JioPhone ਨੈਕਸਟ ਬੁਕਿੰਗ: ਇੰਤਜ਼ਾਰ ਖ਼ਤਮ, JioPhone Next ਦੀ ਸੇਲ ਸ਼ੁਰੂ, ਇਸ ਤਰ੍ਹਾਂ ਕਰੋ ਬੁਕਿੰਗ

JioPhone Next: JioPhone Next ਦਾ ਲੰਬਾ ਇੰਤਜ਼ਾਰ ਖ਼ਤਮ ਹੋ ਰਿਹਾ ਹੈ। ਲਾਂਚ ਹੋਣ ਤੋਂ ਬਾਅਦ ਇਸ ਫੋਨ ਦੀ ਸੇਲ ਸ਼ੁਰੂ ਹੋ ਰਹੀ ਹੈ। ਆਓ ਜਾਣਦੇ ਹਾਂ ਇਸਦੀ ਖਾਸੀਅਤ ਬਾਰੇ ਅਤੇ ਤੁਸੀਂ ਇਸਨੂੰ ਕਿਵੇਂ ਬੁੱਕ ਕਰ ਸਕਦੇ ਹੋ।

ਸੰਕੇਤਕ ਤਸਵੀਰ

JioPhone Next: JioPhone Next ਦਾ ਲੰਬਾ ਇੰਤਜ਼ਾਰ ਖ਼ਤਮ ਹੋ ਰਿਹਾ ਹੈ। ਲਾਂਚ ਹੋਣ ਤੋਂ ਬਾਅਦ ਇਸ ਫੋਨ ਦੀ ਸੇਲ ਸ਼ੁਰੂ ਹੋ ਰਹੀ ਹੈ।ਜੀਓ ਨੇ ਇਹ ਫੋਨ ਗੂਗਲ ਦੇ ਨਾਲ ਮਿਲ ਕੇ ਬਣਾਇਆ ਹੈ। ਘੱਟ ਕੀਮਤ 'ਚ ਜ਼ਿਆਦਾ ਫੀਚਰਸ ਕਾਰਨ ਇਹ ਸਮਾਰਟਫੋਨ ਲਗਾਤਾਰ ਸੁਰਖੀਆਂ 'ਚ ਬਣਿਆ ਹੋਇਆ ਹੈ। ਆਓ ਜਾਣਦੇ ਹਾਂ ਇਸ ਫੋਨ ਦੀ ਖਾਸੀਅਤ ਬਾਰੇ ਅਤੇ ਤੁਸੀਂ ਇਸ ਨੂੰ ਕਿਵੇਂ ਬੁੱਕ ਕਰ ਸਕਦੇ ਹੋ।

ਕੰਪਨੀ ਨੇ ਦਿੱਤਾ ਹੈ Easy EMI ਦਾ ਵੀ ਆਪਸ਼ਨ

ਜੀਓ ਨੇ ਇਸ ਫੋਨ ਦਾ ਧਿਆਨ ਰੱਖਿਆ ਹੈ, ਤਾਂ ਜੋ ਹਰ ਕੋਈ ਇਸ ਫੋਨ ਨੂੰ ਖਰੀਦ ਸਕੇ ਅਤੇ ਇਸ ਨੂੰ ਲੈਂਦੇ ਸਮੇਂ ਪੈਸੇ ਦੀ ਸਮੱਸਿਆ ਨਾ ਆਵੇ।ਜੇਕਰ ਤੁਹਾਡੇ ਕੋਲ 6400 ਰੁਪਏ ਇਕੱਠੇ ਨਹੀਂ ਹਨ ਅਤੇ ਤੁਸੀਂ ਕ੍ਰੈਡਿਟ ਕਾਰਡ ਵੀ ਨਹੀਂ ਵਰਤਦੇ ਹੋ, ਤਾਂ ਵੀ ਤੁਸੀਂ JioPhone Next ਖਰੀਦ ਸਕਦੇ ਹੋ।

