OnePlus 9 Series Launch: ਭਾਰਤ 'ਚ ਲਾਂਚ ਹੋਈ ਵਨਪਲੱਸ 9 ਸੀਰੀਜ਼, ਜਾਣੋ ਸਮਾਰਟਫ਼ੋਨ ਦੀ ਖ਼ਾਸੀਅਤ
ਵਨਪਲੱਸ ਨੇ ਆਪਣੇ ਲਾਈਵ ਇਵੈਂਟ 'ਚ ਆਪਣੀ ਪਹਿਲੀ ਘੜੀ OnePlus Watch ਵੀ ਪੇਸ਼ ਕੀਤੀ ਹੈ। ਤੁਸੀਂ ਇਸ ਘੜੀ ਨੂੰ OnePlus TV ਨਾਲ ਵੀ ਜੋੜ ਸਕਦੇ ਹੋ।
ਨਵੀਂ ਦਿੱਲੀ: ਲੰਬੇ ਇੰਤਜ਼ਾਰ ਤੋਂ ਬਾਅਦ ਆਖ਼ਰਕਾਰ OnePlus 9 ਸੀਰੀਜ਼ ਗਲੋਬਲ ਮਾਰਕੀਟ 'ਚ ਲਾਂਚ ਕਰ ਦਿੱਤੀ ਗਈ ਹੈ। ਕੰਪਨੀ ਨੇ ਆਪਣੇ ਲਾਈਵ ਈਵੈਂਟ 'ਚ ਇਸ ਸੀਰੀਜ਼ ਤਹਿਤ OnePlus 9, OnePlus 9 Pro ਅਤੇ OnePlus 9R ਨੂੰ ਲਾਂਚ ਕੀਤਾ ਹੈ। ਇਨ੍ਹਾਂ ਸਮਾਰਟਫ਼ੋਨ ਤੋਂ ਇਲਾਵਾ ਕੰਪਨੀ ਨੇ ਆਪਣੀ ਪਹਿਲੀ ਵਨਪਲੱਸ ਵਾਚ ਵੀ ਪੇਸ਼ ਕੀਤੀ ਹੈ। ਇਹ ਘੜੀ OnePlus TV ਨਾਲ ਵੀ ਕਨੈਕਟ ਕੀਤੀ ਜਾ ਸਕਦੀ ਹੈ, ਜਿਸ ਨਾਲ ਟੀਵੀ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।
OnePlus 9 ਦੀ ਖ਼ਾਸੀਅਤ
OnePlus 9 'ਚ 6.55 ਇੰਚ ਦੀ ਫੁੱਲ ਐਚਡੀ+Fluid AMOLED ਡਿਸਪਲੇਅ ਹੈ, ਜਿਸ ਦਾ ਰੈਜ਼ੋਲਿਊਸ਼ਨ 2400x1080 ਪਿਕਸਲ ਹੈ। ਪ੍ਰੋਟੈਕਸ਼ਨ ਲਈ ਇਸ 'ਚ ਕਾਰਨਿੰਗ ਗੋਰਿਲਾ ਗਲਾਸ ਦਿੱਤਾ ਗਿਆ ਹੈ। ਪਰਫ਼ਾਰਮੈਂਸ ਲਈ ਇਸ 'ਚ ਕਵਾਲਕੈਮ ਸਨੈਪਡ੍ਰੈਗਨ 888 ਪ੍ਰੋਸੈਸਰ ਦੀ ਵਰਤੋਂ ਕੀਤੀ ਗਈ ਹੈ। ਇਸ 'ਚ 12 ਜੀਬੀ ਰੈਮ ਤੇ 256 ਜੀਬੀ ਇੰਟਰਨਲ ਸਟੋਰੇਜ਼ ਹੈ। ਇਹ ਫ਼ੋਨ ਬਾਜ਼ਾਰ 'ਚ 5ਜੀ ਕਨੈਕਟੀਵਿਟੀ ਸਪੋਰਟ ਨਾਲ ਲਾਂਚ ਕੀਤਾ ਗਿਆ ਹੈ। OnePlus 9 ਦੇ 8 ਜੀਬੀ+128 ਜੀਬੀ ਵੇਰੀਐਂਟ ਦੀ ਕੀਮਤ 49,999 ਰੁਪਏ ਰੱਖੀ ਗਈ ਹੈ। ਜਦਕਿ ਇਸ ਦੇ 12 ਜੀ.ਬੀ+256 ਜੀਬੀ ਵੇਰੀਐਂਟ ਦੀ ਕੀਮਤ 54,999 ਰੁਪਏ ਤੈਅ ਕੀਤੀ ਗਈ ਹੈ।
OnePlus 9R ਦੀ ਖ਼ਾਸੀਅਤ
