FIFA World Cup 2022: ਹੁਣ ਤੱਕ 8 ਟੀਮਾਂ ਨੇ ਜਿੱਤਿਆ ਹੈ ਵਿਸ਼ਵ ਕੱਪ, 6 ਵਾਰ ਮੇਜ਼ਬਾਨ ਦੇਸ਼ ਰਿਹਾ ਜੇਤੂ, ਵੇਖੋ ਦਿਲਚਸਪ ਅੰਕੜੇ
Football World Cup 2022: ਫੀਫਾ ਵਿਸ਼ਵ ਕੱਪ 20 ਨਵੰਬਰ ਤੋਂ ਕਤਰ ਵਿੱਚ ਸ਼ੁਰੂ ਹੋ ਰਿਹਾ ਹੈ। ਇਹ ਪਹਿਲੀ ਵਾਰ ਹੈ ਕਿ ਫੁੱਟਬਾਲ ਵਿਸ਼ਵ ਕੱਪ ਮੱਧ ਪੂਰਬ 'ਚ ਆਯੋਜਿਤ ਕੀਤਾ ਜਾ ਰਿਹਾ ਹੈ।
FIFA WC in Numbers: ਫੁੱਟਬਾਲ ਵਿਸ਼ਵ ਕੱਪ ਪਹਿਲੀ ਵਾਰ 1930 ਵਿੱਚ ਖੇਡਿਆ ਗਿਆ ਸੀ। ਫਿਰ ਇਹ ਦੱਖਣੀ ਅਮਰੀਕੀ ਦੇਸ਼ ਉਰੂਗਵੇ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਉਦੋਂ ਤੋਂ ਹੁਣ ਤੱਕ 21 ਵਿਸ਼ਵ ਕੱਪ ਹੋ ਚੁੱਕੇ ਹਨ, ਜਿਸ ਵਿੱਚ 8 ਟੀਮਾਂ ਨੇ ਖਿਤਾਬ ਜਿੱਤਿਆ ਹੈ। ਸਭ ਤੋਂ ਜ਼ਿਆਦਾ ਵਾਰ ਬ੍ਰਾਜ਼ੀਲ ਦੀ ਟੀਮ (5) ਚੈਂਪੀਅਨ ਬਣੀ ਹੈ। ਇਸ ਤੋਂ ਬਾਅਦ ਇਟਲੀ ਅਤੇ ਜਰਮਨੀ ਨੇ 4-4 ਵਾਰ ਇਹ ਖਿਤਾਬ ਜਿੱਤਿਆ ਹੈ। ਸਿਰਫ਼ ਮੇਜ਼ਬਾਨ ਦੇਸ਼ ਨੂੰ ਹੀ 6 ਵਾਰ ਟਰਾਫ਼ੀ ਮਿਲੀ ਹੈ।
ਜਾਣੋ ਵਿਸ਼ਵ ਕੱਪ ਨਾਲ ਜੁੜੀ ਅਹਿਮ ਜਾਣਕਾਰੀ ਕੁਝ ਅਜਿਹੇ ਹੀ ਖਾਸ ਨੰਬਰਾਂ 'ਚ...