ਦਰਅਸਲ, ਕੰਪਨੀ ਨੇ ਇਸ ਦੇ ਲਈ ਆਸਾਨ EMI ਦਾ ਵਿਕਲਪ ਦਿੱਤਾ ਹੈ।ਇਸ ਤਹਿਤ 1999 ਰੁਪਏ ਦੀ ਡਾਊਨ ਪੇਮੈਂਟ ਕਰਕੇ ਵੀ ਇਸ ਨੂੰ ਖਰੀਦਿਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਤੁਸੀਂ ਬਾਕੀ ਦੀ ਰਕਮ EMI ਵਿੱਚ ਅਦਾ ਕਰ ਸਕਦੇ ਹੋ। ਤੁਹਾਨੂੰ EMI ਲਈ 18 ਅਤੇ 24 ਮਹੀਨਿਆਂ ਦਾ ਵਿਕਲਪ ਮਿਲੇਗਾ। 18 ਮਹੀਨਿਆਂ ਦੀ ਯੋਜਨਾ ਵਿੱਚ 250 ਰੁਪਏ ਦੀ EMI ਕੀਤੀ ਜਾਵੇਗੀ, ਜਦੋਂ ਕਿ 24 ਮਹੀਨਿਆਂ ਦੀ ਯੋਜਨਾ ਵਿੱਚ 300 ਰੁਪਏ ਦੀ EMI ਦਾ ਭੁਗਤਾਨ ਕੀਤਾ ਜਾਵੇਗਾ।

ਇਸ ਤਰ੍ਹਾਂ ਕਰ ਸਕਦੇ ਹੋ ਬੁਕਿੰਗ

ਤੁਸੀਂ ਇਸ ਫੋਨ ਨੂੰ ਜੀਓ ਮਾਰਟ ਡਿਜੀਟਲ ਸਟੋਰ 'ਤੇ ਜਾ ਕੇ ਖਰੀਦ ਸਕਦੇ ਹੋ। ਇਸ ਤੋਂ ਇਲਾਵਾ ਤੁਸੀਂ Jio ਦੀ ਵੈੱਬਸਾਈਟ 'ਤੇ ਵੀ ਆਨਲਾਈਨ ਬੁੱਕ ਕਰ ਸਕਦੇ ਹੋ।ਆਨਲਾਈਨ ਬੁਕਿੰਗ ਦਾ ਤਰੀਕਾ ਕੁਝ ਇਸ ਤਰ੍ਹਾਂ ਹੋਵੇਗਾ।

ਪਹਿਲਾਂ jio.com/next 'ਤੇ ਜਾਓ। ਇੱਥੇ ਤੁਹਾਨੂੰ I am Interested ਵਿਕਲਪ 'ਤੇ ਕਲਿੱਕ ਕਰਨਾ ਹੋਵੇਗਾ।

ਹੁਣ ਆਪਣਾ ਮੋਬਾਈਲ ਨੰਬਰ ਅਤੇ ਨਾਂਅ ਦਰਜ ਕਰੋ, ਫਿਰ ਜਨਰੇਟ ਓਟੀਪੀ 'ਤੇ ਕਲਿੱਕ ਕਰੋ। OTP ਭਰ ਕੇ ਵੈਰੀਫਿਕੇਸ਼ਨ ਪੂਰਾ ਕਰੋ।

ਅਗਲੇ ਪੜਾਅ ਵਿੱਚ ਆਪਣਾ ਪਤਾ, ਪਿੰਨ ਕੋਡ ਆਦਿ ਦਰਜ ਕਰੋ।

ਦੂਜੇ ਪਾਸੇ, ਜੇਕਰ ਤੁਸੀਂ ਇਸ ਨੂੰ ਵ੍ਹੱਟਸਐਪ ਰਾਹੀਂ ਬੁੱਕ ਕਰਨਾ ਚਾਹੁੰਦੇ ਹੋ, ਤਾਂ 7018270182 ਨੰਬਰ 'ਤੇ HI ਭੇਜੋ।ਇਸ ਤੋਂ ਬਾਅਦ ਇਸ ਫੋਨ ਬਾਰੇ ਆਪਣੀ ਦਿਲਚਸਪੀ ਦਰਜ ਕਰੋ। ਜਦੋਂ ਤੁਸੀਂ ਕੰਪਨੀ ਤੋਂ ਕੰਫਰਮੈਸ਼ਨ ਹਾਸਲ ਕਰਦੇ ਹੋ, ਤਾਂ ਨਜ਼ਦੀਕੀ ਜਿਓਮਾਰਟ ਰਿਟੇਲਰ ਕੋਲ ਜਾਓ ਅਤੇ ਆਪਣਾ ਫੋਨ ਰਿਸੀਵ ਕਰੋ।