OnePlus 9R 'ਚ 6.55 ਇੰਚ ਦੀ ਫੁੱਲ ਐਚਡੀ+Fluid AMOLED ਡਿਸਪਲੇਅ ਹੈ, ਜਿਸ ਦਾ ਰੈਜ਼ੋਲਿਊਸ਼ਨ 1920x1080 ਪਿਕਸਲ ਹੈ। ਫ਼ੋਨ Android v11 ਆਪ੍ਰੇਟਿੰਗ ਸਿਸਟਮ 'ਤੇ ਕੰਮ ਕਰਦਾ ਹੈ। ਇਹ ਫ਼ੋਨ ਕਵਾਲਕੈਮ ਸਨੈਪਡ੍ਰੈਗਨ 870 ਪ੍ਰੋਸੈਸਰ ਨਾਲ ਲੈਸ ਹੈ। ਇਸ ਨੂੰ 5ਜੀ ਕਨੈਕਟੀਵਿਟੀ ਨਾਲ ਲਾਂਚ ਕੀਤਾ ਗਿਆ ਹੈ। ਇਸ ਦੇ 8 ਜੀਬੀ ਰੈਮ+128 ਜੀਬੀ ਇੰਟਰਨਲ ਸਟੋਰੇਜ਼ ਵੇਰੀਐਂਟ ਦੀ ਕੀਮਤ 39,999 ਰੁਪਏ ਰੱਖੀ ਗਈ ਹੈ। ਇਸ ਦੇ ਨਾਲ ਹੀ ਇਸ ਦੇ 12 ਜੀਬੀ ਰੈਮ+256 ਜੀਬੀ ਇੰਟਰਨਲ ਸਟੋਰੇਜ਼ ਵੇਰੀਐਂਟ ਲਈ ਤੁਹਾਨੂੰ 43,999 ਰੁਪਏ ਦਾ ਭੁਗਤਾਨ ਕਰਨਾ ਪਵੇਗਾ।
OnePlus 9 Pro ਦੀ ਖ਼ਾਸੀਅਤ
OnePlus 9 Pro 'ਚ 6.7 ਇੰਚ ਦੀ QHD+ AMOLED ਡਿਸਪਲੇਅ ਹੈ, ਜਿਸ ਦਾ ਰੈਜ਼ੋਲਿਊਸ਼ਨ 1440x3216 ਪਿਕਸਲ ਹੈ। ਇਸ ਫ਼ੋਨ ਦੇ ਪੰਚ-ਹੋਲ ਡਿਜ਼ਾਈਨ 'ਚ ਪਤਲੇ ਬੇਜ਼ਲ ਦਿੱਤੇ ਗਏ ਹਨ। ਫ਼ੋਨ ਐਂਡਰੌਇਡ 11 ਆਪ੍ਰੇਟਿੰਗ ਸਿਸਟਮ ਦੇ ਅਧਾਰ 'ਤੇ Oxygen OS 11 'ਤੇ ਕੰਮ ਕਰਦਾ ਹੈ। ਇਹ ਫ਼ੋਨ ਆਕਟਾ-ਕੋਰ ਸਨੈਪਡ੍ਰੈਗਨ 888 ਪ੍ਰੋਸੈਸਰ ਨਾਲ ਲੈਸ ਹੈ। ਇਸ 'ਚ 12 ਜੀਬੀ ਰੈਮ ਅਤੇ 256 ਜੀਬੀ ਇੰਟਰਨਲ ਸਟੋਰੇਜ਼ ਹੈ। ਇਹ ਫ਼ੋਨ Carbon Black ਅਤੇ Lake Blue ਕਲਰ 'ਚ ਉਪਲੱਬਧ ਹੈ।
ਕੈਮਰਾ
ਫੋਟੋਗ੍ਰਾਫ਼ੀ ਦੀ ਗੱਲ ਕਰੀਏ ਤਾਂ OnePlus 9 Pro 'ਚ ਕਵਾਡ ਕੈਮਰਾ ਸੈੱਟਅਪ ਦਿੱਤਾ ਗਿਆ ਹੈ। ਇਸ 'ਚ 48 ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ, 50 ਮੈਗਾਪਿਕਸਲ ਦਾ ਡਿਸਟਾਰਸ਼ਨ ਫ਼ਰੀ ਅਲਟਰਾ-ਵਾਈਡ ਲੈਂਜ਼, 8 ਮੈਗਾਪਿਕਸਲ ਦਾ ਟੈਲੀਫ਼ੋਟੋ ਕੈਮਰਾ ਅਤੇ 2 ਮੈਗਾਪਿਕਸਲ ਦਾ ਡੈਪਥ ਸੈਂਸਰ ਦਿੱਤਾ ਜਾ ਸਕਦਾ ਹੈ। ਸੈਲਫੀ ਤੇ ਵੀਡੀਓ ਕਾਲਿੰਗ ਲਈ ਫ਼ੋਨ 'ਚ 16 ਮੈਗਾਪਿਕਸਲ ਦਾ ਕੈਮਰਾ ਹੈ।
ਬੈਟਰੀ ਤੇ ਕੀਮਤ
