Rajat Patidar's Injury: ਕੀ IPL 2023 ਵਿੱਚ ਹੋ ਸਕੇਗੀ ਰਜਤ ਪਾਟੀਦਾਰ ਦੀ ਵਾਪਸੀ ? ਜਾਣੋ
Rajat Patidar: RCB ਦੇ ਚੋਟੀ ਦੇ ਕ੍ਰਮ ਦੇ ਬੱਲੇਬਾਜ਼ ਰਜਤ ਪਾਟੀਦਾਰ ਫਿਲਹਾਲ ਸੱਟ ਕਾਰਨ IPL 2023 ਤੋਂ ਬਾਹਰ ਹਨ। ਉਹ NCA ਵਿਖੇ ਆਪਣੀ ਰਿਕਵਰੀ 'ਤੇ ਕੰਮ ਕਰ ਰਿਹਾ ਹੈ।
Sanjay Banger on Rajat Patidar: ਪਿਛਲੇ ਆਈਪੀਐਲ ਸੀਜ਼ਨ ਵਿੱਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰਸੀਬੀ) ਲਈ ਬੈਕ ਟੂ ਬੈਕ ਧਮਾਕੇਦਾਰ ਪਾਰੀਆਂ ਖੇਡਣ ਵਾਲੇ ਰਜਤ ਪਾਟੀਦਾਰ ਇਸ ਸੀਜ਼ਨ ਤੋਂ ਬਾਹਰ ਹਨ। ਅੱਡੀ ਦੀ ਸੱਟ ਕਾਰਨ ਉਹ ਮੈਦਾਨ ਤੋਂ ਦੂਰ ਹੈ। ਫਿਲਹਾਲ ਉਹ ਰਾਸ਼ਟਰੀ ਕ੍ਰਿਕਟ ਅਕੈਡਮੀ (ਐੱਨ.ਸੀ.ਏ.) 'ਚ ਆਪਣੀ ਸੱਟ ਤੋਂ ਠੀਕ ਹੋਣ 'ਤੇ ਧਿਆਨ ਦੇ ਰਿਹਾ ਹੈ। ਉਹ ਆਈਪੀਐਲ ਦੇ ਸ਼ੁਰੂਆਤੀ ਮੈਚਾਂ ਤੋਂ ਬਾਹਰ ਹੈ ਪਰ ਸੰਭਵ ਹੈ ਕਿ ਉਸ ਨੂੰ ਪੂਰੇ ਟੂਰਨਾਮੈਂਟ ਤੋਂ ਬਾਹਰ ਹੋਣਾ ਪਵੇ। ਇਸ ਦੌਰਾਨ ਜਦੋਂ ਆਰਸੀਬੀ ਦੇ ਮੁੱਖ ਕੋਚ ਸੰਜੇ ਬੰਗੜ ਨੂੰ ਰਜਤ ਪਾਟੀਦਾਰ ਦੀ ਇਸ ਸੀਜ਼ਨ ਵਿੱਚ ਵਾਪਸੀ ਨਾਲ ਸਬੰਧਤ ਸਵਾਲ ਪੁੱਛਿਆ ਗਿਆ ਤਾਂ ਉਨ੍ਹਾਂ ਦੇ ਜਵਾਬ ਨੇ ਰਜਤ ਦੇ ਇਸ ਸੀਜ਼ਨ ਵਿੱਚ ਕੁਝ ਮੈਚ ਖੇਡਣ ਦੀ ਉਮੀਦ ਜਗਾਈ।
