Security Updates: ਗੂਗਲ ਦਾ ਵੱਡਾ ਐਕਸ਼ਨ, ਕਬਾੜ ਬਣ ਜਾਣਗੇ ਕਰੋੜਾਂ ਸਮਾਰਟਫੋਨ
ਜੇਕਰ ਤੁਸੀਂ ਐਂਡਰਾਇਡ ਸਮਾਰਟਫੋਨ ਯੂਜ਼ਰ ਹੋ ਤਾਂ ਇਸ ਖ਼ਬਰ ਨੂੰ ਪੜ੍ਹ ਕੇ ਤੁਸੀਂ ਥੋੜ੍ਹਾ ਨਿਰਾਸ਼ ਹੋ ਸਕਦੇ ਹੋ। ਦਰਅਸਲ ਗੂਗਲ ਦੇ ਇੱਕ ਫੈਸਲੇ ਕਾਰਨ ਕਰੋੜਾਂ ਪੁਰਾਣੇ ਸਮਾਰਟਫੋਨ ਕਬਾੜ ਬਣਨ ਜਾ ਰਹੇ ਹਨ
Google security updates: ਜੇਕਰ ਤੁਸੀਂ ਐਂਡਰਾਇਡ ਸਮਾਰਟਫੋਨ ਯੂਜ਼ਰ ਹੋ ਤਾਂ ਇਸ ਖ਼ਬਰ ਨੂੰ ਪੜ੍ਹ ਕੇ ਤੁਸੀਂ ਥੋੜ੍ਹਾ ਨਿਰਾਸ਼ ਹੋ ਸਕਦੇ ਹੋ। ਦਰਅਸਲ ਗੂਗਲ ਦੇ ਇੱਕ ਫੈਸਲੇ ਕਾਰਨ ਕਰੋੜਾਂ ਪੁਰਾਣੇ ਸਮਾਰਟਫੋਨ ਕਬਾੜ ਬਣਨ ਜਾ ਰਹੇ ਹਨ। ਗੂਗਲ ਆਪਣੇ ਕੁਝ ਪੁਰਾਣੇ ਐਂਡਰਾਇਡ ਵਰਜ਼ਨ ਵਿੱਚ ਸੁਰੱਖਿਆ ਅਪਡੇਟਾਂ ਦੀ ਸਪੋਰਟ ਬੰਦ ਕਰਨ ਜਾ ਰਿਹਾ ਹੈ। ਸਭ ਤੋਂ ਵੱਡਾ ਝਟਕਾ ਐਂਡਰਾਇਡ 12 ਜਾਂ 12L ਓਪਰੇਟਿੰਗ ਸਿਸਟਮ ਲਈ ਹੈ। ਗੂਗਲ ਨੇ ਇਨ੍ਹਾਂ ਅਡੀਸ਼ਨਾਂ 'ਤੇ ਸੁਰੱਖਿਆ ਅਪਡੇਟ ਦੇਣਾ ਬੰਦ ਕਰ ਦਿੱਤਾ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਤੁਹਾਡੇ ਸਮਾਰਟਫੋਨ ਦੀ ਸੁਰੱਖਿਆ ਖਤਰੇ ਵਿੱਚ ਹੈ ਤੇ ਇਹ ਹੈਕਰਾਂ ਲਈ ਇੱਕ ਆਸਾਨ ਨਿਸ਼ਾਨਾ ਬਣ ਸਕਦਾ ਹੈ।
ਗੂਗਲ ਨੇ ਕਿਉਂ ਲਿਆ ਫੈਸਲਾ?
ਗੂਗਲ ਹਰੇਕ ਐਂਡਰਾਇਡ ਵਰਜ਼ਨ ਨੂੰ ਕੁਝ ਸਾਲਾਂ ਲਈ ਅਪਡੇਟ ਸਪੋਰਟ ਪ੍ਰਦਾਨ ਕਰਦਾ ਹੈ। ਆਮ ਤੌਰ 'ਤੇ ਇਹ ਸਮਾਂ 3 ਤੋਂ 4 ਸਾਲ ਹੁੰਦਾ ਹੈ। ਐਂਡਰਾਇਡ 12 ਤੇ 12L ਹੁਣ ਇਸ ਸੀਮਾ ਨੂੰ ਪਾਰ ਕਰ ਚੁੱਕੇ ਹਨ। ਇਸ ਲਈ ਗੂਗਲ ਹੁਣ ਇਨ੍ਹਾਂ ਵਰਜ਼ਨਾਂ ਲਈ ਸੁਰੱਖਿਆ ਅਪਡੇਟ ਭੇਜਣਾ ਬੰਦ ਕਰ ਰਿਹਾ ਹੈ।
ਕੀ ਪ੍ਰਭਾਵ ਪਵੇਗਾ?
