Xiaomi Mi Band 6: Xiaomi ਦਾ 14 ਦਿਨਾਂ ਚੱਲਣ ਵਾਲਾ Mi Smart Band 6 ਲਾਂਚ, ਘੱਟ ਕੀਮਤ 'ਚ ਮਿਲਣਗੇ ਸ਼ਾਨਦਾਰ ਫੀਚਰਰਸ

Xiaomi ਨੇ ਚੀਨ ਅਤੇ ਕਈ ਗਲੋਬਲ ਬਾਜ਼ਾਰਾਂ ਵਿੱਚ Mi Band 5 ਦਾ ਅਪਗ੍ਰੇਡਡ ਵਰਜ਼ਨ Mi Band 6 ਲਾਂਚ ਕੀਤਾ ਹੈ। ਦੋਵਾਂ ਬੈਂਡਾਂ ਵਿੱਚ ਵਾਚ ਫੇਸ, NFC, AI ਵਰਗੇ ਫੀਚਰਸ ਨੂੰ ਛੱਡ ਕੇ, ਹੋਰ ਉਪ-ਫੀਚਰਸ ਜਿਵੇਂ AMOLED ਡਿਸਪਲੇਅ ਅਤੇ ਬਲੱਡ ਆਕਸੀਜਨ ਮੇਜਰ ਆਦਿ ਸ਼ਾਮਲ ਹਨ। ਆਓ ਅਸੀਂ ਤੁਹਾਨੂੰMi Smart Band 6 ਦੀ ਕੀਮਤ ਅਤੇ ਫੀਚਰਸ ਬਾਰੇ ਜਾਣਕਾਰੀ ਦਈਏ:

Written By : ਏਬੀਪੀ ਸਾਂਝਾ | Updated at : 30 Mar 2021 06:02 PM (IST)

Xiaomi_Mi_Band_6

ਨਵੀਂ ਦਿੱਲੀ: Xiaomi ਨੇ ਆਪਣਾ Mi 11-Series ਸਮਾਰਟਫੋਨ ਦੇ ਨਾਲ ਚੀਨ ਦੇ ਘਰੇਲੂ ਬਜ਼ਾਰ ਵਿੱਚ Mi Band 6 ਨੂੰ ਲਾਂਚ ਕੀਤਾ ਹੈ। Mi Band 6 ਕੰਪਨੀ ਦਾ 5th ਜਨਰੇਸ਼ਨ ਫਿਟਨੈਸ ਟ੍ਰੇਕਰ ਹੈ। ਸ਼ੀਓਮੀ ਨੇMi Band4 ਨੂੰ ਲਾਂਚ ਨਹੀਂ ਕੀਤਾ ਅਤੇ Mi Band 5 ਨੂੰ ਸਿੱਧੇ ਬਾਜ਼ਾਰ ਵਿੱਚ ਲਾਂਚ ਕੀਤਾ ਸੀ।

ਸ਼ੀਓਮੀ ਦੇ ਨਵਾਂ ਫਿਟਨੈਸ ਟ੍ਰੈਕਰ ਵੱਡੀ ਅਤੇ ਸ਼ਾਰਪ ਡਿਸਪਲੇ, ਬਿਹਤਰ ਫਿਟਨੈਸ ਟ੍ਰੈਕਿੰਗ ਸੈਂਸਰ ਅਤੇ ਵੱਡੀ ਬੈਟਰੀ ਨਾਲ ਪੇਸ਼ ਕੀਤਾ ਗਿਆ ਹੈ। ਇੱਥੇ ਅਸੀਂ ਤੁਹਾਨੂੰ ਸ਼ੀਓਮੀ ਦੇ ਨਵੀਨਤਮ ਫਿਟਨੈਸ ਟ੍ਰੇਕਰ ਦੇ ਫੀਚਰਸ ਅਤੇ ਕੀਮਤ ਬਾਰੇ ਦੱਸ ਰਹੇ ਹਾਂ।

ਸ਼ੀਓਮੀ ਮੀ ਬੈਂਡ 6 ਕੀਮਤ (Xiaomi Mi Band 6 Price)

