ਹੁਣ ਹਰੇਕ ਦੀ ਜੇਬ 'ਚ ਹੋਵੇਗਾ 5ਜੀ ਨੈੱਟਵਰਕ, Realme ਸਮੇਤ ਇਨ੍ਹਾਂ ਕੰਪਨੀਆਂ ਨੇ ਲਾਂਚ ਕੀਤੇ 5ਜੀ ਫੋਨ
ਤਕਨਾਲੋਜੀ ਦੀ ਦੁਨੀਆ ਬਹੁਤ ਤੇਜ਼ੀ ਨਾਲ ਅੱਗੇ ਵਧ ਰਹੀ ਹੈ। ਅਜਿਹੇ 'ਚ ਹਰ ਕੋਈ ਕੁਦ ਨੂੰ ਸਮੇਂ ਮੁਤਾਬਕ ਅੱਗੇ ਵਧਾਉਣ 'ਚ ਲੱਗਿਆ ਹੋਇਆ ਹੈ। ਇਸ ਦੇ ਨਾਲ ਹੀ ਭਾਰਤ 'ਚ ਵੀ ਹੁਣ ਜਲਦੀ ਹੀ 5ਜੀ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ ਜਿਸ ਲਈ ਕਈ ਕੰਪਨੀਆਂ ਨੇ ਪਹਿਲਾਂ ਹੀ ਤਿਆਰੀ ਕਰ ਬਾਜ਼ਾਰ 'ਚ 5G ਸਮਾਰਟਫੋਨ ਪੇਸ਼ ਕੀਤੇ ਹਨ।
ਨਵੀਂ ਦਿੱਲੀ: ਆਏ ਦਿਨ ਬਦਲ ਰਹੀ ਤਕਨੀਕ ਦੇ ਨਾਲ ਅਸੀਂ ਅੱਜ ਉਹ ਸਾਰੇ ਕੰਮ ਕਰ ਸਕਦੇ ਹਾਂ ਜਿਸ ਬਾਰੇ ਅਸੀਂ ਕਦੇ ਸੋਚਿਆ ਵੀ ਨਹੀਂ ਸੀ। ਇਸੇ ਤਰ੍ਹਾਂ ਵਾਇਰਲੈੱਸ ਮੋਬਾਈਲ ਤੋਂ ਬਾਅਦ ਦੂਰ ਸੰਚਾਰ ਟੈਕਨਾਲੋਜੀ ਨੇ ਲੋਕਾਂ ਦੀ ਜ਼ਿੰਦਗੀ ਵੀ ਤੇਜ਼ੀ ਨਾਲ ਬਦਲ ਦਿੱਤੀ। 3 ਜੀ ਤੋਂ 4 ਜੀ ਸੇਵਾ ਸ਼ੁਰੂ ਹੋਣ ਨਾਲ ਲੋਕਾਂ ਦੀ ਜ਼ਿੰਦਗੀ ਪੂਰੀ ਤਰ੍ਹਾਂ ਬਦਲ ਗਈ, ਪਰ ਹੁਣ ਬਾਰੀ ਹੈ 5ਜੀ ਟੈਕਨੋਲੋਜੀ ਦੀ।
ਦੱਸ ਦਈਏ ਕਿ ਹੁਣ ਤਕ 5ਜੀ ਸੇਵਾ ਕਈ ਦੇਸ਼ਾਂ ਵਿਚ ਸ਼ੁਰੂ ਹੋ ਗਈ ਹੈ। ਭਾਰਤ ਇਸ ਲਈ ਆਪਣੀਆਂ ਤਿਆਰੀਆਂ ਵੀ ਪੂਰਾ ਕਰ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਸਾਲ ਦੇ ਅੰਤ ਤੱਕ ਭਾਰਤ ਦੇ ਕੁਝ ਹਿੱਸਿਆਂ ਵਿੱਚ 5 ਜੀ ਸੇਵਾ ਸ਼ੁਰੂ ਕੀਤੀ ਜਾਏਗੀ। ਇਸ ਦੇ ਮੱਦੇਨਜ਼ਰ ਅੱਜ ਲਗਪਗ ਸਾਰੇ ਫੋਨਾਂ ਵਿੱਚ 5ਜੀ ਟੈਕਨਾਲੋਜੀ ਦਿੱਤੀ ਜਾ ਰਹੀ ਹੈ। ਰੀਅਲਮੀ ਤੋਂ ਓਪੋ ਤੱਕ ਕਈ ਕੰਪਨੀਆਂ ਆਪਣੇ 5ਜੀ ਸਮਾਰਟਫੋਨ ਲਾਂਚ ਕਰ ਰਹੀਆਂ ਹਨ। ਆਓ ਇਨ੍ਹਾਂ ਕੰਪਨੀਂ ਦੇ 5G ਸਮਾਰਟਫੋਨਾਂ 'ਤੇ ਇੱਕ ਨਜ਼ਰ ਮਾਰੀਏ।
