Apple ਨੇ ਐਲਨ ਮਸਕ ਦੀ ਕੰਪਨੀ ਨਾਲ ਮਿਲਾਇਆ ਹੱਥ, ਹੁਣ iPhone 'ਚ Satellite ਨਾਲ ਹੋਣਗੀਆਂ ਗੱਲਾਂ
ਐਪਲ ਨੇ ਐਲਨ ਮਸਕ ਦੀ ਕੰਪਨੀ ਸਪੇਸਐਕਸ ਅਤੇ ਟੀ-ਮੋਬਾਈਲ ਦੇ ਨਾਲ ਮਿਲ ਕੇ ਆਈਫੋਨ ਵਿੱਚ ਸਟਾਰਲਿੰਕ ਸੈਟੇਲਾਈਟ ਕਨੈਕਟਿਵਿਟੀ ਜੋੜੀ ਹੈ। ਹੁਣ ਤੁਸੀਂ ਆਪਣੇ ਆਈਫੋਨ ਨਾਲ ਜਿੱਥੇ ਵੀ ਹੋਵੋਗੇ, ਸੈਟੇਲਾਈਟ ਰਾਹੀਂ ਟੈਕਸ ਮੈਸੇਜ ਭੇਜ ਸਕਦੇ ਹੋ।
Apple and Elon Musk: ਐਪਲ ਨੇ ਐਲਨ ਮਸਕ ਦੀ ਕੰਪਨੀ ਸਪੇਸਐਕਸ ਅਤੇ ਟੀ-ਮੋਬਾਈਲ ਦੇ ਨਾਲ ਮਿਲ ਕੇ ਆਈਫੋਨ ਵਿੱਚ ਸਟਾਰਲਿੰਕ ਸੈਟੇਲਾਈਟ ਕਨੈਕਟਿਵਿਟੀ ਜੋੜੀ ਹੈ। ਹੁਣ ਤੁਸੀਂ ਆਪਣੇ ਆਈਫੋਨ ਨਾਲ ਜਿੱਥੇ ਵੀ ਹੋਵੋਗੇ, ਸੈਟੇਲਾਈਟ ਰਾਹੀਂ ਟੈਕਸ ਮੈਸੇਜ ਭੇਜ ਸਕਦੇ ਹੋ।
ਭਵਿੱਖ ਵਿੱਚ ਤੁਸੀਂ ਡਾਟਾ ਵੀ ਵਰਤ ਸਕੋਗੇ ਅਤੇ ਕਾਲ ਵੀ ਕਰ ਸਕੋਗੇ। ਇਸ ਸਾਂਝੇਦਾਰੀ ਦਾ ਮਕਸਦ ਉਨ੍ਹਾਂ ਖੇਤਰਾਂ ਵਿੱਚ ਵੀ ਸੈਟੇਲਾਈਟ ਕਮਿਊਨੀਕੇਸ਼ਨ ਪਹੁੰਚਾਉਣਾ ਹੈ, ਜਿੱਥੇ ਸੈਲੂਲਰ ਕਵਰੇਜ ਨਹੀਂ ਮਿਲਦਾ। ਇਸ ਦਾ ਮਤਲਬ ਹੈ ਕਿ ਇਹ ਸੁਵਿਧਾ ਉਨ੍ਹਾਂ ਥਾਵਾਂ 'ਤੇ ਵੀ ਕੰਮ ਕਰੇਗੀ ਜਿੱਥੇ ਮੋਬਾਈਲ ਨੈਟਵਰਕ ਨਹੀਂ ਮਿਲਦਾ।
ਇਸ ਹਫਤੇ ਜਾਰੀ ਹੋਏ ਆਈਓਐੱਸ 18.3 ਅਪਡੇਟ ਵਿੱਚ ਸਟਾਰਲਿੰਕ ਸੈਟੇਲਾਈਟ ਨੈਟਵਰਕ ਸਪੋਰਟ ਸ਼ਾਮਿਲ ਕੀਤਾ ਗਿਆ ਹੈ। ਇਹ ਫੀਚਰ ਯੂਜ਼ਰਜ਼ ਨੂੰ ਸੈਟੇਲਾਈਟ ਦੀ ਮਦਦ ਨਾਲ ਟੈਕਸਟ ਮੈਸੇਜ ਭੇਜਣ ਦੀ ਸੁਵਿਧਾ ਦਿੰਦਾ ਹੈ।
