Ravindra Jadeja: ਰਵਿੰਦਰ ਜਡੇਜਾ ਨੇ ਵਿਸ਼ਵ ਕੱਪ 'ਚ ਇਹ ਖਿਤਾਬ ਕੀਤਾ ਆਪਣੇ ਨਾਂਅ, ਅਨਿਲ ਕੁੰਬਲੇ- ਯੁਵਰਾਜ ਸਿੰਘ ਨੂੰ ਦਿੱਤਾ ਪਛਾੜ
Ravindra Jadeja World Cup Record: ਵਿਸ਼ਵ ਕੱਪ 2023 ਵਿੱਚ ਐਤਵਾਰ (12 ਨਵੰਬਰ) ਨੂੰ ਰਵਿੰਦਰ ਜਡੇਜਾ ਨੇ ਇੱਕ ਵਿਸ਼ੇਸ਼ ਉਪਲੱਬਧੀ ਹਾਸਲ ਕੀਤਾ। ਉਹ ਇੱਕ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲਾ ਭਾਰਤੀ ਸਪਿਨਰ
Ravindra Jadeja World Cup Record: ਵਿਸ਼ਵ ਕੱਪ 2023 ਵਿੱਚ ਐਤਵਾਰ (12 ਨਵੰਬਰ) ਨੂੰ ਰਵਿੰਦਰ ਜਡੇਜਾ ਨੇ ਇੱਕ ਵਿਸ਼ੇਸ਼ ਉਪਲੱਬਧੀ ਹਾਸਲ ਕੀਤਾ। ਉਹ ਇੱਕ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲਾ ਭਾਰਤੀ ਸਪਿਨਰ ਬਣ ਗਿਆ। ਇਹ ਰਿਕਾਰਡ ਬਣਾਉਣ ਲਈ ਉਸ ਨੂੰ ਦੋ ਵਿਕਟਾਂ ਦੀ ਲੋੜ ਸੀ, ਜੋ ਉਸ ਨੇ ਨੀਦਰਲੈਂਡ ਖ਼ਿਲਾਫ਼ ਖੇਡਦਿਆਂ ਆਸਾਨੀ ਨਾਲ ਹਾਸਲ ਕਰ ਲਿਆ।
ਨੀਦਰਲੈਂਡ ਖਿਲਾਫ ਮੈਚ 'ਚ ਜਡੇਜਾ ਨੇ 9 ਓਵਰ ਗੇਂਦਬਾਜ਼ੀ ਕੀਤੀ ਅਤੇ 49 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ। ਸਭ ਤੋਂ ਪਹਿਲਾਂ ਉਸ ਨੇ ਮੈਕਸ ਓ'ਡੌਡ ਨੂੰ ਬੋਲਡ ਕੀਤਾ। ਇਹ ਵਿਕਟ ਹਾਸਿਲ ਕਰਕੇ ਉਸ ਨੇ ਅਨਿਲ ਕੁੰਬਲੇ ਅਤੇ ਯੁਵਰਾਜ ਸਿੰਘ ਦੇ ਇੱਕ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਦੇ ਭਾਰਤੀ ਸਪਿਨਰ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲਈ। ਇਸ ਤੋਂ ਬਾਅਦ ਉਸ ਨੇ ਵਾਨ ਡੇਰ ਮੇਰਵੇ ਨੂੰ ਪੈਵੇਲੀਅਨ ਭੇਜ ਕੇ ਦੋਵਾਂ ਦਿੱਗਜਾਂ ਨੂੰ ਪਿੱਛੇ ਛੱਡ ਦਿੱਤਾ।
