ਏਸ਼ੀਆ ਕੱਪ ਦੇ ਫਾਈਨਲ 'ਚ ਪਹੁੰਚੇ ਭਾਰਤ ਤੇ ਪਾਕਿਸਤਾਨ, ਕੱਲ੍ਹ ਖੇਡਿਆ ਜਾਵੇਗਾ ਖ਼ਿਤਾਬੀ ਮੁਕਾਬਲਾ
Emerging Asia Cup 2023: ਕੋਲੰਬੋ 'ਚ ਐਤਵਾਰ 23 ਜੁਲਾਈ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਐਮਰਜਿੰਗ ਏਸ਼ੀਆ ਕੱਪ ਦਾ ਫਾਈਨਲ ਮੈਚ ਖੇਡਿਆ ਜਾਵੇਗਾ।
Emerging Asia Cup 2023 Final: ਏਸ਼ੀਆਈ ਕ੍ਰਿਕਟ ਦਾ ਮਹਾਕੁੰਭ 30 ਅਗਸਤ ਤੋਂ ਸ਼ੁਰੂ ਹੋਵੇਗਾ। 2023 ਏਸ਼ੀਆ ਕੱਪ 'ਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ 2 ਸਤੰਬਰ ਨੂੰ ਸ਼ਾਨਦਾਰ ਮੈਚ ਖੇਡਿਆ ਜਾਵੇਗਾ। 2023 ਏਸ਼ੀਆ ਕੱਪ ਪਾਕਿਸਤਾਨ ਅਤੇ ਸ਼੍ਰੀਲੰਕਾ ਵਿੱਚ ਹੋਵੇਗਾ। ਇਸ ਤੋਂ ਪਹਿਲਾਂ 2023 ਦੇ ਐਮਰਜਿੰਗ ਏਸ਼ੀਆ ਕੱਪ ਦੇ ਮੈਚ ਸ਼੍ਰੀਲੰਕਾ ਵਿੱਚ ਖੇਡੇ ਜਾ ਰਹੇ ਹਨ। ਇਹ ਟੂਰਨਾਮੈਂਟ ਵੀ ਆਪਣੇ ਆਖਰੀ ਪੜਾਅ 'ਤੇ ਹੈ।
ਭਾਰਤ-ਏ ਅਤੇ ਪਾਕਿਸਤਾਨ-ਏ ਦੀਆਂ ਟੀਮਾਂ ਨੇ 2023 ਦੇ ਐਮਰਜਿੰਗ ਏਸ਼ੀਆ ਕੱਪ ਦੇ ਫਾਈਨਲ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਦੋਵਾਂ ਟੀਮਾਂ ਨੇ ਆਪੋ-ਆਪਣੇ ਸੈਮੀਫਾਈਨਲ ਮੈਚਾਂ ਵਿੱਚ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਹੁਣ ਦੋਵੇਂ ਟੀਮਾਂ ਕੱਲ੍ਹ ਯਾਨੀ ਐਤਵਾਰ 23 ਜੁਲਾਈ ਨੂੰ ਖ਼ਿਤਾਬੀ ਮੁਕਾਬਲਾ ਖੇਡਣਗੀਆਂ।
ਪਹਿਲੇ ਸੈਮੀਫਾਈਨਲ 'ਚ ਪਾਕਿਸਤਾਨ-ਏ ਨੇ ਸ਼੍ਰੀਲੰਕਾ-ਏ ਨੂੰ ਹਰਾਇਆ
2023 ਐਮਰਜਿੰਗ ਏਸ਼ੀਆ ਕੱਪ ਦਾ ਪਹਿਲਾ ਸੈਮੀਫਾਈਨਲ ਮੈਚ ਪਾਕਿਸਤਾਨ-ਏ ਅਤੇ ਸ਼੍ਰੀਲੰਕਾ-ਏ ਵਿਚਕਾਰ ਖੇਡਿਆ ਗਿਆ ਸੀ। ਪਾਕਿਸਤਾਨ-ਏ ਟੀਮ ਨੇ ਇਹ ਮੈਚ ਆਸਾਨੀ ਨਾਲ ਜਿੱਤ ਲਿਆ। ਪਾਕਿਸਤਾਨ-ਏ ਨੇ ਪਹਿਲਾਂ ਖੇਡਦਿਆਂ 50 ਓਵਰਾਂ ਵਿੱਚ 322 ਦੌੜਾਂ ਬਣਾਈਆਂ ਸਨ। ਜਵਾਬ 'ਚ ਸ਼੍ਰੀਲੰਕਾ-ਏ ਦੀ ਟੀਮ 45.4 ਓਵਰਾਂ 'ਚ 262 ਦੌੜਾਂ ਹੀ ਬਣਾ ਸਕੀ। ਪਾਕਿਸਤਾਨ-ਏ ਲਈ ਉਮੈਰ ਯੂਸਫ ਨੇ 88 ਅਤੇ ਕਪਤਾਨ ਮੁਹੰਮਦ ਹੈਰਿਸ ਨੇ 52 ਦੌੜਾਂ ਬਣਾਈਆਂ। ਇਸ ਦੇ ਨਾਲ ਹੀ ਸ਼੍ਰੀਲੰਕਾ-ਏ ਲਈ ਅਵਿਸ਼ਕਾ ਫਰਨਾਂਡੋ ਨੇ ਸਭ ਤੋਂ ਵੱਧ 97 ਦੌੜਾਂ ਬਣਾਈਆਂ ਸਨ।
ਇਹ ਵੀ ਪੜ੍ਹੋ: Virat Kohli: ਵਿਰਾਟ ਕੋਹਲੀ ਨੂੰ ਦੇਖ ਰੋਣ ਲੱਗ ਗਈ ਖਿਡਾਰੀ ਜੋਸ਼ੂਆ ਡੀ ਸਿਲਵਾ ਦੀ ਮਾਂ, ਬੋਲੀ- 'ਸੁਪਨਾ ਹੋਇਆ ਸਾਕਾਰ'
ਦੂਜੇ ਸੈਮੀਫਾਈਨਲ ਵਿੱਚ ਭਾਰਤ ਏ ਨੇ ਬੰਗਲਾਦੇਸ਼ ਏ ਨੂੰ ਹਰਾਇਆ
2023 ਐਮਰਜਿੰਗ ਏਸ਼ੀਆ ਕੱਪ ਦਾ ਦੂਜਾ ਸੈਮੀਫਾਈਨਲ ਮੈਚ ਘੱਟ ਸਕੋਰ ਵਾਲਾ ਸੀ। ਭਾਰਤ-ਏ ਟੀਮ ਪਹਿਲਾਂ ਖੇਡਦਿਆਂ 49.1 ਓਵਰਾਂ 'ਚ ਸਿਰਫ਼ 211 ਦੌੜਾਂ 'ਤੇ ਸਿਮਟ ਗਈ। ਇਸ ਤੋਂ ਬਾਅਦ ਬੰਗਲਾਦੇਸ਼-ਏ ਦੀ ਟੀਮ ਨੇ ਬਿਨਾਂ ਕੋਈ ਵਿਕਟ ਗਵਾਏ 70 ਦੌੜਾਂ ਬਣਾਈਆਂ ਪਰ ਭਾਰਤੀ ਗੇਂਦਬਾਜ਼ਾਂ ਨੇ ਜ਼ਬਰਦਸਤ ਵਾਪਸੀ ਕਰਦੇ ਹੋਏ ਆਖਿਰਕਾਰ ਮੈਚ 51 ਦੌੜਾਂ ਨਾਲ ਜਿੱਤ ਲਿਆ। ਇੰਡੀਆ-ਏ ਲਈ ਨਿਸ਼ਾਂਤ ਸੰਧੂ ਨੇ ਸਭ ਤੋਂ ਵੱਧ 5 ਵਿਕਟਾਂ ਲਈਆਂ।
ਫਾਈਨਲ ਮੁਕਾਬਲੇ ਦੀ ਪੂਰੀ ਡਿਟੇਲਸ
ਹੁਣ ਐਮਰਜਿੰਗ ਏਸ਼ੀਆ ਕੱਪ ਦਾ ਫਾਈਨਲ ਮੈਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਖੇਡਿਆ ਜਾਵੇਗਾ। ਇਹ ਮੈਚ ਭਾਰਤ ਦੇ ਸਮੇਂ ਮੁਤਾਬਕ ਦੁਪਹਿਰ 2 ਵਜੇ ਸ਼ੁਰੂ ਹੋਵੇਗਾ। ਤੁਸੀਂ ਸਟਾਰ ਸਪੋਰਟਸ 1 ਹਿੰਦੀ 'ਤੇ ਟੀਵੀ 'ਤੇ ਭਾਰਤ-ਏ ਅਤੇ ਪਾਕਿਸਤਾਨ -ਏ ਵਿਚਾਲੇ ਹੋਣ ਵਾਲਾ ਮੈਚ ਲਾਈਵ ਦੇਖ ਸਕਦੇ ਹੋ।
ਇਹ ਵੀ ਪੜ੍ਹੋ: MS Dhoni ਤੋਂ ਬਾਅਦ ਇਸ ਖਿਡਾਰੀ ਕੋਲ ਹੋਵੇਗੀ CSK ਟੀਮ ਦੀ ਕਪਤਾਨੀ, ਅੰਬਾਤੀ ਰਾਇਡੂ ਨੇ ਕਰ ਦਿੱਤਾ ਵੱਡਾ ਐਲਾਨ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