1. ਸੁਰੱਖਿਆ ਅਪਡੇਟਸ ਨੂੰ ਰੋਕਣ ਦਾ ਮਤਲਬ ਹੈ ਕਿ ਫੋਨ ਦੀ ਸੁਰੱਖਿਆ ਘੱਟ ਜਾਵੇਗੀ।
2. ਫ਼ੋਨ ਵਿੱਚ ਬੱਗ ਵੱਧ ਸਕਦੇ ਹਨ, ਜੋ ਇਸ ਦੀ ਕਾਰਗੁਜ਼ਾਰੀ ਨੂੰ ਮੱਠਾ ਕਰ ਸਕਦੇ ਹਨ।
3. ਤੁਹਾਡਾ ਡੇਟਾ, ਪਾਸਵਰਡ, ਬੈਂਕਿੰਗ ਐਪਸ ਤੇ ਔਨਲਾਈਨ ਭੁਗਤਾਨ ਹੁਣ ਜੋਖਮ ਵਿੱਚ ਹੋ ਸਕਦੇ ਹਨ।
4. ਹੈਕਰ ਪੁਰਾਣੇ ਓਪਰੇਟਿੰਗ ਸਿਸਟਮਾਂ ਨੂੰ ਨਿਸ਼ਾਨਾ ਬਣਾਉਣਾ ਪਸੰਦ ਕਰਦੇ ਹਨ ਕਿਉਂਕਿ ਉਨ੍ਹਾਂ ਵਿੱਚ ਸੁਰੱਖਿਆ ਦੀ ਘਾਟ ਹੁੰਦੀ ਹੈ।
ਆਪਣੇ ਵਰਜਨ ਦੀ ਜਾਂਚ ਕਰੋ
ਜੇਕਰ ਤੁਸੀਂ ਐਂਡਰਾਇਡ 12 ਜਾਂ 12L 'ਤੇ ਚੱਲਣ ਵਾਲਾ ਫ਼ੋਨ ਵਰਤ ਰਹੇ ਹੋ, ਤਾਂ ਹੁਣੇ ਸੁਚੇਤ ਹੋ ਜਾਓ। ਹੋ ਸਕਦਾ ਹੈ ਕਿ ਤੁਹਾਡਾ ਡਿਵਾਈਸ ਹੁਣ ਨਵੇਂ ਅੱਪਡੇਟਾਂ ਲਈ ਯੋਗ ਨਾ ਰਹੇ। ਗੂਗਲ ਉਪਭੋਗਤਾਵਾਂ ਦੇ ਡਿਵਾਈਸਾਂ ਨੂੰ ਸੁਰੱਖਿਅਤ ਰੱਖਣ ਲਈ ਹਰ ਮਹੀਨੇ ਸੁਰੱਖਿਆ ਅਪਡੇਟ ਭੇਜਦਾ ਹੈ। ਇਹ ਅਪਡੇਟਸ ਫ਼ੋਨ ਨੂੰ ਵਾਇਰਸ, ਮਾਲਵੇਅਰ ਤੇ ਹੋਰ ਸਾਈਬਰ ਖਤਰਿਆਂ ਤੋਂ ਬਚਾਉਂਦੇ ਹਨ। ਜੇਕਰ ਅੱਪਡੇਟ ਪ੍ਰਾਪਤ ਨਹੀਂ ਹੁੰਦੇ, ਤਾਂ ਡਿਵਾਈਸ ਹੌਲੀ-ਹੌਲੀ ਕਮਜ਼ੋਰ ਹੋ ਜਾਂਦੀ ਹੈ ਤੇ ਤੁਹਾਡਾ ਨਿੱਜੀ ਡੇਟਾ ਜੋਖਮ ਵਿੱਚ ਆ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
