਬੋਲਡ ਕਰ ਦਿੱਤਾ ਪਰ ਗੇਂਦ ਨੋ-ਬਾਲ ਹੋਣ ਕਾਰਨ ਮਾਰਨਸ ਬਚ ਗਏ।
ਇਹ ਵੀ ਪੜ੍ਹੋ: Indore Test : ਆਸਟ੍ਰੇਲੀਆ ਖ਼ਿਲਾਫ਼ ਘਰੇਲੂ ਮੈਦਾਨਾਂ 'ਤੇ ਟੀਮ ਇੰਡੀਆ ਦਾ ਚੌਥਾ ਸਭ ਤੋਂ ਘੱਟ ਸਕੋਰ, ਇਕ ਹੋਰ ਵੀ ਸ਼ਰਮਨਾਕ ਰਿਕਾਰਡ ਬਣਾਇਆ
ਇਸ ਤੋਂ ਬਾਅਦ ਜਡੇਜਾ ਨੇ ਉਸਮਾਨ ਖਵਾਜਾ ਖਿਲਾਫ 2 ਡੀ.ਆਰ.ਐੱਸ. ਖਰਾਬ ਕਰ ਦਿੱਤੇ, ਜਿਸ ਕਾਰਨ ਜਦੋਂ ਅਸ਼ਵਿਨ ਦੀ ਗੇਂਦ 'ਤੇ ਮਾਰਨਸ ਲਾਬੁਸ਼ੇਨ ਸਾਫ ਆਊਟ ਸਨ ਤਾਂ ਉਸ ਸਮੇਂ ਕਪਤਾਨ ਰੋਹਿਤ ਡੀਆਰਐਸ ਲੈਣ ਦਾ ਫੈਸਲਾ ਨਹੀਂ ਕਰ ਸਕੇ। ਇੱਥੋਂ ਮਾਰਨਸ ਲਾਬੁਸ਼ੇਨ ਨੇ ਉਸਮਾਨ ਖਵਾਜਾ ਨਾਲ ਮਿਲ ਕੇ ਦੂਜੇ ਵਿਕਟ ਲਈ 96 ਦੌੜਾਂ ਦੀ ਅਹਿਮ ਸਾਂਝੇਦਾਰੀ ਕਰਕੇ ਟੀਮ ਨੂੰ ਮਜ਼ਬੂਤ ਸਥਿਤੀ ਵਿੱਚ ਪਹੁੰਚਾਇਆ।
ਦਿਨ ਦੇ ਆਖਰੀ ਸੈਸ਼ਨ ਦੌਰਾਨ ਜਦੋਂ ਅਜਿਹਾ ਲੱਗ ਰਿਹਾ ਸੀ ਕਿ ਉਸਮਾਨ ਖਵਾਜਾ ਅਤੇ ਮਾਰਨਸ ਲਾਬੁਸ਼ੇਨ ਦੀ ਜੋੜੀ ਪਿੱਚ 'ਤੇ ਪੂਰੀ ਤਰ੍ਹਾਂ ਨਾਲ ਟਿੱਕ ਗਈ ਹੈ, ਤਾਂ ਰਵਿੰਦਰ ਜਡੇਜਾ ਨੇ ਮਾਰਨਸ ਲਾਬੁਸ਼ੇਨ ਨੂੰ 31 ਦੇ ਨਿੱਜੀ ਸਕੋਰ 'ਤੇ ਬੋਲਡ ਕਰ ਕੇ ਆਸਟ੍ਰੇਲੀਆਈ ਟੀਮ ਨੂੰ 108 ਦੇ ਸਕੋਰ 'ਤੇ ਦੂਜਾ ਝਟਕਾ ਦੇਣ ਦਾ ਕੰਮ ਕੀਤਾ।
ਇਹ ਵੀ ਪੜ੍ਹੋ: Indore Test: ਆਪਣੇ ਹੀ ਜਾਲ 'ਚ ਫਸੀ ਟੀਮ ਇੰਡੀਆ, ਆਸਟ੍ਰੇਲੀਆਈ ਸਪਿਨਰਾਂ ਨੇ ਇਸ ਤਰ੍ਹਾਂ ਮਚਾਈ ਤਬਾਹੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
