IND Vs SA 3rd ODI Live Score: ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ ਦਿੱਤਾ 297 ਦੌੜਾਂ ਦਾ ਟੀਚਾ, ਸੰਜੂ ਸੈਮਸਨ ਨੇ ਜੜਿਆ ਪਹਿਲਾ ਸੈਂਕੜਾ; ਰਿੰਕੂ ਨੇ ਵੀ ਤੂਫਾਨੀ ਪਾਰੀ ਖੇਡੀ
India Vs South Africa 3rd ODI Live Updates: ਇੱਥੇ ਤੁਹਾਨੂੰ ਭਾਰਤ ਅਤੇ ਦੱਖਣੀ ਅਫ਼ਰੀਕਾ ਵਿਚਕਾਰ 3rd ODI ਮੈਚ ਦਾ ਲਾਈਵ ਸਕੋਰ ਅਤੇ ਮੈਚ ਨਾਲ ਸਬੰਧਤ ਸਾਰੇ ਅੱਪਡੇਟ ਮਿਲਣਗੇ।
Background
South Africa vs India, 3rd ODI: ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਹੁਣ ਤੋਂ ਕੁਝ ਸਮੇਂ ਬਾਅਦ ਤੀਜਾ ਵਨਡੇ ਮੈਚ ਖੇਡਿਆ ਜਾਵੇਗਾ। ਤਿੰਨ ਮੈਚਾਂ ਦੀ ਇਹ ਲੜੀ 1-1 ਨਾਲ ਬਰਾਬਰ ਹੈ। ਅਜਿਹੇ 'ਚ ਅੱਜ ਜੋ ਵੀ ਟੀਮ ਜਿੱਤੇਗੀ, ਸੀਰੀਜ਼ ਉਸ ਦੇ ਨਾਂ ਹੋਵੇਗੀ। ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਤੀਜਾ ਵਨਡੇ ਮੈਚ ਬੋਲੈਂਡ ਪਾਰਕ, ਪਾਰਲ 'ਚ ਖੇਡਿਆ ਜਾਵੇਗਾ। ਇਸ ਮੈਚ ਦਾ ਟਾਸ 4 ਵਜੇ ਹੋਵੇਗਾ। ਮੈਚ ਸ਼ਾਮ 4:30 ਵਜੇ ਸ਼ੁਰੂ ਹੋਵੇਗਾ।
ਕੇਐੱਲ ਰਾਹੁਲ ਵਨਡੇ ਸੀਰੀਜ਼ 'ਚ ਭਾਰਤ ਦੀ ਅਗਵਾਈ ਕਰ ਰਹੇ ਹਨ। ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਰਾਹੁਲ ਦੀ ਕਪਤਾਨੀ 'ਚ ਟੀਮ ਇੰਡੀਆ ਅਫਰੀਕਾ 'ਚ ਵਨਡੇ ਸੀਰੀਜ਼ ਜਿੱਤੇਗੀ। ਟੀਮ ਇੰਡੀਆ ਨੇ 1992 ਤੋਂ 2022 ਤੱਕ ਅਫਰੀਕਾ 'ਚ ਮੇਜ਼ਬਾਨ ਟੀਮ ਖਿਲਾਫ 8 ਵਨਡੇ ਸੀਰੀਜ਼ ਖੇਡੀ ਹੈ, ਜਿਸ 'ਚ ਉਸ ਨੂੰ ਸਿਰਫ ਇਕ ਵਾਰ ਜਿੱਤ ਮਿਲੀ ਹੈ, ਜਦਕਿ ਮੇਜ਼ਬਾਨ ਅਫਰੀਕਾ ਨੇ 7 ਸੀਰੀਜ਼ ਜਿੱਤੀਆਂ ਹਨ। ਦੋਵਾਂ ਵਿਚਾਲੇ 9ਵੀਂ ਵਨਡੇ ਸੀਰੀਜ਼ 2023 'ਚ ਅਫਰੀਕਾ 'ਚ ਚੱਲ ਰਹੀ ਹੈ, ਜਿਸ ਤੋਂ ਉਮੀਦ ਕੀਤੀ ਜਾ ਰਹੀ ਹੈ ਕਿ ਟੀਮ ਇੰਡੀਆ ਵਨਡੇ ਸੀਰੀਜ਼ 'ਚ ਦੂਜੀ ਵਾਰ ਮੇਜ਼ਬਾਨ ਟੀਮ ਨੂੰ ਅਫਰੀਕਾ 'ਚ ਹਰਾ ਦੇਵੇਗੀ।
ਹੁਣ ਤੱਕ ਟੀਮ ਇੰਡੀਆ ਨੇ ਦੱਖਣੀ ਅਫਰੀਕਾ 'ਚ ਸਿਰਫ ਇਕ ਵਾਰ ਜਿੱਤੀ ਹੈ ਵਨਡੇ ਸੀਰੀਜ਼
ਟੀਮ ਇੰਡੀਆ ਨੇ 2018 'ਚ ਸਿਰਫ ਇਕ ਵਾਰ ਦੱਖਣੀ ਅਫਰੀਕਾ ਖਿਲਾਫ ਵਨਡੇ ਸੀਰੀਜ਼ ਜਿੱਤੀ ਹੈ, ਜਦੋਂ ਵਿਰਾਟ ਕੋਹਲੀ ਭਾਰਤ ਦੀ ਕਮਾਨ ਸੰਭਾਲ ਰਹੇ ਸਨ। ਵਿਰਾਟ ਕੋਹਲੀ ਦੀ ਕਪਤਾਨੀ ਵਾਲੀ ਟੀਮ ਇੰਡੀਆ ਨੇ 6 ਮੈਚਾਂ ਦੀ ਸੀਰੀਜ਼ 'ਚ ਅਫਰੀਕਾ ਨੂੰ ਉਨ੍ਹਾਂ ਦੇ ਘਰ 'ਤੇ 5-1 ਨਾਲ ਹਰਾਇਆ ਸੀ। ਅਜਿਹੇ 'ਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੇਐੱਲ ਰਾਹੁਲ ਵਿਰਾਟ ਕੋਹਲੀ ਤੋਂ ਬਾਅਦ ਅਜਿਹਾ ਦੂਜਾ ਕਪਤਾਨ ਬਣ ਸਕਦਾ ਹੈ ਜਾਂ ਨਹੀਂ।
ਮੁਫ਼ਤ ਵਿੱਚ ਲਾਈਵ ਕਿਵੇਂ ਦੇਖਣਾ ਹੈ?
ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਖੇਡੇ ਗਏ ਤੀਜੇ ਵਨਡੇ ਦੀ ਮੁਫਤ ਲਾਈਵ ਸਟ੍ਰੀਮਿੰਗ ਡਿਜ਼ਨੀ ਪਲੱਸ ਹੌਟਸਟਾਰ ਰਾਹੀਂ ਕੀਤੀ ਜਾਵੇਗੀ। ਹਾਲਾਂਕਿ, ਸਿਰਫ਼ ਮੋਬਾਈਲ ਉਪਭੋਗਤਾ ਹੀ ਮੈਚ ਮੁਫ਼ਤ ਵਿੱਚ ਦੇਖ ਸਕਣਗੇ।
ਤੀਜੇ ਵਨਡੇ ਲਈ ਭਾਰਤ ਦੀ ਟੀਮ
ਰੁਤੁਰਾਜ ਗਾਇਕਵਾੜ, ਸਾਈ ਸੁਧਰਸਨ, ਤਿਲਕ ਵਰਮਾ, ਕੇਐਲ ਰਾਹੁਲ (ਕਪਤਾਨ), ਸੰਜੂ ਸੈਮਸਨ (ਵਿਕਟਕੀਪਰ), ਰਿੰਕੂ ਸਿੰਘ, ਅਕਸ਼ਰ ਪਟੇਲ, ਕੁਲਦੀਪ ਯਾਦਵ, ਅਰਸ਼ਦੀਪ ਸਿੰਘ, ਅਵੇਸ਼ ਖਾਨ, ਮੁਕੇਸ਼ ਕੁਮਾਰ, ਯੁਜ਼ਵੇਂਦਰ ਚਾਹਲ, ਰਜਤ ਪਾਟੀਦਾਰ, ਵਾਸ਼ਿੰਗਟਨ ਸੁੰਦਰ ਅਤੇ ਆਕਾਸ਼ ਦੀਪ। ..