ਸੰਜੇ ਬੰਗੜ ਨੇ ਕਿਹਾ, 'ਜਿੱਥੋਂ ਤੱਕ ਰਜਤ ਪਾਟੀਦਾਰ ਦਾ ਸਵਾਲ ਹੈ, ਇਹ ਸਾਡੇ ਵੱਸ ਤੋਂ ਬਾਹਰ ਦਾ ਮਾਮਲਾ ਹੈ। ਉਸ ਦਾ ਇਲਾਜ ਐਨਸੀਏ ਵਿੱਚ ਚੱਲ ਰਿਹਾ ਹੈ ਅਤੇ ਅਜੇ ਤੱਕ ਸਾਨੂੰ ਇਸ ਅਕੈਡਮੀ ਤੋਂ ਉਸ ਬਾਰੇ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਮਿਲੀ ਹੈ। ਜਿਵੇਂ ਹੀ ਸਾਨੂੰ NCA ਰਾਹੀਂ ਰਜਤ ਦੀ ਰਿਕਵਰੀ ਬਾਰੇ ਕੋਈ ਜਾਣਕਾਰੀ ਮਿਲੇਗੀ, ਸਾਡੀ ਮੀਡੀਆ ਟੀਮ ਇਸ ਨੂੰ ਸਾਂਝਾ ਕਰੇਗੀ। ਐਨਸੀਏ ਨੇ ਖੁਦ ਇਹ ਤੈਅ ਕਰਨਾ ਹੈ ਕਿ ਰਜਤ ਨੇ ਅੱਗੇ ਕਦੋਂ ਖੇਡਣਾ ਹੈ।
ਪਿਛਲੇ ਵਰ੍ਹੇ ਚੰਗਾ ਚੱਲਿਆ ਸੀ ਪਾਟੀਦਾਰ ਦਾ ਬੱਲਾ
ਰਜਤ ਪਾਟੀਦਾਰ ਪਿਛਲੇ ਸੀਜ਼ਨ ਵਿੱਚ ਆਰਸੀਬੀ ਲਈ ਗੇਮ ਚੇਂਜਰ ਸਾਬਤ ਹੋਏ ਸਨ। ਉਸ ਨੇ ਕੁਝ ਅਹਿਮ ਮੈਚਾਂ 'ਚ ਆਪਣੀ ਟੀਮ ਨੂੰ ਜਿੱਤ ਦਿਵਾਈ ਸੀ। ਪਿਛਲੇ ਸੀਜ਼ਨ 'ਚ ਉਸ ਨੂੰ 8 ਮੈਚ ਖੇਡਣ ਦਾ ਮੌਕਾ ਮਿਲਿਆ ਅਤੇ ਇਨ੍ਹਾਂ ਮੈਚਾਂ 'ਚ ਉਸ ਨੇ 55.50 ਦੀ ਬੱਲੇਬਾਜ਼ੀ ਔਸਤ ਅਤੇ 152.75 ਦੇ ਸਟ੍ਰਾਈਕ ਰੇਟ ਨਾਲ 333 ਦੌੜਾਂ ਬਣਾਈਆਂ। ਇਨ੍ਹਾਂ 8 ਪਾਰੀਆਂ ਵਿੱਚ ਉਨ੍ਹਾਂ ਨੇ ਦੋ ਅਰਧ ਸੈਂਕੜੇ ਅਤੇ ਇੱਕ ਸੈਂਕੜਾ ਵੀ ਲਗਾਇਆ। ਉਸ ਦੀ ਗੈਰ-ਮੌਜੂਦਗੀ ਕਾਰਨ ਆਰਸੀਬੀ ਦਾ ਟਾਪ ਆਰਡਰ ਥੋੜ੍ਹਾ ਕਮਜ਼ੋਰ ਨਜ਼ਰ ਆ ਸਕਦਾ ਹੈ।
ਦੱਸ ਦੇਈਏ ਕਿ ਇਸ ਸਮੇਂ RCB ਦੇ ਦੋ ਲੀਡ ਗੇਂਦਬਾਜ਼ ਵੀ ਇਸ ਆਈਪੀਐਲ ਸੀਜ਼ਨ ਵਿੱਚ ਬਾਹਰ ਹਨ। ਜੋਸ਼ ਹੇਜ਼ਲਵੁੱਡ ਸੱਟ ਕਾਰਨ ਆਈਪੀਐੱਲ ਦਾ ਸ਼ੁਰੂਆਤੀ ਮੈਚ ਨਹੀਂ ਖੇਡ ਸਕਣਗੇ, ਜਦਕਿ ਵੈਨਿੰਦੂ ਹਸਾਰੰਗਾ ਨਿਊਜ਼ੀਲੈਂਡ 'ਚ ਟੀ-20 ਸੀਰੀਜ਼ ਦੇ ਕਾਰਨ ਅਜੇ ਵੀ ਉਪਲਬਧ ਨਹੀਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
