IND Vs WI Live : ਵੈਸਟਇੰਡੀਜ਼ ਨੇ ਭਾਰਤ ਨੂੰ ਦਿੱਤਾ 150 ਦੌੜਾਂ ਦਾ ਟੀਚਾ

India vs West Indies 1st T20 Live Score : ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਪੰਜ ਮੈਚਾਂ ਦੀ T20 ਸੀਰੀਜ਼ ਦਾ ਪਹਿਲਾ ਮੈਚ 3 ਅਗਸਤ ਨੂੰ ਤ੍ਰਿਨੀਦਾਦ ਦੇ ਬ੍ਰਾਇਨ ਲਾਰਾ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ

Background

India vs West Indies 1st T20 Live Score : ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਪੰਜ ਮੈਚਾਂ ਦੀ T20 ਸੀਰੀਜ਼ ਦਾ ਪਹਿਲਾ ਮੈਚ 3 ਅਗਸਤ ਨੂੰ ਤ੍ਰਿਨੀਦਾਦ ਦੇ ਬ੍ਰਾਇਨ ਲਾਰਾ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਇਹ ਮੈਚ ਭਾਰਤ ਲਈ ਇਤਿਹਾਸਕ ਹੋਵੇਗਾ, ਕਿਉਂਕਿ ਇਹ ਉਸਦਾ 200ਵਾਂ ਟੀ-20 ਮੈਚ ਹੋਵੇਗਾ। ਨੌਜਵਾਨ ਭਾਰਤੀ ਟੀਮ ਹਾਰਦਿਕ ਪੰਡਯਾ ਦੀ ਕਪਤਾਨੀ ਵਿੱਚ ਵੈਸਟਇੰਡੀਜ਼ ਖ਼ਿਲਾਫ਼ ਖੇਡੇਗੀ। 

ਸੂਰਿਆਕੁਮਾਰ ਯਾਦਵ ਨੂੰ ਛੱਡ ਕੇ ਟੀਮ ਵਿੱਚ ਕੋਈ ਵੀ ਖਿਡਾਰੀ 30 ਸਾਲ ਤੋਂ ਵੱਧ ਉਮਰ ਦਾ ਨਹੀਂ ਹੈ। ਹਾਰਦਿਕ ਪੰਡਯਾ 5ਵੀਂ ਟੀ-20 ਸੀਰੀਜ਼ 'ਚ ਟੀਮ ਇੰਡੀਆ ਦੀ ਕਪਤਾਨੀ ਕਰਦੇ ਨਜ਼ਰ ਆਉਣਗੇ।  ਟੀ-20 ਦੇ 2 ਮੈਚ ਅਮਰੀਕਾ ਵਿੱਚ ਵੀ ਖੇਡੇ ਜਾਣਗੇ। ਭਾਰਤ ਨੇ ਵੈਸਟਇੰਡੀਜ਼ ਖਿਲਾਫ ਵਨਡੇ ਸੀਰੀਜ਼ 2-1 ਨਾਲ ਜਿਤੀ ਹੈ। ਇਸ ਤੋਂ ਪਹਿਲਾਂ ਭਾਰਤ ਨੇ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ 1-0 ਨਾਲ ਜਿੱਤੀ ਸੀ।

 

ਭਾਰਤ ਅਤੇ ਵੈਸਟਇੰਡੀਜ਼ ਦੋਵਾਂ ਨੇ ਟੀ-20 ਸੀਰੀਜ਼ ਲਈ ਆਪਣੀਆਂ-ਆਪਣੀਆਂ ਟੀਮਾਂ ਦਾ ਐਲਾਨ ਕਰ ਦਿੱਤਾ ਹੈ। ਜਿੱਥੇ ਟੀਮ ਇੰਡੀਆ ਦੀ ਕਮਾਨ ਹਾਰਦਿਕ ਪੰਡਯਾ ਦੇ ਹੱਥਾਂ ਵਿੱਚ ਹੈ। ਇਸ ਦੇ ਨਾਲ ਹੀ ਰੋਵਮੈਨ ਪਾਵੇਲ ਵੈਸਟਇੰਡੀਜ਼ ਟੀਮ ਦੀ ਅਗਵਾਈ ਕਰਨਗੇ। ਜਿੱਥੇ ਟੀਮ ਇੰਡੀਆ ਨੌਜਵਾਨ ਖਿਡਾਰੀਆਂ ਨਾਲ ਲੈਸ ਹੈ। ਇਸ ਦੇ ਨਾਲ ਹੀ ਵੈਸਟਇੰਡੀਜ਼ ਨੇ ਪਾਵਰਪੈਕ ਟੀਮ ਦੀ ਚੋਣ ਕੀਤੀ ਹੈ।

 

