Sports News: '17 ਚੌਕੇ ਅਤੇ 22 ਛੱਕਿਆ ਨਾਲ ਟੀ-20 ਕ੍ਰਿਕਟ 'ਚ ਛਾਇਆ ਇਹ ਖਿਡਾਰੀ, 77 ਗੇਂਦਾਂ 'ਚ ਦੋਹਰਾ ਸੈਂਕੜਾ ਲਗਾ ਖੇਡੀ 205 ਦੌੜਾਂ ਦੀ ਪਾਰੀ
Sports News: ਕ੍ਰਿਕਟ ਜਗਤ 'ਚ ਹੁਣ ਦੋਹਰਾ ਸੈਂਕੜਾ ਲਗਾਉਣਾ ਜ਼ਿਆਦਾ ਮੁਸ਼ਕਿਲ ਨਹੀਂ ਹੈ। ਪਹਿਲਾਂ ਖਿਡਾਰੀ ਪੰਜ ਦਿਨਾਂ ਜਾਂ ਚਾਰ ਦਿਨਾਂ ਮੈਚਾਂ ਦੌਰਾਨ ਹੀ ਇਹ ਉਪਲਬਧੀ ਹਾਸਲ ਕਰ ਪਾਉਂਦੇ ਸੀ। ਹੁਣ ਸਥਿਤੀ ਇਹ ਹੈ ਕਿ 50 ਓਵਰਾਂ ਦੇ ਫਾਰਮੈਟ
Sports News: ਕ੍ਰਿਕਟ ਜਗਤ 'ਚ ਹੁਣ ਦੋਹਰਾ ਸੈਂਕੜਾ ਲਗਾਉਣਾ ਜ਼ਿਆਦਾ ਮੁਸ਼ਕਿਲ ਨਹੀਂ ਹੈ। ਪਹਿਲਾਂ ਖਿਡਾਰੀ ਪੰਜ ਦਿਨਾਂ ਜਾਂ ਚਾਰ ਦਿਨਾਂ ਮੈਚਾਂ ਦੌਰਾਨ ਹੀ ਇਹ ਉਪਲਬਧੀ ਹਾਸਲ ਕਰ ਪਾਉਂਦੇ ਸੀ। ਹੁਣ ਸਥਿਤੀ ਇਹ ਹੈ ਕਿ 50 ਓਵਰਾਂ ਦੇ ਫਾਰਮੈਟ ਵਿੱਚ ਵੀ ਕਈ ਕ੍ਰਿਕਟਰਾਂ ਨੇ ਦੋਹਰੇ ਸੈਂਕੜੇ ਲਗਾ ਕੇ ਇਤਿਹਾਸ ਦੇ ਪੰਨਿਆਂ ਵਿੱਚ ਆਪਣਾ ਨਾਮ ਸੁਨਹਿਰੀ ਅੱਖਰਾਂ ਵਿੱਚ ਦਰਜ ਕਰਵਾ ਲਿਆ ਹੈ।
ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਮਿਸਟਰ 360 ਦੇ ਨਾਂ ਨਾਲ ਜਾਣੇ ਜਾਂਦੇ ਧਮਾਕੇਦਾਰ ਬੱਲੇਬਾਜ਼ ਨੇ ਟੀ-20 ਕ੍ਰਿਕਟ ਯਾਨੀ 20 ਓਵਰਾਂ ਦੇ ਫਾਰਮੈਟ 'ਚ ਵੀ ਇਹ ਮਿਸਾਲ ਕਾਇਮ ਕੀਤੀ ਹੈ। ਇਸ 31 ਸਾਲਾ ਖਿਡਾਰੀ ਨੇ ਸਿਰਫ਼ 77 ਗੇਂਦਾਂ ਵਿੱਚ 205 ਦੌੜਾਂ ਬਣਾ ਕੇ ਸਨਸਨੀ ਮਚਾ ਦਿੱਤੀ। ਇਸ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋਈ।
ਜਦੋਂ ਮਿਸਟਰ 360 ਨੇ ਟੀ-20 ਕ੍ਰਿਕਟ 'ਚ ਦੋਹਰਾ ਸੈਂਕੜਾ ਲਗਾਇਆ ਸੀ
