Ravindra Jadeja IPL 2023: ਜਡੇਜਾ ਦੇ ਟਵੀਟ ਨੇ ਮਚਾਇਆ ਤਹਿਲਕਾ, ਫੈਂਸ ਨੇ RCB ‘ਚ ਆਉਣ ਦੀ ਕੀਤੀ ਮੰਗ
Jadeja Viral Tweet: ਰਵਿੰਦਰ ਜਡੇਜਾ ਨੇ ਟਵਿਟਰ 'ਤੇ ਇਕ ਫੋਟੋ ਟਵੀਟ ਕੀਤੀ ਹੈ। ਇਸ 'ਤੇ ਲਿਖੇ ਕੈਪਸ਼ਨ ਨੂੰ ਪੜ੍ਹ ਕੇ ਪ੍ਰਸ਼ੰਸਕਾਂ ਨੇ ਕਈ ਦਿਲਚਸਪ ਕੁਮੈਂਟ ਕੀਤੇ।
Ravindra Jadeja Chennai Super Kings IPL 2023: ਚੇਨਈ ਸੁਪਰ ਕਿੰਗਜ਼ ਨੇ IPL 2023 ਦੇ ਪਹਿਲੇ ਕੁਆਲੀਫਾਇਰ ਵਿੱਚ ਗੁਜਰਾਤ ਟਾਈਟਨਸ ਨੂੰ 14 ਦੌੜਾਂ ਨਾਲ ਹਰਾਇਆ। ਚੇਨਈ ਦੀ ਜਿੱਤ 'ਚ ਗੇਂਦਬਾਜ਼ਾਂ ਨੇ ਅਹਿਮ ਭੂਮਿਕਾ ਨਿਭਾਈ। ਇਸ ਮੈਚ 'ਚ ਆਲਰਾਊਂਡਰ ਖਿਡਾਰੀ ਰਵਿੰਦਰ ਜਡੇਜਾ ਨੇ ਖਤਰਨਾਕ ਗੇਂਦਬਾਜ਼ੀ ਕਰਦਿਆਂ ਹੋਇਆਂ 2 ਵਿਕਟਾਂ ਲਈਆਂ। ਉਨ੍ਹਾਂ ਨੇ 4 ਓਵਰਾਂ 'ਚ 18 ਦੌੜਾਂ ਦਿੱਤੀਆਂ। ਜਡੇਜਾ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਉਨ੍ਹਾਂ ਨੂੰ 'ਮੋਸਟ ਵੈਲਿਊਏਬਲ ਐਸੇਟ ਆਫ ਦ ਮੈਚ' ਦਾ ਅਵਾਰਡ ਮਿਲਿਆ। ਉਨ੍ਹਾਂ ਨੇ ਇਸ ਬਾਰੇ ਇਕ ਦਿਲਚਸਪ ਟਵੀਟ ਕੀਤਾ, ਜਿਸ 'ਤੇ ਪ੍ਰਸ਼ੰਸਕ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ।
ਇਹ ਵੀ ਪੜ੍ਹੋ: IPL 2023: ਕਵਾਲੀਫਾਇਰ-1 'ਚ ਡਾਟ ਬਾਲ ਦੀ ਥਾਂ ਕਿਉਂ ਨਜ਼ਰ ਆ ਰਿਹਾ ਸੀ Tree ਦਾ ਈਮੋਜੀ, ਜਾਣੋ ਵਜ੍ਹਾ
ਗੁਜਰਾਤ 'ਤੇ ਜਿੱਤ ਦੇ ਨਾਲ ਹੀ ਚੇਨਈ ਨੇ ਫਾਈਨਲ 'ਚ ਜਗ੍ਹਾ ਬਣਾ ਲਈ ਹੈ। CSK ਦੀ ਜਿੱਤ ਤੋਂ ਬਾਅਦ ਜਡੇਜਾ ਨੇ ਅਵਾਰਡ ਨਾਲ ਇੱਕ ਫੋਟੋ ਸ਼ੇਅਰ ਕੀਤੀ। ਇਸ ਦੇ ਕੈਪਸ਼ਨ 'ਚ ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਬਾਰੇ ਇਕ ਦਿਲਚਸਪ ਗੱਲ ਲਿਖੀ। ਜਡੇਜਾ ਦੇ ਇਸ ਟਵੀਟ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਕੁਝ ਪ੍ਰਸ਼ੰਸਕ ਜਡੇਜਾ ਨੂੰ ਰਾਇਲ ਚੈਲੇਂਜਰਸ ਬੈਂਗਲੁਰੂ 'ਚ ਸ਼ਾਮਲ ਹੋਣ ਦੀ ਸਲਾਹ ਦੇ ਰਹੇ ਹਨ। ਜਡੇਜਾ ਦੇ ਇਸ ਟਵੀਟ ਤੋਂ ਬਾਅਦ ਟਵਿੱਟਰ 'ਤੇ 'ਕਮ ਟੂ ਆਰਸੀਬੀ' ਹੈਸ਼ਟੈਗ ਕੁਝ ਸਮੇਂ ਲਈ ਟ੍ਰੈਂਡ ਹੋਣਾ ਸ਼ੁਰੂ ਹੋ ਗਿਆ।
