IND vs ENG: ਟੀਮ ਇੰਡੀਆ ਦੀ ਮਜ਼ਬੂਤ ਪਕੜ ਨੇ ਇੰਗਲੈਂਡ ਟੀਮ ਦੇ ਕੱਢੇ ਵੱਟ, ਅੰਗਰੇਜ਼ਾਂ ਨੇ 20 ਦੌੜਾਂ ਦੇ ਅੰਦਰ ਗੁਆਈਆਂ 5 ਵਿਕਟਾਂ
IND vs ENG 3rd Test, England 1st Innings: ਰਾਜਕੋਟ ਟੈਸਟ ਦੇ ਤੀਜੇ ਦਿਨ ਇੰਗਲੈਂਡ ਦੀ ਟੀਮ ਆਪਣੀ ਪਹਿਲੀ ਪਾਰੀ 'ਚ 319 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਟੀਮ ਲਈ ਬੇਨ ਡਕੇਟ ਨੇ ਸਭ ਤੋਂ ਵੱਡੀ 153
IND vs ENG 3rd Test, England 1st Innings: ਰਾਜਕੋਟ ਟੈਸਟ ਦੇ ਤੀਜੇ ਦਿਨ ਇੰਗਲੈਂਡ ਦੀ ਟੀਮ ਆਪਣੀ ਪਹਿਲੀ ਪਾਰੀ 'ਚ 319 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਟੀਮ ਲਈ ਬੇਨ ਡਕੇਟ ਨੇ ਸਭ ਤੋਂ ਵੱਡੀ 153 ਦੌੜਾਂ ਦੀ ਪਾਰੀ ਖੇਡੀ। ਇਸ ਤੋਂ ਇਲਾਵਾ ਕਪਤਾਨ ਬੇਨ ਸਟੋਕਸ ਨੇ 41 ਦੌੜਾਂ ਬਣਾਈਆਂ। ਇਸ ਦੌਰਾਨ ਭਾਰਤ ਲਈ ਮੁਹੰਮਦ ਸਿਰਾਜ ਨੇ ਸਭ ਤੋਂ ਵੱਧ 4 ਵਿਕਟਾਂ ਲਈਆਂ। ਮੈਚ ਦੇ ਦੂਜੇ ਦਿਨ ਦਬਦਬਾ ਰੱਖਣ ਵਾਲੀ ਇੰਗਲੈਂਡ ਦੀ ਟੀਮ ਤੀਜੇ ਦਿਨ ਫਲਾਪ ਨਜ਼ਰ ਆਈ ਅਤੇ ਦੂਜੇ ਸੈਸ਼ਨ ਵਿੱਚ ਹੀ ਢਹਿ ਗਈ। ਇੰਗਲਿਸ਼ ਟੀਮ ਨੇ ਆਖਰੀ 5 ਵਿਕਟਾਂ ਸਿਰਫ 20 ਦੌੜਾਂ ਦੇ ਅੰਦਰ ਹੀ ਗੁਆ ਦਿੱਤੀਆਂ।
ਦੂਜੇ ਦਿਨ ਬੇਜ਼ਬਾਲ ਕ੍ਰਿਕਟ ਖੇਡਣ ਵਾਲੀ ਇੰਗਲੈਂਡ ਦੀ ਟੀਮ ਮੈਚ ਦੇ ਤੀਜੇ ਦਿਨ ਭਾਰਤੀ ਗੇਂਦਬਾਜ਼ਾਂ ਦੇ ਸਾਹਮਣੇ ਗੋਡਿਆਂ ਭਾਰ ਆ ਗਈ। ਦੂਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਇੰਗਲੈਂਡ ਨੇ ਹਮਲਾਵਰ ਬੱਲੇਬਾਜ਼ੀ ਕਰਦੇ ਹੋਏ 35 ਓਵਰਾਂ 'ਚ 2 ਵਿਕਟਾਂ 'ਤੇ 207 ਦੌੜਾਂ ਬਣਾਈਆਂ। ਪਰ ਇੰਗਲੈਂਡ ਤੀਜੇ ਦਿਨ ਇਹ ਲੈਅ ਬਰਕਰਾਰ ਨਹੀਂ ਰੱਖ ਸਕਿਆ। ਤੀਜੇ ਦਿਨ ਇੰਗਲੈਂਡ ਨੇ 8 ਵਿਕਟਾਂ ਗੁਆ ਦਿੱਤੀਆਂ, ਜਿਸ ਤੋਂ ਬਾਅਦ ਭਾਰਤ ਨੂੰ 126 ਦੌੜਾਂ ਦੀ ਲੀਡ ਮਿਲ ਗਈ।
