ਸਾਵਧਾਨ ! FB, Insta ਤੇ Threads ਤੁਹਾਡੇ ਡੇਟਾ ਦਾ 86 ਪ੍ਰਤੀਸ਼ਤ ਤੀਜੀ ਧਿਰ ਨਾਲ ਕਰਦੇ ਨੇ ਸਾਂਝਾ, ਪੜ੍ਹੋ ਪੂਰੀ ਰਿਪੋਰਟ
Top invasive apps: ਰਿਪੋਰਟ ਦੇ ਅਨੁਸਾਰ, ਫੇਸਬੁੱਕ, ਇੰਸਟਾਗ੍ਰਾਮ, ਥ੍ਰੈਡਸ ਅਤੇ ਮੈਸੇਂਜਰ ਲਗਭਗ 86% ਨਿੱਜੀ ਡੇਟਾ ਇਕੱਤਰ ਕਰਦੇ ਹਨ ਅਤੇ ਫਿਰ ਇਸਨੂੰ ਤੀਜੀ ਧਿਰ ਨਾਲ ਸਾਂਝਾ ਕਰਦੇ ਹਨ।
ਮੇਟਾ ਦੇ ਸੋਸ਼ਲ ਮੀਡੀਆ ਐਪ ਪਲੇਟਫਾਰਮ ਤੋਂ ਲੋਕਾਂ ਦੇ ਨਿੱਜੀ ਡੇਟਾ ਨੂੰ ਤੀਜੀ ਧਿਰ ਨਾਲ ਸਾਂਝਾ ਕਰ ਰਹੇ ਹਨ। ਦ ਮਨੀ ਮੋਂਗਰਸ ਦੀ ਰਿਪੋਰਟ 'ਚ ਇਹ ਗੱਲ ਕਹੀ ਗਈ ਹੈ। ਅਧਿਐਨ ਦੇ ਅਨੁਸਾਰ, ਮੇਟਾ ਦੇ ਥ੍ਰੈਡਸ, ਫੇਸਬੁੱਕ, ਇੰਸਟਾਗ੍ਰਾਮ, ਮੈਸੇਂਜਰ ਤੋਂ 86% ਨਿੱਜੀ ਡੇਟਾ ਪਲੇਟਫਾਰਮ ਦੁਆਰਾ ਤੀਜੀ ਧਿਰ ਨਾਲ ਸਾਂਝਾ ਕੀਤਾ ਜਾਂਦਾ ਹੈ ਅਤੇ ਫਿਰ ਇਸ ਅਧਾਰ 'ਤੇ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਜਾਂਦਾ ਹੈ। ਇਹ ਅਧਿਐਨ ਮਨੀ ਮੋਂਗਰਸ ਦੁਆਰਾ ਐਪਲ ਐਪ ਸਟੋਰ ਤੋਂ 100 ਸਭ ਤੋਂ ਵੱਧ ਡਾਊਨਲੋਡ ਕੀਤੇ ਗਏ ਐਪਸ 'ਤੇ ਕੀਤਾ ਗਿਆ ਸੀ।
The Money Mongers ਦੀ ਰਿਪੋਰਟ ਮੁਤਾਬਕ, Meta's Threads ਐਪ, ਜਿਸ ਨੂੰ ਕੰਪਨੀ ਨੇ ਟਵਿੱਟਰ ਦਾ ਬਦਲ ਦੱਸਿਆ ਹੈ, ਟਵਿੱਟਰ ਦੇ ਮੁਕਾਬਲੇ 72% ਜ਼ਿਆਦਾ ਨਿੱਜੀ ਡਾਟਾ ਇਕੱਠਾ ਕਰਦੀ ਹੈ। ਅਧਿਐਨ 'ਚ 5 ਅਜਿਹੀਆਂ ਐਪਾਂ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ ਜੋ ਯੂਜ਼ਰਸ ਦਾ ਸਭ ਤੋਂ ਜ਼ਿਆਦਾ ਡਾਟਾ ਇਕੱਠਾ ਕਰ ਰਹੀਆਂ ਹਨ, ਇਨ੍ਹਾਂ 'ਚ ਥ੍ਰੈਡਸ, ਇੰਸਟਾਗ੍ਰਾਮ, ਫੇਸਬੁੱਕ, ਮੈਸੇਂਜਰ ਅਤੇ ਲਿੰਕਡਇਨ ਸ਼ਾਮਲ ਹਨ। ਇਹ ਸਾਰੀਆਂ ਐਪਸ ਤੀਜੀ ਧਿਰ ਨਾਲ 82% ਡਾਟਾ ਸਾਂਝਾ ਕਰ ਰਹੀਆਂ ਹਨ।
