World Para Athletics Championships: ਦੀਪਤੀ ਜੀਵਨਜੀ ਨੇ 400 ਮੀਟਰ ਟੀ-20 ਵਰਗ ਦੀ ਦੌੜ 'ਚ ਜਿੱਤਿਆ ਗੋਲਡ ਮੈਡਲ
World Para Athletics Championships: ਭਾਰਤ ਦੀ ਦੀਪਤੀ ਜੀਵਨਜੀ ਨੇ 400 ਮੀਟਰ ਟੀ-20 ਵਰਗ ਦੀ ਦੌੜ ਵਿੱਚ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਦੀਪਤੀ ਨੇ ਜਾਪਾਨ ਦੇ ਕੋਬੇ 'ਚ ਵਿਸ਼ਵ ਪੈਰਾ ਐਥਲੈਟਿਕਸ
World Para Athletics Championships: ਭਾਰਤ ਦੀ ਦੀਪਤੀ ਜੀਵਨਜੀ ਨੇ 400 ਮੀਟਰ ਟੀ-20 ਵਰਗ ਦੀ ਦੌੜ ਵਿੱਚ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਦੀਪਤੀ ਨੇ ਜਾਪਾਨ ਦੇ ਕੋਬੇ 'ਚ ਵਿਸ਼ਵ ਪੈਰਾ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਮਹਿਲਾਵਾਂ ਦੀ 400 ਮੀਟਰ ਟੀ-20 ਵਰਗ ਦੀ ਦੌੜ 'ਚ 55.06 ਸਕਿੰਟ ਦੇ ਵਿਸ਼ਵ ਰਿਕਾਰਡ ਸਮੇਂ ਨਾਲ ਸੋਨ ਤਗਮਾ ਜਿੱਤਿਆ ਹੈ।
India's Deepthi Jeevanji wins gold medal with world record time of 55.06 seconds in women's 400m T20 category race at World Para Athletics Championships in Kobe, Japan #PCI pic.twitter.com/esKGMTEEdm
— Press Trust of India (@PTI_News) May 20, 2024
ਦੱਸ ਦੇਈਏ ਕਿ ਭਾਰਤੀ ਪੈਰਾ-ਐਥਲੀਟਾਂ ਪ੍ਰੀਤੀ ਪਾਲ, ਨਿਸ਼ਾਦ ਕੁਮਾਰ, ਦੀਪਤੀ ਜੀਵਨਜੀ ਅਤੇ ਰਵੀ ਰੋਂਗਲੀ ਨੇ ਐਤਵਾਰ ਨੂੰ ਕੋਬੇ ਪੈਰਾ ਅਥਲੈਟਿਕਸ ਵਿਸ਼ਵ ਚੈਂਪੀਅਨਸ਼ਿਪ 2024 ਦੇ ਤੀਜੇ ਦਿਨ ਪੈਰਿਸ ਪੈਰਾਲੰਪਿਕ 2024 ਕੋਟਾ ਹਾਸਲ ਕਰ ਲਿਆ। ਭਾਰਤ ਦੀ ਪ੍ਰੀਤੀ ਪਾਲ ਨੇ ਮਹਿਲਾਵਾਂ ਦੇ 200 ਮੀਟਰ ਟੀ35 ਵਰਗ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ, ਜਿਸ ਨਾਲ ਤੀਜੇ ਦਿਨ ਬਾਅਦ ਭਾਰਤ ਦੀ ਤਗ਼ਮੇ ਦੀ ਗਿਣਤੀ 2 ਹੋ ਗਈ।
ਇਸ ਤੋਂ ਪਹਿਲਾਂ, ਟੋਕੀਓ 2020 ਪੈਰਾਲੰਪਿਕਸ ਚਾਂਦੀ ਦਾ ਤਗਮਾ ਜੇਤੂ, ਨਿਸ਼ਾਦ ਕੁਮਾਰ ਨੇ ਪੁਰਸ਼ਾਂ ਦੀ ਉੱਚੀ ਛਾਲ T47 ਫਾਈਨਲ ਵਿੱਚ 1.99 ਮੀਟਰ ਦੇ ਸ਼ਾਨਦਾਰ ਸੀਜ਼ਨ-ਸਰਬੋਤਮ ਅੰਕ ਨਾਲ ਚਾਂਦੀ ਦਾ ਤਗਮਾ ਜਿੱਤਿਆ। ਇਸ ਤੋਂ ਇਲਾਵਾ, ਰਾਮ ਪਾਲ ਆਪਣੇ ਸੀਜ਼ਨ ਦੇ ਸਰਵੋਤਮ 1.90 ਮੀਟਰ ਦੇ ਨਾਲ ਛੇਵੇਂ ਸਥਾਨ 'ਤੇ ਰਿਹਾ।
ਦੀਪਤੀ ਜੀਵਨਜੀ ਨੇ 56.18 ਸਕਿੰਟ ਦੇ ਸਮੇਂ ਨਾਲ ਨਵਾਂ ਏਸ਼ਿਆਈ ਰਿਕਾਰਡ ਕਾਇਮ ਕਰਕੇ ਮਹਿਲਾਵਾਂ ਦੀ 400 ਮੀਟਰ ਟੀ-20 ਹੀਟਸ ਦੇ ਫਾਈਨਲ ਲਈ ਕੁਆਲੀਫਾਈ ਕੀਤਾ।
ਖੇਲੋ ਇੰਡੀਆ ਪੈਰਾ ਐਥਲੀਟ ਰਵੀ ਰੋਂਗਲੀ ਨੇ ਪੁਰਸ਼ਾਂ ਦੇ ਸ਼ਾਟ ਪੁਟ F40 ਵਿੱਚ 9.75 ਮੀਟਰ ਥਰੋਅ ਨਾਲ ਭਾਰਤ ਲਈ ਪੈਰਿਸ ਪੈਰਾਲੰਪਿਕ 2024 ਦਾ ਕੋਟਾ ਹਾਸਲ ਕੀਤਾ, ਜਿਸ ਨਾਲ ਈਵੈਂਟ ਵਿੱਚ ਛੇਵਾਂ ਸਥਾਨ ਰਿਹਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
