ਦੋ ਵਿਸ਼ਵ ਕੱਪ ਖੇਡ ਚੁੱਕਿਆ ਕ੍ਰਿਕਟਰ ਬਣਿਆ ਡਕੈਤ, ਅਦਾਲਤ ਨੇ ਸੁਣਾਈ ਸਜ਼ਾ; ਕ੍ਰਿਕਟ ਜਗਤ 'ਚ ਮੱਚੀ ਤਰਥੱਲੀ
Cricketer Charged Robbery: ਆਸਟ੍ਰੇਲੀਆ ਦੇ ਉੱਤਰ ਵਿੱਚ ਸਥਿਤ ਇੱਕ ਛੋਟੇ ਜਿਹੇ ਟਾਪੂ ਪਾਪੂਆ ਨਿਊ ਗਿਨੀ ਤੋਂ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਆਈ ਹੈ। ਇੱਕ ਕ੍ਰਿਕਟਰ ਨੂੰ ਡਕੈਤੀ ਦੇ ਮਾਮਲੇ ਵਿੱਚ ਦੋਸ਼ੀ ਪਾਇਆ ਗਿਆ ਹੈ।
Cricketer Charged Robbery: ਆਸਟ੍ਰੇਲੀਆ ਦੇ ਉੱਤਰ ਵਿੱਚ ਸਥਿਤ ਇੱਕ ਛੋਟੇ ਜਿਹੇ ਟਾਪੂ ਪਾਪੂਆ ਨਿਊ ਗਿਨੀ (Papua New Guinea) ਤੋਂ ਇੱਕ ਹੈਰਾਨ ਕਰਨ ਵਾਲੀ ਖ਼ਬਰ ਆਈ ਹੈ। ਪਾਪੂਆ ਨਿਊ ਗਿਨੀ ਦੇ ਕ੍ਰਿਕਟਰ ਕਿਪਲਿੰਗ ਦੋਰੀਗਾ ਨੂੰ ਇੱਕ ਡਕੈਤੀ ਦੇ ਮਾਮਲੇ ਵਿੱਚ ਦੋਸ਼ੀ ਪਾਇਆ ਗਿਆ ਹੈ। ਇਹ ਘਟਨਾ 25 ਅਗਸਤ, ਸੋਮਵਾਰ ਨੂੰ ਸੇਂਟ ਹੇਲੀਅਰਸ ਖੇਤਰ ਵਿੱਚ ਵਾਪਰੀ। ਇਨ੍ਹਾਂ ਦਿਨਾਂ ਵਿੱਚ ਕ੍ਰਿਕਟ ਵਰਲਡ ਕੱਪ ਚੈਲੇਂਜ ਲੀਗ (CWC Challenge League) ਪਾਪੂਆ ਨਿਊ ਗਿਨੀ ਵਿੱਚ ਖੇਡੀ ਜਾ ਰਹੀ ਹੈ, ਜਿਸ ਦੇ ਦੂਜੇ ਦੌਰ ਦੇ ਮੈਚਾਂ ਵਿੱਚ ਦੋਰੀਗਾ ਨੂੰ ਪਾਪੂਆ ਨਿਊ ਗਿਨੀ ਟੀਮ ਵਿੱਚ ਜਗ੍ਹਾ ਮਿਲੀ ਹੈ।
ਬੁੱਧਵਾਰ ਸਵੇਰੇ, ਕਿਪਲਿੰਗ ਦੋਰੀਗਾ (Kipling Doriga) ਨੂੰ ਮੈਜਿਸਟ੍ਰੇਟ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ, ਜਿੱਥੇ ਉਸ ਨੂੰ ਦੋਸ਼ੀ ਪਾਇਆ ਗਿਆ। ਮੈਜਿਸਟ੍ਰੇਟ ਨੇ ਇਸ ਮਾਮਲੇ ਨੂੰ ਇੱਕ ਨਿੱਜੀ ਅਦਾਲਤ ਲਈ ਬਹੁਤ ਗੰਭੀਰ ਮੰਨਿਆ, ਇਸ ਲਈ ਉਸ ਨੇ ਕੇਸ ਨੂੰ ਰਾਇਲ ਕੋਰਟ ਵਿੱਚ ਭੇਜ ਦਿੱਤਾ ਹੈ। ਦੋਰੀਗਾ ਨੂੰ 28 ਨਵੰਬਰ ਨੇ ਰਾਇਲ ਕੋਰਟ ਵਿੱਚ ਪੇਸ਼ ਹੋਣਾ ਹੈ। ਕਿਪਲਿੰਗ ਦੀ ਜ਼ਮਾਨਤ ਪਟੀਸ਼ਨ ਰੱਦ ਕਰ ਦਿੱਤੀ ਗਈ ਹੈ, ਫਿਲਹਾਲ ਉਸ ਨੂੰ ਪਾਪੂਆ ਨਿਊ ਗਿਨੀ ਪੁਲਿਸ ਦੀ ਹਿਰਾਸਤ ਵਿੱਚ ਰਹਿਣਾ ਪਵੇਗਾ।
ਕਿਪਲਿੰਗ ਦੋਰੀਗਾ (Kipling Doriga) ਨੇ ਪਾਪੂਆ ਨਿਊ ਗਿਨੀ ਲਈ 2021 ਅਤੇ 2024 ਟੀ-20 ਵਿਸ਼ਵ ਕੱਪ ਖੇਡੇ ਹਨ। ਉਸ ਨੇ ਆਪਣੇ ਦੇਸ਼ ਦੀ ਰਾਸ਼ਟਰੀ ਟੀਮ ਲਈ 97 ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਉਸ ਨੇ 39 ਵਨਡੇ ਮੈਚਾਂ ਵਿੱਚ 730 ਦੌੜਾਂ ਬਣਾਈਆਂ ਹਨ ਅਤੇ 43 ਟੀ-20 ਮੈਚਾਂ ਵਿੱਚ 359 ਦੌੜਾਂ ਬਣਾਈਆਂ ਹਨ। ਇੱਕ ਵਿਕਟਕੀਪਰ ਦੇ ਤੌਰ 'ਤੇ, ਉਸ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਵਿੱਚ 49 ਕੈਚ ਅਤੇ 11 ਸਟੰਪ ਲਏ ਹਨ। ਕ੍ਰਿਕਟ ਵਿਸ਼ਵ ਕੱਪ ਚੈਲੇਂਜ ਲੀਗ ਦੀ ਗੱਲ ਕਰੀਏ ਤਾਂ ਪਾਪੂਆ ਨਿਊ ਗਿਨੀ ਨੂੰ 28 ਅਗਸਤ ਨੂੰ ਜਰਸੀ ਦੇ ਖਿਲਾਫ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