ਫੀਚਰਸ ਵੀ ਹਨ ਖਾਸ

ਇਹ ਫੋਨ Pragati OS 'ਤੇ ਕੰਮ ਕਰਦਾ ਹੈ। ਇਸ ਵਿੱਚ 5.45-ਇੰਚ ਦੀ HD+ (720x1440 ਪਿਕਸਲ) ਡਿਸਪਲੇ ਹੈ।ਫੋਨ 'ਚ 3 ਪ੍ਰੋਟੈਕਸ਼ਨ ਦੇ ਨਾਲ ਕਾਰਨਿੰਗ ਗੋਰਿਲਾ ਗਲਾਸ ਹੈ। ਫ਼ੋਨ 1.3 GHz Qualcomm Snapdragon 215 ਪ੍ਰੋਸੈਸਰ ਨਾਲ ਆਉਂਦਾ ਹੈ। ਫੋਨ ਵਿੱਚ 2 ਜੀਬੀ ਅਤੇ ਜੀਬੀ ਸਟੋਰੇਜ ਸਮਰੱਥਾ ਹੈ, ਜਿਸ ਨੂੰ 512 ਜੀਬੀ ਤੱਕ ਵਧਾਇਆ ਜਾ ਸਕਦਾ ਹੈ। ਕੈਮਰੇ ਦੀ ਗੱਲ ਕਰੀਏ ਤਾਂ ਫੋਨ 'ਚ 13 ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਅਤੇ 8 ਮੈਗਾਪਿਕਸਲ ਦਾ ਸੈਲਫੀ ਕੈਮਰਾ ਹੈ। ਫੋਨ ਦੀ ਬੈਟਰੀ 3500 mAh ਹੈ।

ਇਸ ਦੇ ਨਾਲ ਹੀ ਫੋਨ 'ਚ ਡਿਊਲ ਸਿਮ ਲਗਾਇਆ ਜਾ ਸਕਦਾ ਹੈ। ਇਸ 'ਚ ਵਾਇਸ ਅਸਿਸਟੈਂਟ 'ਤੇ ਵੀ ਕਾਫੀ ਕੰਮ ਕੀਤਾ ਗਿਆ ਹੈ।ਤੁਸੀਂ ਓਪਨ ਐਪ ਅਤੇ ਮੈਨੇਜ ਸੈਟਿੰਗਾਂ ਵਰਗੀਆਂ ਕਮਾਂਡਾਂ ਬੋਲ ਕੇ ਵੀ ਸਮਾਰਟਫੋਨ ਨੂੰ ਓਪਰੇਟ ਕਰ ਸਕਦੇ ਹੋ। ਸਭ ਤੋਂ ਖਾਸ ਵਿਸ਼ੇਸ਼ਤਾ ਇਸਦੀ Read Aloud ਹੈ। ਇਹ ਉਪਭੋਗਤਾਵਾਂ ਨੂੰ ਆਨ-ਸਕ੍ਰੀਨ ਸਮੱਗਰੀ ਨੂੰ ਪੜ੍ਹ ਕੇ ਦੱਸੇਗਾ। ਇਹ ਉਪਭੋਗਤਾ ਵਲੋਂ ਸਮਝੀ ਭਾਸ਼ਾ ਵਿੱਚ ਸਮੱਗਰੀ ਨੂੰ ਪੜ੍ਹੇਗਾ। ਇਸ ਵਿੱਚ ਟ੍ਰਾਂਸਲੇਸ਼ਨ ਦਾ ਆਪਸ਼ਨ ਵੀ ਹੈ। ਫੋਨ ਦੀ ਕੀਮਤ 6500 ਰੁਪਏ ਰੱਖੀ ਗਈ ਹੈ।