![ABP Premium](https://cdn.abplive.com/imagebank/Premium-ad-Icon.png)
PCB New Chief: ਜ਼ਕਾ ਅਸ਼ਰਫ ਮੁੜ ਬਣਨਗੇ ਪੀਸੀਬੀ ਦੇ ਚੇਅਰਮੈਨ
ਜ਼ਕਾ ਅਸ਼ਰਫ ਪੀਸੀਬੀ ਦੇ ਚੇਅਰਮੈਨ ਬਣਨ ਜਾ ਰਹੇ ਹਨ। ਮੌਜੂਦਾ ਪ੍ਰਧਾਨ ਨਜਮ ਸੇਠੀ ਖੁਦ ਇਸ ਦੌੜ ਤੋਂ ਹਟ ਗਏ ਹਨ।
ਪਾਕਿਸਤਾਨ ਕ੍ਰਿਕਟ ਬੋਰਡ (PCB) ਦਾ ਨਵਾਂ ਚੇਅਰਮੈਨ ਲਗਭਗ ਤੈਅ ਕਰ ਦਿੱਤਾ ਗਿਆ ਹੈ। ਜ਼ਕਾ ਅਸ਼ਰਫ ਪੀਸੀਬੀ ਦੇ ਚੇਅਰਮੈਨ ਬਣਨ ਜਾ ਰਹੇ ਹਨ। ਦੱਸ ਦਈਏ ਕਿ ਮੌਜੂਦਾ ਪ੍ਰਧਾਨ ਨਜਮ ਸੇਠੀ ਖੁਦ ਇਸ ਦੌੜ ਤੋਂ ਹਟ ਗਏ ਹਨ। ਉਨ੍ਹਾਂ ਦਾ ਕਾਰਜਕਾਲ 21 ਜੂਨ ਨੂੰ ਖਤਮ ਹੋਣ ਵਾਲਾ ਹੈ। ਨਜਮ ਸੇਠੀ ਐਂਡ ਕੰਪਨੀ ਨੂੰ ਐਕਸਟੈਂਸ਼ਨ ਮਿਲ ਗਈ ਸੀ, ਪਰ ਉਨ੍ਹਾਂ ਨੂੰ ਹੋਰ ਵਿਸਥਾਰ ਨਹੀਂ ਮਿਲੇਗਾ। ਆਓ ਜਾਣਦੇ ਹਾਂ ਕੌਣ ਹੈ ਜ਼ਕਾ ਅਸ਼ਰਫ...
ਜ਼ਕਾ ਅਸ਼ਰਫ਼ ਨੂੰ ਪਾਕਿਸਤਾਨ ਪੀਪਲਜ਼ ਪਾਰਟੀ (ਪੀਪੀਪੀ) ਦੇ ਚੇਅਰਮੈਨ ਅਤੇ ਸਾਬਕਾ ਰਾਸ਼ਟਰਪਤੀ ਆਸਿਫ਼ ਅਲੀ ਜ਼ਰਦਾਰੀ ਦਾ ਕਰੀਬੀ ਮੰਨਿਆ ਜਾਂਦਾ ਹੈ। ਪਾਕਿਸਤਾਨ ਵਿੱਚ ਪੀਪੀਪੀ ਸਮਰਥਿਤ ਸਰਕਾਰ ਹੈ, ਜਿਸ ਕਾਰਨ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ਼ ਨੂੰ ਵੀ ਇਸ ਫੈਸਲੇ ਅੱਗੇ ਝੁਕਣਾ ਪਿਆ। ਜ਼ਕਾ ਇਸ ਤੋਂ ਪਹਿਲਾਂ ਵੀ ਪੀਸੀਬੀ ਦੇ ਚੇਅਰਮੈਨ ਰਹਿ ਚੁੱਕੇ ਹਨ। ਉਨ੍ਹਾਂ ਨੂੰ ਏਜਾਜ ਬੱਟ ਤੋਂ ਬਾਅਦ 2011 ਵਿੱਚ ਪੀਸੀਬੀ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਸੀ। ਹਾਲਾਂਕਿ ਨਿਯੁਕਤੀ ਸਿਆਸੀ ਸੀ, ਪਰ 2013 ਵਿੱਚ ਸੰਵਿਧਾਨ ਵਿੱਚ ਸੋਧ ਕੀਤੇ ਜਾਣ 'ਤੇ ਪੀਸੀਬੀ ਬੋਰਡ ਆਫ਼ ਗਵਰਨਰਜ਼ ਵਲੋਂ ਉਨ੍ਹਾਂ ਦਾ ਸਮਰਥਨ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: PAK ਦਾ ਕ੍ਰਿਕਟ ਕਿਤੇ ਚੰਗਾ...IND ਨਰਕ 'ਚ ਜਾਵੇ, Asia Cup ਨੂੰ ਲੈ ਕੇ ਬੋਲੇ...ਜਾਵੇਦ ਮਿਆਂਦਾਦ
