![ABP Premium](https://cdn.abplive.com/imagebank/Premium-ad-Icon.png)
RCB vs CSK: ਧੋਨੀ ਦੇ ਛੱਕੇ ਦੀ ਬਦੌਲਤ ਜਿੱਤਿਆ RCB, ਪਲੇਆਫ 'ਚ ਪਹੁੰਚਣ ਤੋਂ ਬਾਅਦ DK ਦਾ ਵੱਡਾ ਦਾਅਵਾ, ਜਾਣੋ ਕੀ ਹੈ ਸੱਚਾਈ ?
RCB vs CSK: ਸ਼ਨੀਵਾਰ ਨੂੰ RCB ਨੇ ਚੇਨਈ ਨੂੰ 27 ਦੌੜਾਂ ਨਾਲ ਹਰਾ ਕੇ ਪਲੇਆਫ ਲਈ ਕੁਆਲੀਫਾਈ ਕੀਤਾ। ਦਿਨੇਸ਼ ਕਾਰਤਿਕ ਨੇ ਆਪਣੀ ਟੀਮ ਦੀ ਜਿੱਤ ਦਾ ਸਿਹਰਾ ਆਖਰੀ ਓਵਰ 'ਚ ਧੋਨੀ ਦੇ ਛੱਕੇ ਨੂੰ ਦਿੱਤਾ।
![RCB vs CSK: ਧੋਨੀ ਦੇ ਛੱਕੇ ਦੀ ਬਦੌਲਤ ਜਿੱਤਿਆ RCB, ਪਲੇਆਫ 'ਚ ਪਹੁੰਚਣ ਤੋਂ ਬਾਅਦ DK ਦਾ ਵੱਡਾ ਦਾਅਵਾ, ਜਾਣੋ ਕੀ ਹੈ ਸੱਚਾਈ ? rcb vs csk royal challengers bengaluru won because of dhoni six dinesh karthik made big claim after reaching playoffs ipl 2024 RCB vs CSK: ਧੋਨੀ ਦੇ ਛੱਕੇ ਦੀ ਬਦੌਲਤ ਜਿੱਤਿਆ RCB, ਪਲੇਆਫ 'ਚ ਪਹੁੰਚਣ ਤੋਂ ਬਾਅਦ DK ਦਾ ਵੱਡਾ ਦਾਅਵਾ, ਜਾਣੋ ਕੀ ਹੈ ਸੱਚਾਈ ?](https://feeds.abplive.com/onecms/images/uploaded-images/2024/05/19/1cd1a54e9318717c7bf519d77b0706c31716101793488674_original.jpeg?impolicy=abp_cdn&imwidth=1200&height=675)
RCB vs CSK: ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਸ਼ਨੀਵਾਰ ਨੂੰ ਆਈਪੀਐਲ 2024 ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਆਰਸੀਬੀ ਨੇ ਚੇਨਈ ਨੂੰ 27 ਦੌੜਾਂ ਨਾਲ ਹਰਾ ਕੇ ਪਲੇਆਫ ਲਈ ਕੁਆਲੀਫਾਈ ਕੀਤਾ। ਇਸ ਕਰੋ ਜਾਂ ਮਰੋ ਮੈਚ ਵਿੱਚ ਬੰਗਲੁਰੂ ਨੇ ਪਹਿਲਾਂ ਖੇਡਦਿਆਂ 218 ਦੌੜਾਂ ਬਣਾਈਆਂ ਸਨ। ਅਜਿਹੇ 'ਚ ਚੇਨਈ ਨੂੰ ਪਲੇਆਫ 'ਚ ਪਹੁੰਚਣ ਲਈ 201 ਦੌੜਾਂ ਬਣਾਉਣੀਆਂ ਪਈਆਂ। ਹਾਲਾਂਕਿ, ਬੈਂਗਲੁਰੂ ਦੇ ਗੇਂਦਬਾਜ਼ਾਂ ਨੇ ਪੰਜ ਵਾਰ ਦੇ ਚੈਂਪੀਅਨ ਨੂੰ 191 ਦੌੜਾਂ ਤੱਕ ਹੀ ਰੋਕ ਦਿੱਤਾ। ਇਸ ਸ਼ਾਨਦਾਰ ਜਿੱਤ ਤੋਂ ਬਾਅਦ ਦਿਨੇਸ਼ ਕਾਰਤਿਕ ਦਾ ਬਿਆਨ ਸੁਰਖੀਆਂ ਬਟੋਰ ਰਿਹਾ ਹੈ।
ਦਰਅਸਲ, ਵਿਕਟਕੀਪਰ ਬੱਲੇਬਾਜ਼ ਦਿਨੇਸ਼ ਕਾਰਤਿਕ ਨੇ ਬੈਂਗਲੁਰੂ ਦੀ ਜਿੱਤ ਦਾ ਸਿਹਰਾ ਧੋਨੀ ਦੇ ਛੱਕਿਆਂ ਨੂੰ ਦਿੱਤਾ। ਦਿਨੇਸ਼ ਕਾਰਤਿਕ ਨੇ ਕਿਹਾ, "ਅੱਜ ਸਭ ਤੋਂ ਵਧੀਆ ਗੱਲ ਇਹ ਹੋਈ ਕਿ ਐਮਐਸ ਧੋਨੀ ਨੇ ਗੇਂਦ ਨੂੰ ਮੈਦਾਨ ਤੋਂ ਬਾਹਰ ਮਾਰਿਆ, ਫਿਰ ਸਾਨੂੰ ਨਵੀਂ ਗੇਂਦ ਮਿਲੀ ਅਤੇ ਗੇਂਦਬਾਜ਼ੀ ਵੀ ਬਿਹਤਰ ਹੋ ਗਈ।"
ਧੋਨੀ ਦਾ ਛਿੱਕਾ ਹੋਇਆ ਵਰਦਾਨ ਸਾਬਤ !