ਇੰਗਲੈਂਡ ਨੇ ਜਿਸ ਤਰ੍ਹਾਂ ਨਾਲ ਦੂਜੇ ਦਿਨ ਦੀ ਸ਼ਾਨਦਾਰ ਖੇਡ ਸਮਾਪਤ ਕੀਤੀ ਸੀ, ਉਸ ਨੂੰ ਦੇਖ ਕੇ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਉਹ ਤੀਜੇ ਦਿਨ ਆਸਾਨੀ ਨਾਲ ਲੀਡ ਲੈ ਲਵੇਗਾ ਕਿਉਂਕਿ ਉਸ ਕੋਲ ਸਾਰੀਆਂ 8 ਵਿਕਟਾਂ ਸਨ, ਪਰ ਅਜਿਹਾ ਨਹੀਂ ਹੋਇਆ। ਤੀਜੇ ਦਿਨ ਭਾਰਤੀ ਗੇਂਦਬਾਜ਼ਾਂ ਨੇ ਆਪਣੀ ਪਕੜ ਮਜ਼ਬੂਤ ਕਰਦਿਆਂ ਇੰਗਲਿਸ਼ ਟੀਮ ਦੀ ਖੇਡ ਖਰਾਬ ਕਰ ਦਿੱਤੀ।
ਇੰਗਲੈਂਡ ਸ਼ਾਨਦਾਰ ਸ਼ੁਰੂਆਤ ਤੋਂ ਬਾਅਦ ਅੰਤ ਵਿੱਚ ਅਸਫਲ ਰਿਹਾ
ਭਾਰਤੀ ਟੀਮ ਨੂੰ 445 ਦੌੜਾਂ 'ਤੇ ਆਲ ਆਊਟ ਕਰਨ ਤੋਂ ਬਾਅਦ ਇੰਗਲੈਂਡ ਨੇ ਪਹਿਲੀ ਪਾਰੀ 'ਚ ਬੱਲੇਬਾਜ਼ੀ ਕਰਨ ਉਤਰੀ ਤਾਂ ਚੰਗੀ ਸ਼ੁਰੂਆਤ ਕੀਤੀ। ਓਪਨਿੰਗ 'ਤੇ ਆਏ ਜੈਕ ਕ੍ਰਾਲੀ ਅਤੇ ਬੇਨ ਡਕੇਟ ਨੇ ਪਹਿਲੀ ਵਿਕਟ ਲਈ 84 ਦੌੜਾਂ (80 ਗੇਂਦਾਂ) ਦੀ ਸਾਂਝੇਦਾਰੀ ਕੀਤੀ। ਇੰਗਲਿਸ਼ ਟੀਮ ਨੂੰ ਪਹਿਲਾ ਝਟਕਾ 14ਵੇਂ ਓਵਰ 'ਚ ਜੈਕ ਕ੍ਰਾਲੀ ਦੇ ਰੂਪ 'ਚ ਲੱਗਾ, ਜੋ 28 ਗੇਂਦਾਂ 'ਚ 2 ਚੌਕਿਆਂ ਦੀ ਮਦਦ ਨਾਲ 15 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਏ।
ਫਿਰ ਬੇਨ ਡਕੇਟ ਅਤੇ ਓਲੀ ਪੋਪ ਨੇ ਦੂਜੇ ਵਿਕਟ ਲਈ 93 ਦੌੜਾਂ (102 ਗੇਂਦਾਂ) ਦੀ ਸਾਂਝੇਦਾਰੀ ਕੀਤੀ। ਮੁਹੰਮਦ ਸਿਰਾਜ ਦਾ ਸ਼ਿਕਾਰ ਬਣੇ ਓਲੀ ਪੋਪ ਦੇ ਰੂਪ 'ਚ ਇੰਗਲੈਂਡ ਨੇ ਦੂਜਾ ਵਿਕਟ ਗਵਾਇਆ। ਪੋਪ ਨੇ 55 ਗੇਂਦਾਂ 'ਚ 5 ਚੌਕਿਆਂ ਅਤੇ 1 ਛੱਕੇ ਦੀ ਮਦਦ ਨਾਲ 39 ਦੌੜਾਂ ਬਣਾਈਆਂ। ਫਿਰ ਤਜਰਬੇਕਾਰ ਬੱਲੇਬਾਜ਼ ਜੋ ਰੂਟ ਦੇ ਰੂਪ 'ਚ ਇੰਗਲੈਂਡ ਨੇ ਤੀਜਾ ਵਿਕਟ ਗੁਆ ਦਿੱਤਾ। ਰੂਟ 31 ਗੇਂਦਾਂ 'ਚ 2 ਚੌਕਿਆਂ ਦੀ ਮਦਦ ਨਾਲ ਸਿਰਫ 18 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਰੂਟ ਦੇ ਵਿਕਟ ਤੋਂ ਬਾਅਦ ਇੰਗਲੈਂਡ ਕੁਝ ਖਾਸ ਸਕੋਰ ਨਹੀਂ ਕਰ ਸਕਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
