Rashid Khan Record: ਰਾਸ਼ਿਦ ਖ਼ਾਨ ਨੇ ਅੰਤਰਰਾਸ਼ਟਰੀ ਟੀ-20 ਕ੍ਰਿਕੇਟ 'ਚ ਸਭ ਤੋਂ ਤੇਜ਼ 100 ਵਿਕਟਾਂ ਹਾਸਲ ਕਰ ਕਾਈਮ ਕੀਤਾ ਰਿਕਾਰਡ

Rashid Khan Milestone: ਅਫਗਾਨਿਸਤਾਨ ਦੇ ਗੇਂਦਬਾਜ਼ ਰਾਸ਼ਿਦ ਖ਼ਾਨ ਨੇ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਰਿਕਾਰਡ ਬਣਾਇਆ ਹੈ। ਉਹ ਸਭ ਤੋਂ ਤੇਜ਼ 100 ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਬਣ ਗਏ ਹਨ।

Rashid_Khan

Rashid Khan World Record: ਰਾਸ਼ਿਦ ਖ਼ਾਨ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਤੇਜ਼ 100 ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਬਣ ਗਏ ਹਨ। ਰਾਸ਼ਿਦ ਨੇ ਸ਼ਾਰਜਾਹ ਮੈਦਾਨ 'ਤੇ ਪਾਕਿਸਤਾਨ ਖਿਲਾਫ ਮੁਹੰਮਦ ਹਾਫਿਜ਼ ਦੀ ਵਿਕਟ ਲੈਂਦੇ ਹੀ 100 ਵਿਕਟਾਂ ਦਾ ਟੀਚਾ ਹਾਸਲ ਕਰ ਲਿਆ। ਰਾਸ਼ਿਦ ਨੇ ਇਸ ਮੀਲ ਪੱਥਰ ਤੱਕ ਪਹੁੰਚਣ ਲਈ 53 ਮੈਚ ਖੇਡੇ ਹਨ। ਦੁਨੀਆ ਦੇ ਸਭ ਤੋਂ ਵਧੀਆ ਸਪਿਨਰ ਨੇ ਹੁਣ ਤੱਕ 6.18 ਦੀ ਇਕਾਨਮੀ ਰੇਟ ਨਾਲ ਗੇਂਦਬਾਜ਼ੀ ਕੀਤੀ ਹੈ ਅਤੇ ਉਸ ਦੀ ਸਟ੍ਰਾਈਕ ਰੇਟ 11.8 ਹੈ। ਦੁਨੀਆ ਦੇ ਬਹੁਤ ਘੱਟ ਗੇਂਦਬਾਜ਼ਾਂ ਕੋਲ ਇੰਨੀ ਚੰਗੀ ਆਰਥਿਕਤਾ ਅਤੇ ਸਟ੍ਰਾਈਕ ਰੇਟ ਹੈ।

Another record SMASHED by @rashidkhan_19! 🙌

The fastest player to the milestone of 100 T20I wickets!#PAKvAFG | #T20WorldCup pic.twitter.com/XTdmOqpEpW

— ESPNcricinfo (@ESPNcricinfo) October 29, 2021

ਰਾਸ਼ਿਦ ਖ਼ਾਨ ਨੇ ਪਾਕਿਸਤਾਨ ਦੇ ਖਿਲਾਫ ਹਾਫਿਜ਼ ਨੂੰ ਪੈਵੇਲੀਅਨ ਭੇਜਣ ਤੋਂ ਪਹਿਲਾਂ ਪਾਕਿਸਤਾਨੀ ਕਪਤਾਨ ਬਾਬਰ ਆਜ਼ਮ ਨੂੰ ਲਗਪਗ ਆਊਟ ਕਰ ਦਿੱਤਾ ਸੀ। ਅੰਪਾਇਰ ਵੱਲੋਂ ਬਾਬਰ ਆਜ਼ਮ ਨੂੰ ਐੱਲਬੀਡਬਲਯੂ ਐਲਾਨੇ ਜਾਣ ਤੋਂ ਬਾਅਦ ਬੱਲੇਬਾਜ਼ ਨੇ ਰਿਵਿਊ ਲਿਆ ਤਾਂ ਦੇਖਿਆ ਗਿਆ ਕਿ ਗੇਂਦ ਲੈੱਗ ਸਟੰਪ ਤੋਂ ਬਾਹਰ ਜਾ ਰਹੀ ਸੀ।

ਰਾਸ਼ਿਦ ਦੀ ਗੇਂਦ 'ਤੇ ਬਾਅਦ ਵਿਚ ਇੱਕ ਆਸਾਨ ਕੈਚ ਵੀ ਛੁੱਟਿਆ। ਪਰ ਇਸ ਤੋਂ ਬਾਅਦ ਵੀ ਉਸ ਨੇ ਆਪਣੇ ਸਪੈਲ ਦੀ ਆਖਰੀ ਗੇਂਦ 'ਤੇ ਬਾਬਰ ਆਜ਼ਮ ਨੂੰ ਕਲੀਨ ਬੋਲਡ ਕਰ ਦਿੱਤਾ। ਰਾਸ਼ਿਦ ਖਾਨ ਨੇ ਟੀ-20 ਅੰਤਰਰਾਸ਼ਟਰੀ ਮੈਚ 'ਚ ਪਾਕਿਸਤਾਨੀ ਖਿਡਾਰੀ ਮੁਹੰਮਦ ਹਫੀਜ਼ ਨੂੰ ਪੈਵੇਲੀਅਨ ਭੇਜ ਕੇ ਵਿਕਟਾਂ ਦਾ ਸੈਂਕੜਾ ਪੂਰਾ ਕੀਤਾ। ਰਾਸ਼ਿਦ ਖ਼ਾਨ ਨੇ ਇਸ ਮੈਚ ਵਿੱਚ ਚਾਰ ਓਵਰਾਂ ਵਿੱਚ 26 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ। ਹਾਲਾਂਕਿ ਇਸ ਮੈਚ 'ਚ ਅਫਗਾਨਿਸਤਾਨ ਨੂੰ ਪੰਜ ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।

ਇਹ ਵੀ ਪੜ੍ਹੋ: Farmers Protest: ਟਿੱਕਰੀ ਬਾਰਡਰ 'ਤੇ ਬੈਰੀਅਰ ਹਟਾਉਣ ਦੌਰਾਨ ਤਣਾਅ, ਭਾਰੀ ਪੁਲਿਸ ਬਲ ਤੈਨਾਤ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/

https://apps.apple.com/in/app/811114904