ਦਰਅਸਲ, ਮਿਸਟਰ 360 ਨਾਮ ਦੇ ਖਿਡਾਰੀ ਜਿਸ ਬਾਰੇ ਅਸੀਂ ਗੱਲ ਕਰ ਰਹੇ ਹਾਂ ਉਹ ਕੋਈ ਹੋਰ ਨਹੀਂ ਬਲਕਿ ਵੈਸਟਇੰਡੀਜ਼ ਦੇ ਧਮਾਕੇਦਾਰ ਬੱਲੇਬਾਜ਼ ਰਹਿਕੀਮ ਕੌਰਨਵਾਲ ਹਨ। ਸੱਜੇ ਹੱਥ ਦੇ ਬੱਲੇਬਾਜ਼ ਨੇ 20 ਓਵਰਾਂ ਦੇ ਮੈਚ ਦੌਰਾਨ ਗੇਂਦਬਾਜ਼ਾਂ ਨੂੰ ਢੇਰ ਕਰਦੇ ਹੋਏ ਦੋਹਰਾ ਸੈਂਕੜਾ ਲਗਾਇਆ।
ਇਹ ਕਿੱਸਾ ਸਾਲ 2022 ਵਿੱਚ ਅਮਰੀਕਾ ਵਿੱਚ ਹੋਣ ਵਾਲੇ ਅਟਲਾਂਟਾ ਓਪਨ ਦੀ ਹੈ। ਇਹ ਮੈਚ ਅਟਲਾਂਟਾ ਫਾਇਰ ਅਤੇ ਸਕੁਏਅਰ ਡਰਾਈਵ ਵਿਚਕਾਰ ਖੇਡਿਆ ਜਾ ਰਿਹਾ ਸੀ। ਇਸ ਦੌਰਾਨ ਵਿੰਡੀਜ਼ ਦੇ ਆਲਰਾਊਂਡਰ ਖਿਡਾਰੀ ਨੇ ਆਪਣੇ ਬੱਲੇ ਨਾਲ ਹਲਚਲ ਮਚਾ ਦਿੱਤੀ।
17 ਚੌਕਿਆਂ ਅਤੇ 22 ਛੱਕਿਆਂ ਨਾਲ ਮਚਾਈ ਖਲਬਲੀ
ਅਟਲਾਂਟਾ ਫਾਇਰ ਅਤੇ ਸਕਵਾਇਰ ਡਰਾਈਵ ਵਿਚਾਲੇ ਹੋਏ ਮੈਚ ਦੌਰਾਨ ਅਟਲਾਂਟਾ ਦੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ। ਪਹਿਲਾਂ ਖੇਡਦਿਆਂ ਇਸ ਟੀਮ ਨੇ 20 ਓਵਰਾਂ ਵਿੱਚ ਸਿਰਫ਼ ਇੱਕ ਵਿਕਟ ਦੇ ਨੁਕਸਾਨ ’ਤੇ 326 ਦੌੜਾਂ ਦਾ ਵੱਡਾ ਸਕੋਰ ਬਣਾਇਆ। ਉਨ੍ਹਾਂ ਵੱਲੋਂ ਮਿਸਟਰ 360 ਰਹਿਕੀਮ ਕੌਰਨਵਾਲ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ।
ਇਸ ਸੱਜੇ ਹੱਥ ਦੇ ਬੱਲੇਬਾਜ਼ ਨੇ ਸਿਰਫ 77 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 205 ਦੌੜਾਂ ਬਣਾਈਆਂ। ਉਸ ਦੀ ਪਾਰੀ ਵਿੱਚ 17 ਚੌਕੇ ਅਤੇ 22 ਛੱਕੇ ਸ਼ਾਮਲ ਸਨ। ਜਵਾਬ ਵਿੱਚ ਸਕੁਏਅਰ ਡਰਾਈਵ ਦੀ ਟੀਮ 154 ਦੌੜਾਂ ਹੀ ਬਣਾ ਸਕੀ ਅਤੇ 172 ਦੌੜਾਂ ਨਾਲ ਮੈਚ ਹਾਰ ਗਈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
