T20 WC 2022: 'ਮੈਂ ਅਗਲੇ ਵਿਸ਼ਵ ਕੱਪ 'ਚ ਕੁਝ ਚਿਹਰੇ ਦੇਖਣਾ ਨਹੀਂ ਚਾਹੁੰਦਾ', ਟੀਮ ਇੰਡੀਆ ਦੇ ਸੀਨੀਅਰ ਖਿਡਾਰੀਆਂ 'ਤੇ ਸਹਿਵਾਗ ਦਾ ਬਿਆਨ
Virender Sehwag: ਵਰਿੰਦਰ ਸਹਿਵਾਗ ਨੇ ਟੀ-20 ਵਿਸ਼ਵ ਕੱਪ 2022 'ਚ ਚੰਗਾ ਪ੍ਰਦਰਸ਼ਨ ਨਾ ਕਰਨ ਵਾਲੇ ਸੀਨੀਅਰ ਖਿਡਾਰੀਆਂ 'ਤੇ ਨਿਸ਼ਾਨਾ ਸਾਧਿਆ ਹੈ।
Virender Sehwag on Senior Players : ਭਾਰਤੀ ਟੀਮ ਦੇ ਸਾਬਕਾ ਬੱਲੇਬਾਜ਼ ਵਰਿੰਦਰ ਸਹਿਵਾਗ (Virender Sehwag) ਦਾ ਮੰਨਣਾ ਹੈ ਕਿ ਅਗਲੇ ਟੀ-20 ਵਿਸ਼ਵ ਕੱਪ (T20 World Cup) 'ਚ ਵੀ ਜੇ ਉਹੀ ਟੀਮ ਉਤਰਦੀ ਹੈ ਅਤੇ ਉਸੇ ਤਰ੍ਹਾਂ ਨਾਲ ਖੇਡਦੀ ਹੈ ਤਾਂ ਨਤੀਜਾ ਇਹੀ ਨਿਕਲੇਗਾ। ਸਹਿਵਾਗ ਦਾ ਕਹਿਣਾ ਹੈ ਕਿ ਅਗਲੇ ਵਿਸ਼ਵ ਕੱਪ ਲਈ ਟੀਮ 'ਚ ਕੁਝ ਅਹਿਮ ਬਦਲਾਅ ਕੀਤੇ ਜਾਣੇ ਚਾਹੀਦੇ ਹਨ। ਇੱਥੇ ਉਨ੍ਹਾਂ ਨੇ ਕਿਸੇ ਦਾ ਨਾਂ ਨਹੀਂ ਲਿਆ ਪਰ ਉਨ੍ਹਾਂ ਦੇ ਬਿਆਨ ਤੋਂ ਸਾਫ ਹੈ ਕਿ ਉਹ ਕੁਝ ਸੀਨੀਅਰ ਖਿਡਾਰੀਆਂ ਦੀ ਬਜਾਏ ਨੌਜਵਾਨਾਂ ਨੂੰ ਮੌਕਾ ਦੇਣ ਦੀ ਗੱਲ ਕਰ ਰਹੇ ਹਨ।
ਕ੍ਰਿਕਬਜ਼ 'ਤੇ ਗੱਲ ਕਰਦੇ ਹੋਏ ਸਹਿਵਾਗ ਨੇ ਕਿਹਾ, 'ਮੈਂ ਮਾਨਸਿਕਤਾ ਅਤੇ ਹੋਰ ਚੀਜ਼ਾਂ ਬਾਰੇ ਗੱਲ ਨਹੀਂ ਕਰਾਂਗਾ, ਪਰ ਮੈਂ ਇਸ ਟੀਮ 'ਚ ਕੁਝ ਬਦਲਾਅ ਜ਼ਰੂਰ ਚਾਹਾਂਗਾ। ਮੈਂ ਅਗਲੇ ਵਿਸ਼ਵ ਕੱਪ 'ਚ ਕੁਝ ਚਿਹਰੇ ਦੇਖਣਾ ਨਹੀਂ ਚਾਹਾਂਗਾ। ਟੀ-20 ਵਿਸ਼ਵ ਕੱਪ 2007 ਵਿੱਚ ਅਸੀਂ ਦੇਖਿਆ ਕਿ ਮਹਾਨ ਖਿਡਾਰੀ ਉਸ ਵਿਸ਼ਵ ਕੱਪ ਵਿੱਚ ਨਹੀਂ ਗਏ ਸਨ। ਨੌਜਵਾਨਾਂ ਦਾ ਇੱਕ ਝੁੰਡ ਗਿਆ, ਜਿਸ ਤੋਂ ਕਿਸੇ ਨੂੰ ਉਮੀਦ ਨਹੀਂ ਸੀ। ਮੈਂ ਅਗਲੇ ਵਿਸ਼ਵ ਕੱਪ ਲਈ ਅਜਿਹੀ ਹੀ ਟੀਮ ਚੁਣੀ ਨਾ ਜਾਵੇ।'
ਸਹਿਵਾਗ ਨੇ ਕਿਹਾ, 'ਮੈਂ ਅਗਲੇ ਵਿਸ਼ਵ ਕੱਪ 'ਚ ਇਸ ਵਾਰ ਚੰਗਾ ਪ੍ਰਦਰਸ਼ਨ ਨਾ ਕਰਨ ਵਾਲੇ ਸੀਨੀਅਰਾਂ ਨੂੰ ਨਹੀਂ ਦੇਖਣਾ ਚਾਹੁੰਦਾ। ਮੈਨੂੰ ਉਮੀਦ ਹੈ ਕਿ ਚੋਣਕਾਰ ਵੀ ਅਜਿਹਾ ਹੀ ਫੈਸਲਾ ਲੈਣਗੇ ਪਰ ਸਮੱਸਿਆ ਇਹ ਹੈ ਕਿ ਕੀ ਅਗਲੇ ਵਿਸ਼ਵ ਕੱਪ ਤੱਕ ਇਹ ਚੋਣਕਾਰ ਬਣੇ ਰਹਿਣਗੇ? ਫਿਰ ਇੱਕ ਨਵਾਂ ਚੋਣ ਪੈਨਲ ਹੋਵੇਗਾ, ਇੱਕ ਨਵਾਂ ਪ੍ਰਬੰਧਨ, ਇੱਕ ਨਵੀਂ ਪਹੁੰਚ, ਕੀ ਉਹ ਬਦਲਣਗੇ? ਪਰ ਇੱਕ ਗੱਲ ਤਾਂ ਸਾਫ਼ ਹੈ ਕਿ ਜੇ ਅਗਲੇ ਵਿਸ਼ਵ ਕੱਪ ਵਿੱਚ ਵੀ ਇਹੀ ਟੀਮ ਇਸ ਪਹੁੰਚ ਨਾਲ ਜਾਵੇਗੀ ਤਾਂ ਨਤੀਜਾ ਵੀ ਇਹੀ ਹੋਵੇਗਾ।
ਇਹ ਦਿੱਗਜ਼ ਰਹੇ ਅਸਫ਼ਲ
ਇਸ ਟੀ-20 ਵਿਸ਼ਵ ਕੱਪ 'ਚ ਕਪਤਾਨ ਰੋਹਿਤ ਸ਼ਰਮਾ ਕੋਈ ਖਾਸ ਰੰਗ ਨਹੀਂ ਬਿਖੇਰ ਸਕੇ। ਦਿਨੇਸ਼ ਕਾਰਤਿਕ ਵੀ ਪੂਰੀ ਤਰ੍ਹਾਂ ਫਲਾਪ ਰਹੇ ਸਨ। ਰਵੀਚੰਦਰਨ ਅਸ਼ਵਿਨ ਅਤੇ ਮੁਹੰਮਦ ਸ਼ਮੀ ਦਾ ਪ੍ਰਦਰਸ਼ਨ ਵੀ ਔਸਤ ਰਿਹਾ। ਕੇਐੱਲ ਰਾਹੁਲ ਵੀ ਛੋਟੀਆਂ ਟੀਮਾਂ ਖਿਲਾਫ਼ ਦੌੜਾਂ ਬਣਾਉਣ 'ਚ ਸਫਲ ਰਹੇ। ਸੀਨੀਅਰ ਖਿਡਾਰੀਆਂ ਵਿੱਚ ਵਿਰਾਟ ਕੋਹਲੀ ਅਤੇ ਭੁਵਨੇਸ਼ਵਰ ਕੁਮਾਰ ਨੇ ਚੰਗਾ ਪ੍ਰਦਰਸ਼ਨ ਕੀਤਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