ਵੈਸਟਇੰਡੀਜ਼ ਦਾ ਦੌਰਾ ਭਾਰਤ ਲਈ ਹੁਣ ਤੱਕ ਸ਼ਾਨਦਾਰ ਰਿਹਾ ਹੈ। ਭਾਰਤ ਨੇ ਪਹਿਲੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ 1-0 ਨਾਲ ਜਿੱਤ ਲਈ ਹੈ ਅਤੇ ਫਿਰ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ 2-1 ਨਾਲ ਜਿੱਤ ਲਈ। ਵੈਸਟਇੰਡੀਜ਼ ਖਿਲਾਫ ਟੀਮ ਇੰਡੀਆ ਦਾ ਇਹ 200ਵਾਂ ਟੀ-20 ਮੈਚ ਹੈ। ਪਹਿਲੇ ਟੀ-20 ਮੈਚ 'ਤੇ ਸਭ ਦੀਆਂ ਨਜ਼ਰਾਂ ਹਨ। 

 

ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਖੇਡੀ ਜਾਣ ਵਾਲੀ ਟੀ-20 ਸੀਰੀਜ਼ ਦੇ ਸਾਰੇ ਮੈਚ ਭਾਰਤੀ ਸਮੇਂ ਮੁਤਾਬਕ ਰਾਤ ਅੱਠ ਵਜੇ ਤੋਂ ਖੇਡੇ ਜਾਣਗੇ। ਇਸ ਦੇ ਨਾਲ ਹੀ ਮੈਚ ਦਾ ਟਾਸ 7:30 ਵਜੇ ਹੋਵੇਗਾ।

ਭਾਰਤ ਖਿਲਾਫ ਟੀ-20 ਸੀਰੀਜ਼ ਲਈ ਵੈਸਟਇੰਡੀਜ਼ ਦੀ ਟੀਮ : ਰੋਵਮੈਨ ਪਾਵੇਲ (ਕਪਤਾਨ), ਕਾਈਲ ਮੇਅਰਸ (ਉਪ-ਕਪਤਾਨ), ਜੌਹਨਸਨ ਚਾਰਲਸ, ਰੋਸਟਨ ਚੇਜ਼, ਸ਼ਿਮਰੋਨ ਹੇਟਮਾਇਰ, ਜੇਸਨ ਹੋਲਡਰ, ਸ਼ਾਈ ਹੋਪ, ਅਕਿਲ ਹੁਸੈਨ, ਅਲਜ਼ਾਰੀ ਜੋਸੇਫ, ਬ੍ਰੈਂਡਨ ਕਿੰਗ, ਓਬੇਦ ਮੈਕਕੋਏ, ਨਿਕੋਲਸ ਪੂਰਨ, ਰੋਮਾਰੀਓ ਸ਼ੈਫਰਡ, ਓਡਿਅਨ ਸਮਿਥ ਅਤੇ ਓਸ਼ੇਨ ਥਾਮਸ।

 

ਵੈਸਟਇੰਡੀਜ਼ ਦੇ ਖਿਲਾਫ ਟੀ-20 ਸੀਰੀਜ਼ ਲਈ ਭਾਰਤੀ ਟੀਮ : ਈਸ਼ਾਨ ਕਿਸ਼ਨ (ਵਿਕੇਟਕੀਪਰ ), ਸ਼ੁਭਮਨ ਗਿੱਲ, ਯਸ਼ਸਵੀ ਜੈਸਵਾਲ, ਤਿਲਕ ਵਰਮਾ, ਸੂਰਿਆਕੁਮਾਰ ਯਾਦਵ (ਉਪਕਪਤਾਨ ), ਸੰਜੂ ਸੈਮਸਨ ( ਵਿਕੇਟਕੀਪਰ ), ਹਾਰਦਿਕ ਪੰਡਯਾ (ਕਪਤਾਨ), ਅਕਸ਼ਰ ਪਟੇਲ, ਯੁਜਵੇਂਦਰ ਚਾਹਲ, ਕੁਲਦੀਪ ਯਾਦਵ , ਰਵੀ ਬਿਸ਼ਨੋਈ, ਅਰਸ਼ਦੀਪ ਸਿੰਘ, ਉਮਰਾਨ ਮਲਿਕ, ਅਵੇਸ਼ ਖਾਨ ਅਤੇ ਮੁਕੇਸ਼ ਕੁਮਾਰ।

 

