ਇੰਗਲੈਂਡ ਜਾਣਗੇ Rahul Dravid, ਦੱਖਣੀ ਅਫਰੀਕਾ ਸੀਰੀਜ਼ 'ਚ ਟੀਮ ਇੰਡੀਆ ਦੇ ਕੋਚ ਹੋਣਗੇ ਇਹ ਦਿੱਗਜ; ਸਾਹਮਣੇ ਆਈ ਵੱਡੀ ਜਾਣਕਾਰੀ
India vs SA T20 Series: ਬੀਸੀਸੀਆਈ ਅਧਿਕਾਰੀ ਨੇ ਕਿਹਾ ਕਿ ਬਰਮਿੰਘਮ ਟੈਸਟ ਤੋਂ ਪਹਿਲਾਂ 24 ਜੂਨ ਨੂੰ ਅਭਿਆਸ ਮੈਚ ਹੈ। ਦ੍ਰਾਵਿੜ ਅਤੇ ਟੀਮ 15 ਜਾਂ 16 ਜੂਨ ਨੂੰ ਰਵਾਨਾ ਹੋਵੇਗੀ। ਅਸੀਂ IND ਬਨਾਮ SA T20 ਅਤੇ ਆਇਰਲੈਂਡ T20 ਸੀਰੀਜ਼ ਲਈ ਲਕਸ਼ਮਣ ਨਾਲ ਗੱਲਬਾਤ ਕਰ ਰਹੇ ਹਾਂ।
India vs SA T20 Series, IND vs SA, India tour of England: IPL ਤੋਂ ਬਾਅਦ ਦੱਖਣੀ ਅਫ਼ਰੀਕਾ ਦੀ ਟੀਮ 5 ਮੈਚਾਂ ਦੀ T20 ਸੀਰੀਜ਼ ਲਈ ਭਾਰਤ ਦਾ ਦੌਰਾ ਕਰੇਗੀ। ਇਸ ਦੌਰਾਨ ਇੱਕ ਹੋਰ ਭਾਰਤੀ ਟੀਮ ਇੰਗਲੈਂਡ ਦਾ ਦੌਰਾ ਕਰੇਗੀ। ਹੁਣ ਦੋ ਵੱਖ-ਵੱਖ ਟੀਮਾਂ ਲਈ ਦੋ ਕੋਚ ਹੋਣਗੇ। ਸਪੋਰਟਸ ਵੈੱਬਸਾਈਟ ਇਨਸਾਈਡਸਪੋਰਟ ਦੀ ਰਿਪੋਰਟ ਮੁਤਾਬਕ ਦੋਵਾਂ ਟੀਮਾਂ ਲਈ ਵੱਖ-ਵੱਖ ਕੋਚਿੰਗ ਸਟਾਫ਼ ਹੋਵੇਗਾ। ਰਾਹੁਲ ਦ੍ਰਾਵਿੜ ਜਿੱਥੇ ਟੈਸਟ ਟੀਮ ਦੇ ਨਾਲ ਇੰਗਲੈਂਡ ਦੌਰੇ 'ਤੇ ਜਾਣਗੇ, ਉਥੇ ਹੀ ਵੀਵੀਐਸ ਲਕਸ਼ਮਣ ਦੱਖਣੀ ਅਫਰੀਕਾ ਦੇ ਖਿਲਾਫ ਟੀ-20 ਸੀਰੀਜ਼ ਅਤੇ ਆਇਰਲੈਂਡ ਖਿਲਾਫ ਦੋ ਮੈਚਾਂ ਦੀ ਟੀ-20 ਸੀਰੀਜ਼ ਲਈ ਕੋਚ ਟੀਮ 'ਚ ਸ਼ਾਮਲ ਹੋ ਸਕਦੇ ਹਨ।
