Pro Kabaddi 2021: ਇਨ੍ਹਾਂ ਕਾਰਨਾਂ ਕਰਕੇ ਯੂਪੀ ਯੋਧਾ ਬਣ ਸਕਦਾ ਪ੍ਰੋ ਕਬੱਡੀ ਲੀਗ-2021 ਦਾ ਚੈਂਪੀਅਨ
ਯੂਪੀ ਯੋਧਾ ਨੇ ਪ੍ਰੋ ਕਬੱਡੀ 2021 ਨਿਲਾਮੀ ਵਿੱਚ ਪਟਨਾ ਪਾਈਰੇਟਸ ਦੇ ਸਾਬਕਾ ਕਪਤਾਨ ਪ੍ਰਦੀਪ ਨਰਵਾਲ ਨੂੰ ਸਾਈਨ ਕਰਕੇ ਸੁਰਖੀਆਂ ਬਟੋਰੀਆਂ ਹਨ।
UP Yoddha Pro Kabaddi 2021: ਯੂਪੀ ਯੋਧਾ ਨੇ ਪ੍ਰੋ ਕਬੱਡੀ 2021 ਨਿਲਾਮੀ ਵਿੱਚ ਪਟਨਾ ਪਾਈਰੇਟਸ ਦੇ ਸਾਬਕਾ ਕਪਤਾਨ ਪ੍ਰਦੀਪ ਨਰਵਾਲ ਨੂੰ ਸਾਈਨ ਕਰਕੇ ਸੁਰਖੀਆਂ ਬਟੋਰੀਆਂ ਹਨ। ਉਹ ਪ੍ਰੋ ਕਬੱਡੀ ਲੀਗ ਦੇ ਇਤਿਹਾਸ ਵਿੱਚ ਸਭ ਤੋਂ ਸਫਲ ਰੇਡਰ ਹੈ। ਪਟਨਾ ਪਾਈਰੇਟਸ ਨੇ ਨਿਲਾਮੀ ਤੋਂ ਪਹਿਲਾਂ ਉਨ੍ਹਾਂ ਨੂੰ ਬਰਕਰਾਰ ਨਾ ਰੱਖਦਿਆਂ ਦੇਖ ਕੇ ਪ੍ਰਸ਼ੰਸਕ ਹੈਰਾਨ ਰਹਿ ਗਏ।
ਪਟਨਾ ਪਾਈਰੇਟਸ ਟੀਮ ਪ੍ਰਬੰਧਨ ਨੇ ਬਾਅਦ ਵਿੱਚ ਖੁਲਾਸਾ ਕੀਤਾ ਕਿ ਪ੍ਰਦੀਪ ਨਰਵਾਲ ਨੇ ਖੁਦ ਹੀ ਰਿਲੀਜ਼ ਦੀ ਬੇਨਤੀ ਕੀਤੀ ਸੀ। ਸਟਾਰ ਭਾਰਤੀ ਰੇਡਰ ਨਿਲਾਮੀ ਦਾ ਹਿੱਸਾ ਬਣਨਾ ਚਾਹੁੰਦਾ ਸੀ। ਪਾਇਰੇਟਸ ਨੇ ਉਸ ਦੀ ਬੇਨਤੀ ਮੰਨ ਲਈ ਤੇ ਨਿਲਾਮੀ ਵਿੱਚ ਉਸਨੂੰ ਦੁਬਾਰਾ ਹਸਤਾਖਰ ਕਰਨ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਯੂਪੀ ਯੋਧਾ ਨੇ ਉਸ ਨੂੰ ਪਛਾੜ ਦਿੱਤਾ।
ਯੂਪੀ ਯੋਧਾ ਨੇ ਨਰਵਾਲ ਨੂੰ 1.65 ਕਰੋੜ ਰੁਪਏ ਵਿੱਚ ਖਰੀਦਿਆ। ਪ੍ਰਦੀਪ ਨਰਵਾਲ ਵਰਗੇ ਖਿਡਾਰੀ ਨੂੰ ਟੀਮ ਵਿੱਚ ਸ਼ਾਮਲ ਕਰਨ ਤੋਂ ਬਾਅਦ ਯੂਪੀ ਯੋਧਾ ਕੋਲ ਇਸ ਵਾਰ ਚੈਂਪੀਅਨ ਬਣਨ ਦਾ ਸੁਨਹਿਰੀ ਮੌਕਾ ਹੈ। ਇਸ ਤੋਂ ਇਲਾਵਾ ਤਿੰਨ ਹੋਰ ਕਾਰਨ ਹਨ ਜਿਸ ਕਾਰਨ ਯੂਪੀ ਯੋਧਾ ਚੈਂਪੀਅਨ ਬਣ ਸਕਦੀ ਹੈ।
ਇਨ੍ਹਾਂ ਕਾਰਨਾਂ ਕਰਕੇ ਯੂਪੀ ਦੀ ਟੀਮ ਚੈਂਪੀਅਨ ਬਣ ਸਕਦੀ
