Chips in Humans: ਜਦੋਂ ਸਿਰਫ਼ ਸੋਚਣ ਨਾਲ ਚੱਲਣਗੇ ਮੋਬਾਈਲ ਤੇ ਕੰਪਿਊਟਰ, ਐਲਨ ਮਸਕ ਦਾ ਦਾਅਵਾ, ਸਾਲ 2022 'ਚ ਮਨੁੱਖਾਂ 'ਚ ਲਾਈ ਜਾਵੇਗੀ ਚਿੱਪ
ਲਾਈਵ-ਸਟ੍ਰੀਮ ਇੰਟਰਵਿਊ ਦੌਰਾਨ ਐਲਨ ਮਸਕ ਨਾਲ ਸਾਲ 2022 ਲਈ ਕੰਪਨੀ ਦੀਆਂ ਯੋਜਨਾਵਾਂ ਬਾਰੇ ਗੱਲ ਕੀਤੀ ਗਈ। ਇਸ ਦੌਰਾਨ ਐਲਨ ਮਸਕ ਨੇ ਦੱਸਿਆ ਕਿ ਇਕ ਸਾਲ ਤੋਂ ਵੀ ਘੱਟ ਸਮੇਂ 'ਚ ਮਨੁੱਖੀ ਦਿਮਾਗ 'ਚ ਚਿੱਪ ਲਗਾਉਣ ਲਈ ਤਿਆਰ ਹੋ ਜਾਵੇਗੀ।
ਨਵੀਂ ਦਿੱਲੀ: ਕਲਪਨਾ ਕਰੋ ਕਿ ਜੇਕਰ ਤੁਹਾਨੂੰ ਫਲਾਈਟ ਫੜਨ ਲਈ ਸਵੇਰੇ 4 ਵਜੇ ਉੱਠਣਾ ਪਿਆ। ਤੁਸੀਂ ਅਲਾਰਮ ਲਾਉਣਾ ਭੁੱਲ ਗਏ ਪਰ ਠੀਕ 4 ਵਜੇ ਤੁਹਾਡੇ ਮੋਬਾਈਲ ਦਾ ਅਲਾਰਮ ਆਪਣੇ ਆਪ ਵੱਜਣਾ ਸ਼ੁਰੂ ਹੋ ਗਿਆ ਤੇ ਤੁਸੀਂ ਉੱਠ ਗਏ। ਜਾਂ ਤੁਹਾਨੂੰ ਬੌਸ ਨੂੰ ਕੋਈ ਮੇਲ ਭੇਜਣੀ ਹੈ, ਪਰ ਹੁਣ ਤੁਸੀਂ ਗੱਡੀ ਚਲਾ ਰਹੇ ਹੋ। ਮੇਲ ਤੁਹਾਡੇ ਬੌਸ ਤੱਕ ਸਮੇਂ ਸਿਰ ਪਹੁੰਚ ਜਾਵੇ, ਭਾਵੇਂ ਤੁਸੀਂ ਗੱਡੀ ਚਲਾਉਂਦੇ ਹੋ। ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਕਿਵੇਂ ਸੰਭਵ ਹੈ? ਜੋ ਕੁਝ ਤੁਹਾਡੇ ਮਨ 'ਚ ਆ ਰਿਹਾ ਹੈ, ਉਹ ਆਪਣੇ ਆਪ ਹੀ ਹੋ ਰਿਹਾ ਹੈ। ਅਸੀਂ ਤੁਹਾਡੇ ਨਾਲ ਕਾਲਪਨਿਕ ਗੱਲ ਨਹੀਂ ਕਰ ਰਹੇ, ਸਗੋਂ ਅਗਲੇ ਕੁਝ ਸਾਲਾਂ 'ਚ ਹੋਣ ਵਾਲੀ ਤਬਦੀਲੀ ਦੀ ਝਲਕ ਦਿਖਾ ਰਹੇ ਹਾਂ।
ਦਰਅਸਲ, ਜਿਸ ਨਵੀਂ ਤਕਨੀਕ ਦੀ ਅਸੀਂ ਗੱਲ ਕਰ ਰਹੇ ਹਾਂ, ਉਸ 'ਚ ਤੁਹਾਡਾ ਦਿਮਾਗ ਤੇ ਇਸ ਚਚ ਮੌਜੂਦ ਇਕ ਚਿੱਪ ਇਕ-ਦੂਜੇ ਨਾਲ ਸਿੱਧੇ ਜੁੜ ਜਾਣਗੇ ਤੇ ਬਿਨਾਂ ਕਿਸੇ ਹੁਕਮ ਦੇ ਸੋਚੇ-ਸਮਝੇ ਕੰਮ ਕਰਨਾ ਸ਼ੁਰੂ ਕਰ ਦੇਣਗੇ। ਐਲਨ ਮਸਕ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੀ ਕੰਪਨੀ ਨਿਊਰਾਲਿੰਕ ਇਕ ਸਾਲ ਤੋਂ ਵੀ ਘੱਟ ਸਮੇਂ 'ਚ ਮਨੁੱਖੀ ਦਿਮਾਗ 'ਚ ਇਸ ਚਿੱਪ ਨੂੰ ਲਗਾਉਣ ਲਈ ਤਿਆਰ ਹੈ। ਦੱਸ ਦੇਈਏ ਕਿ ਨਿਊਰਾਲਿੰਕ ਨੇ ਅਜਿਹਾ ਨਿਊਰਲ ਇਮਪਲਾਂਟ ਵਿਕਸਿਤ ਕੀਤਾ ਹੈ ਜੋ ਦਿਮਾਗ ਦੇ ਅੰਦਰ ਚੱਲ ਰਹੀ ਗਤੀਵਿਧੀ ਨੂੰ ਬਿਨਾਂ ਕਿਸੇ ਬਾਹਰੀ ਹਾਰਡਵੇਅਰ ਦੇ ਵਾਇਰਲੈੱਸ ਤਰੀਕੇ ਨਾਲ ਸੰਚਾਰਿਤ ਕਰ ਸਕਦਾ ਹੈ।