ਭਾਰਤ ਦਾ ਇੰਗਲੈਂਡ ਦੌਰਾ: ਰਾਹੁਲ ਦ੍ਰਾਵਿੜ ਅਤੇ ਰੋਹਿਤ ਸ਼ਰਮਾ ਦੀ ਅਗਵਾਈ ਵਾਲੀ ਟੀਮ 15 ਜਾਂ 16 ਜੂਨ ਨੂੰ ਯੂਕੇ ਲਈ ਰਵਾਨਾ ਹੋਵੇਗੀ।
India South Africa T20 Series: ਸ਼ਿਖਰ ਧਵਨ ਸੰਭਾਲ ਸਕਦੇ ਹਨ ਟੀਮ ਦੀ ਕਮਾਨ, VVS ਲਕਸ਼ਮਣ ਸੰਭਾਲਣਗੇ ਕੋਚ ਦਾ ਅਹੁਦਾ
ਬੀਸੀਸੀਆਈ ਅਧਿਕਾਰੀ ਨੇ ਕਿਹਾ ਕਿ ਹੁਣ ਸਾਡਾ ਬਰਮਿੰਘਮ ਟੈਸਟ ਤੋਂ ਪਹਿਲਾਂ 24 ਜੂਨ ਨੂੰ ਲੈਸਟਰਸ਼ਾਇਰ ਖ਼ਿਲਾਫ਼ ਅਭਿਆਸ ਮੈਚ ਹੈ। ਰਾਹੁਲ ਦ੍ਰਾਵਿੜ ਅਤੇ ਟੀਮ 15 ਜਾਂ 16 ਜੂਨ ਨੂੰ ਰਵਾਨਾ ਹੋਵੇਗੀ। ਅਸੀਂ ਭਾਰਤ ਦੱਖਣੀ ਅਫਰੀਕਾ ਟੀ-20 ਅਤੇ ਆਇਰਲੈਂਡ ਟੀ-20 ਸੀਰੀਜ਼ ਲਈ ਵੀਵੀਐੱਸ ਲਕਸ਼ਮਣ ਨਾਲ ਗੱਲਬਾਤ ਕਰ ਰਹੇ ਹਾਂ।
ਦੱਸ ਦੇਈਏ ਕਿ ਚੋਣਕਾਰ ਇੱਕ ਵਾਰ ਫਿਰ ਦੋ ਟੀਮਾਂ ਦੀ ਚੋਣ ਕਰਨਗੇ। ਇੱਕ ਟੀਮ ਦੱਖਣੀ ਅਫਰੀਕਾ ਸੀਰੀਜ਼ ਲਈ ਅਤੇ ਦੂਜੀ ਇੰਗਲੈਂਡ ਦੌਰੇ ਲਈ ਖੇਡੇਗੀ। ਚੇਤਨ ਸ਼ਰਮਾ ਦੀ ਅਗਵਾਈ ਵਾਲੀ ਚੋਣ ਕਮੇਟੀ ਦਿਨੇਸ਼ ਕਾਰਤਿਕ ਅਤੇ ਹਾਰਦਿਕ ਪੰਡਿਯਾ ਦੇ ਨਾਲ ਦੱਖਣੀ ਅਫਰੀਕਾ ਖਿਲਾਫ ਟੀ-20 ਸੀਰੀਜ਼ ਲਈ ਸੀਨੀਅਰ ਖਿਡਾਰੀਆਂ ਨੂੰ ਆਰਾਮ ਦੇਣ ਤੋਂ ਬਾਅਦ ਨੌਜਵਾਨ ਟੀਮ ਦੀ ਚੋਣ ਕਰੇਗੀ। ਦੂਜੀ ਟੀਮ ਇੰਗਲੈਂਡ ਦੌਰੇ ਲਈ ਰਵਾਨਾ ਹੋਵੇਗੀ।