ਬਟ ਦੇ ਵਿਵਾਦਤ ਸ਼ਾਸਨ ਦੇ ਮੁਕਾਬਲੇ ਅਸ਼ਰਫ ਦਾ ਕਾਰਜਕਾਲ ਸ਼ਾਂਤ ਸੀ। ਉਨ੍ਹਾਂ ਨੇ ਕੋਈ ਵੀ ਪਹਿਲੀ-ਸ਼੍ਰੇਣੀ ਜਾਂ ਲਿਸਟ ਏ ਕ੍ਰਿਕਟ ਨਹੀਂ ਖੇਡੀ ਹੈ ਅਤੇ ਨਾ ਹੀ ਇਸ ਖੇਡ ਨਾਲ ਕੋਈ ਅਧਿਕਾਰਤ ਸਬੰਧ ਹੈ, ਪਰ ਉਨ੍ਹਾਂ ਕੋਲ ਕਾਰਪੋਰੇਟ ਦਾ ਕਾਫੀ ਤਜਰਬਾ ਹੈ। ਪੀਸੀਬੀ ਦੇ ਚੇਅਰਮੈਨ ਵਜੋਂ, ਅਸ਼ਰਫ਼ ਨੂੰ ਭਾਰਤ ਨਾਲ ਦੁਵੱਲੇ ਕ੍ਰਿਕਟ ਸਬੰਧਾਂ ਨੂੰ ਮੁੜ ਸ਼ੁਰੂ ਕਰਨ ਦਾ ਸਿਹਰਾ ਜਾਂਦਾ ਹੈ। ਟੀਮਾਂ ਨੇ ਦਸੰਬਰ 2012 ਵਿੱਚ ਭਾਰਤ ਵਿੱਚ ਤਿੰਨ ਮੈਚਾਂ ਦੀ ODI ਅਤੇ ਦੋ ਮੈਚਾਂ ਦੀ T20I ਸੀਰੀਜ਼ ਖੇਡੀ। ਮੁੰਬਈ 'ਚ 2008 'ਚ ਹੋਏ ਅੱਤਵਾਦੀ ਹਮਲਿਆਂ ਤੋਂ ਬਾਅਦ ਦੋਵਾਂ ਦੇਸ਼ਾਂ ਦੇ ਕ੍ਰਿਕਟ ਸਬੰਧ ਵਿਗੜ ਗਏ ਸਨ।
ਅਸ਼ਰਫ਼ ਪਾਕਿਸਤਾਨ ਵਿੱਚ ਜਨਤਕ ਖੇਤਰ ਦੀ ਸਭ ਤੋਂ ਵੱਡੀ ਵਿੱਤੀ ਸੰਸਥਾ ਜਰਾਈ ਤਾਰਕਿਆਤੀ ਬੈਂਕ ਲਿਮਿਟੇਡ ਦੇ ਚੇਅਰਮੈਨ ਵਜੋਂ ਵੀ ਕੰਮ ਕਰ ਚੁੱਕੇ ਹਨ। ਉਹ ਕਾਰੋਬਾਰੀ ਪਰਿਵਾਰ ਨਾਲ ਸਬੰਧ ਰੱਖਦੇ ਹਨ। ਉਨ੍ਹਾਂ ਨੂੰ ਆਪਣੇ ਪਿਤਾ ਵਲੋਂ ਸਥਾਪਿਤ ਕੀਤੀ ਸ਼ੂਗਰ ਮਿੱਲ ਵਿਰਾਸਤ ਵਿੱਚ ਮਿਲੀ ਸੀ। ਉਹ ਅਸ਼ਰਫ਼ ਗਰੁੱਪ ਆਫ਼ ਇੰਡਸਟਰੀਜ਼ ਅਤੇ ਅਸ਼ਰਫ਼ ਸ਼ੂਗਰ ਮਿੱਲ, ਬਹਾਵਲਪੁਰ ਦੇ ਚੇਅਰਮੈਨ ਰਹਿ ਚੁੱਕੇ ਹਨ।
ਇਹ ਵੀ ਪੜ੍ਹੋ: ਔਰਤਾਂ ਨੇ ਪੁਰਸ਼ਾਂ ਤੋਂ ਪਹਿਲਾਂ ਖੇਡਿਆ ਸੀ ਵਿਸ਼ਵ ਕੱਪ, ਅੱਜ ਦੇ ਦਿਨ 50 ਸਾਲ ਪਹਿਲਾਂ ਇਸ ਇਤਿਹਾਸਕ ਟੂਰਨਾਮੈਂਟ ਦੀ ਹੋਈ ਸੀ ਸ਼ੁਰੂਆਤ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)