Shoaib-Sania: ਸ਼ੋਏਬ ਮਲਿਕ ਨਾਲ ਤਲਾਕ ਤੋਂ ਬਾਅਦ ਪੂਰੀ ਤਰ੍ਹਾਂ ਟੁੱਟੀ ਸਾਨੀਆ ਮਿਰਜ਼ਾ, ਨਮ ਅੱਖਾਂ ਨਾਲ ਕੀਤਾ ਵੱਡਾ ਖੁਲਾਸਾ
Sania Mirza: ਭਾਰਤ ਦੀ ਸਭ ਤੋਂ ਸਫਲ ਮਹਿਲਾ ਟੈਨਿਸ ਖਿਡਾਰਨਾਂ ਵਿੱਚੋਂ ਇੱਕ ਸਾਨੀਆ ਮਿਰਜ਼ਾ ਅੱਜ ਨੌਜਵਾਨਾਂ ਲਈ ਪ੍ਰੇਰਨਾ ਸਰੋਤ ਬਣ ਗਈ ਹੈ। ਉਨ੍ਹਾਂ ਸਾਲ 2001 ਵਿੱਚ ਪੇਸ਼ੇਵਰ ਟੈਨਿਸ ਖੇਡਣਾ ਸ਼ੁਰੂ ਕੀਤਾ ਸੀ,
Sania Mirza: ਭਾਰਤ ਦੀ ਸਭ ਤੋਂ ਸਫਲ ਮਹਿਲਾ ਟੈਨਿਸ ਖਿਡਾਰਨਾਂ ਵਿੱਚੋਂ ਇੱਕ ਸਾਨੀਆ ਮਿਰਜ਼ਾ ਅੱਜ ਨੌਜਵਾਨਾਂ ਲਈ ਪ੍ਰੇਰਨਾ ਸਰੋਤ ਬਣ ਗਈ ਹੈ। ਉਨ੍ਹਾਂ ਸਾਲ 2001 ਵਿੱਚ ਪੇਸ਼ੇਵਰ ਟੈਨਿਸ ਖੇਡਣਾ ਸ਼ੁਰੂ ਕੀਤਾ ਸੀ, ਪਰ 23 ਸਾਲਾਂ ਬਾਅਦ ਯਾਨੀ 2023 ਵਿੱਚ, ਉਨ੍ਹਾਂ ਆਪਣੇ ਇਤਿਹਾਸਕ ਕਰੀਅਰ ਨੂੰ ਅਲਵਿਦਾ ਕਹਿਣ ਦਾ ਫੈਸਲਾ ਕੀਤਾ। ਹੁਣ ਸਾਨੀਆ ਮਿਰਜ਼ਾ ਨੇ ਬੀਬੀਸੀ ਨਾਲ ਗੱਲ ਕਰਦੇ ਹੋਏ ਆਪਣੇ ਸੰਨਿਆਸ ਦੇ ਫੈਸਲੇ ਦਾ ਖੁਲਾਸਾ ਕੀਤਾ ਹੈ। ਤਲਾਕ ਤੋਂ ਬਾਅਦ ਸਾਨੀਆ ਕਿਵੇਂ ਟੁੱਟ ਗਈ ਸੀ ਅਤੇ ਉਸ ਨੇ ਕਿਸ ਪੜਾਅ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਸੀ। ਹੁਣ ਸਾਨੀਆ ਨੇ ਦੱਸਿਆ ਹੈ ਕਿ ਉਸ ਨੂੰ ਇਕ ਸਾਲ ਪਹਿਲਾਂ ਮਹਿਸੂਸ ਹੋਣ ਲੱਗਾ ਸੀ ਕਿ ਉਸ ਦਾ ਸਰੀਰ ਹੁਣ ਉਸ ਦਾ ਸਾਥ ਨਹੀਂ ਦੇ ਰਿਹਾ। ਕਈ ਪਹਿਲੂਆਂ 'ਤੇ ਵਿਚਾਰ ਕਰਨ ਤੋਂ ਬਾਅਦ ਉਨ੍ਹਾਂ ਨੇ 2023 'ਚ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਸੀ।
ਸਾਨੀਆ ਮਿਰਜ਼ਾ ਨੇ ਕਿਹਾ, "ਮੈਨੂੰ ਲਗਭਗ ਇੱਕ ਸਾਲ ਪਹਿਲਾਂ ਹੀ ਇਹ ਪਤਾ ਲੱਗ ਗਿਆ ਸੀ ਕਿ ਮੈਂ ਇਹ ਫੈਸਲਾ ਲੈਣ ਵਾਲੀ ਹਾਂ। ਪਰ ਮੇਰੇ ਦਿਮਾਗ ਵਿੱਚ ਇੱਕ ਗੱਲ ਸੀ ਕਿ ਜਦੋਂ ਮੈਂ ਸੰਨਿਆਸ ਲੈ ਲਵਾਂਗੀ ਤਾਂ ਉਦੋਂ ਲੋਕ ਮੈਨੂੰ ਕਦੋਂ ਦੀ ਬਜਾਏ ਕਿਉਂ ਦਾ ਸਵਾਲ ਪੁੱਛਣਗੇ। ਮੈਨੂੰ ਲੱਗਦਾ ਹੈ ਕਿ ਇਹ ਮੇਰੇ ਲਈ ਬਹੁਤ ਜ਼ਰੂਰੀ ਹੈ। ਮੈਨੂੰ ਬਹੁਤ ਸਾਰੇ ਲੋਕਾਂ ਨੇ ਪੁੱਛਿਆ ਕਿ ਤੁਸੀਂ ਹੁਣੇ ਹੀ ਫਾਈਨਲ ਖੇਡਿਆ ਹੈ, ਪਰ ਮੈਂ ਸਾਰੀਆਂ ਮਸਾਲੇਦਾਰ ਗੱਲਾਂ ਤੇ ਰੋਕ ਲਗਾਉਣਾ ਚਾਹੁੰਦੀ ਸੀ, 3 ਸਰਜਰੀਆਂ ਤੋਂ ਬਾਅਦ, ਮੇਰਾ ਸਰੀਰ ਸਾਥ ਨਹੀਂ ਦੇ ਰਿਹਾ ਸੀ ਅਤੇ ਬੱਚਾ ਹੋਣ ਤੋਂ ਬਾਅਦ ਰਿਕਵਰੀ ਕਰਨਾ ਆਸਾਨ ਨਹੀਂ ਹੈ।
ਟੈਨਿਸ ਕਿਵੇਂ ਖੇਡਣਾ ਸ਼ੁਰੂ ਕੀਤਾ?
