Kevin Pietersen: ਇੰਗਲੈਂਡ ਦੇ ਸਾਬਕਾ ਕ੍ਰਿਕਟਰ Kevin ਰਾਮ ਭਗਤੀ 'ਚ ਹੋਏ ਲੀਨ! ਹਿੰਦੀ 'ਚ ਪੋਸਟ ਸ਼ੇਅਰ ਕਰ ਉਡਾਏ ਫੈਨਜ਼ ਦੇ ਹੋਸ਼
Kevin Pietersen On Lord Ram: ਇੰਗਲੈਂਡ ਕ੍ਰਿਕਟ ਟੀਮ ਦੇ ਸਾਬਕਾ ਕ੍ਰਿਕਟਰ ਕੇਵਿਨ ਪੀਟਰਸਨ ਭਗਵਾਨ ਰਾਮ ਦੀ ਭਗਤੀ ਵਿੱਚ ਲੀਨ ਨਜ਼ਰ ਆਏ। ਪਿਛਲੇ ਸੋਮਵਾਰ (22 ਜਨਵਰੀ) ਨੂੰ ਅਯੁੱਧਿਆ 'ਚ ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ
Kevin Pietersen On Lord Ram: ਇੰਗਲੈਂਡ ਕ੍ਰਿਕਟ ਟੀਮ ਦੇ ਸਾਬਕਾ ਕ੍ਰਿਕਟਰ ਕੇਵਿਨ ਪੀਟਰਸਨ ਭਗਵਾਨ ਰਾਮ ਦੀ ਭਗਤੀ ਵਿੱਚ ਲੀਨ ਨਜ਼ਰ ਆਏ। ਪਿਛਲੇ ਸੋਮਵਾਰ (22 ਜਨਵਰੀ) ਨੂੰ ਅਯੁੱਧਿਆ 'ਚ ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ ਦਾ ਪ੍ਰੋਗਰਾਮ ਹੋਇਆ, ਜਿਸ 'ਚ ਕਈ ਭਾਰਤੀ ਕ੍ਰਿਕਟਰ ਮੌਜੂਦ ਸਨ। ਹੁਣ ਕੇਵਿਨ ਪੀਟਰਸਨ ਵੀ ਰਾਮ ਭਗਤੀ ਦੇ ਰੰਗ ਵਿੱਚ ਰੰਗੇ ਨਜ਼ਰ ਆਏ। ਪੀਟਰਸਨ ਨੇ ਸੋਸ਼ਲ ਮੀਡੀਆ ਰਾਹੀਂ ਹਿੰਦੀ 'ਚ 'ਜੈ ਸ਼੍ਰੀ ਰਾਮ' ਲਿਖਿਆ।
ਪੀਟਰਸਨ ਨੇ ਆਪਣੀ ਪੋਸਟ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ। ਇਸ ਤੋਂ ਪਹਿਲਾਂ ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ ਵਾਲੇ ਦਿਨ ਆਸਟ੍ਰੇਲੀਆਈ ਕ੍ਰਿਕਟਰ ਡੇਵਿਡ ਵਾਰਨਰ ਨੇ ਸੋਸ਼ਲ ਮੀਡੀਆ ਰਾਹੀਂ ਭਗਵਾਨ ਰਾਮ 'ਤੇ ਪੋਸਟ ਕਰਕੇ ਭਾਰਤੀ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਸੀ। ਵਾਰਨਰ ਨੇ ਭਗਵਾਨ ਸ਼੍ਰੀ ਰਾਮ ਦੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਸੀ। ਤਸਵੀਰ ਨੂੰ ਕੈਪਸ਼ਨ ਦਿੰਦੇ ਹੋਏ ਉਨ੍ਹਾਂ ਨੇ ਲਿਖਿਆ, "ਜੈ ਸ਼੍ਰੀ ਰਾਮ ਇੰਡੀਆ।" ਹੁਣ ਵਾਰਨਰ ਦੀ ਤਰਜ਼ 'ਤੇ ਪੀਟਰਸਨ ਨੇ ਵੀ ਭਾਰਤੀ ਪ੍ਰਸ਼ੰਸਕਾਂ ਨੂੰ ਖੁਸ਼ ਕਰ ਦਿੱਤਾ ਹੈ।