ਜੇਕਰ ਤੁਸੀਂ ਕਾਰਤਿਕ ਦੇ ਇਸ ਬਿਆਨ ਦਾ ਮਤਲਬ ਨਹੀਂ ਸਮਝ ਸਕੇ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਕਾਰਤਿਕ ਨੇ ਬਿਲਕੁੱਲ ਸੱਚ ਦੱਸ ਦਿੱਤਾ ਹੈ। ਧੋਨੀ ਦੇ ਜ਼ਬਰਦਸਤ ਛੱਕੇ ਆਰਸੀਬੀ ਲਈ ਵਰਦਾਨ ਸਾਬਤ ਹੋਏ। ਦਰਅਸਲ, ਮੀਂਹ ਅਤੇ ਨਮੀ ਕਾਰਨ ਜ਼ਮੀਨ ਕਾਫ਼ੀ ਗਿੱਲੀ ਸੀ। ਅਜਿਹੇ 'ਚ ਗੇਂਦ ਵੀ ਗਿੱਲੀ ਹੋ ਗਈ ਸੀ ਅਤੇ ਗੇਂਦਬਾਜ਼ਾਂ ਦੇ ਹੱਥਾਂ 'ਚੋਂ ਵੀ ਗੇਂਦ ਖਿਸਕ ਰਹੀ ਸੀ।
ਨਵੀਂ ਗੇਂਦ ਮਿਲਦਿਆਂ ਹੀ ਗੇਂਦਬਾਜ਼ਾਂ ਨੇ ਕੀਤਾ ਕਮਾਲ
ਇਹੀ ਕਾਰਨ ਹੈ ਕਿ ਲਾਕੀ ਫਰਗੂਸਨ ਅਤੇ ਯਸ਼ ਦਿਆਲ ਆਪਣੀ ਇੱਛਾ ਮੁਤਾਬਕ ਗੇਂਦ ਨਹੀਂ ਸੁੱਟ ਸਕੇ। ਅਜਿਹੇ 'ਚ ਜਦੋਂ ਚੇਨਈ ਨੂੰ ਪਲੇਆਫ 'ਚ ਕੁਆਲੀਫਾਈ ਕਰਨ ਲਈ ਛੇ ਗੇਂਦਾਂ 'ਚ 17 ਦੌੜਾਂ ਬਣਾਉਣੀਆਂ ਪਈਆਂ ਤਾਂ ਧੋਨੀ ਨੇ ਯਸ਼ ਦਿਆਲ ਦੀ ਫੁੱਲ ਟਾਸ ਗੇਂਦ ਨੂੰ ਸਟੇਡੀਅਮ ਦੇ ਬਾਹਰ ਭੇਜ ਦਿੱਤਾ। ਫਿਰ ਬੈਂਗਲੁਰੂ ਨੂੰ ਦੂਜੀ ਗੇਂਦ ਮਿਲੀ, ਜੋ ਬਿਲਕੁਲ ਵੀ ਗਿੱਲੀ ਨਹੀਂ ਸੀ। ਫਿਰ ਕੀ ਸੀ, ਯਸ਼ ਨੇ ਆਪਣੀ ਧੀਮੀ ਗੇਂਦਬਾਜ਼ੀ ਦਾ ਜਾਦੂ ਦਿਖਾਇਆ ਅਤੇ ਪਹਿਲਾਂ ਧੋਨੀ ਨੂੰ ਆਊਟ ਕੀਤਾ ਅਤੇ ਫਿਰ ਸ਼ਾਰਦੁਲ ਨੂੰ ਇੱਕ ਡਾਟ ਗੇਂਦ 'ਤੇ ਅਤੇ ਅੰਤ ਵਿੱਚ ਜਡੇਜਾ ਨੂੰ ਦੋ ਡਾਟ ਗੇਂਦਾਂ ਦੇ ਕੇ ਆਪਣੀ ਟੀਮ ਨੂੰ ਪਲੇਆਫ ਵਿਚ ਲੈ ਗਏ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)