ਤੀਜੇ ਵਨਡੇ ਲਈ ਦੱਖਣੀ ਅਫਰੀਕਾ ਦੀ ਟੀਮ
ਰੀਜ਼ਾ ਹੈਂਡਰਿਕਸ, ਟੋਨੀ ਡੀ ਜੋਰਗੀ, ਰਾਸੀ ਵੈਨ ਡੇਰ ਡੁਸਨ, ਏਡਨ ਮਾਰਕਰਮ (ਕਪਤਾਨ), ਹੇਨਰਿਚ ਕਲਾਸਨ (ਵਿਕਟਕੀਪਰ), ਡੇਵਿਡ ਮਿਲਰ, ਵਿਆਨ ਮੁਲਡਰ, ਕੇਸ਼ਵ ਮਹਾਰਾਜ, ਨੰਦਰੇ ਬਰਗਰ, ਲਿਜ਼ਾਰਡ ਵਿਲੀਅਮਜ਼, ਬਿਉਰਨ ਹੈਂਡਰਿਕਸ, ਤਬਰੇਜ਼ ਸ਼ਮਸੀ, ਕਾਇਲਟ ਬਰੇਮਨੀ, ਕਾਇਲਟ , ਮਿਹਲਾਲੀ ਮਪੋਂਗਵਾਨਾ, ਐਂਡੀਲੇ ਫੇਹਲੁਕਵਾਯੋ।
IND vs SA 3rd ODI Live Score: ਅਵੇਸ਼ ਖਾਨ ਨੇ ਹੈਨਰੀ ਕਲਾਸੇਨ ਨੂੰ ਆਊਟ ਕੀਤਾ
ਦੱਖਣੀ ਅਫਰੀਕਾ ਦਾ ਪੰਜਵਾਂ ਬੱਲੇਬਾਜ਼ ਪੈਵੇਲੀਅਨ ਪਰਤਿਆ ਹੈ। ਅਵੇਸ਼ ਖਾਨ ਨੇ ਹੈਨਰੀ ਕਲਾਸੇਨ ਨੂੰ ਆਊਟ ਕੀਤਾ। ਹੈਨਰੀ ਕਲਾਸੇਨ ਨੇ 22 ਗੇਂਦਾਂ 'ਤੇ 21 ਦੌੜਾਂ ਬਣਾਈਆਂ। ਹੁਣ ਦੱਖਣੀ ਅਫਰੀਕਾ ਦਾ ਸਕੋਰ 32.2 ਓਵਰਾਂ 'ਚ 5 ਵਿਕਟਾਂ 'ਤੇ 174 ਦੌੜਾਂ ਹੈ। ਦੱਖਣੀ ਅਫਰੀਕਾ ਲਈ ਡੇਵਿਡ ਮਿਲਰ ਅਤੇ ਵਿਆਨ ਮਲਡਰ ਕ੍ਰੀਜ਼ 'ਤੇ ਹਨ।
IND vs SA 3rd ODI Live Score: ਅਰਸ਼ਦੀਪ ਸਿੰਘ ਨੇ ਟੋਨੀ ਡੀ ਜ਼ੋਰਜ਼ੀ ਨੂੰ ਆਊਟ ਕੀਤਾ
ਟੀਮ ਇੰਡੀਆ ਨੂੰ ਮਿਲੀ ਚੌਥੀ ਕਾਮਯਾਬੀ, ਅਰਸ਼ਦੀਪ ਸਿੰਘ ਨੇ ਟੋਨੀ ਡੀ ਜ਼ੋਰਜ਼ੀ ਨੂੰ ਆਊਟ ਕੀਤਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