23:28 PM (IST)  •  03 Aug 2023

IND Vs WI Live : ਹਾਰਦਿਕ ਪੰਡਯਾ ਦੇ ਰੂਪ ਵਿੱਚ ਲੱਗਾ ਭਾਰਤ ਨੂੰ ਪੰਜਵਾਂ ਝਟਕਾ

 IND Vs WI Live : ਕਪਤਾਨ ਹਾਰਦਿਕ ਪੰਡਯਾ 19 ਦੌੜਾਂ ਦੀ ਪਾਰੀ ਖੇਡ ਕੇ ਬੋਲਡ ਹੋ ਗਏ ਹਨ। ਪੰਡਯਾ ਦੇ ਰੂਪ 'ਚ ਭਾਰਤ ਨੂੰ 113 ਦੇ ਸਕੋਰ 'ਤੇ ਪੰਜਵਾਂ ਝਟਕਾ ਲੱਗਾ। ਪੰਡਯਾ ਦਾ ਵਿਕਟ ਜੇਸਨ ਹੋਲਡਰ ਨੇ ਲਿਆ।

23:27 PM (IST)  •  03 Aug 2023

IND Vs WI Live :14 ਓਵਰਾਂ ਤੋਂ ਬਾਅਦ ਭਾਰਤ ਦਾ ਸਕੋਰ 98/4

IND Vs WI Live : 150 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਭਾਰਤ ਨੇ 14 ਓਵਰਾਂ ਦੀ ਸਮਾਪਤੀ ਤੋਂ ਬਾਅਦ 4 ਵਿਕਟਾਂ ਦੇ ਨੁਕਸਾਨ 'ਤੇ 98 ਦੌੜਾਂ ਬਣਾ ਲਈਆਂ ਹਨ। ਸੰਜੂ ਸੈਮਸਨ (4) ਅਤੇ ਹਾਰਦਿਕ ਪੰਡਯਾ (18) ਕ੍ਰੀਜ਼ 'ਤੇ ਬੱਲੇਬਾਜ਼ੀ ਕਰ ਰਹੇ ਹਨ। ਭਾਰਤ ਨੂੰ ਜਿੱਤ ਲਈ ਅਜੇ 36 ਗੇਂਦਾਂ ਵਿੱਚ 52 ਦੌੜਾਂ ਦੀ ਲੋੜ ਹੈ।

22:17 PM (IST)  •  03 Aug 2023

IND Vs WI Live : ਵੈਸਟਇੰਡੀਜ਼ ਨੇ ਭਾਰਤ ਨੂੰ ਦਿੱਤਾ 150 ਦੌੜਾਂ ਦਾ ਟੀਚਾ

IND Vs WI Live : ਪਹਿਲੇ ਟੀ-20 ਮੈਚ 'ਚ ਵੈਸਟਇੰਡੀਜ਼ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਭਾਰਤ ਨੂੰ 150 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਕੈਰੇਬੀਆਈ ਬੱਲੇਬਾਜ਼ਾਂ ਨੇ ਆਖਰੀ 5 ਓਵਰਾਂ ਵਿੱਚ ਸਿਰਫ਼ 42 ਦੌੜਾਂ ਹੀ ਬਣਾਈਆਂ। ਯੁਜਵੇਂਦਰ ਚਾਹਲ ਅਤੇ ਅਰਸ਼ਦੀਪ ਸਿੰਘ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ।

22:16 PM (IST)  •  03 Aug 2023

IND Vs WI Live : ਵੈਸਟਇੰਡੀਜ਼ 18 ਓਵਰਾਂ ਬਾਅਦ 133/4

IND Vs WI Live :  18 ਓਵਰਾਂ ਦੇ ਅੰਤ 'ਤੇ ਵੈਸਟਇੰਡੀਜ਼ ਨੇ 4 ਵਿਕਟਾਂ ਦੇ ਨੁਕਸਾਨ 'ਤੇ 133 ਦੌੜਾਂ ਬਣਾ ਲਈਆਂ ਹਨ। ਰੋਵਮੈਨ ਪਾਵੇਲ 48 ਦੌੜਾਂ ਬਣਾ ਕੇ ਕ੍ਰੀਜ਼ 'ਤੇ ਖੇਡ ਰਿਹਾ ਹੈ।

21:34 PM (IST)  •  03 Aug 2023

IND Vs WI Live : 16 ਓਵਰਾਂ ਬਾਅਦ ਵੈਸਟਇੰਡੀਜ਼ ਦਾ ਸਕੋਰ 115/4

IND Vs WI Live : ਪਹਿਲੇ ਟੀ-20 'ਚ ਵੈਸਟਇੰਡੀਜ਼ ਨੇ 16 ਓਵਰਾਂ 'ਚ 4 ਵਿਕਟਾਂ ਦੇ ਨੁਕਸਾਨ 'ਤੇ 115 ਦੌੜਾਂ ਬਣਾ ਲਈਆਂ ਹਨ। ਰੋਵਮੈਨ ਪਾਵੇਲ (33) ਅਤੇ ਸ਼ਿਮਰੋਨ ਹੇਟਮਾਇਰ (6) ਕ੍ਰੀਜ਼ 'ਤੇ ਬੱਲੇਬਾਜ਼ੀ ਕਰ ਰਹੇ ਹਨ।