Sachin Tendulkar Net Worth : ਕ੍ਰਿਕਟ ਹੀ ਨਹੀਂ ਇਨ੍ਹਾਂ ਕੰਪਨੀਆਂ ਤੋਂ ਵੀ ਕਰੋੜਾਂ ਰੁਪਏ ਕਮਾਉਂਦੇ ਹਨ ਸਚਿਨ ਤੇਂਦੁਲਕਰ , ਜਾਣੋ ਕੁੱਲ ਜਾਇਦਾਦ

Sachin Tendulkar 50th Birthday Special : ਅੱਜ ਯਾਨੀ 24 ਅਪ੍ਰੈਲ 2023 ਨੂੰ 'ਕ੍ਰਿਕੇਟ ਦਾ ਭਗਵਾਨ' ਕਹੇ ਜਾਣ ਵਾਲੇ ਸਚਿਨ ਤੇਂਦੁਲਕਰ ਦਾ ਜਨਮ ਦਿਨ ਹੈ ਅਤੇ ਸਚਿਨ ਆਪਣੀ ਉਮਰ ਦਾ ਅਰਧ ਸੈਂਕੜਾ ਲਗਾ ਚੁੱਕੇ ਹਨ।

Sachin Tendulkar

Sachin Tendulkar 50th Birthday Special : ਅੱਜ ਯਾਨੀ 24 ਅਪ੍ਰੈਲ 2023 ਨੂੰ 'ਕ੍ਰਿਕੇਟ ਦਾ ਭਗਵਾਨ' ਕਹੇ ਜਾਣ ਵਾਲੇ ਸਚਿਨ ਤੇਂਦੁਲਕਰ ਦਾ ਜਨਮ ਦਿਨ ਹੈ ਅਤੇ ਸਚਿਨ ਆਪਣੀ ਉਮਰ ਦਾ ਅਰਧ ਸੈਂਕੜਾ ਲਗਾ ਚੁੱਕੇ ਹਨ। ਸਚਿਨ ਤੇਂਦੁਲਕਰ ਦੇ ਨਾਂ ਕਈ ਰਿਕਾਰਡ ਹਨ, ਜਿਨ੍ਹਾਂ ਨੂੰ ਤੋੜਨਾ ਆਮ ਗੱਲ ਨਹੀਂ ਹੈ। ਉਹ ਪਹਿਲੇ ਅਜਿਹੇ ਕ੍ਰਿਕਟਰ ਹਨ, ਜਿਨ੍ਹਾਂ ਨੇ ਸੈਕੜਿਆਂ ਦਾ ਸੈਂਕੜਾ ਲਗਾਇਆ ਹੈ। ਸਚਿਨ ਨੇ 16 ਨਵੰਬਰ 2013 ਨੂੰ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ। ਇਸ ਸਾਲ ਫੋਰਬਸ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਐਥਲੀਟਾਂ ਦੀ ਸੂਚੀ ਵਿੱਚ ਸਚਿਨ ਤੇਂਦੁਲਕਰ ਦਾ ਨਾਂ 51ਵੇਂ ਨੰਬਰ 'ਤੇ ਸੀ।

 

ਸਚਿਨ ਤੇਂਦੁਲਕਰ ਸਿਰਫ ਕ੍ਰਿਕਟ ਤੋਂ ਹੀ ਨਹੀਂ ਸਗੋਂ ਕਈ ਹੋਰ ਥਾਵਾਂ ਤੋਂ ਵੀ ਕਮਾਈ ਕਰਦੇ ਹਨ। ਸਚਿਨ ਪ੍ਰੀਮੀਅਮ ਬੈਡਮਿੰਟਨ ਲੀਗ ISL ਫਰੈਂਚਾਇਜ਼ੀ ਕੇਰਲ ਬਲਾਸਟਰਸ ਅਤੇ ਬੈਂਗਲੁਰੂ ਬਲਾਸਟਰਸ ਦੇ ਸਹਿ-ਮਾਲਕ ਹਨ। ਇਸ ਤੋਂ ਇਲਾਵਾ ਸਚਿਨ ਕੋਲ ਇੰਟਰਨੈਸ਼ਨਲ ਪ੍ਰੀਮੀਅਰ ਲੀਗ 'ਚ ਮੁੰਬਈ ਦੀ ਫਰੈਂਚਾਈਜ਼ੀ ਹੈ। ਇਸ ਦੇ ਨਾਲ ਹੀ ਸਚਿਨ ਤੇਂਦੁਲਕਰ ਨੇ ਹੋਟਲਾਂ ਤੋਂ ਲੈ ਕੇ ਹੋਰ ਕਈ ਥਾਵਾਂ 'ਤੇ ਨਿਵੇਸ਼ ਕੀਤਾ ਹੈ।

 

ਕਿੱਥੇ -ਕਿੱਥੇ ਸਚਿਨ ਤੇਂਦੁਲਕਰ ਦਾ ਨਿਵੇਸ਼ ?