Xiaomi Mi Band 6 ਨੂੰ ਦੋ ਵੈਰਿਅੰਟ 'ਚ ਚੀਨ 'ਚ ਲਾਂਚ ਕੀਤਾ ਗਿਆ ਹੈ। ਇਸ ਫਿਟਨੈਸ ਟ੍ਰੈਕਰ ਦਾ ਨੌਨ- NFC ਵੇਰੀਐਂਟ 229 CNY (ਲਗਪਗ 2500 ਰੁਪਏ) ਦੀ ਕੀਮਤ 'ਤੇ ਪੇਸ਼ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ, ਐਨਐਫਸੀ ਵੇਰੀਐਂਟ ਨੂੰ 279 ਸੀਐਨਵਾਈ (ਲਗਪਗ 3,000 ਰੁਪਏ) ਦੀ ਕੀਮਤ 'ਤੇ ਪੇਸ਼ ਕੀਤਾ ਗਿਆ ਹੈ। ਇਹ ਫਿਟਨੈਸ ਡਿਵਾਈਸ 8 ਰੰਗਾਂ ਦੇ ਵਿਕਲਪਾਂ ਵਿੱਚ ਪੇਸ਼ ਕੀਤੀ ਗਈ ਹੈ - ਵ੍ਹਾਈਟ, ਬ੍ਰਾਊਨ, ਬਲੈਕ, ਬਲੂ, ਆਰੇਂਜ, ਯੈਲੋ, ਗ੍ਰੀਨ ਅਤੇ ਸਿਲਵਰ ਕਲਰ ਵੇਰੀਐਂਟ। ਸ਼ੀਓਮੀ ਨੇ ਫਿਲਹਾਲ ਮੀ ਬੈਂਡ 6 ਦੇ ਇੰਡੀਆ ਲਾਂਚ ਕਰਨ ਸਬੰਧੀ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ।

ਸ਼ੀਓਮੀ ਮੀ ਬੈਂਡ 6 ਸਪੈਸੀਫਿਕੇਸ਼ਨ (Xiaomi Mi Band 6 Specifications)

Xiaomi Mi Band 6 ਨੂੰ 1.56 ਇੰਚ ਕਲਰ AMOLED ਡਿਸਪਲੇਅ ਨਾਲ ਪੇਸ਼ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਕੰਪਨੀ ਨੇ Mi Band 5 'ਚ 1.1 ਇੰਚ ਦੀ ਡਿਸਪਲੇਅ ਦਿੱਤਾ ਸੀ। ਇਸ ਡਿਸਪਲੇਅ ਦਾ ਰੈਜ਼ੋਲਿਊਸ਼ਨ 360x152 ਪਿਕਸਲ ਹੈ। ਸ਼ੀਓਮੀ ਨੇ ਐਲਾਨ ਕੀਤਾ ਹੈ ਕਿ Mi Band 6 ' ਚ 130 watch faces ਦਾ ਸਪੋਰਟ ਮਿਲੇਗਾ। ਇਸਦੇ ਨਾਲ ਹੀ ਉਪਭੋਗਤਾ ਆਪਣੇ ਸਮਾਰਟਫੋਨ ਦੀ ਤਸਵੀਰ ਨੂੰ ਵਾਚ ਫੇਸ ਦੇ ਰੂਪ ਵਿੱਚ ਵੀ ਕਸਟਮਾਇਜ਼ ਕਰ ਸਕਦੇ ਹਨ।

Xiaomi Mi Band 6 'ਚSpO2 ਸੈਂਸਰ ਦਿੱਤਾ ਗਿਆ ਹੈ। SpO2 ਸੈਂਸਰ ਦੀ ਮਦਦ ਨਾਲ ਇਹ ਖੂਨ ਵਿਚ ਆਕਸੀਜਨ ਦੀ ਮਾਤਰਾ ਅਤੇ ਨੀਂਦ ਦੇ ਦੌਰਾਨ ਸਾਹ ਲੈਣ ਦੀ ਗੁਣਵਤਾ ਨੂੰ ਟ੍ਰੈਕ ਕਰਨ ਲਈ ਕੰਮ ਕਰਦਾ ਹੈ। Mi Band 6 ਵਿਚ 24 ਘੰਟੇ ਹਾਰਟ ਰੇਟ ਮਾਨੀਟਰਿੰਗ ਦਾ ਫੀਚਰ ਵੀ ਦਿੱਤਾ ਗਿਆ ਹੈ। ਇਸ ਫਿਟਨੈਸ ਟ੍ਰੈਕ 'ਚ ਸਲਾਈ ਟ੍ਰੈਕਰ ਵੀ ਦਿੱਤਾ ਗਿਆ ਹੈ। Mi Band 6 ਵਿੱਚ 15 ਨਵੇਂ ਐਕਸਰਸਾਈਜ਼ ਮੋਡ ਵੀ ਦਿੱਤੇ ਗਏ ਹਨ।

ਸ਼ੀਓਮੀ ਦਾ ਦਾਅਵਾ ਹੈ ਕਿ ਮੀ ਬੈਂਡ 6 ਮਜ਼ਬੂਤ ਬੈਟਰੀ ਲਾਈਫ ਦੀ ਪੇਸ਼ਕਸ਼ ਕਰਦਾ ਹੈ, ਜੋ ਇੱਕ ਚਾਰਜ 'ਚ 14 ਦਿਨਾਂ ਦਾ ਬੈਕਅਪ ਦਿੰਦਾ ਹੈ। ਇਸਦੇ ਨਾਲ ਹੀ ਇਹ ਪਾਵਰ ਸੇਵਿੰਗ ਮੋਡ ਵਿੱਚ 19 ਦਿਨਾਂ ਦਾ ਬੈਕਅਪ ਆਫਰ ਕਰਦਾ ਹੈ।