ਜ਼ਿਕਰਯੋਗ ਹੈ ਕਿ ਪਹਿਲੇ ਕੁਆਲੀਫਾਇਰ 'ਚ ਚੇਨਈ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 7 ਵਿਕਟਾਂ ਦੇ ਨੁਕਸਾਨ 'ਤੇ 20 ਓਵਰਾਂ 'ਚ 172 ਦੌੜਾਂ ਬਣਾਈਆਂ ਸਨ। ਇਸ ਦੌਰਾਨ ਰਿਤੁਰਾਜ ਗਾਇਕਵਾੜ ਨੇ 60 ਦੌੜਾਂ ਦੀ ਪਾਰੀ ਖੇਡੀ। ਕੋਨਵੇ ਨੇ 40 ਦੌੜਾਂ ਬਣਾਈਆਂ। ਜਡੇਜਾ ਨੇ 16 ਗੇਂਦਾਂ ਵਿੱਚ 22 ਦੌੜਾਂ ਬਣਾਈਆਂ। ਜਵਾਬ 'ਚ ਗੁਜਰਾਤ ਦੀ ਟੀਮ ਆਲ ਆਊਟ ਹੋਣ ਤੱਕ 20 ਓਵਰਾਂ 'ਚ 157 ਦੌੜਾਂ ਹੀ ਬਣਾ ਸਕੀ। ਗੁਜਰਾਤ ਲਈ ਸ਼ੁਭਮਨ ਗਿੱਲ ਨੇ 42 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਰਾਸ਼ਿਦ ਖਾਨ ਨੇ 30 ਦੌੜਾਂ ਦਾ ਯੋਗਦਾਨ ਦਿੱਤਾ। ਇਸ ਦੌਰਾਨ ਚੇਨਈ ਲਈ ਜਡੇਜਾ, ਪਥੀਰਾਨਾ, ਥੀਕਸ਼ਣਾ ਅਤੇ ਦੀਪਕ ਚਾਹਰ ਨੇ 2-2 ਵਿਕਟਾਂ ਲਈਆਂ।
Upstox knows but..some fans don’t 🤣🤣 pic.twitter.com/6vKVBri8IH
— Ravindrasinh jadeja (@imjadeja) May 23, 2023
Come to RCB Ravindra Jadeja.
— Himanshu Raj (@IMHimanshu_Raj) May 24, 2023
Imagine if King Kohli and Sir Jadeja both play together in RCB. pic.twitter.com/45APdSNsok
Classical Virat Kohli and sir Ravindra Jadeja in same team.
— KT (@IconicRcb) May 24, 2023
Rockstar Come to RCB.😙♥️pic.twitter.com/RBwyEAURVt
ਇਹ ਵੀ ਪੜ੍ਹੋ: WTC Final: ਇੰਗਲੈਂਡ ਲਈ ਰਵਾਨਾ ਹੋਏ ਕੋਹਲੀ ਤੇ ਸਿਰਾਜ, ਏਅਰਪੋਰਟ ‘ਤੇ ਵਿਰਾਟ ਨਾਲ ਨਜ਼ਰ ਆਈ ਅਨੁਸ਼ਕਾ ਸ਼ਰਮਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