Realme X7 Pro 5G- ਇਸ ਦੀ ਸ਼ੁਰੂਆਤ realme X7 Pro 5G ਨਾਲ ਸ਼ੁਰੂ ਹੋ ਗਈ ਹੈ। ਇਹ ਫੋਨ ਭਾਰਤ ਦਾ ਪਹਿਲਾ ਫੋਨ ਹੈ ਜਿਸ ਵਿੱਚ ਮੀਡੀਆਟੈਕ ਡਾਈਮੈਂਸ਼ਨ 1000+ ਚਿੱਪਸੈੱਟ ਦਿੱਤਾ ਗਿਆ ਹੈ। ਇਹ ਫੋਨ 6.5 ਇੰਚ 120 ਸੁਪਰ AMOLED ਸਕ੍ਰੀਨ, 64MP IMX-686 ਕੁਆਡ ਕੈਮਰਾ ਸੈੱਟ-ਅਪ ਅਤੇ 65W SuperDart ਚਾਰਜਰ ਦੇ ਨਾਲ ਆਉਂਦਾ ਹੈ। ਇਸ ਫੋਨ 'ਚ ਤੁਹਾਨੂੰ 4500mAh ਦੀ ਬੈਟਰੀ ਮਿਲੇਗੀ। ਇਹ ਰੀਅਲਮੀ ਦਾ ਮਿਡ ਰੇਂਜ ਸਮਾਰਟਫੋਨ ਹੈ ਜਿਸ ਦੀ ਕੀਮਤ 29,999 ਹਜ਼ਾਰ ਰੁਪਏ ਹੈ।
Moto G 5G- ਮੋਟੋਰੋਲਾ ਦਾ Moto G 5G ਵੀ ਚੰਗਾ ਬਜਟ ਫੋਨ ਹੈ। ਇਸ ਫੋਨ 'ਚ 6 ਜੀਬੀ ਰੈਮ ਅਤੇ 128 ਜੀਬੀ ਸਟੋਰੇਜ ਹੈ। ਇਸ ਫੋਨ 'ਚ 6.67 ਇੰਚ ਦੀ ਫੁੱਲ HD+ LCD IPS HDR10 ਮੈਕਸ ਵਿਜ਼ਨ ਡਿਸਪਲੇਅ ਹੈ। ਫੋਨ 'ਚ ਆਕਟਾ-ਕੋਰ ਕੁਆਲਕਾਮ ਸਨੈਪਡ੍ਰੈਗਨ 750 ਜੀ ਪ੍ਰੋਸੈਸਰ ਹੈ। ਇਸ ਦੇ ਨਾਲ ਫੋਨ 'ਚ 5000 mAh ਦੀ ਬੈਟਰੀ ਦਿੱਤੀ ਗਈ ਹੈ। ਫੋਨ ਵਿੱਚ 48MP ਦਾ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੈ। ਫੋਨ ਦੀ ਕੀਮਤ 20,999 ਰੁਪਏ ਹੈ।
Vivo V20 Pro- ਮਿਡ ਰੇਂਜ ਵਿਚ ਇਹ ਇੱਕ ਵਧੀਆ ਫੋਨ ਹੈ। ਇਸ ਦੀ ਕੀਮਤ 29,990 ਰੁਪਏ ਹੈ। ਫੋਨ 'ਚ ਤੁਹਾਨੂੰ ਸਿੰਗਲ ਵੇਰੀਐਂਟ 8 ਜੀਬੀ ਰੈਮ ਤੇ 128 ਜੀਬੀ ਸਟੋਰੇਜ ਦਾ ਆਪਸ਼ਨ ਮਿਲੇਗਾ। ਫੋਨ 'ਚ 6.44 ਇੰਚ ਦੀ ਫੁੱਲ ਐਚਡੀ + ਐਮੋਲੇਡ ਡਿਸਪਲੇਅ ਹੈ ਜੋ ਕਿ ਕੁਆਲਕਾਮ ਸਨੈਪਡ੍ਰੈਗਨ 765 ਜੀ ਪ੍ਰੋਸੈਸਰ ਅਤੇ ਐਂਡਰਾਇਡ 11' ਤੇ ਕੰਮ ਕਰਦੀ ਹੈ। ਇਸ 'ਚ 4000 mAh ਦੀ ਬੈਟਰੀ ਅਤੇ 64 ਮੈਗਾਪਿਕਸਲ ਦਾ ਟ੍ਰਿਪਲ ਕੈਮਰਾ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ: Panchayat Election in Haryana: ਕਿਸਾਨ ਅੰਦੋਲਨ ਤੋਂ ਘਬਰਾਈ ਸਰਕਾਰ, ਪੰਚਾਇਤ ਚੋਣਾਂ ਨਹੀਂ ਹੋਣਗੀਆਂ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