ਸੋਮਵਾਰ ਨੂੰ ਵਾਲ ਸਟਰੀਟ ਜਰਨਲ ਦੇ ਸੀਈਓ ਕਾਊਂਸਿਲ ਸੰਮੇਲਨ ਦੇ ਨਾਲ ਲਾਈਵ-ਸਟ੍ਰੀਮ ਇੰਟਰਵਿਊ ਦੌਰਾਨ ਐਲਨ ਮਸਕ ਨਾਲ ਸਾਲ 2022 ਲਈ ਕੰਪਨੀ ਦੀਆਂ ਯੋਜਨਾਵਾਂ ਬਾਰੇ ਗੱਲ ਕੀਤੀ ਗਈ। ਇਸ ਦੌਰਾਨ ਐਲਨ ਮਸਕ ਨੇ ਦੱਸਿਆ ਕਿ ਉਨ੍ਹਾਂ ਦੀ ਕੰਪਨੀ ਇਕ ਸਾਲ ਤੋਂ ਵੀ ਘੱਟ ਸਮੇਂ 'ਚ ਮਨੁੱਖੀ ਦਿਮਾਗ 'ਚ ਚਿੱਪ ਲਗਾਉਣ ਲਈ ਤਿਆਰ ਹੋ ਜਾਵੇਗੀ। ਮਸਕ ਨੇ ਕਿਹਾ ਕਿ ਨਿਊਰਾਲਿੰਕ ਬਾਂਦਰਾਂ 'ਚ ਚੰਗੀ ਤਰ੍ਹਾਂ ਕੰਮ ਕਰ ਰਿਹਾ ਹੈ ਤੇ ਅਸੀਂ ਇਸ ਨਾਲ ਜੁੜੇ ਕਈ ਟੈਸਟ ਕਰ ਰਹੇ ਹਾਂ। ਬਾਂਦਰਾਂ 'ਤੇ ਕੀਤੇ ਜਾ ਰਹੇ ਟੈਸਟਾਂ ਨੂੰ ਦੇਖਣ ਤੋਂ ਬਾਅਦ ਇਸ ਗੱਲ ਦਾ ਦਾਅਵਾ ਹੈ ਕਿ ਇਹ ਬਹੁਤ ਸੁਰੱਖਿਅਤ ਅਤੇ ਭਰੋਸੇਮੰਦ ਹੈ।
ਉਨ੍ਹਾਂ ਕਿਹਾ ਕਿ ਨਿਊਰਾਲਿੰਕ ਡਿਵਾਈਸ ਨੂੰ ਸੁਰੱਖਿਅਤ ਢੰਗ ਨਾਲ ਹਟਾਇਆ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਸਾਡੀ ਇਹ ਤਕਨੀਕ ਉਨ੍ਹਾਂ ਲੋਕਾਂ ਲਈ ਵਰਦਾਨ ਸਾਬਤ ਹੋਵੇਗੀ, ਜੋ ਰੀੜ੍ਹ ਦੀ ਹੱਡੀ ਦੀਆਂ ਸਮੱਸਿਆਵਾਂ ਜਿਵੇਂ ਕਿ ਟੈਟ੍ਰਾਪਲੇਜਿਕ, ਕਵਾਡ੍ਰੀਪਲੈਜਿਕ ਤੋਂ ਪੀੜ੍ਹਤ ਹਨ ਤੇ ਲੰਬੇ ਸਮੇਂ ਤੋਂ ਬਿਸਤਰ 'ਤੇ ਹਨ। ਮਸਕ ਨੇ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਸਾਨੂੰ ਅਗਲੇ ਸਾਲ ਐਫ.ਡੀ.ਏ ਤੋਂ ਵੀ ਇਸ ਲਈ ਮਨਜ਼ੂਰੀ ਮਿਲ ਜਾਵੇਗੀ। ਮੈਨੂੰ ਲੱਗਦਾ ਹੈ ਕਿ ਸਾਡੇ ਕੋਲ ਅਜਿਹੇ ਵਿਅਕਤੀ ਨੂੰ ਤਾਕਤ ਦੇਣ ਦਾ ਮੌਕਾ ਹੈ ਜੋ ਤੁਰ ਨਹੀਂ ਸਕਦਾ ਜਾਂ ਆਪਣੇ ਹੱਥਾਂ ਨਾਲ ਕੰਮ ਨਹੀਂ ਕਰ ਸਕਦਾ।
ਇਹ ਵੀ ਪੜ੍ਹੋ: Viral Video: ਔਰਤਾਂ ਮਿੰਨਤਾਂ ਕਰਦੀਆਂ ਰਹੀਆਂ, ਕਿਸੇ ਨੇ ਨਹੀਂ ਕੀਤੀ ਮਦਦ, ਚੋਰੀ ਦੇ ਦੋਸ਼ 'ਚ ਕੱਪੜੇ ਲਾਹ ਕੇ ਕੀਤੀ ਮਾਰਕੁੱਟ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