 

ਸਚਿਨ ਤੇਂਦੁਲਕਰ ਦੋ ਰੈਸਟੋਰੈਂਟਾਂ ਦੇ ਮਾਲਕ ਹਨ, ਇੱਕ ਮੁੰਬਈ ਵਿੱਚ ਅਤੇ ਦੂਜਾ ਬੈਂਗਲੁਰੂ ਵਿੱਚ। ਇਸ ਰੈਸਟੋਰੈਂਟ ਦਾ ਨਾਂ Sachin’s and Tendulkar’s ਹੈ। ਸਚਿਨ ਨੇ 70 ਫੀਸਦੀ ਵਾਧੇ ਦਾ ਅਨੁਮਾਨ ਹੋਟਲ ਅਤੇ ਸਪੋਰਟਸ ਫ੍ਰੈਂਚਾਇਜ਼ੀ ਤੋਂ ਲਗਾਇਆ ਹੈ। ਹਾਲ ਹੀ ਵਿੱਚ ਤੇਂਦੁਲਕਰ ਆਧਾਰਿਤ ਇੱਕ ਸਪੋਰਟਸ ਐਂਟਰਟੇਨਮੈਂਟ ਕੰਪਨੀ ਸਮੈਸ਼ ਐਂਟਰਟੇਨਮੈਂਟ ਨੇ ਨਿਵੇਸ਼ ਵਿੱਚ 5 ਮਿਲੀਅਨ ਡਾਲਰ ਇਕੱਠੇ ਕੀਤੇ ਅਤੇ ਇਸਦੀ ਕੀਮਤ ਲਗਭਗ 100 ਕਰੋੜ ਡਾਲਰ ਹੋਣ ਦੀ ਉਮੀਦ ਹੈ।

 

ਇਨ੍ਹਾਂ ਕੰਪਨੀਆਂ ਦੇ ਹਨ ਮਾਲਕ

ਸਚਿਨ ਨੇ ਸਮਾਰਟਰੋਨ ਇੰਡੀਆ, ਜੇਟਸਿੰਥੀਸਿਸ, ਸਪਿਨੀ ਅਤੇ ਐਸ ਡਰਾਈਵ ਅਤੇ ਸਚ ਵਰਗੇ ਕਈ ਸਟਾਰਟਅੱਪਸ ਨੂੰ ਫੰਡ ਦਿੱਤਾ ਹੈ। ਇਸ ਤੋਂ ਇਲਾਵਾ 2016 ਵਿੱਚ ਅਰਵਿੰਦ ਫੈਸ਼ਨ ਲਿਮਟਿਡ ਦੇ ਨਾਲ ਟੂ ਬਲੂ ਨਾਮਕ ਪੁਰਸ਼ਾਂ ਦੇ ਕੱਪੜੇ ਦੀ ਕੰਪਨੀ ਖੋਲ੍ਹੀ ਗਈ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਪਤਨੀ ਅੰਜਲੀ ਤੇਂਦੁਲਕਰ ਨਾਲ SRT ਸਪੋਰਟਸ ਮੈਨੇਜਮੈਂਟ ਦੇ ਨਾਂ ਨਾਲ ਸਪੋਰਟਸ ਮੈਨੇਜਮੈਂਟ ਕੰਪਨੀ ਖੋਲ੍ਹੀ ਸੀ।

 

ਸਚਿਨ ਤੇਂਦੁਲਕਰ ਦੀ ਕੁੱਲ ਜਾਇਦਾਦ

ਇੱਕ ਸੂਚੀ ਦੇ ਅਨੁਸਾਰ 2022 ਵਿੱਚ ਸਚਿਨ ਤੇਂਦੁਲਕਰ ਦੀ ਕੁੱਲ ਸੰਪਤੀ 16.5 ਕਰੋੜ ਡਾਲਰ ਜਾਂ 1350 ਕਰੋੜ ਰੁਪਏ ਸੀ। ਹਾਲਾਂਕਿ ਵਿਰਾਟ ਕੋਹਲੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਖਿਡਾਰੀ ਹਨ ਪਰ ਨੈੱਟਵਰਥ ਦੇ ਮਾਮਲੇ ਵਿੱਚ ਤੇਂਦੁਲਕਰ ਸਿਖਰ 'ਤੇ ਹਨ। ਤੇਂਦੁਲਕਰ ਦੀ ਤਨਖਾਹ ਨਿਵੇਸ਼ ਅਤੇ ਐਡ ਤੋਂ ਲਗਭਗ 50 ਕਰੋੜ ਰੁਪਏ ਹੈ।