ਇਸ ਤੋਂ ਪਹਿਲਾਂ ਪਿਛਲੇ ਸਾਲ ਵੀ ਦੋ ਭਾਰਤੀ ਟੀਮਾਂ ਵੱਖ-ਵੱਖ ਟੀਮਾਂ ਲਈ ਖੇਡੀਆਂ ਸੀ। ਇੱਕ ਟੀਮ ਇੰਗਲੈਂਡ ਅਤੇ ਦੂਜੀ ਸ਼੍ਰੀਲੰਕਾ ਗਈ ਸੀ। ਹਾਲਾਂਕਿ ਇਸ ਵਾਰ ਦੋਵੇਂ ਟੀਮਾਂ ਵੱਖ-ਵੱਖ ਸਮੇਂ 'ਤੇ ਖੇਡਣਗੀਆਂ। ਆਈਪੀਐੱਲ ਦੇ ਨੌਜਵਾਨ ਖਿਡਾਰੀਆਂ ਨੂੰ ਜਿੱਥੇ ਟੀ-20 ਸੀਰੀਜ਼ 'ਚ ਮੌਕਾ ਮਿਲ ਸਕਦਾ ਹੈ, ਉੱਥੇ ਹੀ ਰੋਹਿਤ ਸ਼ਰਮਾ ਸਮੇਤ ਕਈ ਸੀਨੀਅਰ ਖਿਡਾਰੀ 15 ਜੂਨ ਨੂੰ ਇੰਗਲੈਂਡ ਲਈ ਰਵਾਨਾ ਹੋਣਗੇ।
ਆਈਪੀਐਲ ਤੋਂ ਬਾਅਦ ਦੱਖਣੀ ਅਫਰੀਕਾ ਸੀਰੀਜ਼ ਲਈ ਕਈ ਸੀਨੀਅਰ ਖਿਡਾਰੀਆਂ ਨੂੰ ਆਰਾਮ ਦਿੱਤਾ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਇਸ ਸੀਰੀਜ਼ ਲਈ ਸ਼ਿਖਰ ਧਵਨ ਨੂੰ ਟੀਮ ਦੀ ਕਮਾਨ ਸੌਂਪੀ ਜਾ ਸਕਦੀ ਹੈ। ਆਈਪੀਐਲ ਤੋਂ ਬਾਅਦ ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਕੇਐਲ ਰਾਹੁਲ, ਜਸਪ੍ਰੀਤ ਬੁਮਰਾਹ ਅਤੇ ਰਿਸ਼ਭ ਪੰਤ ਸਮੇਤ ਬਾਕੀ ਖਿਡਾਰੀਆਂ ਨੂੰ ਆਰਾਮ ਦਿੱਤਾ ਜਾਵੇਗਾ ਅਤੇ ਇਹ ਖਿਡਾਰੀ 15 ਜੂਨ ਨੂੰ ਇੰਗਲੈਂਡ ਜਾਣਗੇ।
ਹਾਰਦਿਕ ਪੰਡਿਯਾ, ਦਿਨੇਸ਼ ਕਾਰਤਿਕ ਅਤੇ ਸੰਜੂ ਸੈਮਸਨ ਦੀ ਦੱਖਣੀ ਅਫਰੀਕਾ ਸੀਰੀਜ਼ 'ਚ ਵਾਪਸੀ ਹੋ ਸਕਦੀ ਹੈ। ਰਿਤੂਰਾਜ ਗਾਇਕਵਾੜ, ਈਸ਼ਾਨ ਕਿਸ਼ਨ ਤੋਂ ਇਲਾਵਾ ਉਮਰਾਨ ਮਲਿਕ, ਮੋਹਸਿਨ ਖ਼ਾਨ ਅਤੇ ਜਿਤੇਸ਼ ਸ਼ਰਮਾ ਵਰਗੇ ਨਵੇਂ ਖਿਡਾਰੀਆਂ ਨੂੰ ਵੀ ਇਸ ਸੀਰੀਜ਼ ਲਈ ਮੌਕਾ ਮਿਲ ਸਕਦਾ ਹੈ। ਇਸ ਦੇ ਨਾਲ ਹੀ ਚੇਤੇਸ਼ਵਰ ਪੁਜਾਰਾ ਦੀ ਇੰਗਲੈਂਡ ਟੈਸਟ ਲਈ ਵਾਪਸੀ ਹੋ ਸਕਦੀ ਹੈ।