ਪ੍ਰਾਣ ਪ੍ਰਤਿਸ਼ਠਾ ਤੇ ਪੁੱਜੇ ਕਈ ਵੱਡੇ ਕ੍ਰਿਕਟਰ
ਦੱਸ ਦਈਏ ਕਿ ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ ਦੇ ਪ੍ਰੋਗਰਾਮ 'ਚ ਕਈ ਵੱਡੇ ਕ੍ਰਿਕਟਰਾਂ ਨੇ ਸ਼ਿਰਕਤ ਕੀਤੀ ਸੀ, ਜਿਸ 'ਚ ਸਚਿਨ ਤੇਂਦੁਲਕਰ ਵੀ ਸ਼ਾਮਲ ਸਨ। ਇਸ ਤੋਂ ਇਲਾਵਾ ਮਹਿਲਾ ਕ੍ਰਿਕਟਰਾਂ 'ਚ ਭਾਰਤੀ ਟੀਮ ਦੀ ਸਾਬਕਾ ਕਪਤਾਨ ਮੇਥਾਲੀ ਰਾਜ ਨੇ ਵੀ ਪ੍ਰੋਗਰਾਮ 'ਚ ਸ਼ਿਰਕਤ ਕੀਤੀ। ਇਸ ਤੋਂ ਇਲਾਵਾ ਸਾਬਕਾ ਸਪਿਨਰ ਅਨਿਲ ਕੁੰਬਲੇ ਅਤੇ ਤੇਜ਼ ਗੇਂਦਬਾਜ਼ ਆਰਪੀ ਸਿੰਘ ਸਮੇਤ ਕਈ ਹੋਰ ਕ੍ਰਿਕਟਰ ਵੀ ਅਯੁੱਧਿਆ ਪਹੁੰਚੇ ਸਨ। ਮੌਜੂਦਾ ਕ੍ਰਿਕਟਰਾਂ 'ਚੋਂ ਹਰਫਨਮੌਲਾ ਰਵਿੰਦਰ ਜਡੇਜਾ ਆਪਣੀ ਪਤਨੀ ਰਿਵਾਬਾ ਨਾਲ ਪ੍ਰੋਗਰਾਮ 'ਚ ਗਏ ਹੋਏ ਸਨ।
जय श्री राम 👏
— Kevin Pietersen🦏 (@KP24) January 23, 2024
ਪੀਟਰਸਨ ਨੇ ਇੰਗਲੈਂਡ ਲਈ ਤਿੰਨੋਂ ਫਾਰਮੈਟ ਖੇਡੇ
ਤੁਹਾਨੂੰ ਦੱਸ ਦੇਈਏ ਕਿ ਕੇਵਿਨ ਪੀਟਰਸਨ ਇੰਗਲੈਂਡ ਦੇ ਉਨ੍ਹਾਂ ਖਿਡਾਰੀਆਂ ਵਿੱਚੋਂ ਇੱਕ ਸਨ ਜੋ ਤਿੰਨੋਂ ਫਾਰਮੈਟ ਖੇਡਦੇ ਸਨ। ਪੀਟਰਸਨ ਨੇ 2004 ਤੋਂ 2014 ਦਰਮਿਆਨ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡੀ। ਇਸ ਦੌਰਾਨ ਉਨ੍ਹਾਂ ਨੇ 104 ਟੈਸਟ, 136 ਵਨਡੇ ਅਤੇ 37 ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ। ਟੈਸਟ ਦੀਆਂ 181 ਪਾਰੀਆਂ ਵਿੱਚ ਉਸ ਨੇ 47.28 ਦੀ ਔਸਤ ਨਾਲ 8181 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਵਨਡੇ ਦੀਆਂ 125 ਪਾਰੀਆਂ 'ਚ 40.73 ਦੀ ਔਸਤ ਨਾਲ 4440 ਦੌੜਾਂ ਬਣਾਈਆਂ। ਟੀ-20 ਅੰਤਰਰਾਸ਼ਟਰੀ ਦੀਆਂ 36 ਪਾਰੀਆਂ ਵਿੱਚ, ਉਸਨੇ 37.93 ਦੀ ਔਸਤ ਅਤੇ 141.51 ਦੇ ਸਟ੍ਰਾਈਕ ਰੇਟ ਨਾਲ 1176 ਦੌੜਾਂ ਬਣਾਈਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
