Tokyo Olympics 2020: ਟੈਨਿਸ ਮੁਕਾਬਲਿਆਂ ਦਾ ਡਰਾਅ ਜਾਰੀ, ਸਾਨੀਆ-ਅੰਕਿਤਾ ਦਾ ਇਸ ਜੋੜੀ ਨਾਲ ਹੋਵੇਗਾ ਮੁਕਾਬਲਾ
ਟੈਨਿਸ ਮੈਚਾਂ ਦੀ ਡਰਾਅ ਵੀਰਵਾਰ ਨੂੰ ਜਾਰੀ ਕੀਤਾ ਗਿਆ। ਭਾਰਤ ਦੀ ਸਾਨੀਆ-ਅੰਕਿਤਾ ਦੀ ਜੋੜੀ ਤੋਂ ਇਲਾਵਾ ਸੁਮਿਤ ਨਾਗਲ ਵੀ ਓਲੰਪਿਕ ਖੇਡਾਂ ਵਿੱਚ ਹਿੱਸਾ ਲੈ ਰਹੀ ਹੈ।
Tokyo Olympics 2020: ਓਲੰਪਿਕ ਖੇਡਾਂ 23 ਜੁਲਾਈ ਤੋਂ ਜਾਪਾਨ ਦੀ ਰਾਜਧਾਨੀ ਟੋਕੀਓ ਵਿੱਚ ਸ਼ੁਰੂ ਹੋਣ ਜਾ ਰਹੀਆਂ ਹਨ। ਓਲੰਪਿਕ ਖੇਡਾਂ ਦੇ ਟੈਨਿਸ ਮੁਕਾਬਲੇ ਵਿੱਚ ਭਾਰਤ ਵੱਲੋਂ ਸਾਨੀਆ ਮਿਰਜ਼ਾ, ਅੰਕਿਤਾ ਰੈਨਾ ਤੇ ਸੁਮਿਤ ਨਾਗਲ ਹਿੱਸਾ ਲੈ ਰਹੇ ਹਨ। ਸੁਮਿਤ ਨਾਗਲ ਪੁਰਸ਼ ਸਿੰਗਲਜ਼ ਦੇ ਪਹਿਲੇ ਗੇੜ ਵਿੱਚ ਜ਼ਬੇਕਿਸਤਾਨ ਦੇ ਡੇਨਿਸ ਇਸਟੋਮਿਨ ਨਾਲ ਭਿੜਨਗੇ। ਮਹਿਲਾ ਡਬਲਜ਼ ਵਿਚ ਸਾਨੀਆ ਮਿਰਜ਼ਾ ਤੇ ਅੰਕਿਤਾ ਰੈਨਾ ਦੀ ਭਾਰਤੀ ਜੋੜੀ ਪਹਿਲੇ ਗੇੜ ਵਿੱਚ ਯੂਕਰੇਨ ਦੀ ਕਿਚੇਨੋਕ ਜੁੜਵਾਂ- ਨਾਡੀਆ ਤੇ ਲਿਡਮਿਲਾ ਨਾਲ ਭਿੜਣਗੀ।
ਪਿਛਲੇ ਹਫਤੇ ਵੱਡੀ ਗਿਣਤੀ ਵਿਚ ਖਿਡਾਰੀ ਵਾਪਸ ਲੈਣ ਤੋਂ ਬਾਅਦ ਸੁਮਿਤ ਨਾਗਲ ਓਲੰਪਿਕ ਲਈ ਕੁਆਲੀਫਾਈ ਕਰਨ ਵਿਚ ਕਾਮਯਾਬ ਰਹੇ। ਪੁਰਸ਼ ਸਿੰਗਲਜ਼ ਮੁਕਾਬਲੇ ਲਈ ਚੱਲ ਰਹੇ ਡਰਾਅ ਵਿੱਚ ਨਾਗਲ ਵਿਸ਼ਵ ਵਿੱਚ 197ਵੇਂ ਨੰਬਰ ਦੇ ਉਜ਼ਬੇਕ ਨਾਲ ਭਿੜਨਗੇ।
