Paris Olympics 2024: ਸੈਮੀਫਾਈਨਲ 'ਚ ਹਾਰੇ Aman Sehrawat, ਕਾਂਸੀ ਲਈ ਅਜੇ ਵੀ ਉਮੀਦ ਬਾਕੀ
ਕੁਸ਼ਤੀ ਦੇ ਵਿੱਚ ਭਾਰਤ ਦੇ ਸਿਤਾਰੇ ਸਹੀ ਨਹੀਂ ਚੱਲ ਰਹੇ ਹਨ। ਵਿਨੇਸ਼ ਫੋਗਾਟ ਦੇ ਕੁਸ਼ਤੀ 'ਚ ਅਯੋਗ ਹੋਣ ਤੋਂ ਬਾਅਦ ਭਾਰਤ ਨੂੰ ਪੁਰਸ਼ਾਂ ਦੀ ਕੁਸ਼ਤੀ 'ਚ ਅਮਨ ਸਹਿਰਾਵਤ ਤੋਂ ਸੋਨ ਤਗਮੇ ਦੀ ਉਮੀਦ ਸੀ। ਪਰ ਇਸ ਤੇ ਵੀ ਪਾਣੀ ਫਿਰ ਗਿਆ। ਪਰ Bronze
Paris Olympics 2024: ਵਿਨੇਸ਼ ਫੋਗਾਟ ਦੇ ਕੁਸ਼ਤੀ 'ਚ ਅਯੋਗ ਹੋਣ ਤੋਂ ਬਾਅਦ ਭਾਰਤ ਨੂੰ ਪੁਰਸ਼ਾਂ ਦੀ ਕੁਸ਼ਤੀ 'ਚ ਅਮਨ ਸਹਿਰਾਵਤ ਤੋਂ ਸੋਨ ਤਗਮੇ ਦੀ ਉਮੀਦ ਸੀ। ਪਰ ਵੀਰਵਾਰ ਨੂੰ ਜਾਪਾਨ ਦੇ ਰੇਈ ਹਿਜਿਉਚੀ ਖਿਲਾਫ ਖੇਡੇ ਗਏ ਸੈਮੀਫਾਈਨਲ ਮੈਚ 'ਚ ਹਾਰ ਕਾਰਨ ਭਾਰਤੀ ਪ੍ਰਸ਼ੰਸਕਾਂ ਦਾ ਦਿਲ ਟੁੱਟ ਗਿਆ।
57 ਕਿਲੋ ਭਾਰ ਵਰਗ ਵਿੱਚ ਜਾਪਾਨ ਦੇ ਹਿਗੁਚੀ ਨੇ ਤਕਨੀਕੀ ਉੱਤਮਤਾ ਦੇ ਆਧਾਰ ’ਤੇ ਅਮਾਨ ਨੂੰ 10-0 ਨਾਲ ਹਰਾਇਆ। ਹਾਲਾਂਕਿ ਅਮਨ ਨੂੰ ਅਜੇ ਵੀ ਤਗਮੇ ਦੀ ਉਮੀਦ ਹੈ ਅਤੇ ਉਹ ਸ਼ੁੱਕਰਵਾਰ ਨੂੰ ਕਾਂਸੀ ਦੇ ਤਗਮੇ ਦਾ ਮੁਕਾਬਲਾ ਖੇਡਣਗੇ। ਇਸ ਸੈਮੀਫਾਈਨਲ ਮੈਚ 'ਚ ਹਿਗੂਚੀ ਦੇ ਸਾਹਮਣੇ ਅਮਨ ਫਿੱਕਾ ਨਜ਼ਰ ਆਇਆ ਅਤੇ ਉਹ ਪਹਿਲੇ ਦੌਰ 'ਚ ਹੀ ਹਾਰ ਗਏ।
ਛਤਰਸਾਲ ਅਖਾੜੇ ਦੇ ਹੋਣਹਾਰ ਪਹਿਲਵਾਨ ਅਮਨ ਨੇ ਪ੍ਰੀ ਕੁਆਰਟਰ ਫਾਈਨਲ ਅਤੇ ਕੁਆਰਟਰ ਫਾਈਨਲ ਵਿੱਚ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ ਸੀ। ਪਰ ਹਿਗੁਚੀ ਖਿਲਾਫ ਹਮਲਾਵਰ ਖੇਡ ਨਹੀਂ ਦਿਖਾ ਸਕੇ ਅਤੇ ਇਕ ਵੀ ਅੰਕ ਨਹੀਂ ਬਣਾ ਸਕੇ। ਹੁਣ ਸ਼ੁੱਕਰਵਾਰ ਨੂੰ ਰਾਤ 10.45 ਵਜੇ ਕਾਂਸੀ ਤਮਗੇ ਦੇ ਮੁਕਾਬਲੇ 'ਚ ਉਸ ਦਾ ਸਾਹਮਣਾ ਪੋਰਟੋ ਰੀਕੋ ਦੇ ਡੇਰਿਅਨ ਟੋਈ ਕਰੂਜ਼ ਨਾਲ ਹੋਵੇਗਾ।
ਅਮਨ ਨੇ ਕੁਆਰਟਰ ਫਾਈਨਲ ਵਿੱਚ ਅਲਬਾਨੀਆ ਦੇ ਜ਼ੇਲਿਮਖਾਨ ਅਬਾਕਾਰੋਵ ਨੂੰ ਹਰਾ ਕੇ ਤਕਨੀਕੀ ਉੱਤਮਤਾ (12-0) ਨਾਲ ਸੈਮੀਫਾਈਨਲ ਵਿੱਚ ਪਹੁੰਚ ਕੇ ਕੁਸ਼ਤੀ ਵਿੱਚ ਦੇਸ਼ ਦੀਆਂ ਤਗ਼ਮੇ ਦੀਆਂ ਉਮੀਦਾਂ ਵਧਾ ਦਿੱਤੀਆਂ ਸਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