ਸਾਨੀਆ ਮਿਰਜ਼ਾ ਨੇ ਆਪਣੇ ਟੈਨਿਸ ਖੇਡਣ ਦੀ ਕਹਾਣੀ ਦੱਸਦੇ ਹੋਏ ਕਿਹਾ, "ਮੈਂ ਜਦੋਂ ਛੋਟੀ ਸੀ, ਉਦੋਂ ਟੈਨਿਸ ਨਹੀਂ ਖੇਡਣਾ ਚਾਹੁੰਦੀ ਸੀ। ਸਾਡੀ ਹੈੱਡਮਿਸਟ੍ਰੈਸ, ਜੋ ਕਿ ਸੈਫ ਅਲੀ ਖਾਨ ਦੇ ਪਿਤਾ ਦੀ ਭੈਣ ਸੀ, ਉਨ੍ਹਾਂ ਨੇ ਮੈਨੂੰ ਆ ਕੇ ਕਿਹਾ ਤੁਸੀ ਬਾਹਰ ਜਾ ਕੇ ਖੇਡੋ। ਮੈਨੂੰ ਨਹੀਂ ਲੱਗਦਾ ਕਿ ਅਜਿਹਾ ਕਦੇ ਵੀ ਹੋਇਆ ਹੈ ਕਿ ਹੈਡਮਾਸਟਰ ਜਾਂ ਹੈੱਡਮਾਸਟਰ ਬੱਚਿਆਂ ਨੂੰ ਬਾਹਰ ਜਾਣ ਅਤੇ ਖੇਡਣ ਲਈ ਕਹਿਣਗੇ, ਜੇਕਰ ਮੇਰੇ ਨਾਲ ਉਹ ਘਟਨਾ ਨਹੀਂ ਵਾਪਰਦੀ ਤਾਂ ਮੈਂ ਟੈਨਿਸ ਨਹੀਂ ਖੇਡ ਰਹੀ ਹੁੰਦੀ।"
BBC exclusive: सानिया मिर्ज़ा ने साक्षी मलिक, विनेश फौगाट पर प्रतिक्रिया दी, सैफ़ अली खान की बुआ ने कैसे उन्हें टेनिस की तरफ़ भेजा..और भी कई अनछुए पहलुओं पर उन्होंने बात की.. pic.twitter.com/tHHwuDwuLB
— Sarvapriya Sangwan (@DrSarvapriya) April 12, 2024
ਬੱਚੇ ਹੋਣ ਤੋਂ ਬਾਅਦ ਜ਼ਿੰਦਗੀ ਬਦਲ ਗਈ
ਉਨ੍ਹਾਂ ਕਿਹਾ, "ਮੈਂ ਪਿਛਲੇ 10 ਸਾਲਾਂ ਨਾਲੋਂ ਜ਼ਿਆਦਾ ਸ਼ਾਂਤ ਹੋ ਗਈ ਹਾਂ। ਇਹ ਬਦਲਾਅ ਸ਼ਾਇਦ ਵਧਦੀ ਉਮਰ ਤੋਂ ਆਇਆ ਹੋਵੇ, ਪਰ ਇਸ ਦਾ ਇੱਕ ਵੱਡਾ ਕਾਰਨ ਮੇਰਾ ਬੱਚਾ ਵੀ ਹੈ। ਜਦੋਂ ਤੁਸੀਂ ਮਾਂ ਬਣਦੇ ਹੋ ਤਾਂ ਤੁਹਾਡੇ ਕੋਲ ਸਬਰ ਰੱਖਣ ਤੋਂ ਇਲਾਵਾ ਕੋਈ ਚਾਰਾ ਨਹੀਂ ਹੁੰਦਾ ਹੈ। ਪਹਿਲਾਂ ਮੈਂ ਬਿਨਾਂ ਸੋਚੇ-ਸਮਝੇ ਕੰਮ ਕਰਦੀ ਸੀ, ਪਰ ਹੁਣ ਕੁਝ ਵੀ ਕਰਨ ਤੋਂ ਪਹਿਲਾਂ ਬਹੁਤ ਸੋਚਦੀ ਹਾਂ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