ਮੇਟਾ ਨੇ ਥ੍ਰੈਡਸ ਐਪ ਨੂੰ ਜੁਲਾਈ 'ਚ ਲਾਂਚ ਕੀਤਾ ਸੀ। ਇੱਕ ਹਫ਼ਤੇ ਵਿੱਚ ਹੀ ਇਸ ਐਪ ਨੇ 100 ਮਿਲੀਅਨ ਦਾ ਟ੍ਰੈਫਿਕ ਪਾਰ ਕਰ ਲਿਆ ਸੀ। ਹਾਲਾਂਕਿ, ਬਾਅਦ ਵਿੱਚ ਇਸਦਾ ਯੂਜ਼ਰਬੇਸ 80% ਤੱਕ ਪਹੁੰਚ ਗਿਆ। ਹੁਣ ਕੰਪਨੀ ਗਾਹਕਾਂ ਨੂੰ ਵਾਪਸ ਲਿਆਉਣ ਲਈ ਪਲੇਟਫਾਰਮ 'ਤੇ ਨਵੇਂ ਫੀਚਰਸ ਪੇਸ਼ ਕਰ ਰਹੀ ਹੈ।
ਡਾਟਾ ਇਕੱਠਾ ਕਰ ਰਹੀਆਂ ਹਨ 10 ਵਿੱਚੋਂ 7 ਐਪਸ
ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਇਨ੍ਹਾਂ ਸਾਰੀਆਂ ਐਪਸ 'ਚੋਂ 51 ਫੀਸਦੀ ਐਪਸ ਯੂਜ਼ਰਸ ਦਾ ਡਾਟਾ ਤੀਜੀ ਧਿਰ ਨਾਲ ਸ਼ੇਅਰ ਕਰਦੀਆਂ ਹਨ ਜਦਕਿ 72 ਫੀਸਦੀ ਡਾਟਾ ਕੰਪਨੀ ਆਪਣੇ ਫਾਇਦੇ ਲਈ ਰੱਖਦੀ ਹੈ। ਨਾਲ ਹੀ, ਹਰ 10 ਵਿੱਚੋਂ 7 ਐਪਸ ਯੂਜ਼ਰਸ ਦਾ ਡਾਟਾ ਇਕੱਠਾ ਕਰਦੇ ਹਨ। ਇੱਥੋਂ ਤੱਕ ਕਿ 64% ਐਪਸ ਅਜਿਹੇ ਹਨ ਜੋ ਉਪਭੋਗਤਾਵਾਂ ਦੀ ਨਿੱਜੀ ਜਾਣਕਾਰੀ ਜਿਵੇਂ ਕਿ ਸੰਪਰਕ ਨੰਬਰ ਆਦਿ ਨੂੰ ਤੀਜੀ ਧਿਰ ਨਾਲ ਸਾਂਝਾ ਕਰਦੇ ਹਨ।
The Money Mongers ਦੀ ਰਿਪੋਰਟ ਇਹ ਵੀ ਦੱਸਦੀ ਹੈ ਕਿ ਇਹ ਐਪਸ ਡਾਟਾ ਕਿਵੇਂ ਇਕੱਠਾ ਕਰਦੇ ਹਨ। ਇੱਕ ਆਈਫੋਨ ਡਿਵੈਲਪਰ ਮੁੱਖ ਤੌਰ 'ਤੇ ਦੋ ਫਾਰਮੈਟਾਂ ਵਿੱਚ ਡੇਟਾ ਇਕੱਠਾ ਕਰਦਾ ਹੈ ਜਿਸ ਵਿੱਚ ਤੀਜੀ ਧਿਰ ਦੀ ਇਸ਼ਤਿਹਾਰਬਾਜ਼ੀ ਅਤੇ ਮਾਰਕੀਟਿੰਗ ਸ਼ਾਮਲ ਹੁੰਦੀ ਹੈ। ਜ਼ਿਆਦਾਤਰ ਡਿਵੈਲਪਰ ਸੰਪਰਕ ਜਾਣਕਾਰੀ ਇਕੱਠੀ ਕਰਦੇ ਹਨ। ਇਸੇ ਤਰ੍ਹਾਂ ਉਪਭੋਗਤਾਵਾਂ ਦੀ ਸਥਿਤੀ, ਸਮੱਗਰੀ, ਸਿਹਤ ਅਤੇ ਤੰਦਰੁਸਤੀ ਸਮੇਤ ਵਿੱਤੀ ਜਾਣਕਾਰੀ ਵੀ ਇਕੱਠੀ ਕੀਤੀ ਜਾਂਦੀ ਹੈ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