ਪਟਨਾ ਪਾਈਰੇਟਸ ਦੀ ਹਾਲੀਆ ਅਸਫਲਤਾ ਦਾ ਇੱਕ ਮੁੱਖ ਕਾਰਨ ਪ੍ਰਦੀਪ ਨਰਵਾਲ ਦਾ ਦੂਜੇ ਖਿਡਾਰੀਆਂ ਨਾਲ ਨਾ ਮਿਲਣਾ ਸੀ। ਮੋਨੂੰ ਗੋਇਤ ਨੇ ਸੀਜ਼ਨ 5 ਵਿੱਚ ਉਸ ਦਾ ਚੰਗਾ ਸਾਥ ਦਿੱਤਾ ਅਤੇ ਇਹੀ ਕਾਰਨ ਸੀ ਕਿ ਪਟਨਾ ਨੇ ਉਸ ਸੀਜ਼ਨ ਨੂੰ ਚੈਂਪੀਅਨ ਵਜੋਂ ਖਤਮ ਕੀਤਾ। ਇਸ ਤੋਂ ਬਾਅਦ ਸੀਜ਼ਨ 6 ਤੇ 7 ਵਿੱਚ ਪ੍ਰਦੀਪ ਨੂੰ ਸਾਥੀ ਖਿਡਾਰੀਆਂ ਦਾ ਸਾਥ ਨਹੀਂ ਮਿਲਿਆ। ਯੂਪੀ ਯੋਧਾ ਕੋਲ ਸ਼੍ਰੀਕਾਂਤ ਜਾਧਵ ਅਤੇ ਸੁਰਿੰਦਰ ਗਿੱਲ ਵਰਗੇ ਖਿਡਾਰੀ ਹਨ। ਉਹ ਪ੍ਰਦੀਪ ਨਰਵਾਲ ਦਾ ਚੰਗੀ ਤਰ੍ਹਾਂ ਸਾਥ ਦੇ ਸਕਦਾ ਹੈ।
ਪ੍ਰੋ ਕਬੱਡੀ 2021 ਦੀ ਨਿਲਾਮੀ ਤੋਂ ਪਹਿਲਾਂ ਯੂਪੀ ਯੋਧਾ ਨੇ ਆਪਣੇ ਕਾਰਨਰ ਡਿਫੈਂਡਰਾਂ ਨਿਤੇਸ਼ ਕੁਮਾਰ ਅਤੇ ਸੁਮਿਤ ਨੂੰ ਬਰਕਰਾਰ ਰੱਖਿਆ। ਨਿਤੇਸ਼ ਸੱਜੇ ਕਾਰਨਰ ਪੁਜੀਸ਼ਨ ਵਿੱਚ ਖੇਡਦਾ ਹੈ, ਜਦੋਂ ਕਿ ਸੁਮਿਤ ਲੈਫਟ ਕਾਰਨਰ ਡਿਫੈਂਡਰ ਹੈ। ਦੋਵੇਂ ਡਿਫੈਂਡਰ ਪਿਛਲੇ ਸੀਜ਼ਨ ਦੇ 'ਮੋਸਟ ਟੇਕਲ ਪੁਆਇੰਟਸ' ਦੀ ਸੂਚੀ ਦੇ ਟਾਪ 3 ਵਿੱਚ ਮੌਜੂਦ ਸਨ। ਬਦਕਿਸਮਤੀ ਨਾਲ, ਉਨ੍ਹਾਂ ਦੀ ਟੀਮ ਚੈਂਪੀਅਨਸ਼ਿਪ ਜਿੱਤਣ ਵਿੱਚ ਅਸਫਲ ਰਹੀ। ਜੇਕਰ ਨਿਤੇਸ਼ ਅਤੇ ਸੁਮਿਤ ਇਸੇ ਤਰ੍ਹਾਂ ਦਾ ਪ੍ਰਦਰਸ਼ਨ ਜਾਰੀ ਰੱਖਦੇ ਹਨ ਤਾਂ ਵਿਰੋਧੀ ਰੇਡਰਾਂ ਲਈ ਪ੍ਰੋ ਕਬੱਡੀ 2021 ਵਿੱਚ ਯੂਪੀ ਯੋਧਾ ਦੇ ਖਿਲਾਫ ਰੇਡ ਪੁਆਇੰਟ ਹਾਸਲ ਕਰਨਾ ਚੁਣੌਤੀਪੂਰਨ ਹੋਵੇਗਾ।
ਪ੍ਰਦੀਪ ਨਰਵਾਲ ਤਿੰਨ ਵਾਰ ਪ੍ਰੋ ਕਬੱਡੀ ਲੀਗ ਚੈਂਪੀਅਨ ਹੈ। ਜਦੋਂ ਵੀ ਪਟਨਾ ਪਾਈਰੇਟਸ ਨਾਕਆਊਟ ਮੈਚ ਖੇਡਦੀ ਸੀ ਤਾਂ ਪ੍ਰਦੀਪ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ। ਯੂਪੀ ਯੋਧਾ ਪ੍ਰੋ ਕਬੱਡੀ ਲੀਗ ਵਿੱਚ ਹੁਣ ਤੱਕ ਤਿੰਨ ਵਾਰ ਪਲੇਆਫ ਲਈ ਕੁਆਲੀਫਾਈ ਕਰ ਚੁੱਕਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
