(Source: ECI/ABP News)
LinkedIn 'ਤੇ ਹੋ ਜਾਓ ਸਾਵਧਾਨ! ਆਹ ਗਲਤੀ ਕਰ ਲਈ ਤਾਂ ਅਕਾਊਂਟ ਹੋ ਜਾਵੇਗਾ ਖਾਲੀ
ਜੇਕਰ ਤੁਸੀਂ ਲਿੰਕਡਇਨ 'ਤੇ ਨੌਕਰੀ ਲੱਭ ਰਹੇ ਹੋ ਤਾਂ ਤੁਹਾਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ। ਦਰਅਸਲ, ਹੈਕਰ ਨੌਕਰੀ ਲੱਭਣ ਵਾਲਿਆਂ ਨੂੰ ਆਪਣੇ ਝਾਂਸੇ ਵਿੱਚ ਫਸਾ ਕੇ ਲੁੱਟ ਰਹੇ ਹਨ।
Cyber Crime: ਲੋਕ ਅਕਸਰ ਪ੍ਰੋਫੈਸ਼ਨਲ ਨੈੱਟਵਰਕਿੰਗ ਅਤੇ ਨੌਕਰੀ ਦੀ ਭਾਲ ਲਈ LinkedIn 'ਤੇ ਆਉਂਦੇ ਹਨ। ਹੁਣ ਹੈਕਰਸ ਦੇ ਇੱਕ ਸਮੂਹ ਦੀ ਨਜ਼ਰ ਇਨ੍ਹਾਂ ਲੋਕਾਂ 'ਤੇ ਹੈ। ਦਰਅਸਲ, ਇਨ੍ਹੀਂ ਦਿਨੀਂ ਹੈਕਰਸ ਲਿੰਕਡਇਨ ਅਤੇ ਹੋਰ ਪਲੇਟਫਾਰਮਾਂ 'ਤੇ ਘਪਲਾ ਕਰ ਰਹੇ ਹਨ। ਇਸ ਵਿੱਚ ਨੌਕਰੀ ਲੱਭਣ ਵਾਲਿਆਂ ਦੀ ਨਿੱਜੀ ਜਾਣਕਾਰੀ ਚੋਰੀ ਕਰਕੇ ਉਨ੍ਹਾਂ ਨੂੰ ਧੋਖਾ ਦੇਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇਹ ਹੈਕਰ Web3 ਅਤੇ ਕ੍ਰਿਪਟੋਕਰੰਸੀ ਨਾਲ ਸਬੰਧਤ ਨੌਕਰੀਆਂ ਦੀ ਭਾਲ ਕਰ ਰਹੇ ਲੋਕਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ।
ਲੋਕਾਂ ਨੂੰ ਇਦਾਂ ਫਸਾਉਂਦੇ ਹੈਕਰਸ
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਰੂਸ ਦਾ Crazy Evil ਨਾਮ ਦਾ ਇੱਕ ਸਾਈਬਰ ਅਪਰਾਧ ਸਮੂਹ ਇਸ ਘੁਟਾਲੇ ਨੂੰ ਅੰਜਾਮ ਦੇ ਰਿਹਾ ਹੈ। ਇਸ ਸਮੂਹ ਨਾਲ ਜੁੜੇ ਹੈਕਰ ਲਿੰਕਡਇਨ 'ਤੇ ਜਾਅਲੀ ਨੌਕਰੀ ਦੀਆਂ ਪੋਸਟਾਂ ਅਪਲੋਡ ਕਰ ਰਹੇ ਹਨ। ਜਦੋਂ ਕੋਈ ਦਿਲਚਸਪੀ ਰੱਖਣ ਵਾਲਾ ਵਿਅਕਤੀ ਨੌਕਰੀ ਦੀ ਭਾਲ ਵਿੱਚ ਉਨ੍ਹਾਂ ਨਾਲ ਸੰਪਰਕ ਕਰਦਾ ਹੈ, ਤਾਂ ਉਹ ਉਸ ਨੂੰ ਇੰਟਰਵਿਊ ਲਈ GrassCall ਨਾਮਕ ਇੱਕ ਵੀਡੀਓ ਐਪ ਡਾਊਨਲੋਡ ਕਰਨ ਲਈ ਕਹਿੰਦੇ ਹਨ। ਜੇਕਰ ਕੋਈ ਇਸ ਐਪ ਨੂੰ ਡਾਊਨਲੋਡ ਕਰਦਾ ਹੈ, ਤਾਂ ਹੈਕਰ ਇਸ ਦੀ ਵਰਤੋਂ ਉਸ ਦੇ ਬੈਂਕ ਵੇਰਵੇ ਅਤੇ ਹੋਰ ਸੰਵੇਦਨਸ਼ੀਲ ਜਾਣਕਾਰੀ ਚੋਰੀ ਕਰਨ ਲਈ ਕਰਦੇ ਹਨ। ਫਿਰ ਇਸ ਨੂੰ ਖਾਤੇ ਵਿੱਚੋਂ ਪੈਸੇ ਚੋਰੀ ਕਰਨ ਲਈ ਵਰਤਿਆ ਜਾਂਦਾ ਹੈ।
ਹੈਕਰਸ ਨੇ ਕਮਾ ਲਈ ਬਹੁਤ ਵੱਡੀ ਰਕਮ
ਬਹੁਤ ਸਾਰੇ ਲੋਕ ਇਸ ਘੁਟਾਲੇ ਦਾ ਸ਼ਿਕਾਰ ਹੋਏ ਹਨ ਅਤੇ ਆਪਣੀ ਮਿਹਨਤ ਦੀ ਕਮਾਈ ਗੁਆ ਚੁੱਕੇ ਹਨ। ਇਸ ਘੁਟਾਲੇ ਬਾਰੇ ਜਾਣਕਾਰੀ ਦੇਣ ਵਾਲੇ ਸਾਈਬਰ ਸੁਰੱਖਿਆ ਖੋਜਕਰਤਾ ਦੇ ਅਨੁਸਾਰ, ਇਨ੍ਹਾਂ ਘੁਟਾਲੇਬਾਜ਼ਾਂ ਦੇ ਭੁਗਤਾਨ ਵੇਰਵਿਆਂ ਤੋਂ ਪਤਾ ਚੱਲਦਾ ਹੈ ਕਿ ਉਨ੍ਹਾਂ ਨੇ ਲੋਕਾਂ ਨਾਲ ਵੱਡੀ ਰਕਮ ਦੀ ਧੋਖਾਧੜੀ ਕੀਤੀ ਹੈ। ਉਨ੍ਹਾਂ ਚੇਤਾਵਨੀ ਦਿੱਤੀ ਹੈ ਕਿ ਭਵਿੱਖ ਵਿੱਚ ਵੀ ਅਜਿਹੇ ਘੁਟਾਲੇ ਹੋ ਸਕਦੇ ਹਨ।
ਸਕੈਮ ਤੋਂ ਇਦਾਂ ਬਚੋ
ਸਬੰਧਤ ਕੰਪਨੀ ਤੋਂ ਕਿਸੇ ਵੀ ਪਲੇਟਫਾਰਮ 'ਤੇ ਨੌਕਰੀ ਦੀ ਸੂਚੀ ਦੀ ਪੁਸ਼ਟੀ ਕਰਨਾ ਯਕੀਨੀ ਬਣਾਓ।
ਜੇਕਰ ਕੋਈ ਅਣਜਾਣ ਜਾਂ ਸ਼ੱਕੀ ਵਿਅਕਤੀ ਸੁਨੇਹੇ ਜਾਂ ਈਮੇਲ ਵਿੱਚ ਕੋਈ ਲਿੰਕ ਭੇਜਦਾ ਹੈ, ਤਾਂ ਉਸ ਨੂੰ ਨਾ ਖੋਲ੍ਹੋ।
ਐਪਸ ਹਮੇਸ਼ਾ ਕਿਸੇ ਭਰੋਸੇਯੋਗ ਸਰੋਤ ਤੋਂ ਡਾਊਨਲੋਡ ਕਰੋ। ਕਿਸੇ ਅਣਜਾਣ ਵਿਅਕਤੀ ਦੁਆਰਾ ਭੇਜੇ ਗਏ ਕਿਸੇ ਵੀ ਲਿੰਕ ਤੋਂ ਕੋਈ ਵੀ ਫਾਈਲ ਜਾਂ ਐਪ ਡਾਊਨਲੋਡ ਨਾ ਕਰੋ।
ਕਿਸੇ ਵੀ ਅਣਜਾਣ ਵਿਅਕਤੀ ਨਾਲ ਬੈਂਕ ਖਾਤਾ ਅਤੇ OTP ਸਮੇਤ ਕੋਈ ਵੀ ਨਿੱਜੀ ਜਾਣਕਾਰੀ ਸਾਂਝੀ ਨਾ ਕਰੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
