ਸਾਬਕਾ ਕ੍ਰਿਕੇਟਰ ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ, ਖੁੱਦ ਨੂੰ ਕੀਤਾ ਹੋਮ ਕੁਆਰੰਟੀਨ

ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਤੌਫੀਕ ਉਮਰ ਕੋਰੋਨਾ ਸਕਾਰਾਤਮਕ ਪਾਏ ਗਏ ਹਨ।

ਲਾਹੌਰ: ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਤੌਫੀਕ ਉਮਰ ਕੋਰੋਨਾ ਸਕਾਰਾਤਮਕ ਪਾਏ ਗਏ ਹਨ। ਤੌਫੀਕ ਨੇ ਕਿਹਾ ਕਿ, ਬੀਤੀ ਰਾਤ ਥੋੜ੍ਹਾ ਬਿਮਾਰ ਹੋਣ ਤੋਂ ਬਾਅਦ ਮੈਂ ਆਪਣੇ ਆਪ ਦਾ ਟੈਸਟ ਕਰਵਾ ਲਿਆ ਅਤੇ ਨਤੀਜਾ ਸਕਾਰਾਤਮਕ ਆਇਆ। ਮੇਰੇ ਲੱਛਣ ਬਿਲਕੁਲ ਗੰਭੀਰ ਨਹੀਂ ਹਨ। "ਮੈਂ ਆਪਣੇ ਆਪ ਨੂੰ ਘਰ ਤੋਂ ਅਲੱਗ ਕਰ ਲਿਆ ਹੈ," ਉਸਨੇ ਅੱਗੇ ਕਿਹਾ, "ਮੈਂ ਸਾਰਿਆਂ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਮੇਰੀ ਜਲਦੀ ਸਿਹਤਯਾਬੀ ਲਈ ਪ੍ਰਾਰਥਨਾ ਕਰਨ।" ਵਾਇਰਸ ਦੇ ਲੱਛਣਾਂ ਦਾ ਅਨੁਭਵ ਕਰਨ ਤੋਂ ਬਾਅਦ, ਉਮਰ ਨੇ ਸ਼ਨੀਵਾਰ ਨੂੰ ਆਪਣੇ ਆਪ ਨੂੰ ਟੈਸਟ ਕਰਵਾਉਣ ਦਾ ਫੈਸਲਾ ਕੀਤਾ। ਸਕਾਰਾਤਮਕ ਟੈਸਟ ਤੋਂ ਬਾਅਦ, ਉਹ ਹੋਮ ਕੁਆਰੰਟੀਨ ਵਿੱਚ ਰਹਿ ਰਿਹਾ ਹੈ। ਖੱਬੇ ਹੱਥ ਦਾ ਬੱਲੇਬਾਜ਼ ਦੂਜਾ ਪਾਕਿਸਤਾਨੀ ਕ੍ਰਿਕਟਰ ਹੈ ਜੋ ਵਾਇਰਸ ਨਾਲ ਪ੍ਰਭਾਵਤ ਹੋਇਆ ਹੈ, ਇਸ ਤੋਂ ਪਹਿਲਾਂ ਸਾਲ 50 ਸਾਲਾ ਸਾਬਕਾ ਕ੍ਰਿਕਟਰ ਜ਼ਫਰ ਸਰਫਰਾਜ਼ ਪਿਛਲੇ ਮਹੀਨੇ ਕੋਰੋਨਾ ਕਾਰਨ ਜਾਨ ਗੁਆ ਚੁੱਕਾ ਹੈ। ਤੌਫਿਕ ਉਮਰ ਨੇ ਆਪਣੇ ਟੈਸਟ ਕੈਰੀਅਰ ਵਿੱਚ ਪਾਕਿਸਤਾਨ ਲਈ 44 ਮੈਚ ਖੇਡੇ, ਜਿਸ ਵਿੱਚ ਉਸ ਨੇ 83 ਪਾਰੀਆਂ ਦੀ ਬੱਲੇਬਾਜ਼ੀ ਕਰਦਿਆਂ 2963 ਦੌੜਾਂ ਬਣਾਈਆਂ। ਟੈਸਟ ਵਿੱਚ ਤੌਫਿਕ ਉਮਰ ਦੇ ਨਾਮ 7 ​​ਸੈਂਕੜੇ ਅਤੇ 14 ਅਰਧ ਸੈਂਕੜੇ ਸ਼ਾਮਲ ਹਨ। ਟੈਸਟ ਵਿੱਚ ਤੌਫਿਕ ਦਾ ਸਰਵਸ੍ਰੇਸ਼ਠ ਸਕੋਰ 236 ਦੌੜਾਂ ਸੀ। ਇਹ ਵੀ ਪੜ੍ਹੋ:  ਭਾਰਤੀਆਂ ਨੂੰ ਐਚ-1 ਬੀ ਵੀਜ਼ਾਂ ਤੋਂ ਦੂਰ ਕਰਨ ਦੀ ਤਿਆਰੀ, ਅਮਰੀਕੀ ਸੰਸਦ ਦੇ ਦੋਨਾਂ ਸਦਨਾਂ 'ਚ ਬਿੱਲ ਪੇਸ਼ ਲੁਧਿਆਣਾ ਦੀ ਮੈਡੀਕਲ ਦੁਕਾਨ ਦੇ ਸਾਈਨ ਬੋਰਡ ਦੀ ਸੋਸ਼ਲ ਮੀਡੀਆ 'ਤੇ ਚਰਚਾ, ਜਾਣੋ ਕਿਉਂ ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