T-20 ਸੀਰੀਜ਼ ਦੇ ਆਖਰੀ ਮੈਚ 'ਤੇ ਫਿਰਿਆ ਪਾਣੀ, ਭਾਰਤ ਤੇ ਆਇਰਲੈਂਡ ਦਾ ਹੋਣ ਜਾ ਰਿਹਾ ਸੀ ਮੁਕਾਬਲਾ
World cup ਭਾਰਤ ਅਤੇ ਆਇਰਲੈਂਡ ਵਿਚਾਲੇ ਟੀ-20 ਸੀਰੀਜ਼ ਦਾ ਤੀਜਾ ਅਤੇ ਆਖਰੀ ਮੈਚ ਮੀਂਹ ਕਰਕੇ ਰੱਦ ਕਰ ਦਿੱਤਾ ਗਿਆ ਹੈ। ਪਹਿਲੇ 2 ਟੀ-20 ਦੇ ਨਤੀਜਿਆਂ ਦੇ ਆਧਾਰ 'ਤੇ
Indian Cricket Team - ਭਾਰਤ ਅਤੇ ਆਇਰਲੈਂਡ ਵਿਚਾਲੇ ਟੀ-20 ਸੀਰੀਜ਼ ਦਾ ਤੀਜਾ ਅਤੇ ਆਖਰੀ ਮੈਚ ਮੀਂਹ ਕਰਕੇ ਰੱਦ ਕਰ ਦਿੱਤਾ ਗਿਆ ਹੈ। ਪਹਿਲੇ 2 ਟੀ-20 ਦੇ ਨਤੀਜਿਆਂ ਦੇ ਆਧਾਰ 'ਤੇ, ਭਾਰਤ ਨੇ 3 ਮੈਚਾਂ ਦੀ ਸੀਰੀਜ਼ 2-0 ਨਾਲ ਜਿੱਤ ਲਈ। 2 ਮੈਚਾਂ 'ਚ 4 ਵਿਕਟਾਂ ਲੈਣ ਵਾਲੇ ਟੀਮ ਇੰਡੀਆ ਦੇ ਕਪਤਾਨ ਜਸਪ੍ਰੀਤ ਬੁਮਰਾਹ ਪਲੇਅਰ ਆਫ ਦਿ ਸੀਰੀਜ਼ ਰਹੇ। ਉਨ੍ਹਾਂ ਨੇ ਸੀਰੀਜ਼ 'ਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲਈਆਂ। ਭਾਰਤ ਦੇ ਰਿਤੁਰਾਜ ਗਾਇਕਵਾੜ ਨੇ ਸੀਰੀਜ਼ 'ਚ ਸਭ ਤੋਂ ਜ਼ਿਆਦਾ 77 ਦੌੜਾਂ ਬਣਾਈਆਂ।
ਦੱਸ ਦਈਏ ਕਿ ਡਬਲਿਨ 'ਚ ਬੀਤੇ ਬੁੱਧਵਾਰ ਸ਼ਾਮ ਨੂੰ ਸ਼ੁਰੂ ਹੋਇਆ ਮੀਂਹ ਭਾਰਤੀ ਸਮੇਂ ਮੁਤਾਬਕ ਰਾਤ 10:30 ਵਜੇ ਤੱਕ ਜਾਰੀ ਰਿਹਾ। ਮੀਂਹ ਕਰਕੇ ਦਾ ਵੀਲੈਜ ਸਟੇਡੀਅਮ ਗਿੱਲਾ ਹੋ ਗਿਆ। ਮੈਚ ਸ਼ੁਰੂ ਹੋਣ ਦਾ ਸਮਾਂ 11:15 ਵਜੇ ਸੀ, ਪਰ ਮੀਂਹ ਨਾ ਰੁਕਦਾ ਦੇਖ ਕੇ ਅੰਪਾਇਰਾਂ ਨੇ ਮੈਚ ਰੱਦ ਕਰ ਦਿੱਤਾ।
ਭਾਰਤ ਨੇ ਆਇਰਲੈਂਡ ਨੂੰ ਹਰਾ ਕੇ ਲਗਾਤਾਰ ਤੀਜੀ ਟੀ-20 ਸੀਰੀਜ਼ ਜਿੱਤੀ ਹੈ। ਇਸ ਤੋਂ ਪਹਿਲਾਂ 2018 ਅਤੇ 2022 'ਚ ਟੀਮ ਨੇ ਆਇਰਲੈਂਡ ਨੂੰ ਵਾਈਟਵਾਸ਼ ਕੀਤਾ ਸੀ। ਟੀਮ ਇੰਡੀਆ ਮੀਂਹ ਕਰਕੇ ਪਹਿਲੀ ਵਾਰ ਆਇਰਲੈਂਡ ਖ਼ਿਲਾਫ਼ ਕਲੀਨ ਸਵੀਪ ਨਹੀਂ ਕਰ ਸਕੀ। ਭਾਰਤ ਨੇ 2018 ਵਿੱਚ 3-0 ਅਤੇ 2022 ਵਿੱਚ 2-0 ਨਾਲ ਜਿੱਤ ਦਰਜ ਕੀਤੀ ਸੀ।