16: ਜਰਮਨੀ ਦੇ ਸਟਰਾਈਕਰ ਮਿਰੋਸਲਾਵ ਕਲੋਜ਼ ਵਿਸ਼ਵ ਕੱਪ ਵਿੱਚ ਹੁਣ ਤੱਕ ਸਭ ਤੋਂ ਵੱਧ ਗੋਲ (16) ਕਰਨ ਵਾਲੇ ਖਿਡਾਰੀ ਹਨ। ਉਸ ਨੇ ਇਹ ਗੋਲ 2002 ਤੋਂ 2014 ਦਰਮਿਆਨ ਕੀਤੇ ਸਨ।
13: ਫਰਾਂਸ ਦੇ ਨਾਂ ਇੱਕ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਗੋਲ ਕਰਨ ਦਾ ਰਿਕਾਰਡ ਹੈ। 1958 ਵਿੱਚ ਇਸ ਟੀਮ ਨੇ 13 ਗੋਲ ਕੀਤੇ।
56: 1986 ਦੇ ਵਿਸ਼ਵ ਕੱਪ ਵਿੱਚ ਉਰੂਗਵੇ ਦੇ ਜੋਸ ਬਤਿਸਤਾ ਨੂੰ ਸਿਰਫ਼ 56 ਸਕਿੰਟਾਂ ਵਿੱਚ ਹੀ ਲਾਲ ਕਾਰਡ ਦਿਖਾਇਆ ਗਿਆ ਸੀ।
3,34,000: ਆਈਸਲੈਂਡ ਫੀਫਾ ਵਿਸ਼ਵ ਕੱਪ ਖੇਡਣ ਵਾਲਾ ਸਭ ਤੋਂ ਛੋਟਾ ਦੇਸ਼ ਰਿਹਾ ਹੈ। ਜਦੋਂ ਇਹ ਦੇਸ਼ 2018 ਵਿੱਚ ਵਿਸ਼ਵ ਕੱਪ ਵਿੱਚ ਉਤਰਿਆ ਸੀ ਤਾਂ ਇਸਦੀ ਆਬਾਦੀ 3.5 ਲੱਖ ਵੀ ਨਹੀਂ ਸੀ।
80: ਕਤਰ ਫੁੱਟਬਾਲ ਵਿਸ਼ਵ ਕੱਪ ਵਿੱਚ ਆਪਣੀ ਟੀਮ ਨੂੰ ਮੈਦਾਨ ਵਿੱਚ ਉਤਾਰਨ ਵਾਲਾ 80ਵਾਂ ਦੇਸ਼ ਬਣ ਜਾਵੇਗਾ।
32: ਫੀਫਾ ਵਿਸ਼ਵ ਕੱਪ 2022 ਵਿੱਚ 32 ਟੀਮਾਂ ਹਿੱਸਾ ਲੈ ਰਹੀਆਂ ਹਨ। 1998 ਤੋਂ ਲੈ ਕੇ ਹੁਣ ਤੱਕ ਹਰ ਵਿਸ਼ਵ ਕੱਪ ਵਿੱਚ 32 ਟੀਮਾਂ ਸ਼ਾਮਲ ਹੋਈਆਂ ਹਨ।
27.7: ਕਤਰ ਵਿੱਚ ਹੋ ਰਹੇ ਵਿਸ਼ਵ ਕੱਪ ਵਿੱਚ ਅਰਜਨਟੀਨਾ ਦੀ ਟੀਮ ਸਭ ਤੋਂ ਵੱਧ ਉਮਰ ਵਾਲੀ ਹੈ। ਇਸ ਟੀਮ ਦੀ ਔਸਤ ਉਮਰ 27.7 ਸਾਲ ਹੈ।
24.5: ਯੂਐਸਏ ਟੀਮ ਕਤਰ ਵਿੱਚ ਸਭ ਤੋਂ ਛੋਟੀ ਹੈ। ਇਸ ਟੀਮ ਦੀ ਔਸਤ ਉਮਰ 24.5 ਹੈ।
5 ਬਿਲੀਅਨ: ਧਰਤੀ ਦੀ ਅੱਧੀ ਤੋਂ ਵੱਧ ਆਬਾਦੀ ਦੇ ਕਤਰ ਵਿੱਚ ਹੋਣ ਵਾਲੇ ਫੀਫਾ ਵਿਸ਼ਵ ਕੱਪ ਨੂੰ ਦੇਖਣ ਦੀ ਉਮੀਦ ਹੈ।
11,582: ਕਤਰ ਫੀਫਾ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰਨ ਵਾਲਾ ਸਭ ਤੋਂ ਛੋਟਾ ਦੇਸ਼ ਹੈ। ਇਸ ਦੇਸ਼ ਦਾ ਖੇਤਰਫਲ ਸਿਰਫ 11,582 ਵਰਗ ਕਿਲੋਮੀਟਰ ਹੈ।
357: ਕਤਰ ਵਿੱਚ ਹੋ ਰਹੇ ਫੀਫਾ ਵਿਸ਼ਵ ਕੱਪ ਦੀ ਕੁੱਲ ਇਨਾਮੀ ਰਾਸ਼ੀ 357 ਕਰੋੜ ਰੁਪਏ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