ਇਸ ਵਿਸ਼ਵ ਕੱਪ ਵਿੱਚ ਰਵਿੰਦਰ ਜਡੇਜਾ ਦੇ ਨਾਂ ਹੁਣ 16 ਵਿਕਟਾਂ ਹੋ ਗਈਆਂ ਹਨ। ਉਸ ਨੇ ਇਹ ਵਿਕਟਾਂ 9 ਮੈਚਾਂ 'ਚ 18.25 ਦੀ ਗੇਂਦਬਾਜ਼ੀ ਔਸਤ ਅਤੇ 3.97 ਦੀ ਸ਼ਾਨਦਾਰ ਸਟ੍ਰਾਈਕ ਰੇਟ ਨਾਲ ਗੇਂਦਬਾਜ਼ੀ ਕਰਦੇ ਹੋਏ ਹਾਸਲ ਕੀਤੀਆਂ ਹਨ।
ਕੁੰਬਲੇ ਨੇ 1996 ਵਿੱਚ ਅਤੇ ਯੁਵਰਾਜ ਨੇ 2011 ਵਿੱਚ ਦਿਖਾਇਆ ਸੀ ਜਲਵਾ
ਜਡੇਜਾ ਤੋਂ ਪਹਿਲਾਂ ਇੱਕ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਦਾ ਰਿਕਾਰਡ ਅਨਿਲ ਕੁੰਬਲੇ ਅਤੇ ਯੁਵਰਾਜ ਸਿੰਘ ਦੇ ਨਾਮ ਸੀ। ਅਨਿਲ ਕੁੰਬਲੇ ਨੇ ਵਿਸ਼ਵ ਕੱਪ 1996 ਵਿੱਚ 15 ਵਿਕਟਾਂ ਲਈਆਂ ਸਨ। ਜਦਕਿ ਯੁਵਰਾਜ ਸਿੰਘ ਨੇ ਵਿਸ਼ਵ ਕੱਪ 2011 ਵਿੱਚ 15 ਵਿਕਟਾਂ ਲਈਆਂ ਸਨ। ਇੱਥੇ ਖਾਸ ਗੱਲ ਇਹ ਹੈ ਕਿ ਇਹ ਦੋਵੇਂ ਵਿਸ਼ਵ ਕੱਪ ਭਾਰਤ ਦੀ ਸਹਿ-ਮੇਜ਼ਬਾਨੀ ਵਿੱਚ ਖੇਡੇ ਗਏ ਸਨ।
ਜਡੇਜਾ ਕੋਲ ਇਸ ਰਿਕਾਰਡ ਨੂੰ ਹੋਰ ਵੱਡਾ ਕਰਨ ਦਾ ਮੌਕਾ
ਭਾਰਤੀ ਟੀਮ ਨੇ ਹੁਣ ਸੈਮੀਫਾਈਨਲ ਮੈਚ ਖੇਡਣਾ ਹੈ। ਇਸ ਤੋਂ ਬਾਅਦ ਜੇਕਰ ਟੀਮ ਇੰਡੀਆ ਫਾਈਨਲ 'ਚ ਪਹੁੰਚਦੀ ਹੈ ਤਾਂ ਜਡੇਜਾ ਦੇ ਕੋਲ ਦੋ ਮੈਚ ਹੋਰ ਹੋਣਗੇ। ਇੱਥੇ ਵੀ ਜਡੇਜਾ ਵਿਕਟਾਂ ਲੈ ਕੇ ਆਪਣੇ ਰਿਕਾਰਡ ਨੂੰ ਹੋਰ ਮਜ਼ਬੂਤ ਕਰ ਸਕਦੇ ਹਨ।
ਕੁਲਦੀਪ ਯਾਦਵ ਨੇ ਵੀ 14 ਵਿਕਟਾਂ ਲਈਆਂ
ਜਡੇਜਾ ਦੇ ਨਾਲ-ਨਾਲ ਕੁਲਦੀਪ ਯਾਦਵ ਵੀ ਇਸ ਵਿਸ਼ਵ ਕੱਪ 'ਚ ਸ਼ਾਨਦਾਰ ਗੇਂਦਬਾਜ਼ੀ ਕਰ ਰਹੇ ਹਨ। ਉਹ ਹੁਣ ਤੱਕ 14 ਵਿਕਟਾਂ ਲੈ ਚੁੱਕੇ ਹਨ। ਸੰਭਾਵਤ ਤੌਰ 'ਤੇ ਉਹ ਸੈਮੀਫਾਈਨਲ ਮੈਚ 'ਚ ਅਨਿਲ ਕੁੰਬਲੇ ਅਤੇ ਯੁਵਰਾਜ ਸਿੰਘ ਨੂੰ ਪਛਾੜ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