ਅਜਿੰਕਿਆ ਰਹਾਣੇ ਸੱਟ ਕਾਰਨ ਟੀਮ ਤੋਂ ਬਾਹਰ ਹੋ ਗਏ ਹਨ। ਹਨੁਮਾ ਵਿਹਾਰੀ ਤੋਂ ਇਲਾਵਾ ਸ਼੍ਰੇਅਸ ਅਈਅਰ, ਸ਼ੁਭਮਨ ਗਿੱਲ ਨੂੰ ਵੀ ਇੰਗਲੈਂਡ ਦੌਰੇ ਲਈ ਚੁਣਿਆ ਜਾ ਸਕਦਾ ਹੈ। ਭਾਰਤ 1 ਤੋਂ 5 ਜੁਲਾਈ ਤੱਕ ਇੰਗਲੈਂਡ ਖਿਲਾਫ ਹੋਣ ਵਾਲੇ 5ਵੇਂ ਟੈਸਟ ਤੋਂ ਪਹਿਲਾਂ ਅਭਿਆਸ ਮੈਚ ਖੇਡੇਗਾ। ਦੋਵਾਂ ਦੌਰਿਆਂ ਲਈ 23 ਮਈ ਨੂੰ ਚੋਣ ਕਮੇਟੀ ਦੀ ਮੀਟਿੰਗ ਹੋਵੇਗੀ।
ਫਿਲਹਾਲ ਕਾਊਂਟੀ ਕ੍ਰਿਕਟ 'ਚ ਖੇਡ ਰਹੇ ਚੇਤੇਸ਼ਵਰ ਪੁਜਾਰਾ ਨੂੰ ਟੈਸਟ ਟੀਮ ਲਈ ਚੁਣਿਆ ਜਾਵੇਗਾ ਅਤੇ ਉਸ ਨੂੰ ਇੰਗਲੈਂਡ 'ਚ ਟੀਮ ਨਾਲ ਜੁੜਨ ਲਈ ਕਿਹਾ ਗਿਆ ਹੈ। ਸੂਰਿਆਕੁਮਾਰ ਯਾਦਵ ਅਤੇ ਦੀਪਕ ਚਾਹਰ ਇੰਗਲੈਂਡ ਦੀ ਸੀਮਤ ਓਵਰਾਂ ਦੀ ਲੜੀ ਲਈ ਸੱਟ ਤੋਂ ਉਭਰ ਕੇ ਵਾਪਸੀ ਕਰ ਸਕਦੇ ਹਨ। ਹਾਰਦਿਕ ਪੰਡਿਯਾ ਵੀ ਦੱਖਣੀ ਅਫਰੀਕਾ ਦੀ ਸੀਰੀਜ਼ ਤੋਂ ਬਾਅਦ ਇੰਗਲੈਂਡ ਦੀ ਸੀਮਤ ਓਵਰਾਂ ਦੀ ਸੀਰੀਜ਼ ਲਈ ਟੀਮ ਨਾਲ ਜੁੜ ਜਾਵੇਗਾ।
ਇਹ ਵੀ ਪੜ੍ਹੋ: Times Square ਦੇ ਬਿਲਬੋਰਡ 'ਤੇ ਆਪਣੀ ਤਸਵੀਰ ਦੇਖ ਕੇ ਦੰਗ ਰਹਿ ਗਈ ਧਵਾਨੀ ਭਾਨੁਸ਼ਾਲੀ, ਖੁਸ਼ੀ ਜ਼ਾਹਰ ਕਰਦਿਆਂ ਕਿਹਾ...
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
