BSNL 5G ਸਰਵਿਸ ਸ਼ੁਰੂ ਹੋਣ 'ਤੇ ਆਇਆ ਵੱਡਾ ਅਪਡੇਟ, ਲਾਂਚ ਡੇਟ ਨੂੰ ਲੈਕੇ ਹੋਇਆ ਵੱਡਾ ਖੁਲਾਸਾ!
BSNL 5G: ਦ ਹਿੰਦੂ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, BSNL ਸੰਕ੍ਰਾਂਤੀ 2025 ਤੱਕ ਆਪਣੀਆਂ 5ਜੀ ਸੇਵਾਵਾਂ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਫਿਲਹਾਲ ਕੰਪਨੀ ਕੁਝ ਬੇਸਿਕ ਚੀਜ਼ਾਂ 'ਤੇ ਕੰਮ ਕਰ ਰਹੀ ਹੈ।
BSNL 5G Service: ਜਿਓ, ਏਅਰਟੈੱਲ ਅਤੇ ਵੋਡਾਫੋਨ-ਆਈਡੀਆ ਤੋਂ ਬਾਅਦ ਹੁਣ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਦੀ 4G ਅਤੇ 5G ਸੇਵਾ ਦਾ ਇੰਤਜ਼ਾਰ ਜਲਦ ਖਤਮ ਹੋਣ ਜਾ ਰਿਹਾ ਹੈ। BSNL ਨੇ ਅਧਿਕਾਰਤ ਤੌਰ 'ਤੇ ਆਪਣੀ 5G ਸੇਵਾਵਾਂ ਦੇ ਰੋਲਆਊਟ ਦੀ ਪੁਸ਼ਟੀ ਕੀਤੀ ਹੈ। ਕੇਂਦਰੀ ਸੰਚਾਰ ਮੰਤਰੀ ਜੋਤੀਰਾਦਿੱਤਿਆ ਸਿੰਧੀਆ ਦੇ ਅਨੁਸਾਰ, BSNL ਦਾ 5G ਰੋਲਆਊਟ ਸ਼ਾਇਦ 2025 ਵਿੱਚ ਸ਼ੁਰੂ ਹੋਵੇਗਾ। ਜੋਤੀਰਾਦਿੱਤਿਆ ਸਿੰਧੀਆ ਨੇ ਕਿਹਾ ਕਿ BSNL ਨੇ 3.6 GHz ਅਤੇ 700 MHz ਫ੍ਰੀਕੁਐਂਸੀ ਬੈਂਡਾਂ 'ਤੇ ਆਪਣੇ 5G ਰੇਡੀਓ ਐਕਸੈਸ ਨੈੱਟਵਰਕ (RAN) ਅਤੇ ਕੋਰ ਨੈੱਟਵਰਕ ਦੀ ਸਫਲਤਾਪੂਰਵਕ ਜਾਂਚ ਪੂਰੀ ਕਰ ਲਈ ਹੈ। ਭਾਰਤ ਵਿੱਚ ਜਲਦੀ ਹੀ 5ਜੀ ਸੇਵਾਵਾਂ ਸ਼ੁਰੂ ਹੋਣਗੀਆਂ।
ਕਦੋਂ ਸ਼ੁਰੂ ਹੋਵੇਗੀ BSNL 5G ਸਰਵਿਸ?
'ਦਿ ਹਿੰਦੂ' ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਬੀਐਸਐਨਐਲ ਦੇ ਆਂਧਰਾ ਪ੍ਰਦੇਸ਼ ਦੇ ਪ੍ਰਿੰਸੀਪਲ ਜਨਰਲ ਮੈਨੇਜਰ ਐਲ. ਸ਼੍ਰੀਨੂ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਐਲਾਨ ਕੀਤਾ ਕਿ ਬੀਐਸਐਨਐਲ ਸੰਕ੍ਰਾਂਤੀ 2025 ਤੱਕ ਆਪਣੀਆਂ 5ਜੀ ਸੇਵਾਵਾਂ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਫਿਲਹਾਲ ਕੰਪਨੀ ਕੁਝ ਬੁਨਿਆਦੀ ਚੀਜ਼ਾਂ 'ਤੇ ਕੰਮ ਕਰ ਰਹੀ ਹੈ। ਜਿਵੇਂ ਕਿ ਟਾਵਰਾਂ ਅਤੇ ਹੋਰ ਜ਼ਰੂਰੀ ਉਪਕਰਨਾਂ ਨੂੰ ਅਪਗ੍ਰੇਡ ਕਰਨਾ, ਤਾਂ ਜੋ ਜਲਦੀ ਤੋਂ ਜਲਦੀ 5ਜੀ ਦਾ ਰੋਲ ਆਊਟ ਕੀਤਾ ਜਾ ਸਕੇ।
BSNL ਦਾ ਮਿਸ਼ਨ 2025
ਫਿਲਹਾਲ, BSNL ਦੇਸ਼ ਭਰ ਵਿੱਚ 4G ਸਾਈਟਾਂ ਨੂੰ ਇੰਸਟਾਲ ਕਰ ਰਿਹਾ ਹੈ, ਜੋ ਕਿ ਸਾਲ 2025 ਤੱਕ 5G ਵਿੱਚ ਅਪਗ੍ਰੇਡ ਕੀਤਾ ਜਾਵੇਗਾ। BSNL ਦਾ ਟੀਚਾ 2025 ਦੇ ਮੱਧ ਤੱਕ 100,000 ਸਾਈਟਾਂ ਨੂੰ ਸਥਾਪਿਤ ਕਰਨ ਦਾ ਹੈ। ਇਸ ਵਿੱਚ ਹੁਣ ਤੱਕ 39,000 ਸਾਈਟਾਂ ਸਥਾਪਿਤ ਕੀਤੀਆਂ ਜਾ ਚੁੱਕੀਆਂ ਹਨ। BSNL ਸਵਦੇਸ਼ੀ 4G ਅਤੇ 5G ਦੋਵਾਂ ਨੂੰ ਲਾਗੂ ਕਰਨ ਵਾਲਾ ਦੇਸ਼ ਦਾ ਪਹਿਲਾ ਆਪਰੇਟਰ ਹੋਵੇਗਾ। BSNL ਦੀ ਇਹ ਸੇਵਾ ਫਿਲਹਾਲ ਟੈਸਟਿੰਗ ਦੌਰ 'ਚੋਂ ਗੁਜ਼ਰ ਰਹੀ ਹੈ।
700 MHz ਪ੍ਰੀਮੀਅਮ ਬੈਂਡ ਦਾ ਮਹੱਤਵ
ਰਿਲਾਇੰਸ ਜੀਓ ਦੇ ਨਾਲ BSNL ਇਕਲੌਤੀ ਦੂਰਸੰਚਾਰ ਕੰਪਨੀ ਹੈ ਜਿਸ ਕੋਲ 700 MHz ਪ੍ਰੀਮੀਅਮ ਬੈਂਡ ਦਾ ਐਕਸੈਸ ਪਹੁੰਚ ਹੈ। ਇਹ ਬੈਂਡ ਬਿਹਤਰ ਕਵਰੇਜ ਪ੍ਰਦਾਨ ਕਰਦਾ ਹੈ, ਜਦੋਂ ਕਿ ਏਅਰਟੈੱਲ ਅਤੇ Vodafone Idea ਨੇ ਉੱਚ ਕੀਮਤ ਦੇ ਕਾਰਨ ਇਸਨੂੰ ਅਪਣਾਉਣ ਦਾ ਫੈਸਲਾ ਨਹੀਂ ਕੀਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