ਪਾਵਰ ਲਈ OnePlus 9 Pro 'ਚ 4500mAh ਦੀ ਬੈਟਰੀ ਹੈ, ਜੋ ਕਿ 65 ਰੈਪ ਚਾਰਜਿੰਗ ਸਪੋਰਟ ਨਾਲ ਆਉਂਦੀ ਹੈ। ਇਸ 'ਚ ਬਾਇਓਮੈਟ੍ਰਿਕ ਸੁਰੱਖਿਆ ਲਈ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ ਵੀ ਹੈ। ਇਹ ਫ਼ੋਨ Winter Mist, Astral Black ਅਤੇ Arctic Sky ਕਲਰ ਆਪਸ਼ਨਜ਼ 'ਚ ਉਪਲਬਧ ਹੈ। OnePlus 9 Pro ਦੀ 8 ਜੀਬੀ ਰੈਮ+128 ਜੀਬੀ ਸਟੋਰੇਜ਼ ਵੇਰੀਐਂਟ ਦੀ ਕੀਮਤ 64,999 ਰੁਪਏ ਹੈ। ਇਸ ਦੇ ਨਾਲ ਹੀ ਇਸ ਦੇ 12 ਜੀਬੀ ਰੈਮ+256 ਜੀਬੀ ਇੰਟਰਨਲ ਸਟੋਰੇਜ਼ ਮਾਡਲ ਦੀ ਕੀਮਤ 69,999 ਰੁਪਏ ਰੱਖੀ ਗਈ ਹੈ।
OnePlus Watch
ਵਨਪਲੱਸ ਨੇ ਆਪਣੇ ਲਾਈਵ ਇਵੈਂਟ 'ਚ ਆਪਣੀ ਪਹਿਲੀ ਘੜੀ OnePlus Watch ਵੀ ਪੇਸ਼ ਕੀਤੀ ਹੈ। ਤੁਸੀਂ ਇਸ ਘੜੀ ਨੂੰ OnePlus TV ਨਾਲ ਵੀ ਜੋੜ ਸਕਦੇ ਹੋ। ਇਸ ਘੜੀ 'ਚ 110 ਤੋਂ ਵੱਧ ਵਰਕਆਊਟ ਮੋਡ ਉਪਲੱਬਧ ਹਨ। ਇਸ 'ਚ ਹੈਂਡਸ ਫ੍ਰੀ ਕਾਲਾਂ ਵੀ ਕੀਤੀਆਂ ਜਾ ਸਕਦੀਆਂ ਹਨ।
OnePlus Watch ਦੀਆਂ ਵਿਸ਼ੇਸ਼ਤਾਵਾਂ
OnePlus ਦੀ ਇਸ ਘੜੀ 'ਚ 1.39 ਇੰਚ ਦੀ HD AMOLED ਡਿਸਪਲੇਅ ਹੈ, ਜਿਸ ਦੀ ਸਕ੍ਰੀਨ ਰੈਜ਼ੋਲਿਊਸ਼ਨ 454x454 ਪਿਕਸਲ ਹੈ। ਇਸ ਦਾ ਆਕਾਰ 44mm ਅਤੇ ਗੋਲ ਡਾਇਲ ਸ਼ੇਪ 'ਚ ਹੈ। ਪਾਵਰ ਲਈ ਇਸ ਘੜੀ 'ਚ 402mAh ਦੀ ਬੈਟਰੀ ਹੈ। ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਘੜੀ ਸਿੰਗਲ ਚਾਰਜ 'ਤੇ ਪੰਜ ਦਿਨ ਚੱਲੇਗੀ। ਵਨਪਲੱਸ ਦੀ ਇਸ ਘੜੀ 'ਚ 4 ਜੀਬੀ ਦੀ ਇੰਟਰਨਲ ਸਟੋਰੇਜ਼ ਹੈ। ਇਸ ਦੀ ਘੜੀ ਦੀ ਕੀਮਤ 16,999 ਰੁਪਏ ਰੱਖੀ ਗਈ ਹੈ। ਇਹ ਘੜੀ ਮੂਨਲਾਈਟ ਸਿਲਵਰ ਅਤੇ ਮਿਡਨਾਈਟ ਬਲੈਕ ਕਲਰ ਆਪਸ਼ਨਾਂ 'ਚ ਉਪਲੱਬਧ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਨਾਲ ਕੁਦਰਤ ਵੀ ਰੁੱਸੀ! ਉੱਤਰ-ਪੱਛਮੀ ਭਾਰਤ 'ਚ ਆਮ ਨਾਲ 66% ਘੱਟ ਬਾਰਸ਼
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