ਜਸਪ੍ਰੀਤ ਬੁਮਰਾਹ ਦੀ ਕਪਤਾਨੀ ਹੇਠ ਭਾਰਤ ਨੇ ਪਹਿਲਾ ਮੈਚ DLS ਵਿਧੀ ਤਹਿਤ 2 ਦੌੜਾਂ ਨਾਲ ਅਤੇ ਦੂਜਾ ਮੈਚ 33 ਦੌੜਾਂ ਨਾਲ ਜਿੱਤਿਆ। ਬੁਮਰਾਹ, ਰਵੀ ਬਿਸ਼ਨੋਈ ਅਤੇ ਮੁਰਲੀ ਕ੍ਰਿਸ਼ਨਾ ਨੇ ਸੀਰੀਜ਼ 'ਚ ਸਭ ਤੋਂ ਵੱਧ 4-4 ਵਿਕਟਾਂ ਲਈਆਂ। ਬੁਮਰਾਹ ਦੀ ਆਰਥਿਕਤਾ ਸਿਰਫ 4.87 ਸੀ, ਇਸ ਲਈ ਉਸ ਨੂੰ ਸੀਰੀਜ਼ ਦਾ ਸਰਵੋਤਮ ਖਿਡਾਰੀ ਚੁਣਿਆ ਗਿਆ। ਟੀਮ ਇੰਡੀਆ ਵੱਲੋਂ ਰਿਤੁਰਾਜ ਗਾਇਕਵਾੜ ਨੇ ਸਭ ਤੋਂ ਵੱਧ 77 ਦੌੜਾਂ ਬਣਾਈਆਂ। ਉਸ ਨੇ ਪਹਿਲੇ ਟੀ-20 ਵਿੱਚ ਨਾਬਾਦ 19 ਅਤੇ ਦੂਜੇ ਮੈਚ ਵਿੱਚ 58 ਦੌੜਾਂ ਬਣਾਈਆਂ। ਉਸ ਤੋਂ ਬਾਅਦ ਭਾਰਤ ਵੱਲੋਂ ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਨੇ ਸਭ ਤੋਂ ਵੱਧ 42 ਦੌੜਾਂ ਬਣਾਈਆਂ।
ਇਸਤੋਂ ਇਲਾਵਾ ਆਇਰਲੈਂਡ ਦੀ ਟੀਮ ਪਹਿਲੇ ਟੀ-20 'ਚ ਬੱਲੇਬਾਜ਼ੀ ਅਤੇ ਦੂਜੇ ਟੀ-20 'ਚ ਗੇਂਦਬਾਜ਼ੀ 'ਚ ਕੁਝ ਖਾਸ ਨਹੀਂ ਕਰ ਸਕੀ। ਟੀਮ ਵੱਲੋਂ ਐਂਡਰਿਊ ਬਾਲਬਰਨੀ ਨੇ ਸਭ ਤੋਂ ਵੱਧ 76 ਦੌੜਾਂ ਬਣਾਈਆਂ। ਉਸ ਤੋਂ ਬਾਅਦ ਕਰਟਿਸ ਕੈਂਪਰ ਨੇ 57 ਦੌੜਾਂ ਬਣਾਈਆਂ। ਗੇਂਦਬਾਜ਼ਾਂ 'ਚ ਕ੍ਰੇਗ ਯੰਗ ਨੇ ਟੀਮ ਲਈ ਸਭ ਤੋਂ ਵੱਧ 3 ਵਿਕਟਾਂ ਲਈਆਂ। ਪਹਿਲੇ ਟੀ-20 'ਚ ਗੇਂਦਬਾਜ਼ ਬੈਰੀ ਮੈਕਕਾਰਥੀ ਨੰਬਰ-8 'ਤੇ ਉਤਰੇ ਅਤੇ 51 ਦੌੜਾਂ ਦੀ ਪਾਰੀ ਖੇਡੀ। ਇਨ੍ਹਾਂ ਤੋਂ ਇਲਾਵਾ ਟੀਮ ਦੇ ਬਾਕੀ ਖਿਡਾਰੀ ਵੀ ਕੁਝ ਖਾਸ ਨਹੀਂ ਕਰ ਸਕੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