ਫਿਲਹਾਲ, ਆਈਫੋਨ ਵਿੱਚ ਜੋ ਸੈਟੇਲਾਈਟ ਸਰਵਿਸ ਮਿਲਦੀ ਹੈ, ਉਸ ਵਿੱਚ ਯੂਜ਼ਰਜ਼ ਨੂੰ ਆਪਣੇ ਆਈਫੋਨ ਨੂੰ ਸੈਟੇਲਾਈਟ ਨਾਲ ਮੈਨੂਅਲੀ ਕਨੈਕਟ ਕਰਨਾ ਪੈਂਦਾ ਹੈ। ਪਰ ਸਟਾਰਲਿੰਕ ਸੈਟੇਲਾਈਟ ਕਨੈਕਟਿਵਿਟੀ ਵਿੱਚ ਅਜਿਹਾ ਨਹੀਂ ਹੋਵੇਗਾ। ਇਹ ਆਟੋਮੈਟਿਕਲੀ, ਜਾਨੀ ਕਿ ਆਪਣੇ ਆਪ ਤੁਹਾਡੇ ਆਈਫੋਨ ਨੂੰ ਸੈਟੇਲਾਈਟ ਨਾਲ ਕਨੈਕਟ ਕਰ ਦੇਵੇਗਾ, ਭਾਵੇਂ ਤੁਹਾਡਾ ਆਈਫੋਨ ਤੁਸੀਂ ਆਪਣੇ ਜੇਬ ਵਿੱਚ ਰੱਖਿਆ ਹੋਵੇ।
ਟੀ-ਮੋਬਾਈਲ ਨੇ ਇੱਕ ਲਿਮਿਟਡ ਬੀਟਾ ਪ੍ਰੋਗ੍ਰਾਮ ਸ਼ੁਰੂ ਕੀਤਾ ਹੈ, ਜਿਸ ਵਿੱਚ ਕੁਝ ਆਈਫੋਨ ਯੂਜ਼ਰਜ਼ ਨੂੰ ਸਟਾਰਲਿੰਕ ਇੰਟੀਗ੍ਰੇਸ਼ਨ ਦਾ ਟੈਸਟ ਕਰਨ ਲਈ ਬੁਲਾਇਆ ਗਿਆ ਹੈ। ਯੂਜ਼ਰਜ਼ ਨੂੰ ਇੱਕ ਮੈਸੇਜ ਮਿਲਿਆ ਜਿਸ ਵਿੱਚ ਕਿਹਾ ਗਿਆ "ਤੁਸੀਂ ਟੀ-ਮੋਬਾਈਲ ਸਟਾਰਲਿੰਕ ਬੀਟਾ ਵਿੱਚ ਹੋ। ਹੁਣ ਤੁਸੀਂ ਵਰਚੁਅਲੀ ਕਿਤੇ ਵੀ ਸੈਟੇਲਾਈਟ ਰਾਹੀਂ ਟੈਕਸਟਿੰਗ ਨਾਲ ਜੁੜੇ ਰਹਿਣਗੇ।" ਬੀਟਾ ਹਾਲ ਵਿੱਚ ਆਈਫੋਨ 14 ਅਤੇ ਉਸ ਤੋਂ ਬਾਅਦ ਦੇ ਮਾਡਲਜ਼ ਨੂੰ ਸਪੋਰਟ ਕਰਦਾ ਹੈ। ਜਲਦੀ ਹੀ ਇਸਨੂੰ ਹੋਰ ਮਾਡਲਜ਼ 'ਤੇ ਵੀ ਲਾਗੂ ਕਰਨ ਦੀ ਯੋਜਨਾ ਹੈ।
ਐਲਨ ਮਸਕ ਨੇ ਸੋਸ਼ਲ ਮੀਡੀਆ 'ਤੇ ਇਸ ਖ਼ਬਰ 'ਤੇ ਪ੍ਰਤਿਕਿਰਿਆ ਦਿੰਦਿਆਂ ਕਿਹਾ ਕਿ ਮੌਜੂਦਾ ਸਟਾਰਲਿੰਕ ਟੈਕਨੋਲੋਜੀ ਇਮੇਜ, ਮਿਊਜ਼ਿਕ ਅਤੇ ਪੌਡਕਾਸਟ ਨੂੰ ਸਪੋਰਟ ਕਰਦੀ ਹੈ। ਭਵਿੱਖ ਵਿੱਚ ਆਉਣ ਵਾਲੇ ਅਪਡੇਟ ਵਿੱਚ ਇਸ ਵਿੱਚ ਵੀਡੀਓ ਸਪੋਰਟ ਸ਼ਾਮਲ ਕਰਨ ਦੀ ਉਮੀਦ ਕੀਤੀ ਜਾ ਰਹੀ ਹੈ। ਇਹ ਭਾਈਚਾਰਾ ਕਨੈਕਟਿਵਿਟੀ ਨੂੰ ਵਧਾਉਣ ਅਤੇ ਆਪਣੇ ਯੂਜ਼ਰਜ਼ ਲਈ ਇਨੋਵੇਟਿਵ ਹੱਲ ਪ੍ਰਦਾਨ ਕਰਨ ਲਈ ਐਪਲ ਦੀ ਪ੍ਰਤਿਬੱਧਤਾ ਨੂੰ ਦਰਸਾਉਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