ਵਿਸ਼ਵ ਦੀ 160ਵੀਂ ਰੈਂਕਿੰਗ ਦੇ 23 ਸਾਲਾ ਨਾਗਲ ਜੇਕਰ ਇਹ ਮੈਚ ਜਿੱਤ ਜਾਂਦੇ ਹਨ ਤਾਂ ਉਨ੍ਹਾਂ ਦਾ ਦੂਜੇ ਗੇੜ ਦਾ ਮੈਚ ਰੂਸ ਦੀ ਦੂਜੀ ਦਰਜਾ ਹਾਸਲ ਡੇਨੀਲ ਮੇਦਵੇਦੇਵ ਨਾਲ ਹੋਵੇਗਾ। ਆਰਓਸੀ ਝੰਡੇ ਹੇਠ ਖੇਡਣ ਵਾਲੇ ਮੇਦਵੇਦੇਵ ਆਪਣੇ ਪਹਿਲੇ ਗੇੜ ਦੇ ਮੈਚ ਵਿੱਚ ਕਜ਼ਾਕਿਸਤਾਨ ਦੇ ਅਲੈਗਜ਼ੈਂਡਰ ਬੁਬਲਿਕ ਨਾਲ ਭਿੜੇਗਾ।
1 ਅਗਸਤ ਨੂੰ ਖੇਡਿਆ ਜਾਵੇਗਾ ਫਾਈਨਲ
ਪੁਰਸ਼ ਸਿੰਗਲਜ਼ ਵਿੱਚ ਵਿਸ਼ਵ ਦੀ ਨੰਬਰ ਇੱਕ ਖਿਡਾਰੀ ਸਰਬੀਆ ਦੇ ਨੋਵਾਕ ਜੋਕੋਵਿਚ ਬੋਲੀਵੀਆ ਦੇ ਹੂਗੋ ਡੇਲੀਅਨ ਖਿਲਾਫ ਸੋਨੇ ਦੇ ਤਗਮੇ ਲਈ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰਨਗੇ। ਸਥਾਨਕ ਸਟਾਰ ਨਾਓਮੀ ਓਸਾਕਾ ਆਪਣੀ ਓਲੰਪਿਕ ਮੁਹਿੰਮ ਦੀ ਸ਼ੁਰੂਆਤ ਚੀਨ ਦੇ ਝੇਂਗ ਸਾਈਸਾਈ ਖਿਲਾਫ ਕਰਨਗੇ।
ਗ੍ਰੇਟ ਬ੍ਰਿਟੇਨ ਦੇ ਐਂਡੀ ਮਰੇ ਮੌਜੂਦਾ ਪੁਰਸ਼ ਸਿੰਗਲਜ਼ ਓਲੰਪਿਕ ਚੈਂਪੀਅਨ ਪਹਿਲੇ ਗੇੜ ਵਿੱਚ ਕੈਨੇਡਾ ਦੇ ਫੇਲਿਕਸ ਆਗਰ ਅਲੀਅਸਿਮ ਦਾ ਸਾਹਮਣਾ ਕਰਨਗੇ। ਆਸਟਰੇਲੀਆ ਦੀ ਐਸ਼ਲੇਘ ਬਾਰਟੀ ਦਾ ਸਾਹਮਣਾ ਪਹਿਲੇ ਗੇੜ ਵਿੱਚ ਮਹਿਲਾ ਸਿੰਗਲਜ਼ ਵਿੱਚ ਸਪੇਨ ਦੀ ਸਾਰਾ ਸੋਰੀਬੇਸ ਟੋਰਮੋ ਨਾਲ ਹੋਵੇਗਾ।
ਦੱਸ ਦਈਏ ਕਿ ਟੋਕੀਓ ਓਲੰਪਿਕ ਵਿੱਚ ਟੈਨਿਸ ਮੁਕਾਬਲੇ 24 ਜੁਲਾਈ ਨੂੰ ਸ਼ੁਰੂ ਹੋਣਗੇ ਤੇ 1 ਅਗਸਤ ਨੂੰ ਏਰੀਅਕ ਟੈਨਿਸ ਪਾਰਕ ਵਿੱਚ ਖ਼ਤਮ ਹੋਣਗੇ।
ਇਹ ਵੀ ਪੜ੍ਹੋ: Farmers Protest: ਕੇਂਦਰ ਸਰਕਾਰ ਕਿਸਾਨਾਂ ਨਾਲ ਗੱਲਬਾਤ ਲਈ ਤਿਆਰ, ਕਿਸਾਨਾਂ ਦੇ ਐਕਸ਼ਨ ਮਗਰੋਂ ਤੋਮਰ ਦਾ ਦਾਅਵਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
